Category:

Politics

Find the latest Telugu news and political news in Andhra and Telangana in Telugu, తెలుగు రాజకీయ వార్తలు, పాలిటిక్స్ న్యూస్,

AP Assembly : ప్రభుత్వాన్ని కాపాడుకోవాల్సింది ఉద్యోగులే : బుగ్గన

by Prasanna September 27, 2023

written by Prasanna

సీఎం జగన్ (CM Jagan) ప్రభుత్వ ఉద్యోగుల కష్టాన్ని గుర్తించారని మంత్రి బుగ్గన రాజేంద్రనాధ్ రెడ్డి (Buggana Rajendranath Reddy) అన్నారు. అందుకే గ్యారెంటీడ్ పెన్షన్ స్కీమ్ (GPS) ను తీసుకొచ్చారని చెప్పారు. సీపీఎస్ ను రివ్యూ చేయాలని ప్రభుత్వ ఉద్యోగులు చాలా కాలంగా డిమాండు చేస్తున్నారని, పలు దఫాలుగా ఉద్యోగులతో చర్చించిన తర్వాత జీపీఎస్ ను అనే హైబ్రీడ్ మోడల్ కేబినెట్ అమోదించిందన్నారు.

Buggana

ప్రతిపక్షాలు జీపీఎస్ పై లేనిపోని విమర్శలు చేస్తున్నాయని బుగ్గన అన్నారు. గ్యారెంటీడ్ పెన్షన్ స్కీం విషయంలో మంత్రులు, అధికారుల కమిటీ చాలా అంశాలను పరిశీలించి…చివరకు ఉద్యోగులకు ఎక్కువ ఉపయోగకరంగా ఉండే జీపీఎస్ ను రూపొందించిదని చెప్పారు. ప్రభుత్వ ఉద్యోగులంతా ప్రభుత్వంలో ముఖ్యమైన భాగమని, ప్రభుత్వాన్ని కాపాడుకోవటంలో ఉద్యోగులు కీలకంగా నిలవాలన్నారు.

గ్యారెంటీడ్ పెన్షన్ స్కీమ్ ను చట్టంగా రూపొందించేందుకు శాసనసభలో ప్రవేశపెట్టామని చెప్పిన బుగ్గన, వైసీపీ ప్రభుత్వం అధికారంలోకి వ‌చ్చిన త‌ర్వాత ఉద్యోగుల‌కు 11వ పీఆర్సీని అమ‌లు చేసామని తెలిపారు. ప్ర‌భుత్వ ఉద్యోగుల రిటైర్ మెంట్ వ‌య‌సు 60 నుంచి 62 ఏళ్ల‌కు పెంచమని గుర్తు చేశారు.

సీఎం జగన్ మాట ఇచ్చిన ప్రకారం కాంట్రాక్ట్ ఉద్యోగులందరినీ రెగ్యులరైజ్ చేస్తున్నామని తెలిపారు. 2014 జూన్ రెండు కంటే ముందు అపాయింట్ అయిన కాంట్రాక్ట్ ఉద్యోగులంద‌రినీ క్ర‌మ‌బ‌ద్దీక‌రిస్తున్నట్లు తెలిపారు. ఈ ఉద్యోగ నియామ‌కాల్లో ఎలాంటి ఆరోప‌ణ‌లు లేకుండా మెరిట్ ప్ర‌కారం భ‌ర్తీ చేస్తున్నమన్నారు.

September 27, 2023 0 comment

Bandi Sanjay : కేటీఆర్ అన్ ఫిట్..!

by admin September 27, 2023

written by admin

– కేంద్ర నిధులపై చర్చకు సిద్ధమా?
– భాగ్యలక్ష్మి అమ్మవారి ఆలయానికి రా..
– కేటీఆర్ కు బండి సవాల్

మంత్రి కేటీఆర్‌ (KTR) కామెంట్స్ పై స్పందించారు బీజేపీ జాతీయ ప్రధాన కార్యదర్శి బండి సంజయ్ (Bandi Sanjay). కరీంనగర్ లో స్వాతంత్ర్య పోరాట యోధుడు, తెలంగాణ ఉద్యమ నేత కొండా లక్ష్మణ్ బాపూజీ జయంతి కార్యక్రమంలో పాల్గొన్నారు. ఆయన విగ్రహానికి పూలమాల వేసి నివాళులర్పించారు. ఈ సందర్భంగా మాట్లాడిన బండి.. ప్రధాని మోడీ (PM Modi) తెలంగాణ టూర్ పై కేటీఆర్ చేసిన కామెంట్స్ కు కౌంటర్ ఇచ్చారు. తెలంగాణ (Telangana) లో అడుగుపెట్టే అర్హత మోడీకే ఉందన్నారు.

