Category:

Politics

Find the latest Telugu news and political news in Andhra and Telangana in Telugu, తెలుగు రాజకీయ వార్తలు, పాలిటిక్స్ న్యూస్,

BRS-YSRCP : షర్మిలమ్మ…బీఆర్ఎస్ కి పోతున్నా: ఏపూరి సోమన్న

by Prasanna September 23, 2023

written by Prasanna

somanna ప్రముఖ గాయకుడు, వైఎస్సాఆర్టీపీ (YSRTP) నాయకుడు ఏపూరి సోమన్న (Epuri Somanna) బీఆర్ఎస్ పార్టీలో చేరుకున్నారు. తాను బీఆర్ఎస్ (BRS) పార్టీలో చేరనున్నట్టు ఏపూరి సోమన్న వీడియో రిలీజ్ చేశారు. ప్రజాగాయకుడిగా, ప్రత్యేక కళాకారుడిగా గుర్తింపు తెచ్చుకున్న ఏపూరి సోమన్న తన నిర్ణయాన్ని వీడియో రూపంలో వైఎస్ షర్మిలకు కూడా పంపించారు.

రాజకీయంగా తాను చారిత్రాత్మకమైన నిర్ణయం తీసుకున్నానని.. గత 24 ఏళ్లు ప్రజా ఉద్యమంలో మరింత ముందుకు తీసుకుపోయే ప్రయత్నంలో ఉన్నానని సోమన్న అన్నారు. తెలంగాణ ప్రజల హక్కులను కాపాడుతూ పనిచేయాల్సిన బాధ్యత తనపై ఉందిని, ప్రజల అభివృద్ధిలో భాగస్వామ్యం కావాలని ఈ నిర్ణయం తీసుకున్నానని సోమన్న ఆ వీడియోలో తెలిపారు.

గత రెండేళ్లలో వైఎస్ఆర్టీపీలో ప్రాధాన్యత ఇచ్చి నాయకుడిగా గుర్తించిన షర్మిలమ్మకు వందనాలు తెలుపుతున్నానని చెప్పారు. తనకు తుంగతుర్తి అసెంబ్లీ ఎన్నికల్లో పోటీ చేసే అభ్యర్థిగా ప్రకటించి మంచి అవకాశం కల్పించారనే విషయాన్ని గుర్తు చేసుకున్నారు. అయితే రాష్ట్రంలో నెలకొన్న రాజకీయ పరిస్థితుల దృష్ట్యా తాను ఈ నిర్ణయం తీసుకోవడం జరిగిందని, తొమ్మిదేళ్ల కేసీఆర్ ప్రభుత్వాన్ని చూసిన ప్రజలు కేసీఆరే సరైన నాయకుడు అని విశ్వసిస్తున్నారని చెప్పారు. ఇకనుండి తన ఆట, పాట, మాట అన్నీ తెలంగాణ అభివృద్ధిలో భాగస్వామ్యం అవుతుందనడంలో ఎలాంటి సందేహం లేదన్నారు.

ఒక ఆడబిడ్డగా షర్మిలమ్మను గౌరవిస్తాను, ఆమె డైనమిక్ లీడర్ అంటూ షర్మిలమ్మను ఆ వీడియోలో పొగడ్తలతో ముంచెత్తారు. అయితే ఇకపై తన ప్రయాణం బీఆర్ఎస్ పార్టీలోనే కొనసాగుతుందని ఆ వీడియోలో పేర్కొన్నారు.

September 23, 2023 0 comment

chinta-mohan-interesting-comments-on-chandrababu

బాబు చాలా భయస్తుడు: చింతా మోహన్‌!

by Sai September 23, 2023

written by Sai

అసెంబ్లీలో స్పీకర్‌పైన ఎమ్మెల్యేలకు నమ్మకం లేదని మాజీ కేంద్ర మంత్రి చింతా మోహన్ అన్నారు. శనివారం మీడియాతో మాట్లాడుతూ.. ఏపీలో చంద్రబాబు జైల్లో…. జగన్ బెయిల్‌పై ఉన్నారని వ్యాఖ్యలు చేశారు. మహిళ రిజర్వేషన్‌పై బీజేపీ చేస్తున్నది మ్యాజిక్ అని…. నమ్మడానికి ఏమీ లేదని.. ఎన్నికల స్టంట్ అని విమర్శించారు.

మహిళా రిజర్వేషన్ టీటీడీలోను, సుప్రీంకోర్టు జడ్డ్ నియామకాల్లోనూ, ఐఏఎస్‌లో వెంటనే అమలు చేయాలని డిమాండ్ చేశారు. 17వేల కోట్ల టీటీడీ నిధులు, బంగారం నిల్వలు ఎక్కడ పోయాయో టీటీడీ అధికారులు చెప్పాలన్నారు. రూ.17వేల కోట్లను వడ్డీ కోసం ఇచ్చామంటున్నారని.. అది ఎక్కడ ఇచ్చారంటే మాత్రం టీటీడీ నుంచి సమాధానం లేదని అన్నారు.

