Politics

స్కిల్ డెవలప్మెంట్ స్కాం కేసులో అరెస్ట్ జైలులో ఉన్న చంద్రబాబు (Chandrababu) భద్రతపై సంచలన వ్యాఖ్యలు చేశారు ఆయన తనయుడు నారా లోకేష్ (Lokesh). జైల్లో చంద్రబాబును చంపేందుకు ప్లాన్ జరుగుతోందన్నారు. ఈ మేరకు ట్విట్టర్(ఎక్స్)లో పోస్ట్ చేశారు. చంద్రబాబును రాజమండ్రి జైల్లోనే చంపేందుకు కుట్ర చేస్తున్నారని ఆరోపించారు. ప్రభుత్వ చర్యలు ఆయనకు హాని తలపెట్టేవిగా ఉన్నాయన్నారు.

జైలులో విపరీతంగా దోమలు కుడుతున్నాయని చెప్పినా పట్టించుకోవడం లేదన్న లోకేష్.. ఇటీవల రిమాండ్ ఖైదీ సత్యనారాయణ డెంగ్యూ బారిన పడి చనిపోయిన విషయాన్ని గుర్తు చేశారు. చంద్రబాబును కూడా ఇలాగే చేయాలనేది సైకో కుట్రగా అనుమానం వ్యక్తం చేశారు. ఆయనకు ఏం జరిగినా జగన్​ దే బాధ్యతన్నారు లోకేష్.

చంద్రబాబు ప్రస్తుతం రాజమండ్రి జైలులోని స్నేహా బ్లాక్‌ లో ఉన్నారు. ఆయనకు స్పెషల్ బాత్‌ రూమ్‌ తో పాటు స్నానం చేసేందుకు రెండు పూటలా వేడినీళ్లు అందిస్తున్నారు. మూడు సార్లు ఫోన్‌ లో మాట్లాడే సౌకర్యం ఇస్తున్నారు. ఆయన వెంట ఓ సహాయకుడితో పాటు ఐదుగురు సిబ్బందిని అనుమతించారు. స్నేహా బ్లాక్‌ లో ప్రత్యేక భద్రత మధ్య ఉంటున్నారు చంద్రబాబు.

రోజూ తెల్లవారుజామున 5 గంటలకు నిద్రలేస్తున్న చంద్రబాబు.. ఆ తర్వాత వాకింగ్ చేస్తున్నారు. ఆపై మెడిటేషన్‌ తో పాటు పేపర్లు తిరగేస్తున్నారు. ఉదయం ఉప్మాను అల్పాహారంగా తీసుకుంటూ బ్లాక్ టీ తాగుతున్నారు. అప్పుడప్పుడు వేడినీళ్లు తీసుకుంటున్నారు. మధ్యాహ్నం లంచ్‌ కి 100 గ్రాముల బ్రౌన్ రైస్‌ లో ఓ వెజ్‌ కర్రీ తింటున్నారు. సాయంత్రం స్నాక్స్‌ కింద ఫ్రూట్ సలాడ్‌ లేదంటే పుల్కాలో పన్నీర్ కర్రీ, మజ్జిగతో పాటు హాట్‌ వాటర్‌ తీసుకుంటున్నారు. రాత్రి 9 గంటలకు నిద్రకు ఉపక్రమిస్తున్నారు.

సినిమాల్లో ఒకప్పుడు బాలకృష్ణ (Balakrishna), రోజా (Roja) అంటే హిట్ పెయిర్. వీళ్లిద్దరూ కలిసి నటించిన సినిమాల్లో దాదాపు అన్నీ హిట్లే. డ్యాన్సులు, ఫ్లైట్లు, డైలాగులు.. ఇలా ఎవరి పంథా వారిది. ప్రస్తుతం వీళ్లిద్దరూ రాజకీయాల్లో ఉన్నారు. రోజా వైసీపీ (YCP) ప్రభుత్వంలో మంత్రిగా కొనసాగుతుండగా.. బాలకృష్ణ ప్రతిపక్ష టీడీపీ (TDP) ఎమ్మెల్యేగా ఉన్నారు. సినిమాల్లో పోటాపోటీగా ఎలా నటించారో.. ఇప్పుడు పొలిటికల్ గా పార్టీ భక్తి చూపించడంలో సై అంటే సై అంటున్నారు.

అసెంబ్లీ సమావేశాల సందర్భంగా చంద్రబాబు అరెస్ట్ పై టీడీపీ సభ్యులు నిరసనగళం వినిపించారు. తప్పుడు కేసులు పెట్టారని స్పీకర్ పోడియం చుట్టుమిట్టి నినాదాలు చేశారు. స్పీకర్ టీడీపీ సభ్యులపై సస్పెన్షన్ వేటు వేసి సభను శుక్రవారానికి వాయిదా వేశారు. అయితే.. సభ నుంచి బయటకొచ్చాక బాలకృష్ణ, రోజా విమర్శల వర్షం కురిపించారు. ప్రభుత్వంపై బాలయ్య పంచ్ డైలాగులు వేయగా.. టీడీపీని టార్గెట్ చేస్తూ రోజా ఫుల్ ఫైరయ్యారు.