కృష్ణా జలాల వాటాపై కేసీఆరే మోసం చేశారని ఆరోపించారు సంజయ్. పాలమూరు-రంగారెడ్డికి డీపీఆర్ ఇచ్చారా అని ప్రశ్నించారు. కేంద్రం ఇచ్చిన నిధులపై చర్చకు సిద్ధమా అంటూ సవాల్ చేశారు. ఓకే అయితే.. భాగ్యలక్ష్మి అమ్మవారి ఆలయానికి వస్తే చర్చిద్దామన్నారు. ఎన్నికలకు ఇదే రెఫరెండమని వ్యాఖ్యానించారు. కేంద్రం నుంచి ఇప్పటివరకు రాష్ట్రానికి రూ.9 లక్షల కోట్ల నిధులు వచ్చాయని తాము రుజువు చేస్తామన్నారు. అలాగే, తొమ్మిదేళ్ల పాలనలో మీరు ఎన్ని హామీలు ఇచ్చారు.. ఎన్ని నెరవేర్చారో చెప్తారా? అని అడిగారు.

బీజేపీ రాష్ట్ర అధ్యక్షుడు కిషన్ రెడ్డి అన్ ⁬ఫిట్ అంటూ కేటీఆర్ చేసిన విమర్శలపై స్పందించిన బండి.. కిషన్ రెడ్డి కాదు.. పాలనలో కేటీఆరే అన్ ఫిట్ అని ఎద్దేవ చేశారు. ఉద్యోగాలు ఇవ్వకుండా నిరుద్యోగులను మోసం చేస్తున్న కేసీఆర్, కేటీఆర్ కు తెలంగాణలో తిరిగే అర్హత లేదన్నారు. ఇటీవల ప్రారంభించిన పాలమూరు-రంగారెడ్డి ప్రాజెక్టులో ఒక్క మోటారు ప్రారంభించి ఎన్ని లక్షల ఎకరాలకు నీరిస్తున్నారని ప్రశ్నించారు.

ప్రధాని మోడీని విమర్శించే అర్హత కేటీఆర్ కు లేదన్న బండి.. ప్రజలను మోసం చేసిన కేసీఆర్ కుటుంబానికే తెలంగాణలో తిరిగే అర్హత లేదన్నారు. బీఆర్ఎస్ పాలనలో ఏ వర్గం కూడా సంతోషంగా లేదన్నారు. ఈ తొమ్మిదేండ్లలో బీఆర్ఎస్ నేతలు కోట్లకు పడగలెత్తారని.. ప్రజల జీవితాల్లో మార్పు రాలేదని విమర్శలు చేశారు.

September 27, 2023 0 comment

Andhra Pradesh Politics

Nara Lokesh : సెప్టెంబర్ 29న మళ్లీ వస్తున్నా: నారా లోకేష్

by Prasanna September 27, 2023

written by Prasanna

టీడీపీ యువనేత నారా లోకేష్( Nara Lokesh ) యువగళం (Yuvagalam) పాదయాత్ర సెప్టెంబర్ 29వ తారీకు నుంచి మళ్లీ మొదలు టీడీపీ పార్టీ తెలిపింది. ఈనెల 29న తూర్పుగోదావరి జిల్లా రాజోలు నియోజకవర్గం నుంచి లోకేష్ పాదయాత్ర చేపట్టనున్నారు. కొన్ని వారాల క్రితం చంద్రబాబు అరెస్టు నేపథ్యంలో సెప్టెంబర్ 9న పాదయాత్ర ఆపేయడం జరిగింది.ఆ తరువాత లోకేష్ చంద్రబాబుకి( Chandrababu Naidu ) బెయిల్, ఇతర అనేక విషయాలకు సంబంధించి ఢిల్లీలో పర్యటిస్తూ ఉన్నారు.

కాగా ఇప్పుడు మళ్ళీ 20 రోజుల తర్వాత “యువగళం” పాదయాత్ర ప్రారంభించబోతున్నారు. ఈ క్రమంలో తెలుగుదేశం పార్టీ సోషల్ మీడియా విభాగం పోస్ట్ పెట్టింది. “అద్భుత ప్రజాదరణతో జైత్రయాత్రలా కొనసాగుతోన్న యువగళం పాదయాత్ర చంద్రబాబు గారి అక్రమ అరెస్టు కారణంగా ఆగింది. కానీ అది చిన్న విరామం మాత్రమే. ఎక్కడ ఆగిందో అక్కడ నుంచే మళ్ళీ సెప్టెంబర్ 29, 2023, రాత్రి 8.15 గంటలకు పాదయాత్రను ప్రారంభిస్తున్నారు నారా లోకేష్ గారు.” అని ఆ పోస్టులో ప్రకటించారు.