49 ఏళ్ళుగా చంద్రబాబు తనకు తెలుసని.. ఆయన చాలా భయస్తుడని తెలిపారు. సొంత తమ్ముడుకి మేలు చేసినా జనాలు ఏమి అనుకుంటారో అని సహాయం చేయకుండా ఉండే నైజం చంద్రబాబుది అని అన్నారు. వ్యక్తిగత కక్ష రాజకీయాలు మంచి కాదన్నారు.

రాజశేఖర్ రెడ్డి, చంద్రబాబు ఎంతో కలిసి మెలసి ఉండేవారని చెప్పారు. అనుభవం లేకపోవడం వల్ల జగన్ ఇలాంటి చర్యలు తీసుకున్నారన్నారు. వైసీపీ తీసుకున్న నిర్ణయం చంద్రబాబుకే అనుకూలంగా మారిందని చింతామోహన్ వెల్లడించారు.

September 23, 2023 0 comment

Eatala Rajendar addressing Press Meet at Kothagudem

Breaking News Politics Telangana

Eatala : మీడియాను కబ్జా చేసిన కేసీఆర్!

by admin September 23, 2023

written by admin

అవినీతి ప్రజల్లోకి వెళ్లకుండా అడ్డుకోవడానికి పత్రికలు, ఛానల్స్ ను కేసీఆర్ కబ్జా చేశారని బీజేపీ ఎమ్మెల్యే ఈటల రాజేందర్ ఆరోపించారు. యూట్యూబ్ ఛానల్స్ వారిని అక్రమ కేసులతో వేధిస్తున్నారని మండిపడ్డారు. కొత్తగూడెం బీజేపీ కార్యాలయంలో మీడియాతో మాట్లాడారు ఈటల. ఈ సందర్భంగా కేసీఆర్ పై తీవ్రస్థాయిలో మండిపడ్డారు. సింగరేణి అవినీతిపై బహిరంగ చర్చకు సిద్ధమని.. ప్రభుత్వం రెడీనా? అంటూ సవాల్ విసిరారు.

ప్రత్యేక రాష్ట్ర ఉద్యమ సమయంలో ఓపెన్ కాస్ట్ గనులతో తెలంగాణను బొందలగడ్డగా మార్చారని కేసీఆర్ ఆరోపించిన విషయాన్ని గుర్తుచేశారు ఈటల. రాష్ట్రం రాకముందు ఉన్న 12 ఓపెన్ కాస్ట్ గనులు.. ఇప్పుడు 20కి ఎలా పెరిగాయని ప్రశ్నించారు. బొగ్గు బ్లాక్‌ ల వేలంలో సింగరేణి పాల్గొనకుండా కేసీఆర్ అడ్డుకున్నారన్నారు. కోయగూడెం బ్లాక్ ను అరబిందో శరత్ చంద్రారెడ్డికి కట్టబెట్టి లబ్ధి పొందారని ఆరోపించారు.

హుజూరాబాద్ లో తనను ఓడించేందుకు కోట్ల రూపాయలు ఖర్చు చేశారని అన్నారు. అక్రమంగా సంపాదించిన 600 కోట్లను కేసీఆర్ హుజూరాబాద్ లో నీళ్లలా ఖర్చు పెట్టారని వివరించారు. ‘‘తెలంగాణ ప్రజలకు రెండు చేతులు జోడించి చెబుతున్నా. కేసీఆర్ అక్రమ డబ్బు సంచులతో గెలవాలని చూస్తున్నారు. దీనికి అడ్డుకట్ట వేసేది మీరే’’ అని అన్నారు. రాష్ట్రంలో దుర్మార్గమైన పాలన కొనసాగుతోందని ఆరోపించారు ఈటల.

బీజేపీతో 45 సంవత్సరాల అనుబంధం ఉన్న వెంకట్ రెడ్డి పార్టీని వీడారంటే.. ఏ స్థాయిలో ప్రలోభపెట్టారో అర్థం అవుతోందన్నారు. ఎన్నో హామీలు ఇచ్చిన కేసీఆర్.. ఇప్పటిదాకా ఎన్ని నెరవేర్చారని ప్రశ్నించారు. రైతులకు రుణమాఫీ చేస్తామని చేయలేదన్నారు. డబుల్ బెడ్రూం ఇళ్ల పేరుతో మాయ చేస్తున్నారని.. రింగ్ రోడ్డును తాకట్టు పెట్టారని.. విచ్చలవిడిగా భూములు అమ్ముతున్నారని మండిపడ్డారు.

కేసీఆర్ వచ్చిన తర్వాతే నీచ రాజకీయాలు మొదలయ్యాయని.. ముఖ్యమంత్రి చట్టబద్ధంగా వ్యవహరించడం లేదని ఆరోపించారు ఈటల. ఒక పార్టీలో గెలిచిన ఎమ్మెల్యేలకు ప్యాకేజీలిచ్చి నిబంధనలకు విరుద్ధంగా కొనుగోలు చేస్తున్నారని ఆగ్రహం వ్యక్తం చేశారు. ప్రశ్నించే వారిని ప్రతిపక్ష పార్టీల నాయకులను ప్రలోభాలకు, నిర్బంధాలకు గురిచేసి అష్టదిగ్బంధనాలు చేస్తూ బీఆర్ఎస్ పార్టీలో చేర్చుకుంటున్నారన్నారు. ఎవడి పాలైందిరో తెలంగాణ అన్న పాట పాడిన ఏపూరి సోమన్నను నిర్బంధాలకు గురిచేసి లాగేసుకుంటున్నారని చెప్పారు.

