admin

తెలంగాణ (Telangana) లో గెలుపే లక్ష్యంగా ముందుకెళ్తోంది బీజేపీ (BJP). రాష్ట్రానికి కేంద్రం 9 లక్షల కోట్లు ఖర్చు చేసిందని.. అభివృద్ధికి సహకరిస్తున్నా బీఆర్ఎస్ (BRS) తప్పుడు ప్రచారం చేస్తోందని అంటోంది. ఇదే క్రమంలో జాతీయ నేతలను వరుసగా రంగంలోకి దింపుతోంది. మొన్న ప్రధాని మోడీ (PM Modi) రెండు సార్లు వచ్చి.. బీఆర్ఎస్ సర్కార్ ను టార్గెట్ చేశారు. తాజాగా ఆదిలాబాద్ వచ్చిన అమిత్ షా (Amit Shah) కూడా తీవ్రస్థాయిలో విరుచుకుపడ్డారు. డిసెంబర్ 3న కాషాయ జెండా ఎగరాలని.. బీఆర్ఎస్ కుటుంబ పార్టీ అంటూ విమర్శలు చేశారు. ఈ క్రమంలో రైతు ఆత్మహత్యల గురించి ప్రస్తావించారు.

మద్యం, రైతు ఆత్మహత్యలు, నిరుద్యోగంతో పాటు అవినీతి, అక్రమాల్లో కేసీఆర్‌ (KCR) తెలంగాణను నెంబర్‌ వన్‌ చేశారని అన్నారు అమిత్ షా. ఈ నేపథ్యంలో బీఆర్ఎస్ నేతలు ఎటాక్ మొదలుపెట్టారు. ఇప్పటికే మంత్రి కేటీఆర్ (KTR).. షా చెప్పినవన్నీ అబద్ధాలని ఖండించారు. జాతీయ మీడియాకు ఇచ్చిన ఇంటర్వ్యూలో బీజేపీపై తీవ్ర ఆగ్రహం వ్యక్తం చేశారు. తాజాగా ట్విట్టర్(ఎక్స్)లోనూ మండిపడ్డారు. బీజేపీ జుమ్లా పార్టీ అంటూ ఫైరయ్యారు.

తెలంగాణలో రైతు ఆత్మహత్యలు తగ్గాయని.. దేశంలోనే అతి తక్కువ రైతు ఆత్మహత్యలున్న రాష్ట్రం తెలంగాణ అని తెలిపారు కేటీఆర్. రైతు ఆత్మహత్యలకు సంబంధించిన న్యూస్ క్లిప్ ను కూడా పోస్ట్ చేశారు. వాస్తవాలు ఇలా ఉంటే.. అబద్ధాలు చెబుతోంది అమిత్​ షా నా లేక.. ఎన్డీఏ ప్రభుత్వామా అంటూ ప్రశ్నించారు. బక్వాస్​ జూటా పార్టీ డీఎన్ఏ మొత్తం అబద్ధాలు, జుమ్లాలే అని తీవ్రస్థాయిలో ధ్వజమెత్తారు. అబద్ధాలతో తెలంగాణ ప్రజలను మోసం చేసేందుకు బీజేపీ నేతలు ప్రయత్నిస్తున్నారని.. ఎన్ని చేసినా తెలంగాణ సమాజం మొత్తం కేసీఆర్​ వెంటే ఉంటుందని అన్నారు.

రాష్ట్రానికి ఒక్క మంచి పని కూడా చేయని అమిత్ షా ప్రసంగాన్ని చూసి ప్రజలు నవ్వుకుంటున్నారని చెప్పారు కేటీఆర్. ఎన్నికల వేళ బీజేపీ జుమ్లాలు, అబద్ధాలను విని దేశ ప్రజలు.. ముఖ్యంగా తెలంగాణ ప్రజలు విసిగిపోయారని.. ఇక వాటిని నమ్మే పరిస్థితి ఏ మాత్రం లేదన్నారు కేటీఆర్.

తెలంగాణ (Telangana) లో ఎన్నికల సందడి మొదలైంది. ఎలక్షన్ కోడ్ (Election Code) అమల్లోకి రావడంతో పోలీసులు (Police) అలర్ట్ అయ్యారు. రాష్ట్రంలో విస్తృతంగా తనిఖీలు చేస్తున్నారు. ఈ క్రమంలో ఓటర్లను ప్రలోభ పెట్టేందుకు దాచిన వస్తువులు, నగదు పట్టుబడుతున్నాయి. అలాగే, బ్యానర్లు, కటౌట్లను తొలగిస్తున్నారు. ఎక్కడా రాజకీయ సంబంధమైన రాతలు లేకుండా జాగ్రత్తలు తీసుకుంటున్నారు.

హైదరాబాద్ తోపాటు శివారు ప్రాంతాల్లోని పొలిటికల్ లీడర్ల ఫొటోలతో ఉన్న ఫ్లెక్సీలను బల్దియా సిబ్బంది తొలగించారు. పోలీసులు అన్ని ప్రాంతాల్లో చెక్​ పోస్టులు ఏర్పాటు చేసి వెహికల్ చెకింగ్ చేపట్టారు. గ్రేటర్ సిటీలోని పలు ఏరియాలలో తనిఖీలు కొనసాగుతున్నాయి. బంజారాహిల్స్‌ లో తనిఖీలు చేశారు. ఈ సోదాల్లో భారీగా నగదు పట్టుబడింది. కారులో తరలిస్తున్న రూ.3.25 కోట్లను పోలీసులు స్వాధీనం చేసుకున్నారు. డబ్బు తరలిస్తున్న ముగ్గురిని అదుపులోకి తీసుకున్నారు. వనస్థలిపురం, షాద్ నగర్​ లో భారీగా డబ్బు, బంగారాన్ని స్వాధీనం చేసుకున్నారు.‌‌‌‌‌‌‌‌ అబిడ్స్ నిజాం కాలేజీ వ‌ద్ద జ‌రిగిన సోదాల్లో ఏకంగా 7 కిలోల బంగారం, 300 కేజీల వెండి సీజ్ చేశారు.