అయితే అమరావతి ఇన్నర్ రింగ్ రోడ్ కేసులో లోకేష్ ను ఏ14 చేరుస్తూ సీఐడీ ఏసీబీ కోర్టులో మెమో దాఖలు చేసింది. దీనిపై స్పందించిన లోకేష్, తన యువగళానికి వస్తున్న స్పందన చూసి భయపడిపోయి వైసీపీ తనని కేసులో ఇరికించే ప్రయత్నం చేస్తుందని అన్నారు.

యువగళం మళ్లీ ప్రారంభం కాబోతుందని పార్టీ ప్రకటించడంతో తెలుగుదేశం పార్టీ కార్యకర్తలు, నాయకులు లోకేష్ పాదయాత్రకు ఏర్పాట్లు చేస్తున్నారు. మరో వైపు లోకేష్ పాదయాత్రలో చంద్రబాబు సతీమణి నారా భువనేశ్వరి కూడా పాల్గొంటారని తెలుస్తోంది.

September 27, 2023 0 comment

Andhra Pradesh National Politics

Vizag Steelplant : వైజాగ్ స్టీల్ ప్లాంట్ ప్రైవేటీకరణ ఆగినట్లేనా !

by Prasanna September 27, 2023

written by Prasanna

విశాఖ స్టీల్ ప్లాంట్ (Vizag Steelplant) ప్రైవేటీకరణపై కేంద్రం పునరాలోచన చేస్తోందనే సంకేతాలు కేంద్రం నుంచి వచ్చాయని బీజేపీ రాజ్యసభ సభ్యులు జీవీఎల్ నరసింహరావు చెప్పారు. విశాఖ ఉక్కు పరిశ్రమ అమ్మకం దాదాపు నిలిచిపోయినట్టేనని, అయితే సంస్థను లాభాల బాటలో నడిపించాల్సి ఉందని, అప్పుడు మాత్రమే విశాఖ ఉక్కు పరిశ్రమ ప్రభుత్వ రంగ సంస్థగా కొనసాగుతుందని అన్నారు.

విశాఖ ఉక్కు పరిశ్రమ ప్రజల ఆస్తి అని, దీనిని కాపాడుకోవడం అందరి బాధ్యత అని జీవీఎల్ పిలుపునిచ్చారు. కార్మిక సంఘాలు తప్పుడు ప్రచారాలకు పాల్పడరాదని అన్నారు. విశాఖ ఉక్కు పరిశ్రమ నష్టాలకు, ఐరన్ ఓర్ గనులు కేటాయించకపోవడానికి మోదీ సర్కారుదే బాధ్యత అనడం తగదని, కాంగ్రెస్ హయాంలోని గత యాజమాన్యం వల్లే సంస్థకు ఇబ్బందులు వచ్చాయని అన్నారు.

స్టీల్ ప్లాంట్ కు అవసరం అయ్యే ఐరన్ ఓర్ కోసం గత ప్రభుత్వాలు ఎందుకు పట్టించుకోలేదని కాంగ్రెస్ మీద విమర్శలు చేశారు. అంతే కాదు విశాఖ స్టీల్ ప్లాంట్ ను ఒక గాడిన పెట్టడానికి బీజేపీ ప్రభుత్వం చేస్తోందని ఆయన చెప్పారు. ప్రస్తుతం స్టీల్ ప్లాంట్ లాభాల్లో కూడా లేదని జీవీఎల్ చెప్పారు. రోజుకు మూడు ర్యాకులు బొగ్గు ను అందిస్తోన్న తమ చిత్తశుద్ధిని ఎవరూ శంకించలేరని అన్నారు.

దాదాపు ఏడాదిన్నర క్రితం స్టీల్ ప్లాంట్ ప్రైవేటీకరణపై కేంద్రం నిర్ణయం తీసుకుంది. అప్పటీ నుంచి కార్మిక సంఘాలు, ఉద్యోగులు ప్రైవేటీకరణకు వ్యతిరేకంగా ఎన్ని ఉద్యమాలు, అందోళనలు చేసినా పట్టించుకోలేదు. కానీ ఇప్పుడు రాబోతున్న ఎన్నికల కోసం స్టీల్ ప్లాంట్ విషయంలో కేంద్ర ప్రభుత్వం తన నిర్ణయాన్ని కొంత కాలం వాయిదా వేసుకుందా అనే ప్రశ్న తలెత్తుతుంది.

