అంబటి రాంబాబు, మంత్రి
రాజకీయాలను అవినీతిమయం చేసిన వ్యక్తి చంద్రబాబు (Chandrababu). ఆయన దీక్షతో మహాత్మా గాంధీ ఆత్మ క్షోభిస్తుంది. అవినీతికి పాల్పడి దీక్షలకు దిగే వారిని ప్రజలు నమ్మవద్దు. కాపులు ఎక్కువగా ఉన్న చోట మాత్రమే పవన్ కళ్యాణ్ మీటింగులు పెడుతున్నారు. చంద్రబాబు, లోకేష్ (Lokesh) సూచనతోనే పవన్ (Pawan) ఇలా సమావేశాలు పెడుతున్నారు. చంద్రబాబుతో కలిసి వెళ్తున్నానని పవన్ చెప్పిన తర్వాత కాపుల నుంచి స్పందన లేదు.
అవనిగడ్డ సభలో పవన్ గొంతు వీక్ అయింది. ఆయన తప్పు చేస్తున్నాడని జనం చెప్పారు. బీజేపీతో ఉన్నాడో లేదో స్పష్టత ఇవ్వాలి. చంద్రబాబు తర్వాత అనైతికత ఉన్న వ్యక్తి పవన్ మాత్రమే. పవన్ రాజకీయాలకు పనికిరాని వ్యక్తి. చంద్రబాబు చెప్పులు మోయడానికి ఆయన ఎప్పుడూ సిద్ధంగా ఉంటాడు. అవినీతి కేసులో ఉండి జైలులో చంద్రబాబు నిరాహార దీక్ష చేయడం సిగ్గుచేటు. చంద్రబాబు అవినీతి డబ్బుతోనే జనసేన పార్టీని నడిపిస్తున్నారు.
బీజేపీ చెవిలో పవన్ కళ్యాణ్ క్యాలీ ఫ్లవర్ పెట్టాడు.. వ్యక్తిగత జీవితంలో కూడా అంతే. ఒక పెళ్ళి చేసుకుని మరొక ఆమెతో బంధం నడిపాడు. రాజకీయంలో కూడా అంతే.. సైకిల్ కు తుప్పు పట్టింది, టైర్లు లేవు.. పవన్ కళ్యాణ్ మొదటి గ్లాసు పగిలిపోయింది.. ఇప్పుడు ఉన్నది రెండో గ్లాసు. ఎన్నికల కమిషన్ జనసేనకు మొన్న మళ్ళీ గ్లాసు గుర్తును కేటాయించింది. అంబాజీపేట ఆముదాన్ని గ్లాస్ లో వేసి నీ అసిస్టెంట్ నాదెండ్ల మనోహర్ తో సైకిల్ తుప్పు క్లీన్ చెయ్యి.
వారాహి ఆయిల్ కూడా చంద్రబాబు అవినీతి డబ్బుతోనే వస్తుంది. వారాహి వాహనం కూడా నాదెండ్ల మనోహర్ డబ్బులు తీసుకువస్తే నడుస్తుంది. టీడీపీని బతికించాలన్న తాపత్రయం తప్ప ఇంకేదైనా కనపడుతుందా?. ప్రజలు ఏమనుకుంటున్నారో తెలుసుకుంటున్నావా? అది తెలుసుకోలేకపోతే నీ కర్మ. రానున్న ఎన్నికల్లో 175 సీట్లు మావే. చంద్రబాబు, పవన్ కలసి వచ్చినా మమ్మల్ని ఏం చేయలేరు.
