Uncategorized

Hanu Man Movie Review: ప్రశాంత్ వర్మ దర్శకత్వంలో నటుడు తేజ సజ్జా పౌరాణిక టచ్ ఉన్న హనుమాన్ అనే సూపర్ హీరో ఫాంటసీ డ్రామాతో ముందుకు వచ్చారు. ప్రశాంత్ వర్మ రచన మరియు దర్శకత్వం వహించిన ఈ చిత్రం జనవరి 12న మహేష్ బాబు యొక్క గుంటూరు కారంతో పోటీ పడబోతోంది. ఈ చిత్రం తేజ మరియు ప్రశాంత్ వర్మల రెండవ కలయికను సూచిస్తుంది; ఇది ప్రశాంత్ వర్మ యొక్క సినిమాటిక్ యూనివర్స్ యొక్క మొదటి భాగం.

హనుమాన్ హనుమంతుని ఆశీర్వాదం ద్వారా కథానాయకుడు హనుమంతుడు సూపర్ పవర్స్ పొందే మొదటి భారతీయ సూపర్ హీరో చిత్రంగా చెప్పబడుతోంది. తన అంజనాద్రి అనే గ్రామంలో జరిగే దారుణాలను అంతం చేయడానికి అతను యుద్ధం చేస్తాడు. ఈ సినిమాలో స్క్రీన్ ప్లే దర్శకత్వం బాగున్నాయి. ఇక పాటలు కూడా ఆకట్టుకుంటున్నాయి. ఇప్పటికే విడుదల అయిన ఈ సినిమా ట్రైలర్ అంచనాలను మరింతగా పెంచింది.

కాస్ట్ అండ్ క్రూ:

నటినటులు: తేజ సజ్జ, అమృత అయ్యర్, మీనాక్షి, వరలక్ష్మి శరత్ కుమార్ తదితరులు
దర్శకత్వం: ప్రశాంత్ వర్మ
నిర్మాత: కే నిరంజన్ రెడ్డి
సంగీతం: హరి గౌర, కృష్ణ సౌరభ్
సినిమాటోగ్రఫీ: దాశరధి శివేంద్ర
ఎడిటర్: సాయిబాబు తలారి

స్టోరీ:
హనుమంతు (తేజ సజ్జ), అంజనమ్మ (వరలక్ష్మి శరత్ కుమార్) అక్క తమ్ముళ్లు. అంజనాద్రి అనే గ్రామంలో అక్రమాలను అంతం చేయడానికి హనుమంతు ముందుకు వస్తాడు. అతనికి ఆ హనుమాన్ శక్తులే వరంగా వస్తాయి. అసలు హనుమంతు ఎవరు? అంజనాద్రికి హనుమంతుకు సంబంధం ఏంటి? అక్కడ ఏమి అక్రమాలు జరిగాయి? హనుమంతు వాటిని ఎలా ఎదిరించాడో తెలియాలంటే సినిమా చూడాల్సిందే.

ప్లస్ పాయింట్స్:
నటీనటులు
కథ

మైనస్ పాయింట్స్:
సెకండ్ హాఫ్ స్లో అనే టాక్ రావడం

రివ్యూ:

హనుమాన్ సినిమాలో చాలా సన్నివేశాలు రోమాలు నిక్కబొడుచుకునేలా ఉంటాయి. ఇక కామెడీ సన్నివేశాలు కూడా బాగా పండాయనే చెప్పొచ్చు. హనుమంతుడిని ఎలివేట్ చేసే కొన్ని అంతిమ సన్నివేశాలను ప్రశాంత్ వర్మ చాలా బాగా రూపొందించారు. ఈ సన్నివేశాలలో గౌర హరి చేసిన బ్యాక్ గ్రౌండ్ స్కోర్ ఈ సీన్స్ ని నెక్స్ట్ లెవెల్ కి తీసుకువెళ్లేలా ఉంటుంది. ఇక క్లైమాక్స్ సన్నివేశం కూడా చాలా బాగా ఆకట్టుకుంటాయి. VFX వర్క్‌లు ఆకట్టుకుంటాయి. తేజ అమృతను రక్షించే పోరాట సన్నివేశాలు కూడా హైలైట్ గా నిలుస్తాయి. తేజ సజ్జ సూపర్ పవర్స్ అందుకున్న క్షణం నుండి, సినిమా మరింత వినోదాత్మకంగా మారుతుంది. స్టార్ హీరోల రిఫరెన్స్‌లు కథనంలోకి చక్కగా కలిసిపోయాయి. ఆ కామెడీ సన్నివేశాలు కూడా ఆకట్టుకుంటాయి. మొత్తంగా సినిమా బాగా ఆకట్టుకుంటుందనే చెప్పొచ్చు.

రేటింగ్: 3.5/5

రంగారెడ్డి జిల్లాలో బీఆర్ఎస్ (BRS), కాంగ్రెస్ (Congress) నేతల మధ్య ఘర్షణ జరిగింది. అవిశ్వాస తీర్మానం విషయంలో కొత్తూరు మండలంలోని వైఎం తండాలో బీఆర్ఎస్, కాంగ్రెస్ నాయకులకు గొడవకు దిగారు. విషయం తెలుసుకున్న మాజీ జెడ్పీటీసీ శ్యాంసుందర్ రెడ్డి, కేశంపేట ఎంపీపీ వై. రవీందర్ యాదవ్ లు అక్కడకు చేరుకున్నారు.

అవిశ్వాసం విషయంలో ఇరువురు నేతలు వాగ్వాదానికి దిగారు. ఈ ఘర్షణ చిలికి చిలికి గాలి వానగా మారి చివరకు దాడులు చేసుకునే వరకు వెళ్లింది. సమాచారం అందుకున్న పోలీసులు అక్కడకు చేరుకున్నారు. ఇరు వర్గాలను శాంతింప చేసే ప్రయత్నం చేశారు. అనంతరం ఇరు వర్గాలను అక్కడి నుంచి చెదరగొట్టారు.

అసలు ఏం జరిగిందంటే… కరీంనగర్ జిల్లా జమ్మికుంట మున్సిపాలిటి చైర్మన్ గా బీఆర్ఎస్ నేత రాజేశ్వర్ ఉన్నారు. ఇటీవల కౌన్సిలర్ పొన్నగంటి మల్లయ్య వర్గం కాంగ్రెస్ గూటికి చేరింది. అనంతరం మున్సిపల్ చైర్మన్ పై మల్లయ్య వర్గం అవిశ్వాస తీర్మానం పెట్టింది. ప్రస్తుతం మొత్తం 30 మందిలో ఇరు వర్గాలకు సమానంగా 15 మంది చొప్పున కౌన్సిలర్లు మద్దతుగా ఉన్నారు.

ఈ క్రమంలో ఓ వర్గం తమ కౌన్సిలర్లను రంగారెడ్డి జిల్లా కొత్తూరు శివారులోని ఓ ఫామ్ హౌస్‌లో దాచినట్టు తెలుస్తోంది. ఈ విషయం మరో వర్గానికి తెలియడంతో వాళ్లంతా ఫామ్ హౌస్ వద్దుకు చేరుకున్నట్టు సమాచారం. దీంతో ఇరు వర్గాల మధ్య వాగ్వాదం జరిగింది. రంగంలోకి దిగిన పోలీసులు ఇరు వర్గాలను చెదరగొట్టారు.