పరీక్షలు నిర్వహించడం చేతకాని ప్రభుత్వానికి పరిపాలించే హక్కు లేదన్న రాజేందర్.. ధనిక రాష్ట్రం అప్పులపాలైందని తెలిపారు. ప్రభుత్వ భూములు, అసైన్డ్ భూములు, వక్ఫ్ భూములు, దేవాలయ భూములు అమ్ముకుంటూ పాలన సాగిస్తున్నారని.. దసరాలో నిర్వహించాల్సిన మద్యం వేలం పాటను ముందుగానే నిర్వహించి వేల కోట్ల రూపాయలు దోపిడీ చేశారని ఆరోపించారు. ప్రజలకు ఇచ్చిన హామీలను అమలు చేయాలని ప్రశ్నించే వారిని కేసులతో బెదిరించి జైలుపాలు చేస్తున్నారని ఫైరయ్యారు. ఆఖరికి కేంద్రమంత్రిని సైతం ఈడ్చుకుంటూ వెళ్లిన ఈ ప్రభుత్వం గోళ్ళతో రక్కిందని విమర్శించారు. ఎన్నికలోస్తే ప్రజాప్రతినిధులకు విలువ కడుతూ కేసీఆర్ కొత్త పద్ధతికి శ్రీకారం చుట్టారని మండిపడ్డారు. రాష్ట్ర ప్రజలు ప్రలోభాలకు లొంగకుండా హుజూరాబాద్ లో ఇచ్చిన తీర్పును ఆదర్శంగా తీసుకొని కేసీఆర్ కు బుద్ధి చెప్పాలని కోరారు ఈటల రాజేందర్.

September 23, 2023 0 comment

ap-miniter-botsa-satyanarayana-questions-ts-assembly-speakers-solidarity-with-chandrababu-

Andhra Pradesh Politics

Botsa: నాయకుడు అవినీతి లేకుండా పాలన చేయాలి: బొత్స!

by Sai September 23, 2023

written by Sai

ఏపీలో గత టీడీపీ హయాంలో జరిగిన స్కిల్ డెవలప్మెంట్ స్కాం కేసులో చంద్రబాబు అరెస్టు, తర్వాత చోటు చేసుకుంటున్న పరిణామాలపై మంత్రి బొత్స సత్యనారాయణ శనివారం మరోసారి ఘాటుగా స్పందించారు. ముఖ్యంగా చంద్రబాబు తాజాగా జడ్జితో తాను నీతిమంతుడిని అని చెప్పుకోవడం, చంద్రబాబుకు తెలంగాణ స్పీకర్ పోచారం శ్రీనివాసరెడ్డి మద్దతివ్వడంపై బొత్స మండిపడ్డారు. ఈ సందర్భంగా ఆయన కీలక వ్యాఖ్యలు చేసారు.

న్యాయమూర్తి ముందు తాను నీతిమంతుడిని అని చంద్రబాబు ఆవేదన వ్యక్తం చేశారని, చంద్రబాబు జైల్లో ఉండటం అందరికీ బాధ అనిపిస్తుందని ఏపీ మంత్రి బొత్స సత్యనారాయణ తెలిపారు. ప్రజా జీవితంలో ఉన్నవాళ్లు అవినీతి లేకుండా పాలన చేయాలన్నారు. రాష్ట్ర ప్రభుత్వం 371 కోట్లు ఇచ్చిన తర్వాత సీమెన్స్ ఇవ్వాల్సిన 2900 కోట్లు ఏమైందని ఆయన ప్రశ్నించారు. మధ్యలో డిజైన్ టెక్ కంపెనీ ఎందుకు వచ్చిందన్నారు. సీమెన్స్ కంపెనీని తాము ఎప్పుడూ తప్పు పట్టలేదని బొత్స గుర్తుచేశారు.

గుజరాత్ లో సీమెన్స్ కంపెనీ నేరుగా ప్రాజెక్టు చేపట్టిందని, ఏపీలో అలా జరగలేదని బొత్స సత్యనారాయణ తెలిపారు. చంద్రబాబును ఈ కేసులో నిందితుడిగా చేర్చి ప్రేమ్ చంద్రారెడ్డి వంటి అధికారుల్ని వదిలేయడాన్ని బొత్స సమర్ధించుకున్నారు. ఈ కేసులో ఎవరెవరి పాత్ర ఉందో అందరినీ నిందితులుగా చేరుస్తామని మంత్రి తెలిపారు. కేబినెట్ నిర్ణయం తీసుకున్న తర్వాత చంద్రబాబు పాత్ర లేదని ఎలా చెబుతారని ప్రశ్నించారు.