బేగంబ‌జార్ లో రూ.3 లక్ష‌లు, చైత‌న్య పురిలో రూ.30 ల‌క్ష‌లు పట్టుకున్నారు పోలీసులు. షాద్ న‌గ‌ర్ లో ఉన్న టోల్ ప్లాజాలో రూ.18 ల‌క్ష‌లు స్వాధీనం చేసుకున్నారు. వ‌న‌స్థ‌లిపురంలో రూ.4 ల‌క్ష‌లు, జూబ్లీ హిల్స్ లో రూ.50 ల‌క్ష‌లు గుర్తించారు. గచ్చిబౌలి పోలీస్‌ స్టేషన్‌ పరిధిలోని గోపన్‌ పల్లితండాలో వంటకు వినియోగించే కుక్కర్లను పోలీసులు పట్టుకున్నారు. ఇవి శేరిలింగంపల్లి కాంగ్రెస్‌ నేత మారబోయిన రఘునాథ్‌ యాదవ్‌ పేరుతో సిద్ధంగా ఉన్నాయి. మొత్తం 90 కుక్కర్లను పట్టుకున్నారు. ఇక, ఫిలింనగర్‌ లో మద్యం సీసాలను పట్టుకున్నారు.

రాష్ట్రంలో నగదు లావాదేవీలు, మద్యం సరఫరాపై పూర్తి నిఘా పెట్టారు. వరంగల్ పోలీస్ కమిషనరేట్ పరిధిలో పోలీసులు వాహనాల తనిఖీలను ముమ్మరం చేశారు. ఎంజీఎం కూడలితోపాటు రుద్రమదేవి కూడలి వెంకటరమణ జంక్షన్ వద్ద పోలీసులు వాహనాలను తనిఖీ చేయగా.. రూ.8 లక్షలు స్వాధీనం చేసుకున్నారు. నగదుకు సంబంధించి సరైన పత్రాలు లేకపోవడంతో స్వాధీనం చేసుకున్నట్లు తెలిపారు.

మంత్రి శ్రీనివాస్ గౌడ్ (Srinivas Goud) తప్పుడు అఫిడవిట్ కేసుపై హైకోర్టు (High Court) తుది తీర్పు ఇచ్చింది. ఆయనకు వ్యతిరేకంగా దాఖలైన పిటిషన్ ను కొట్టేసింది. ఎన్నికల సమయంలో మంత్రికి ఊరట దక్కింది.

2018 ఎన్నికల సమయంలో శ్రీనివాస్‌ గౌడ్ సమర్పించిన ఎన్నికల అఫిడవిట్ అసలు నిజాలు లేవని.. పైగా, తర్వాత ట్యాంపరింగ్‌ కు పాల్పడ్డారని మహబూబ్‌ నగర్‌ (Mahabubnagar) జిల్లాకు చెందిన చలువగాలి రాఘవేంద్ర రాజు నాంపల్లి ప్రజా ప్రతినిధుల కోర్టులో పిటిషన్ దాఖలు చేశాడు. ఎమ్మెల్యేగా, మంత్రిగా కొనసాగే అర్హత ఆయనకు లేదని అందులో పేర్కొన్నాడు. దీనిపై వాదనలు కొనసాగగా.. మంత్రిపై కేసు నమోదుకు కోర్టు ఆదేశించింది. ఇదే క్రమంలో ఆయన హైకోర్టును ఆశ్రయించారు.

తన ఎన్నిక చెల్లదన్న పిటిషన్‌ ను కొట్టివేయాలని కోరుతూ శ్రీనివాస్ గౌడ్ పిటిషన్ దాఖలు చేయగా.. హైకోర్టు కొట్టివేసింది. అయితే.. రాఘవేంద్రరాజు కూడా హైకోర్టులో పిటిషన్ దాఖలు చేశాడు. ఈ పిటిషన్‌ లో ఎలాంటి అర్హత లేదని శ్రీనివాస్‌ గౌడ్‌ మరో పిటిషన్‌ వేశారు. హైకోర్టులో ఇరు వర్గాల వాదనలు పూర్తయ్యాయి. సోమవారం రోజున మరోసారి విచారణ జరిపి ఈ వివాదంపై తీర్పు మంగళవారానికి వాయిదా వేస్తున్నట్లు ప్రకటించింది.

తాజాగా రాఘవేంద్ర రాజు వేసిన పిటిషన్​ ను కొట్టివేస్తూ తీర్పునిచ్చింది హైకోర్టు. పిటిషనర్ వాదనతో ఏకీభవించలేదు. ఈ తీర్పుతో మంత్రి శ్రీనివాస్ గౌడ్‌ కు బిగ్ రిలీఫ్ లభించింది. నాలుగున్నరేళ్లు ఈ కేసు విచారణ కొనసాగింది.