జాలి దయ లేదని అనే వాళ్ళని చూస్తే జాలి పడే రోజులోచ్చాయని అనుకొంటున్నారు.. నేటి సమాజంలో జాలి పడితే జైలుకే అనేలా జరిగిన సంఘటన గురించి తెలుసుకొన్న వారు.. ఇక రోడ్డుపై ప్రయాణం చేస్తున్నప్పుడు ఆడ, మగ తేడా లేకుండా లిఫ్ట్ (Lift) అడగడం కనిపిస్తుంది కదా.. అయ్యే పాపం ఏం అర్జెంట్ ఉందని జాలిపడి లిఫ్ట్ ఇస్తే.. ఇవ్వండి కానీ ఈ కిలాడి లేడి గురించి కాస్త తెలుసుకొని జాగ్రత్త పడండి..

వయ్యారంగా నడిరోడ్డుపై నిల్చుని కారులో వెళ్లేవాళ్లను లిఫ్ట్‌ అడుగుతుంది. పాపం అని జాలిపడి లిఫ్ట్‌ ఇస్తే.. కొంత దూరం వెళ్ళాక బట్టలు చింపుకొని రేప్‌ చేయబోయారని బెదిరించి మరీ డబ్బులు వసూలు చేస్తుంటుంది. అలా పదుల సంఖ్యలో బెదిరింపు ఉదంతాలకు పాల్పడిన కిలాడి లేడిని ఎట్టకేలకు జూబ్లీహిల్స్ (Jubilee Hills) పోలీసులు అరెస్ట్‌ చేశారు.

పైగా తాను అడ్వకేట్ (Advocate) అని.. తనకు అన్ని సెక్షన్లు తెలుసు అంటూ లిఫ్ట్ ఇచ్చిన వారిపై దబాయింపులకు దిగుతుంది. ఈ క్రమంలో తాజాగా జూబ్లీ హిల్స్ చెక్ పోస్ట్ నుంచి కేబీఆర్‌ (KBR) పార్క్ దాకా లిఫ్ట్ కావాలి అంటూ ఓ కారు ఎక్కింది. ఆపై దిగేముందు బట్టలు చించుకుని రేప్ కేసు పెడతా అంటూ అల్లరి చేసింది. భయపడిన సదరు డ్రైవర్‌ పరమానంద.. జూబ్లీహిల్స్‌ పోలీసులకు ఫిర్యాదు చేశారు.

దీంతో ఆమె కదలికల మీద నిఘా వేసిన పోలీసులు అరెస్ట్‌ చేశారు. నిందితురాలిని సయీదా నయీమా సుల్తానాగా గుర్తించిన పోలీసులు.. నగర వ్యాప్తంగా పలు స్టేషన్‌లో ఇదివరకే 17 కేసులు నమోదైన్నట్లు గుర్తించారు. ఆమెపై ఐపీసీ 389 సెక్షన్ కింద కేసు నమోదు చేశారు. కాగా ఇలాగే పలువురు అమాయకుల మీద తన ప్రతాపం చూపించి కేసులు పెట్టినట్లు పోలీసుల దర్యాప్తులో తేలింది..

నంద్యాల జిల్లా(Nandyala District) శ్రీశైలం(Srisailam)లో రోజురోజుకి చిరుత పులుల సంచారం పెరిగిపోతోంది. తాజాగా, మరోసారి చిరుతపులి కలకలం సృష్టించింది. రాత్రి వేళలో ఔటర్ రింగ్ రోడ్డులో చిరుత సంచరిస్తోంది. రత్నానందస్వామి ఆశ్రమం హోమగుండం దగ్గర శనివారం రాత్రి గోడపై చిరుత కూర్చుంది.

దాన్ని చూసిన స్థానికులు, భక్తులు భయాందోళనకు గురయ్యారు. చిరుతను స్థానికులు, యాత్రికులు ఫొటోలు తీసి సోషల్ మీడియాలో షేర్ చేయడంతో ఈ విషయం వెలుగులోకి వచ్చింది. కొద్ది సేపటికి వాహనాలు తిరగటాన్ని గమనించిన చిరుతపులి దగ్గరలోని అడవిలోకి వెళ్లిపోయింది.