మరోవైపు చంద్రబాబుకు మద్దతుగా తెలంగాణ స్పీకర్ చేసిన వ్యాఖ్యల్ని మంత్రి బొత్స తప్పుబట్టారు. రాజ్యాంగ పదవిలో ఉండి చంద్రబాబు పై చేసిన వ్యాఖ్యలు సరికాదన్నారు. పోచారం వ్యాఖ్యలను ఖండిస్తున్నట్లు బొత్స పేర్కొన్నారు. ఇలా మాట్లాడవచ్చా అని వాళ్ల సీఎం కేసీఆర్ ను అడిగితే చెప్తారన్నారు. రాజకీయ లబ్ది కోసం ఏదైనా మాట్లాడవచ్చు కానీ…వ్యవస్థలను తాకట్టు పెట్టేలా వ్యవహరించకూడదన్నారు.

September 23, 2023 0 comment

Andhra Pradesh Crime Politics

Chandrababu : సుప్రీంను ఆశ్రయించిన చంద్రబాబు

by Prasanna September 23, 2023

written by Prasanna

టీడీపీ అధినేత చంద్రబాబు సుప్రీంకోర్టులో క్వాష్ పిటిషన్ (Quash Pitition) దాఖలు చేశారు. హైకోర్టు ఇచ్చిన తీర్పును సవాల్ చేస్తూ చంద్రబాబు తరపు న్యాయవాదులు సుప్రీంకోర్టులో (Supreme Court) పిటిషన్ వేశారు. చంద్రబాబు (Chandrababu) అరెస్ట్ అక్రమమని, కుట్ర పూరితంగా అరెస్ట్ చేశారని ఈ క్రమంలో కేసును కొట్టివేయాలని ఆయన తరపు న్యాయవాదులు పిటిషన్ లో పేర్కొన్నారు. సుప్రీంకోర్టు రిజిస్ట్రీలో పిటిషన్ కాపీని చంద్రబాబు తరపు లాయర్లు అందజేశారు. ఈ పిటిషన్ సోమవారం సుప్రీం కోర్టులో విచారణకు వచ్చే అవకాశం ఉంది.

quash

స్కిల్ డెవలప్ మెంట్ స్కాంలో తనపై నమోదైన కేసును కొట్టివేయాలని కోరుతూ చంద్రబాబు రాష్ట్ర హైకోర్టులో క్వాష్ పిటిషన్ దాఖలు చేయగా దాన్ని హైకోర్టు డిస్మిస్ చేసిన సంగతి తెలిసిందే. దీంతో సుప్రీంకోర్టును ఆశ్రయించారు చంద్రబాబు. స్కిల్ కేసులో క్వాష్ పిటిషన్ పై హైకోర్టు తీర్పును సుప్రీంకోర్టులో సవాలు చేశారు. శుక్రవారం హైకోర్టు చంద్రబాబు క్వాష్ పిటిషన్ పై తీర్పునిస్తు దర్యాప్తు దశలో జోక్యం చేసుకోలేమని చెప్పింది. సెక్షన్ 482 కింద దాఖలైన వ్యాజ్యంలో మినీ ట్రయల్ నిర్వహించలేమని పేర్కొంది.

హైకోర్టలో క్వాష్ పిటిషన్ కొట్టివేశాక చంద్రబాబుతో చర్చించిన చంద్రబాబు లీగల్ టీం చంద్రబాబుతో ములాఖత్ అయి సీఐడీ కస్టడీ, క్వాష్ పిటిషన్‌ను హైకోర్టు కొట్టివేసిన అంశాలను చంద్రబాబుకు వివరించారు. సుప్రీంకోర్టును ఆశ్రయించడంపై బాబుతో చర్చించారు. దానికి చంద్రబాబు అంగీకరించటంతో ఆయన తరపు న్యాయవాదులు సుప్రీంకోర్టులో ఇవాళ పిటిషన్ దాఖలు చేశారు.

కాగా.. ప్రస్తుతం ఢిల్లీలోనే ఉన్న నారా లోకేష్.. సుప్రీంకోర్టు న్యాయవాదులతో చర్చలు జరుపుతున్నట్లుగా తెలుస్తోంది. సుప్రీంకోర్టులో తీర్పు వచ్చేంతవరకు ఢిల్లీలోనే లోకేష్ ఉంటారని తెలుస్తోంది. సుప్రీంకోర్టులో చంద్రబాబుకు ఊరట వస్తుందని ఆయన కుటుంబ సభ్యులు, టీడీపీ వర్గాలు ఆశాభావం వ్యక్తం చేస్తున్నాయి.

September 23, 2023 0 comment

kamal-haasans-sensational-comments-saying-that-a-child-who-spoke-on-sanatana-dharma-is-being-targeted

Entertainment National Politics

చిన్న పిల్లాడిని చేసి టార్గెట్‌ చేస్తున్నారు: కమల్‌!

by Sai September 23, 2023

written by Sai

సనాతన ధర్మంపై డీఎంకే నేత, మంత్రి ఉదయనిధి స్టాలిన్ చేసిన వ్యాఖ్యలు వివాదాస్పదమైన విషయం తెలిసిందే. దీనిపై నటుడు, మక్కల్ నీది మయ్యం అధినేత కమల్ హాసన్ మరోసారి స్పందించారు. ఉదయనిధి స్టాలిన్ పేరు చెప్పకుండా చిన్నపిల్లవాడిని టార్గెట్ చేస్తున్నారంటూ సంచలన వ్యాఖ్యలు చేసారు.