September 27, 2023 0 comment

Andhra Pradesh Politics

CM Jagan : టిక్కెట్లు ఇవ్వలేను, కానీ మీరూ నా వారే : జగన్

by Prasanna September 27, 2023

written by Prasanna

రానున్న ఎన్నికల్లో అందరికి టిక్కెట్లు ఇవ్వలేకపోవచ్చు, టిక్కెట్లు ఇవ్వలేదని మీరు నా మనుషులు కాకపోరు, మీరూ నా వారే, అందరికి తగిన విధంగా గౌరవిస్తాం అని సీఎం జగన్ (CM Jagan) అన్నారు. మంత్రులు (Ministers), ఎమ్మేల్యేలు, ఎమ్మల్సీలతో తాడేపల్లి క్యాంపు కార్యాలయం (Camp Office) లో గడప గడపకు మన ప్రభుత్వం కార్యక్రమంపై పార్టీ నేతలతో సీఎం సమీక్షించారు.

వచ్చే ఎన్నికల్లో 175 సీట్లకు 175 గెలవాలనే లక్ష్యంతో పని చేయాలని సీఎం జగన్ అన్నారు. ఇప్పటివరకు చేసిన కార్యక్రమాలు ఓ ఎత్తు…వచ్చే 6 నెలల్లో చేయాల్సిన ప్రోగ్రామ్స్ మరో ఎత్తు అన్నారు. వచ్చే 6 నెలల ఎలా పనిచేస్తామన్నది చాలా ముఖ్యం అన్నారు. గేర్ మార్చాల్సిన అవసరం వచ్చిందని తెలిపారు. ప్రజలకు ఎల్లప్పుడూ అందుబాటులో ఉండాలని సీఎం జగన్ సూచించారు.

నియోజకవర్గాల్లో విభేదాలు లేకుండా చూసుకోవాలని.. మనమంతా ఒక కుటుంబంలోని సభ్యులమే అని తెలిపారు. టికెట్లు ఇవ్వనంత మాత్రాన నిరాశ పడొద్దని.. చాలా మందికి టికెట్లు రావొచ్చు, మరికొందరికీ రాకపోవచ్చు.. మరో అవకాశం ఇస్తాం అని సీఎం జగన్ తెలిపారు.

నామినెటేడ్ పదవులు ఇచ్చి వారిని గౌరవిస్తామని చెప్పారు. టికెట్ల అంశంపై ప్రతీ ఒక్కరు తన నిర్ణయాన్ని పెద్ద మనసుతో స్వాగతించాలని జగన్ సూచించారు. చివరి దశ సర్వే జరుగుతున్నాయని.. ప్రజల్లో ఎక్కువగా ఉంటే మంచి ఫలితాలు వస్తాయని చెబుతున్నారు. జగనన్న ఆరోగ్య సురక్ష కార్యక్రమం, వై ఏపీ నీడ్స్ జగన్ అనే కార్యక్రమం చేపడతాం అని సీఎం జగన్ సూచించారు. ఇప్పటివరకు చేసిన పనులను…ఇక నుంచి జనాల్లోకి తీసుకెళ్లాలని కోరారు.

September 27, 2023 0 comment

Politics Telangana

BRS : ప్లీజ్…మా ఎమ్మేల్యేకు టిక్కెట్ ఇవ్వొద్దు !

by Prasanna September 26, 2023

written by Prasanna

బీఆర్ఎస్ (BRS) పార్టీ రానున్న ఎన్నికల్లో పోటీ చేసే అభ్యర్థులు వీరేనంటూ చాలా కాలం కిందటే ఒక జాబితా విడుదల చేసింది. అయితే వీరిలో కొందరికి టిక్కెట్ ఇవ్వొద్దంటూ జరుగుతున్న నిరసనలు బీఆర్ఎస్ పార్టీకి తలనొప్పిగా మారాయి. అలాంటి పరిస్థితి జగిత్యాల (Jagityala) జిల్లా చొప్పదండి (Choppadandi) నియోజకవర్గంలో కనిపిస్తోంది.

MLA

చొప్పదండి బీఆర్ఎస్ అభ్యర్థిని మార్చాలంటూ బీఆర్ఎస్ అభ్యర్థిని మార్చాలని.. నల్లగొండ శ్రీ లక్ష్మీనరసింహస్వామి ఆలయంలో ప్రత్యేక పూజలు నిర్వహించారు. నియోజకవర్గంలో ఎమ్మెల్యే గ్రాఫ్ పడిపోయిందని బీఆర్ఎస్ నాయకులు నిరసన వ్యక్తం చేశారు. బీఆర్ఎస్ పార్టీ అందరికి గెలిచే వాళ్లే టిక్కెట్లు ఇచ్చిందని అనుకుంటే…చొప్పదండిలో మాత్రం ఆ పరిస్థితి కనిపించడం లేదని అన్నారు.