మూడు నెలల కిందట ఇక్కడ రుద్రాపార్కు సమీపంలో చిరుత కనిపించింది. అయితే అప్పుడు అటవీశాఖ అధికారుల టపాసులు కాల్చి చప్పుడు చేయడంతో అది తిరిగి అడవిలోకి వెళ్లిపోయింది. అయితే రాత్రి మళ్లీ రత్నానందస్వామి ఆశ్రమం వద్ద చిరుత ప్రత్యక్షమైంది. సుమారు గంటపాటు హోమగుండం వద్ద పడుకుని అటూ ఇటూ తిరుతున్న భక్తులను స్థానికులను గమనిస్తూ ఉంది.

చిరుత మరోసారి కనిపించడంతో ఎటువైపు నుంచి వచ్చి దాడి చేస్తుందోనని స్థానికులు భయాందోళనకు గురవుతున్నారు. అయితే, చిరుత సంచరిస్తున్నట్లు అటవీశాఖ అధికారులు సమాచారం ఇచ్చినా వారు ఎలాంటి చర్యలు తీసుకోవడంలేదని స్థానికులు ఆరోపిస్తున్నారు.

ప్రముఖ రియల్ ఎస్టేట్ సంస్థ అపర్ణ కన్ స్ట్రక్షన్స్ శంకరపల్లి మోకిలా లో ఇటీవల 17 డిగ్రీస్ నార్త్ అనే ఎక్సక్లూసివ్ క్లబ్‌ను ఏర్పాటు చేసింది. ప్రతి ఏడాది డిసెంబర్ 25న క్రిస్మస్ పండుగను ప్రపంచమంతా ఎంతో ఘనంగా జరుపుకుంటారు.  ఈ క్లబ్ ఆధ్వర్యంలో ముందుగానే డిసెంబర్ 23 న క్రిస్మస్ వేడుకలను ఘనంగా నిర్వహించారు. లైవ్ కన్సర్ట్ తో క్రిస్మస్ వేడుకలకు ఆతిథ్యం ఇవ్వడం ద్వారా నగరంలో హాలిడేస్ సెలబ్రేషన్స్ కు ఒక కొత్త వేదికను క్రియేట్ చేసింది 17 డిగ్రీస్ నార్త్ క్లబ్. 

ఈ వేడుకల సందర్బంగా 17 డిగ్రీస్ నార్త్ క్లబ్ వైస్ ప్రెసిడెంట్ ఆపరేషన్స్ రామకృష్ణ మాట్లాడుతూ.. ఈ క్లబ్ కేవలం మరో రొటీన్ క్లబ్ కాదని.. కొత్త జీవన విధానానికి నాంది అని తెలిపారు. ఇది అత్యంత ప్రముఖ వ్యక్తులతో జాగ్రత్తగా ఏర్పాటు చేసిన కమ్యూనిటీ అని వివరించారు. ఈ క్లబ్ లో సభ్యుల ఎంపిక ప్రక్రియ జాగ్రత్తగా పరిశీలించి తీసుకుంటారని చెప్పారు. మున్ముందు రోజుల్లో ఈ క్లబ్ ప్రయాణం మరింత అద్భుతంగా ఉంటుందని చెప్పారు. 

17 డిగ్రీస్ నార్త్ క్లబ్ ఎదగడం చూసి తాము చాలా సంతోషిస్తున్నామని అన్నారు రామకృష్ణ. రాబోయే రోజుల్లో జరిగే ఈవెంట్స్ కు ఈ క్రిస్మస్ వేడుక అనేది కేవలం ఒక టీజర్ లాంటిదని.. నూతన సంవత్సరం సందర్భంగా ఇప్పటికే పలు కార్యక్రమాలకు ప్లాన్ చేసినట్టు వివరించారు. 