సనాతన ధర్మంపై ఉదయనిధి స్టాలిన్ చేసిన వ్యాఖ్యలు పెద్ద దుమారమే లేపాయి. దేశ వ్యాప్తంగా వివాదానికి దారి తీశాయి. ఈ వ్యాఖ్యలపై కమల్ హాసన్ గతంలో అది అతని వ్యక్తిగత అభిప్రాయమంటూ మాట్లాడారు. తాజాగా మరోసారి ఒక చిన్నపిల్లవాడిని టార్గెట్ చేస్తున్నారు అంటూ కామెంట్ చేసారు.

సనాతన ధర్మంపై మంత్రి చేసిన వ్యాఖ్యల్లో కొత్తేమీ లేదని ద్రవిడ ఉద్యమానికి చెందిన ఉదయనిధి తాత, దివంగత డీఎంకే నేత ఎం కరుణానిధి వంటి వారు కూడా గతంలో సనాతన ధర్మంపై మాట్లాడారని కమల్ చెప్పారు. సంఘ సంస్కర్త పెరియార్ వి రామసామికి ఎంత కోపం ఉందో ఆ నాయకుడి జీవితం నుండి అర్ధం చేసుకోవచ్చునని కమల్ హాసన్ అన్నారు. అలాంటి నాయకుడి వల్లనే సనాతన అనే పదం తనలాంటి వారికి అర్ధం అయ్యిందని చెప్పారు.

పెరియార్ వంటి నాయకుడు ఆలయ నిర్వాహకుడిగా ఉన్నప్పటికీ, కాశీలో పూజలు చేసినప్పటికీ వాటన్నింటినీ విడిచిపెట్టి తన జీవితం మొత్తం ప్రజా సేవకే అంకితం చేసారని కమల్ మాట్లాడారు. 2024 లోక్ సభ ఎన్నికల గురించి మాట్లాడిన కమల్ బీజేపీ మరల అధికారంలోకి రావడానికి తనవంతు ప్రయత్నాలు చేస్తోందని అభిప్రాయపడ్డారు.

September 23, 2023 0 comment

National Politics

వారణాసిలో క్రికెట్ స్టేడియం!

by Sai September 23, 2023

written by Sai

దేశంలో మరో అంతర్జాతీయ క్రికెట్ స్టేడియం అందుబాటులోకి రానుంది. ప్రముఖ పుణ్యక్షేత్రం, కాశీ విశ్వనాథుడు కొలువైన వారణాసిలో కొత్త క్రికెట్ స్టేడియానికి ప్రధాని నరేంద్ర మోదీ శనివారం శంకుస్థాపన చేశారు.

ఈ కార్యక్రమానికి ఉత్తరప్రదేశ్‌ ముఖ్యమంత్రి యోగి ఆదిత్యనాథ్‌, బీసీసీఐ అధ్యక్షుడు రోజర్ బిన్నీ, ఉపాధ్యక్షుడు రాజీవ్ శుక్లా, బీసీసీఐ కార్యదర్శి జై షా, మాజీ క్రికెటర్లు సచిన్ తెందూల్కర్, సునీల్ గావస్కర్, రవిశాస్త్రి తదితరులు హాజరయ్యారు. ప్రధాని మోదీ వారణాసి నుంచి ఎంపీగా ప్రాతినిధ్యం వహిస్తున్న విషయం గమనార్హమే.

వారణాసిలో అంతర్జాతీయ క్రికెట్ స్టేడియం శంకుస్థాపనకు హాజరైన భారత మాజీ క్రికెటర్లు సచిన్ తెందూల్కర్, సునీల్ గావస్కర్, కపిల్ దేవ్, బీసీసీఐ కార్యదర్శి జై షా, ఉపాధ్యక్షుడు రాజీవ్ శుక్లా కాశీ విశ్వనాథుడిని దర్శించుకున్నారు. అనంతరం దేవాలయంలో ప్రత్యేక పూజలు చేశారు.

స్టేడియం నిర్మాణానికి అవసరమైన భూమి కోసం రూ. 121 కోట్లు ఖర్చు చేశారు.నిర్మాణానికి దాదాపు రూ.330 కోట్లు ఖర్చు చేయనున్నారు.స్టేడియం సీట్ల సామర్థ్యం 30 వేలు. స్టేడియంపైకప్పు అర్ధ చంద్రాకారంలో, ఫ్లడ్‌లైట్లు త్రిశూలం, కొన్ని నమూనాలను బిల్వ పత్రాలను పోలి వుండేలా నిర్మిస్తారు.

అలాగే, ఓ నిర్మాణాన్ని డమరుకం ఆకారంలో నిర్మించనున్నారు. మొత్తంగా ఈ స్టేడియం కాశీ క్షేత్ర సారాన్ని ప్రతిబింబిస్తుంది. డిసెంబరు 2025 నాటికి పూర్తవుతుంది.