ప్రస్తుతం ఎమ్మేల్యే సుంకే రవిశంకర్ కాకుండా వేరే వారికి అవకాశం ఇవ్వాలని నియోజకవర్గంలోని కొడిమ్యాల, గంగాధర, రామడుగు మండలంలోని నాయకులు నల్గొండ శ్రీ లక్ష్మీనరసింహస్వామికి 116 కొబ్బరికాయలు కొట్టి నిరసన తెలిపారు. అలాగే తమ విన్నపం కేసీఆర్ చేరాలని ఆ స్వామిని కోరుకున్నామని చెప్పారు. నియోజకవర్గంలో ఎమ్మెల్యే గ్రాఫ్ బాగోలేదని, అతనికే బీఫాం ఇస్తే పార్టీ ఓడిపోవడం ఖాయమంటూ నిరసన తెలిపారు.

సుంకే రవిశంకర్ కు కాకుండా ఇంకెవరికైనా బీఫాం కేటాయించాలని సీఎం కేసీఆర్ ను కోరారు. కాగా రెండు రోజుల క్రితం నియోజక వర్గంలోని మల్యాల మండలంలో ఎమ్మెల్యే ప్రోగ్రాంను 12 మంది సర్పంచులు బై కాట్ చేసి నిరసన వ్యక్తం చేశారు. ఆ గొడవ సద్దుమణగక ముందే మరోసారి ఇలా తనకు బీఫాం ఇవ్వొద్దంటూ నిరసనలు తెలపడం రవి శంకర్ కు తలనొప్పిగా మారింది.

September 26, 2023 0 comment

Politics Telangana

Nijamabad : మోడీ వస్తున్నారు… ఇక యుద్ధం మొదలు: కిషన్ రెడ్డి

by Prasanna September 26, 2023

written by Prasanna

అక్టోబరు 3 వ తేదీన ప్రధాని నరేంద్ర మోడీ (Narendra Modi) నిజామాబాద్ (Nijamabad) జిల్లాలో పర్యటించనున్నారు. ఆ రోజున కేంద్ర ప్రభుత్వం తరపున పలు అభివృద్ధి కార్యక్రమాలకు ప్రధాని మోడీ శంకుస్దాపన చేయనున్నారు. అనంతరం జరిగే బహిరంగ సభ లో మోడీ పాల్గొంటారు. వీటికి సంబంధించిన ఏర్పాట్లను బీజేపీ (BJP) రాష్ట్ర అధ్యక్షుడు కిషన్ రెడ్డి పరిశీలించారు.

ప్రధాని పర్యటన సందర్భంగా ఎన్టీపీసీకి సంబంధించిన 6 వేల కొట్ల విలువైన పెట్టుబడుల కార్యక్రమాన్ని ఇక్కడి నుంచే ప్రారంభిస్తారు. అలాగే 8 వందల మెగా వాట్ల విద్యుత్ ప్రాజెక్ట్ ను వర్చువల్ గా ప్రధాని ప్రారంభిచనున్నారు. ఈ కార్యక్రమాలు నిజామాబాద్ నగరంలోని గిరిరాజ్ కాలేజి మైదానలో జరుగుతాయి. మోడీ పర్యటన రాష్ట్ర రాజకీయాలకు దిశా నిర్దేశంగా మారనుందని కిషన్ రెడ్డి మీడియాతో చెప్పారు.

ఉత్తర తెలంగాణలో బీజేపీ క్రియాశీలకంగా ఉంటుందనీ ఈ ప్రాంతంలో బీజేపీది కీలక పాత్రనీ కిషన్ రెడ్డి అన్నారు. ఖమ్మంలో కూడా ప్రజలు బీజేపీవైపే ఉన్నారని ఆయన తెలిపారు. రానున్న రోజుల్లో తెలంగాణలో అమిత్ షా, నడ్డా తో పాటు పలువురు ప్రముఖులు కూడా పర్యటిస్తారని తెలిపారు. అక్టోబర్ 2 నుంచి తెలంగాణలో ఎన్నికల సన్నాహలు షురూ అవుతున్నాయని బీజేపీ ఇప్పటికే తెలిపింది.

తెలంగాణా రాష్ట్రానికి ముఖ్యమంత్రి కేసీఆర్ ఏం చేశారో చెప్పాలని కిషన్ రెడ్డి డిమాండ్ చేశారు. పేరుకే కేసీఆర్ సీఎం కానీ షాడో సీఎంగా కేటీఆర్ వ్యవహరిస్తున్నారని విమర్శించారు. తామిచ్చిన హామీ లపై కేటీఆర్ కు సమాధానం చెప్పే అవసరం బీజేపీకి లేదన్నారు. ఉద్యోగనియామకాల కోసం 17 సార్లు నోటిఫికేషన్ ఇచ్చినా ఉద్యోగాలు మాత్రం ఇవ్వలేకపోవడం సిగ్గుచేటని, ప్రభుత్వంపై నిరుద్యోగులు అసంతృప్తితో ఉన్నారని తెలిపారు.