ఆరోగ్య, సాంకేతిక, ఆర్థిక, హాస్పిటాలిటీ, ఐటీ, రియల్ ఎస్టేట్.. ఇలా ప్రతి రంగంలోని ప్రముఖులు క్లబ్ మెంబర్షిప్ తీసుకున్నారు. రానున్న రోజుల్లో సభ్యులకి బౌలింగ్ అలె, VR గేమింగ్ అందుబాటులో ఉండబోతుందని, ప్రత్యేక కమ్యూనిటీని సృష్టించడమే తమ లక్ష్యమని అన్నారు.

జన్మనిచ్చిన త‌ల్లి పట్ల ఓ యువ‌కుడు క్రూరంగా ప్ర‌వ‌ర్తించాడు. పొలం నుంచి కాలీఫ్ల‌వ‌ర్ తెంపింద‌ని మానవత్వం మరచిన కుమారుడు, తన త‌ల్లిని స్తంభానికి క‌ట్టేసి, తీవ్రంగా చిత‌క‌బాదాడు. ఈ దారుణ ఘ‌ట‌న ఒడిశా (Odisha)లోని కియోంఝార్ (Keonjhar) జిల్లాలో చోటు చేసుకోంది..

కియోంఝార్ జిల్లా స‌ర‌స‌పాసి గ్రామంలో ఓ 70 ఏండ్ల వృద్ధురాలు కుమారులకి దూరంగా.. ఒంట‌రిగా నివ‌సిస్తోంది. అయితే వంటకోసమని, తనకి దగ్గరలో ఉన్న చిన్న కుమారుడి పొలంలో నుంచి.. కాలీఫ్ల‌వ‌ర్‌ (Cauliflower)ను తెంపింది. ఈ విషయం గమనించిన చిన్న కుమారుడు.. త‌న అనుమ‌తి లేకుండా కాలీఫ్ల‌వ‌ర్ ఎందుకు తెంపావ‌ని త‌ల్లిని నిల‌దీశాడు. ఆవేశంతో ఆగకుండా వృద్ధురాలు అయిన తల్లిని (Mother) స్తంభానికి క‌ట్టేసి తీవ్రంగా కొట్టాడు..

ఈ ఘాతుకాన్ని చూస్తున్న స్థానికులు అడ్డుకోవడానికి వెళ్ళితే.. వారిని సైతం బెదిరించినట్టు సమాచారం.. చివరికి తిరగబడిన స్థానికులు.. గాయపడ్డ వృద్ధురాలిని ప్రాణాల‌తో ర‌క్షించారు. అనంత‌రం బాధితురాలిని చికిత్స కోసం బ‌సుదేవ్‌పూర్ క‌మ్యూనిటీ హెల్త్ సెంట‌ర్‌కు త‌ర‌లించి.. పోలీసుల‌కు స‌మాచారం అందించారు.

బాధితురాలి వాంగ్మూలాన్ని న‌మోదు చేసుకున్న పోలీసులు, నిందితుడిపై కేసు న‌మోదు చేసుకొన్నారు.. తల్లిని ప్రేమగా చూడకపోయిన ఫర్వాలేదు.. ఇలా కొట్టడం చాలా దారుణమని ఈ విషయం తెలిసిన వారు.. వృద్ధురాలి కుమారునిపై దుమ్మెత్తిపోస్తున్నారు..

బంగాళాఖాతంలో మిచాంగ్ తుపాను(Michaung cyclone) ప్రభావంతో తెలంగాణలోని పలు జిల్లాల్లో ఉరుములు, మెరుపులతో కూడిన వర్షాలు కురిసే అవకాశం ఉందని భారత వాతావరణ శాఖ (IMD) అంచనా వేసింది. తుపాను సోమవారం తెల్లవారుజామున తూర్పు కోస్తా తీరాన్ని తాకే అవకాశం ఉంది.