September 23, 2023 0 comment

before-son-justin-trudeau-there-was-father-pierre-elliott-trudeau-why-trudeaus-have-difficult-relationship-with-indi

National Politics

Bharat_Canada Relation: అప్పుడు తండ్రి..ఇప్పుడు కొడుకు..తీరు మార్చుకొని కెనడా ప్రధానులు!

by Sai September 23, 2023

written by Sai

భారత్‌, కెనడా మధ్య ద్వైపాక్షిక సంబంధాలు ఇటీవల మరింత దిగజారాయి. ఢిల్లీలో జరిగిన జీ20 సదస్సు(G20 Summit)లో పాల్గొన్న కెనడా ప్రధాని జస్టిన్ ట్రూడో(Trudo) అనంతరం భారత్‌పై నిందలు వేశారు. ఖలిస్థాన్‌ ఉగ్రవాది హర్దీప్ సింగ్ నిజ్జర్ హత్య వెనుక భారత్ హస్తం ఉందని ఆరోపించారు.

దీనికి సంబంధించి తమ వద్ద ఆధారాలు ఉన్నాయని ఆ దేశ చట్టసభలో పేర్కొన్నారు. అయితే భారత్‌ దీనిని ఖండించింది. ఈ నేపథ్యంలో ఇరు దేశాలు దౌత్యాధికారులను బహిష్కరించాయి. అలాగే కెనడా పౌరులకు వీసా జారీని భారత్‌ నిలిపివేసింది. ఈ చర్యలు ఇరు దేశాల మధ్య ద్వైపాక్షిక సంబంధాలను మరింతగా దిగజార్చాయి.

కాగా, కెనడా ప్రధాని జస్టిన్ ట్రూడో తండ్రి పియరీ ఇలియట్ ట్రూడో కూడా ఆ దేశ 15వ ప్రధానిగా ఉన్నారు. 1971 జనవరిలో ఐదు రోజుల పాటు భారత్‌లో ఆయన పర్యటించారు. తాజ్‌మహల్‌ను సందర్శించడంతోపాటు ఒంటెపై షికారు చేశారు. పియరీ ట్రూడో టూర్‌ ముగిసిన కొంత కాలం తర్వాత భారత్‌, కెనడా మధ్య సంబంధాలు దెబ్బతిన్నాయి. అయితే ఖలిస్థానీ అంశంపై మాత్రం కాదు. భారత్‌ పౌర అణు శక్తి కార్యక్రమానికి అమెరికా, కెనడా సహకరించాయి. కెనడాతో కలిసి నిర్మించిన కెనడా డ్యూటెరియం యురేనియం రియాక్టర్, అణు విద్యుత్‌ ఉత్పత్తి కోసం యురేనియం వినియోగాన్ని అనుమతించింది.

మరోవైపు పియరీ ట్రూడో పర్యటన తర్వాత మూడేళ్లకు 1974లో పోఖ్రాన్‌లో అణ్వాయుధాన్ని భారత్‌ పరీక్షించింది. కెనడాతో కలిసి నిర్మించిన రియాక్టర్‌లోని ప్లూటోనియంను దీని కోసం వినియోగించినట్లు అమెరికా, కెనడా ఆరోపించాయి. సంబంధిత ఒప్పందాలను భారత్‌ ఉల్లంఘించినట్లు కెనడా మండిపడింది.

శాంతియుత అణు పరీక్షగా పేర్కొన్న భారత్ వాదలను తోసిపుచ్చింది. ఈ నేపథ్యంలో భారత అణుశక్తి కార్యక్రమానికి మద్దతును పియరీ ట్రూడో నేతృతంలోని కెనడా ప్రభుత్వం ఉపసంహరించింది. అలాగే భారత్‌లోని మరో రియాక్టర్‌ వద్ద పనిచేస్తున్న కెనడియన్ అధికారులను వెనక్కి రప్పించింది. అయితే 2010లో జీ 20 సమ్మిట్ కోసం నాటి ప్రధాని మన్మోహన్ సింగ్ కెనడా పర్యటన సందర్భంగా రెండు దేశాల మధ్య అణు సహకార ఒప్పందం మళ్లీ కుదిరింది.

కాగా, ఖలిస్థానీ అనుబంధ సంస్థ బబ్బర్ ఖల్సా సభ్యుడు పర్మార్‌కు నాటి కెనడా ప్రధాని, జస్టిన్ ట్రూడో తండ్రి పియర్ ట్రూడో మద్దతిచ్చారు. విదేశాల్లోని భారతీయ రాయబార కార్యాలయాలపై దాడులకు పిలుపునిచ్చిన పర్మార్‌ను అప్పగించాలని భారత్‌ చేసిన అభ్యర్థనను ఆయన ప్రభుత్వం తిరస్కరించింది. భారత్ పంపిన ఇంటెలిజెన్స్ హెచ్చరికలు కూడా పట్టించుకోలేదు.