ఎమ్మెల్సీల పై గవర్నర్ నిర్ణయం సరైనదేనని కిషన్ రెడ్డి చెప్పారు. అర్హతలేకపోయినా పదవులువ్వడం కేసీఆర్ కే చెల్లిందని, అనర్హులకు పదవులు కట్టబెట్టడం దారుణమని ఆరోపించారు.

September 26, 2023 0 comment

KTR Sensational Comments on Governor Tamilisai and PM Modi

Breaking News Featured Hyderabad Politics Telangana

KTR : తెలంగాణకు ద్రోహం చేసిన పార్టీ బీజేపీ!

by admin September 26, 2023

written by admin

– పదే పదే తెలంగాణను అవమానిస్తున్నారు
– మోడీ క్షమాపణ చెప్పాల్సిందే
– పాలమూరుకు ఏం చేశారని వస్తున్నారు
– వచ్చే ఎన్నికల్లో బీజేపీ అడ్రస్ గల్లంతే
– కృష్ణా జలాల్లో వాటా తేల్చాకే పాలమూరుకు రావాలి
– దేశంలో గవర్నర్ వ్యవస్థ అవసరమా?
– చంద్రబాబు అరెస్ట్ తో మాకేం సంబంధం
– మంత్రి కేటీఆర్ ఇంట్రస్టింగ్ కామెంట్స్

తెలంగాణ (Telangana) ను ప్రధాని మోడీ (PM Modi) పదేపదే అవమానిస్తున్నారని మండిపడ్డారు మంత్రి కేటీఆర్ (KTR). హైదరాబాద్ లో మీడియాతో మాట్లాడిన ఆయన.. అమృతకాల సమావేశాలని చెప్పి మోడీ విషం చిమ్మారని ఆరోపించారు. రాష్ట్ర ఏర్పాటును ఎందుకు అవమానిస్తున్నారని అడిగారు. ప్రధాని తన వ్యాఖ్యలపై వివరణ ఇవ్వాల్సిందేనని.. తెలంగాణ ప్రజలకు క్షమాపణలు చెప్పాలని డిమాండ్ చేశారు.

మోడీ ఎందుకొస్తున్నారు?

వచ్చే ఎన్నికల్లో బీజేపీ అడ్రస్ లేకుండా పోతుందన్నారు కేటీఆర్. కాళేశ్వరం, పాలమూరు ఎత్తిపోతల్లో ఒక్క దానికి కూడా జాతీయ హోదా ఇవ్వలేదని మండిపడ్డారు. మహబూబ్ నగర్ కి ఏం చేశారని మోడీ వస్తున్నారని అడిగారు. పదేళ్ల నుంచి కృష్ణా జలాల్లో వాటా తేల్చడం లేదని.. అది తేల్చాకే పాలమూరుకు రావాలన్నారు. బీజేపీ తెలంగాణకు ద్రోహం చేసిన పార్టీ అని విమర్శించారు. ఓట్లు కావాలంటే ప్రధానికి మంచి పనులు చేసే సత్తా ఉండాలన్న ఆయన.. ఎన్ని ఉపన్యాసాలు ఇచ్చినా ప్రజలు నమ్మరని హితవు పలికారు.

గవర్నర్ వ్యవస్థ అవసరమా?

ఎమ్మెల్సీలుగా ఇద్దర్ని సిఫారసు చేస్తే గవర్నర్ తమిళిసై తిరస్కరించారని మండిపడ్డారు కేటీఆర్. ఇద్దరిలో ఒకరు ప్రొఫెసర్, మంచి వ్యక్తి అని ఆమోదిస్తారని అనుకున్నామన్నారు. సత్యనారాయణ ట్రేడ్ యూనియన్ లో సేవలు చేశారని వివరించారు. మోడీ అజెండాతో గవర్నర్ పని చేస్తున్నారని చెప్పారు. గవర్నర్ అయ్యే ఒక్కరోజు ముందు కూడా తమిళిసై బీజేపీ రాష్ట్ర అధ్యక్షురాలుగా ఉన్నారని గుర్తు చేశారు. ఆమెను నియమించడం సర్కారియా కమిషన్ నిబంధనలకు విరుద్ధం కాదా? అంటూ ప్రశ్నించారు. అసలు, గవర్నర్ వ్యవస్థ దేశంలో అవసరమా? అని వ్యాఖ్యానించిన కేటీఆర్.. ఇది బ్రిటిష్ కాలం నాటి వ్యవస్థ అని తెలిపారు. గవర్నర్ మాటలు హాస్యాస్పదంగా ఉన్నాయని.. ఆ ఇద్దరు అన్ ఫిట్ అంటే.. మరి మీరు అన్ ఫిట్టా? లేక మోడీ అన్ ఫిట్టా? అని ప్రశ్నించారు.