ఇదిలా ఉండగా, తుఫాను కారణంగా వచ్చే 3-4 రోజుల పాటు 142 రైళ్లను దక్షిణ మధ్య రైల్వే రద్దు చేసింది. తెలంగాణ స్టేట్ డెవలప్మెంట్ ప్లానింగ్ సొసైటీ అంచనా ప్రకారం.. డిసెంబర్ 4 నుంచి 6 వరకు తెలంగాణలోని కొన్ని ప్రాంతాలపై ‘మైచాంగ్’ తుఫాను ప్రభావం చూపే అవకాశం ఉంది.

తెలంగాణకు తూర్పున ఉన్న ఒంగోలు-కోనసీమలో తేలికపాటి నుంచి మోస్తరు వర్షాలు లేదా ఉరుములతో కూడిన జల్లులు పడే అవకాశం ఉందని వాతావరణ శాఖ చెప్పింది. అయితే డిసెంబర్ 5, 6 తేదీల్లో హైదరాబాద్‌లో తేలికపాటి నుంచి మోస్తరు వర్షాలు కురిసే అవకాశం ఉంది.

ప్రస్తుతం తెలంగాణలో ఆకాశం మేఘావృతమై ఉంది. తూర్పు వైపు నుంచి గాలులు వేగవంగా వీస్తున్నాయి. మరో వారంలో కనిష్ట ఉష్ణోగ్రతలు సాధారణ ఉష్ణోగ్రత కంటే 2 నుంచి 3 డిగ్రీల సెల్సియస్‌గా నమోదయ్యే అవకాశం ఉంది. దక్షిణ ఆంధ్రప్రదేశ్, ఉత్తర తమిళనాడులోని కోస్తా జిల్లాలు వచ్చే వారం ప్రారంభంలో తుపాను భారీ ప్రభావాన్ని చూపనుంది.

తెలంగాణ ఎన్నికలు(Telangana) హోరాహోరీగా జరుగుతుండగానే తెలుగు రాష్ట్రాల మధ్య జల వివాదం చెలరేగిన సంగతి తెలిసిందే. సీఆర్పీఎఫ్ దళాల పర్యవేక్షణకు అప్పగించాలన్న కేంద్ర హోంశాఖ కార్యదర్శి ప్రతిపాదనకు తెలంగాణ, ఏపీ అంగీకరించాయి. చర్చల అనంతరం నాగార్జున సాగర్‌ (Nagarjuna Sagar Dam)ను కేంద్ర బలగాలు ఆధీనంలోకి తీసుకున్నాయి.

మధ్యాహ్నం కల్లా పూర్తిగా సీఆర్పీఎఫ్(CRPFF) బలగాల ఆధీనంలోకి వెళ్లనుంది. అర్ధరాత్రి సాగర్ డామ్ వద్దకు సీఆర్పీఎఫ్ బలగాలు చేరుకున్నాయి. సాగర్ డ్యాం మొత్తాన్ని కేంద్ర బలగాలు స్వాధీనం చేసుకున్నాయి. కేంద్ర బలగాలు రెండు రాష్ట్రాలను అధీనంలోకి తీసుకునేందుకు అంగీకారం తెలిపాయి. దీంతో అర్ధరాత్రికే సీఆర్పీఎఫ్ బలగాలను కేంద్రం పంపింది.

ఇండెంట్ లేకుండా, కనీసం లేఖ కూడా రాయకుండా ఏపీ నీటి విడుదల చేసిందని పేర్కొంటూ నివేదిక అందించడం జరిగింది. ముందు ఏపీ ఇచ్చిన ఇండెంట్ ప్రకారం జనవరి, ఏప్రిల్‌లో 5 టీఎంసీల చొప్పున నీటి విడుదల చేయాల్సి ఉందని కేఆర్ఎంబీ పేర్కొంది. సాగర్‌కు ఏపీ వైపు ఏపీ బలగాలు, తెలంగాణ వైపు ఆ రాష్ట్ర పోలీస్‌లు పహారా కాస్తున్నారు.

