వన్డే వరల్డ్‌కప్‌-2023లో (World Cup) తాజాగా జరిగిన శ్రీలంక (Sri Lanka), బంగ్లాదేశ్ (Bangladesh) మ్యాచ్ లో జరిగిన సంఘటన రోజురోజుకు ముదురుతుంది. దిల్లీలోని అరుణ్ జైట్లీ స్టేడియం వేదికగా జరిగిన ఈ మ్యాచ్‌లో శ్రీలంక క్రికెటర్‌ ఏంజెలో మాథ్యూస్‌ అనూహ్య రీతిలో అవుటైన విషయం తెలిసిందే. ఈ క్రమంలో మాథ్యూస్‌ సోదరుడు.. బంగ్లాదేశ్ కెప్టెన్ షకీబ్ అల్ హసన్పై వివాదాస్పద వ్యాఖ్యలు చేశాడు.
శ్రీలంక- బంగ్లాదేశ్ మ్యాచ్‌లో ఏంజెలో మ్యాథ్యూస్ ( Angelo Mathews) టైమ్డ్ ఔట్ (timed out) అవ్వగా ఇది కాస్త వివాదాస్పదంగా మారింది. ఇప్పటికే ఈ విషయంపై పలువురు మాజీలు స్పందించగా.. ఏంజెలో మ్యాథ్యూస్ సోదరుడు మాత్రం అతిగా స్పందించారు. షకీబ్ మ్యాచ్ ఆడేందుకు శ్రీలంకకు వస్తే అతనిపై రాళ్లదాడి తప్పదంటూ హెచ్చరించాడు.
ఈ మ్యాచ్ లో మేము నిరాశకు గురయ్యాం. క్రీడాస్ఫూర్తి అంటే ఏమిటో తెలియని బంగ్లాదేశీ కెప్టెన్ మానవతా దృక్పథంతో ఆలోచింకపోవడం బాధాకరం అంటూ వ్యాఖ్యానించారు.మరోవైపు ఈ విషయంపై బంగ్లా కెప్టెన్ షకీబ్ స్పందించాడు. తన బాధ్యతను తాను నిర్వహించానని.. ఈ విషయంలో వచ్చే విమర్శలకు బాధపడవలసిన అవసరం లేదని తెలిపారు..
అయితే తమ విజయంలో టైమ్డ్ ఔట్ కీలక సాయం చేసిందని తెలిపాడు. మరోవైపు శ్రీలంక బ్యాటర్ ఏంజెలో మ్యాథ్యూస్ టైమ్డ్ ఔట్ విషయంలో ఇంకా చర్చలు కొనసాగుతున్నాయి.