చంద్రబాబు అరెస్ట్ పై!

చంద్రబాబును ఏపీలో అరెస్ట్ చేస్తే హైదరాబాద్ లో ఆందోళనలేంటని అన్నారు కేటీఆర్. ఈ అరెస్ట్ కు తెలంగాణకు సంబంధం ఏంటని.. ఇది ఏపీలోని రెండు పార్టీల మధ్య సమస్యగా చెప్పారు. రాజకీయ ఘర్షణలో ఇది జరిగిందని.. తెలంగాణలో గొడవలెందుకని.. ఈ విషయంలో తాము న్యూట్రల్ గా ఉన్నామని తెలిపారు. ఆందోళనలకు అనుమతి ఎందుకు ఇవ్వట్లేదని లోకేష్ ఫోన్ చేసిన విషయాన్ని ఈ సందర్భంగా చెప్పారు కేటీఆర్.

September 26, 2023 0 comment

Breaking News Hyderabad Politics Telangana

BJP : గవర్నర్ కు అండగా బీజేపీ.. బీఆర్ఎస్ పై కౌంటర్ ఎటాక్!

by admin September 26, 2023

written by admin

– గవర్నర్ కు రాజకీయాలు ఆపాదిస్తారా?
– తప్పును ఎత్తిచూపితే సహించలేరా?
– మీరు చెప్పిందల్లా చేయాలా?
– రబ్బర్ స్టాంప్ లా ఉండాలా?
– బీఆర్ఎస్ పై బీజేపీ ఎటాక్

నామినేటెడ్ ఎమ్మెల్సీ పోస్టుల విషయంలో బీఆర్ఎస్ (BRS), బీజేపీ (BJP) మధ్య మాటల యుద్ధం జరుగుతోంది. గవర్నర్ తీరును తప్పుబడుతూ.. తమిళిసై (Tamilisai) బీజేపీ కార్యకర్తలా ప్రవర్తిస్తున్నారని గులాబీ నేతలు అంటుంటే.. తప్పును ఎత్తిచూపితే రాజకీయాలు ఆపాదిస్తారా? ఇదెక్కడి పద్దతి అంటూ కమలనాథులు కౌంటర్ ఇస్తున్నారు. ఇరు పార్టీల నేతల డైలాగ్ వార్ పీక్స్ కు చేరుతోంది.

కొన్నాళ్ల క్రితం రాష్ట్ర కేబినెట్ నామినేటెడ్ ఎమ్మెల్సీ (MLC) పదవుల కోసం కుర్రా సత్యనారాయణ, దాసోజు శ్రవణ్ ను ఎంపిక చేసి గవర్నర్ కు సిఫారసు చేసింది. అయితే.. ఈ పేర్లను తమిళిసై తిరస్కరించారు. ఆ అభ్యర్థులకు తగిన అర్హతలు లేవని స్పష్టం చేశారు. ఆర్టికల్ 171 (5) ప్రకారం అర్హతలు సరిపోవని తెలిపారు. ఈ నేపథ్యంలో గవర్నర్ తీరును తప్పు పడుతూ మంత్రులు, ఎమ్మెల్సీ కవిత ఘాటు వ్యాఖ్యలు చేశారు.

గవర్నర్ పై బీఆర్ఎస్ నేతలు మాటల దాడికి దిగడంతో.. బీజేపీ జాతీయ ప్రధాన కార్యదర్శి బండి సంజయ్ తనదైన స్టైల్‌ లో రియాక్ట్ అయ్యారు. గవర్నర్ కు రాజకీయాలు ఆపాదించడం సరికాదన్నారు. గుడ్డిగా తమ ప్రతిపాదనలకు ముద్ర వేస్తే గవర్నర్ ను మెచ్చుకుంటారని.. తప్పును తప్పంటే రాజకీయాలు ఆపాదిస్తారా? అంటూ బీఆర్ఎస్ నేతలపై మండిపడ్డారు. రబ్బర్ స్టాంప్ లా గవర్నర్ ఉండాలని కారు పార్టీ లీడర్లు కోరుకుంటున్నారని అన్నారు.