ఇప్పటికే కేఆర్ఎంబీ సభ్యులు సాగర్‌కు చేరుకున్నారు. తెల్లవారుజాము నుంచి ఒక్కో పాయింట్‌ను స్వాధీనం చేసుకుంటున్నారు. పరిస్థితిపై కేంద్రానికి నివేదిక అందించారు. ఏపీ ప్రభుత్వం నిబంధనలను అతిక్రమించి వ్యవహరించిందని కేఆర్ఎంబీ నివేదికను పంపించింది. 13వ గేటు వద్ద కంచెను తొలగించే అవకాశం ఉంది. కుడి కాలువ నుంచి ఏపీకి నీటి విడుదల కొనసాగుతోంది.

ఈ ఏడాది నాలుగో తుపాను భారత్ ముంచెత్తడానికి సిద్ధమైంది. దక్షిణ అండమాన్ సముద్రం(south Andaman Sea) మలక్కా(Malacca) జలసంధిని ఆనుకుని ఏర్పడిన అల్పపీడనం క్రమంగా వాయుగుండంగా మారుతోందని భారత వాతావరణ శాఖ అధికారులు తెలిపారు. ఇది పశ్చిమ వాయువ్య దిశలో కదులుతూ.. క్రమంగా ఆగ్నేయ బంగాళాఖాతం వైపు 48 గంటల్లో తుపానుగా మారుతుందని పేర్కొన్నారు.

ఈ తుపానుకు ‘మిచాంగ్'(Michaung) అని నామకరణం చేయనున్నారు. తుపాను ప్రభావంతో నవంబర్ 29 నుంచి డిసెంబర్ 1 మధ్య దేశ వ్యాప్తంగా పలు ప్రాంతాల్లో భారీ నుంచి అతి భారీ వర్షాలు కురిసే అవకాశం ఉందని చెప్పారు. ‘మిచాంగ్’తో డిసెంబర్ 2 వరకు గంటకు 50-60 కి.మీ నుంచి 70 కి.మీ వేగంతో గాలులు వీచే అవకాశం ఉందని వాతావరణ శాఖ అధికారులు చెబుతున్నారు.

తుపాను ప్రభావంతో నవంబర్ 29 నుంచి డిసెంబర్ 1 మధ్య దేశ వ్యాప్తంగా పలు ప్రాంతాల్లో భారీ నుంచి అతి భారీ వర్షాలు కురిసే అవకాశం ఉందని చెప్పారు. అండమాన్ నికోబర్ దీవుల్లో తేలికపాటి వర్షాలు కురిసే చాన్స్ ఉందని తెలిపారు. మిచాంగ్ తుపాను ధాటికి గంటకు 35 నుంచి 45కి.మీ.ల వేగంతో బలమైన గాలులు వీస్తాయని, మత్స్యకారులు అప్రమత్తంగా ఉండాలని సూచించారు.

నవంబర్ 29-30 మధ్యకాలంలో జమ్ము కశ్మీర్-లద్దాఖ్-గిల్గిత్-బాల్టిస్తాన్-ముజఫరాబాద్ లలో తేలికపాటి నుంచి మోస్తరు వర్షాలు కురిసే అవకాశం ఉంది. తుపాను ప్రభావం తమిళనాడు, కేరళ రాష్ట్రాలపై కూడా ఉండనుంది. నవంబర్ 30న హిమాచల్ ప్రదేశ్, ఉత్తరాఖండ్‌లలో ఇలాంటి పరిస్థితులే ఉంటాయి. మధ్యప్రదేశ్‌లోని చాలా ప్రాంతాల్లో మోస్తరు నుంచి భారీ వర్షాలు కురిసే అవకాశం ఉంది. మరోవైపు దక్షిణ అండమాన్ సముద్రంలో అల్పపీడనం ఏర్పడటంతో ఒడిశా ప్రభుత్వం రాష్ట్రంలోని ఏడు తీరప్రాంత జిల్లాలను అప్రమత్తం చేసింది.