ఈ నేపథ్యంలో 1985 జూన్ 23న కెనడాలోని టొరంటో నుంచి బ్రిటన్‌ రాజధాని లండన్‌కు ప్రయాణించిన ఎయిర్ ఇండియా విమానం 182 (కనిష్క)లో రెండు సూట్‌ కేసులలో బాంబులు అమర్చారు. ఖలిస్థాన్‌ ఉగ్రవాదులు వాటిని పేల్చడంతో ఆ విమానంలో ఉన్న 329 మంది ప్రయాణికులు మరణించారు. చనిపోయిన వారిలో ఎక్కువ మంది కెనడియన్లే. కనిష్క బాంబు దాడి కెనడా చరిత్రలో అత్యంత భయంకరమైన ఉగ్రవాద దాడిగా మిగిలిపోయింది.

September 23, 2023 0 comment

Andhra Pradesh Breaking News Crime Politics

Skill Development Case: చంద్రబాబు సీఐడీ కస్టడీ ఎలా జరుగుతుందంటే…

by Prasanna September 23, 2023

written by Prasanna

ఆంధ్రప్రదేశ్ స్కిల్ డెవలప్ మెంట్ కార్పొరేషన్ అవినీతి కేసులో మాజీ ముఖ్యమంత్రి చంద్రబాబు (Chandrababu) విచారణ కాసేపట్లో ప్రారంభం కానుంది. రాజమండ్రి సెంట్రల్ జైల్లో (Rajahmundry Central jail) రిమాండ్ ఖైదీగా ఉన్న ఆయన్ని సీఐడీ అధికారులు (CID Officials) విచారిస్తారు. సీఐడీ డీఎస్పి ధనుంజయుడు నాయకత్వంలోని 9 మంది అధికారుల బృందం విచారణ చేపట్టింది. ఏసీబీ కోర్టు ఆదేశాల మేరకు ఉదయం 9:30 నుంచి సాయంత్రం ఐదు గంటల లోపు ఈ విచారణ జరుగుతుంది.

రెండు రోజులు పాటు సీఐడీ కస్టడీకి కోర్టు అనుమతించింది. భద్రతా కారణాల పేరుతో సెంట్రల్ జైల్లోనే ఆయన్ని విచారించేందుకు ఏర్పాటు చేశారు. విచారణ సమయంలో చంద్రబాబు తరఫున ఇద్దరు న్యాయవాదులను కూడా అనుమతించారు. నిబంధనలను పాటిస్తూ దర్యాప్తు సాగాలని, ఆ వివరాలను కోర్టుకు సమర్పించాలని న్యాయస్థానం ఆదేశించింది. ఈ కేసులో తదుపరి విచారణ విజయవాడలోని ఏసీబీ కోర్టులో సెప్టెంబర్ 25న జరగుతుంది. మరోవైపు చంద్రబాబు బెయిల్ కోసం ఆయన తరపు న్యాయవాదుల సుప్రీంకోర్టుని ఆశ్రయించబోతున్నట్టు ప్రకటించారు.

విచారణలో మొత్తం 12 మందిని జైల్లోకి అనుమతించారు. వీరిలో 9 మంది అధికారులతో పాటు ఒక వీడియో గ్రాఫర్ ఇద్దరు మీడియేటర్లు ఉంటారు. ఏడుగురు న్యాయవాదులు విచారణ జరిగే ప్రాంగణంలో ఉండవచ్చునని కోర్ట్ చెప్పింది. కస్టడీకి తీసుకునే ముందు బాబుకు వైద్య పరీక్షలు చేయాలని, విచారణ సందర్భంగా పోలీసులు ఎలాంటి థర్డ్ డిగ్రీ ప్రయోగించకూడదని కోర్టు ఆదేశించింది.

న్యాయవాది సమక్షంలో చంద్రబాబును విచారించాలని, అయితే విచారణలో న్యాయవాదులు జోక్యం చేసుకోకూడదనే నిబంధన విధించింది. మధ్యాహ్నం 1 గంట నుండి 2 గంటల వరకు లంచ్ విరామం ఉంటుంది. ప్రతి గంటలో ఐదు నిమిషాల పాటు బ్రేక్ ఇచ్చింది. విచారణ సమయంలో చంద్రబాబు తరపున ఇద్దరు లాయర్లు ఉంటారు.

బ్రేక్ సమయంలో చంద్రబాబు తన కౌన్సిల్‌తో మాట్లాడే వెసులుబాటు కల్పించింది. న్యాయవాదికి కనిపించేలా చంద్రబాబును విచారించాలి.. విచారణ మొత్తం వీడియోగ్రఫీ చేయాలనేది కోర్ట్ ఆదేశం. అంతే కాకుండా దర్యాప్తుపై పూర్తి గోప్యత పాటించాలనీ.. సీల్డ్ కవర్లో కాపీని కోర్ట్‌కు సమర్పించాలని ఆదేశించింది. కస్టడీ ముగిసిన అనంతరం వీడియో కాన్ఫరెన్స్ ద్వారా న్యాయమూర్తి ఎదుట హాజరు పరచాలని ఆదేశాలు జారీ చేశారు. చంద్రబాబు కస్టడీ విచారణ అంశాలను కోర్టు ఎప్పటికప్పుడు మానిటరింగ్ చేస్తుందని కోర్టు తెలిపింది.