మాజీ ఎమ్మెల్యే ఎన్వీఎస్ఎస్ ప్రభాకర్ స్పందిస్తూ.. గవర్నర్ విషయంలో అనవసర రాద్దాంతం చేస్తున్నారని అభిప్రాయపడ్డారు. తమిళిసై నిర్ణయం సరైనదేనని.. రాష్ట్రంలో అనేక మంది కవులు కళాకారులు, ఉద్యమకారులు ఉన్నారని, విళ్లెవరూ కేసీఆర్ కు కనపడం లేదా? అని ప్రశ్నించారు. తెలంగాణ అంటే గజ్వేల్, సిద్దిపేట సిరిసిల్ల, కామారెడ్డి నియోజకవర్గాలేనా అంటూ ఫైరయ్యారు ప్రభాకర్.

September 26, 2023 0 comment

Andhra Pradesh Crime Politics

Vijayawada : చంద్రబాబు కస్టడీ, బెయిల్ పిటిషన్ల విచారణ ఎందుకు వాయిదా వేశారంటే…

by Prasanna September 26, 2023

written by Prasanna

టీడీపీ అధినేత చంద్రబాబు కస్టడీ (Custody), బెయిల్ (Bail) పిటిషన్లపై విచారణ రేపటికి వాయిదా పడింది. ఏసీబీ కోర్టు (ACB Court) న్యాయమూర్తి సెలవుపై ఉండటంతో విచారణ రేపటికి వాయిదా పడింది. స్కిల్ డెవలప్ మెంట్ కేసులో చంద్రబాబు పెట్టుకున్న బెయిల్ పిటిషన్, ఇదే కేసులో ఆయన కస్టడీని పొడిగించాలని కోరుతూ సీఐడీ దాఖలు చేసిన పిటిషన్ల విచారణ రేపు ఏసీబీ కోర్టులో రేపు జరగనున్నాయి.

కస్టడి పిటిషన్‌పై చంద్రబాబు తరపు న్యాయవాదులు దూబే, దమ్మాలపాటి శ్రీనివాస్ కౌంటర్ దాఖలు చేశారు. కేసు విచారణను ఇన్‌చార్జి న్యాయమూర్తి రేపటికి వాయిదా వేశారు. కాగా.. బెయిల్ పిటిషన్ అంశాన్ని చంద్రబాబు తరపు న్యాయవాదులు ప్రస్తావించగా.. రేపు సీఐడీ కోర్టులో కోరాలని న్యాయమూర్తి సూచించారు.

చంద్రబాబు బెయిల్ పిటిషన్, ఆయన కస్టడీని పొడిగించాలని కోరుతూ సీఐడీ దాఖలు చేసిన పిటిషన్ల విచారణను విజయవాడలోని ఏసీబీ కోర్టు ఇవాళ విచారించడానికి సముఖత చూపలేదు. అందుకే రేపటికి వాయిదా వేసింది. ఇప్పటి వరకు ఈ కేసును విచారించిన జడ్జి ఈరోజు సెలవులో ఉండటంతో… మెట్రోపాలిటన్ సెషన్స్ జడ్జి సత్యానందం ఈరోజు ఇన్ఛార్జి జడ్జిగా వ్యవహరిస్తున్నారు.

పిటిషన్లపై తమ వాదనలను వినాలని చంద్రబాబు, సీఐడీ తరపు లాయర్లు జడ్జి సత్యానందంను కోరారు. అయితే, ఈ ఒక్క రోజు వాదనలు విని ఉత్తర్వులు ఇవ్వడం తనకు కష్టసాధ్యమని ఆయన చెప్పారు. రేపటి నుంచి తాను సెలవుపై వెళ్తున్నానని తెలిపారు. రేపు రెగ్యులర్ కోర్టులో వాదనలు వినిపించాలని సూచించారు. దీంతో బెయిల్, కస్టడీ పిటిషన్ లపై విచారణ రేపటికి వాయిదా పడింది.

మరోవైపు స్కిల్ డెవలప్మెంట్ కేసులో చంద్రబాబు దాఖలు చేసిన స్పెషల్ లీవ్ పిటిషన్ (ఎస్ఎల్పీ) బుధవారం సుప్రీంకోర్టులో విచారణకు రానుంది. బాబు తరపు న్యాయవాదులు దాఖలు చేసిన మెన్షన్ మెమోను పరిశీలనలోకి తీసుకున్న సీజేఐ.. రేపు విచారణ చేపట్టేందుకు అంగీకరించారు. అయితే ఈ పిటిషన్ ఏ బెంచ్ ముందు విచారణకు వస్తుందో నేటి సాయంత్రానికి తెలిసే అవకాశం ఉంది.

September 26, 2023 0 comment

Newer Posts

Older Posts