సీఐడీ డీఎస్పీ ధనంజయుడు నేతృత్వంలో ఒక సీఐ, ఇద్దరు గెజిటెడ్ ఆఫీసర్ల సమక్షంలో ఈ విచారణ జరగనుంది. రాజమండ్రి జైల్లో మాజీ సీఎం స్థాయి వ్యక్తిని విచారించడం ఇదే తొలిసారి కావడంతో భద్రతను కట్టుదిట్టం చేశారు.

September 23, 2023 0 comment

National Politics Sports

Asian Games 2023: ఆసియా గేమ్స్ లో…చైనా పొలిటికల్ గేమ్స్ !

by Prasanna September 23, 2023

written by Prasanna

అరుణచల్ ప్రదేశ్ విషయంలో భారత్ ను ఇబ్బంది పెట్టేందుకు చైనా ఆసియా గేమ్స్ (Asia Games) వేదికను వాడుకుంది. వుషు (wushu) టీంకు చెందిన ముగ్గురు అరుణచల్ ప్రదేశ్ (Arunachal Pradesh) క్రీడాకారులను వెనక్కి పంపింది. చైనాలోని హాంగ్‌జౌలో జరుగుతున్న 19వ ఆసియా క్రీడలకు అరుణాచల్ ప్రదేశ్‌కు చెందిన ముగ్గురు భారత వుషు (wushu) ఆటగాళ్ల ప్రవేశాన్ని డ్రాగన్‌ కంట్రీ రద్దు చేసింది. వారి వీసాలను, అక్రిడేషన్‌ను రద్దు చేసింది.

ఆసియా గేమ్స్‌లో అరుణాచల్ ప్రదేశ్‌ ఆటగాళ్లకు ప్రవేశాన్ని చైనా నిరాకరించడంపై భారత్ మండిపడింది. ఈ నేపధ్యంలో చైనా వెళ్లాల్సిన కేంద్ర క్రీడా మంత్రిత్వ శాఖామంత్రి అనురాగ్ ఠాగూర్ తన చైనా పర్యటనను రద్దు చేసుకున్నారు. ఆటగాళ్లను రాకుండా ఆపడం ఆసియా గేమ్స్ నిబంధనలకు వ్యతిరేకమని మండిపడ్డారు. అరుణాచల్ ప్రదేశ్ భారత్‌లో భాగమని స్పష్టం చేశారు అనురాగ్ ఠాకూర్. చైనా కవ్వింపు చర్యలను ఖండించారు. ఇదే విషయంపై భారత విదేశాంగ శాఖ చైనా తీరు తప్పుబట్టింది.

భారత్ ను ఇబ్బంది పెట్టె విధంగా డ్రాగన్ కంట్రీ కి ఏ మాత్రం చిన్న అవకాశం దొరికినా వదిలి పెట్టదనే విషయం తెలిసిందే. భారత్ ను ఇబ్బంది పెట్టడానికి సరిహద్దు ప్రాంతం దగ్గర మాత్రమే కాకుండా, ఈశాన్య ప్రాంతాల్లోని పలు చోట్ల చైనా తన దేశ విస్తరణ కాంక్షను వెల్లడిస్తునే ఉంది. ఆసియా గేమ్స్ మాటున కూడా చైనా భారత్ ను రెచ్చగెట్టే ప్రయత్నాలు చేస్తుందని రక్షణ రంగ నిపుణులు అంటున్నారు. భారత్‌ వుషు టీంకు చెందిన ముగ్గురు అరుణాచల్‌ ప్రదేశ్‌ ప్లేయర్స్‌ను వెనక్కి పంపి, అరుణాచల్‌ ప్రదేశ్‌ తమ భూబాగంలో అంతర్భాగమంటూ చెప్పే ప్రయత్నం చేస్తుందని అనుమానాలు వ్యక్తం చేస్తున్నారు.

భారత విదేశాంగ శాఖ చైనా తీరు తప్పుబట్టింది. ప్రాంతీయత ఆధారంగా ఆటగాళ్ల ప్రవేశాన్ని రద్దు చేయడమేంటని మండిపడింది. వివక్షను భారత్ అంగీకరించబోదని స్పష్టం చేసింది. భారత్‌లో భాగమైన అరుణాచల్ ప్రదేశ్‌లోని ఆటగాళ్ల ప్రవేశాన్ని చైనా రద్దు చేయడం ఆసియా గేమ్స్ నిబంధనలకు విరుద్ధమని తెలిపింది. చైనా తీరుపై చర్యలు తీసుకుంటామని తెలిపింది. వివక్షకు గురైన భారత ఆటగాళ్లను ఢిల్లీకి తీసుకువచ్చింది. మరోవైపు ఇదే విషయంపై ఆసియా గేమ్స్‌ను నిర్వహించే అత్యున్నత కమిటీ స్పందించింది. ఈ ఘటనను ఆసియా ఒలింపిక్ కమిటీకి తీసుకువెళ్లినట్లు తెలిపింది.

September 23, 2023 0 comment

Newer Posts

Older Posts