అసెంబ్లీలో జరిగిన ఘటన ఎంతో బాధాకరమన్న బాలయ్య.. నియంతృత్వ ధోరణిలో శాసనసభ జరగడం మంచి పద్దతి కాదన్నారు. రాష్ట్రంలో నియంతృత్వ పాలన సాగుతోందని.. ఆధారాలు లేకుండా స్కిల్ డేవలప్మెంట్ కేసు పెట్టారని ఆరోపించారు. ప్రజాసంక్షేమాన్ని గాలికి వదిలేసి కక్ష పూరితంగా సీఎం వ్యవహరిస్తున్నారని ఆరోపించారు. ఎక్కడా అభివృద్ధి లేదు.. యువతకు ఉపాధి లేదు అంటూ విరుచుకుపడ్డారు. చంద్రబాబును జైల్లో పెట్టడమే లక్ష్యంగా సీఎం పనిచేస్తున్నారని.. రాష్ట్రాన్ని వదిలి వెళ్లిపోయే పరిస్థితి వచ్చిందని అన్నారు. రాష్ట్రంలో అన్ని వ్యవస్థలను నిర్వీర్యం చేశారని.. అన్నింటా విప్లవం రావాలని చెప్పారు. రాష్ట్రంలో ఎవరికీ భద్రత లేదన్నారు. పార్టీ కార్యకర్తలే కాదు.. జనం కూడా రోడ్లపైకి వచ్చే పరిస్థితి వచ్చిందన్న ఆయన.. అంబటి రాంబాబే మీసం మెలేసి తొడ గొట్టాడని వివరించారు. తాను కూడా తేల్చుకుందాం రా అన్నానని అసెంబ్లీలో జరిగింది వివరించారు బాలకృష్ణ.

ఇక రోజా మాట్లాడుతూ.. శాసనసభలో టీడీపీ వాళ్ళు ప్రవర్తించిన తీరును ఖండిస్తున్నామన్నారు. స్కిల్ డెవలప్మెంట్ స్కీంలో సమగ్ర విచారణ జరిపే చంద్రబాబును అరెస్ట్ చేశారని చెప్పారు. చంద్రబాబు స్వరూపం ఏంటో అందరికీ తెలిసిపోయిందని.. ఆయన దోపిడీ దొంగ అని ప్రజలకు అర్థమైందని మండిపడ్డారు. సభలో సైకోల్లా టీడీపీ సభ్యులు ప్రవర్తించారని ఘాటు వ్యాఖ్యలు చేసిన ఆమె.. మీసాలు తిప్పటం, తొడలు కొట్టటం ఎంత వరకు సబబు అంటూ బాలయ్యను టార్గెట్ చేశారు. బావ కళ్ళల్లో ఆనందం కోసం బాలకృష్ణ ప్రయతిస్తున్నారని.. ఎన్టీఆర్ మీద చెప్పులు వేసినప్పుడు మీసం తిప్పారా? అని ప్రశ్నించారు. అంతేకాదు, బాలయ్య డైలాగ్ నే మార్చి.. ‘‘ఫ్లూటు జింక ముందు ఊదు జగన్ ముందు కాదు’’ అంటూ సెటైర్లు వేశారు. ప్రజా సమస్యల కోసం ఏనాడైనా బాలకృష్ణ పోరాడారా? అని ప్రశ్నించిన రోజా.. ప్రజాధనాన్ని దొచ్చుకున్న ఎవరినీ వదిలే ప్రసక్తి లేదని స్పష్టం చేశారు. అసెంబ్లీలో రౌడీయిజం చేస్తున్నారని మండిపడ్డారు.

ఏపీ అసెంబ్లీ సమావేశాల్లో తీవ్ర గందరగోళం నేపథ్యంలో స్పీకర్ తమ్మినేని సీతారాం (Tammineni Sitaram) కీలక నిర్ణయం తీసుకున్నారు. టీడీపీ (TDP) నేతలపై సస్పెన్షన్ వేటు వేశారు. ఎమ్మెల్యే బాలకృష్ణ (Balakrishna) కు సీరియస్ వార్నింగ్ ఇచ్చారు. కొందర్ని ఈ సెషన్ మొత్తానికి సస్పెండ్ చేయగా.. మరికొందర్ని ఒకరోజు సమావేశాలకు రాకూడదని స్పష్టం చేశారు.

టీడీపీ అధినేత చంద్రబాబు (Chandrababu) అరెస్ట్ పై అసెంబ్లీ సాక్షిగా నిరసన గళం వినిపించారు టీడీపీ (TDP) నేతలు. స్పీకర్ పోడియం చుట్టుముట్టి ప్రభుత్వానికి వ్యతిరేకంగా నినాదాలు చేశారు. స్పీకర్ పైకి పేపర్లు విసురుతూ నిరసన తెలిపారు. చంద్రబాబుపై పెట్టిన అక్రమ కేసులు వెనక్కి తీసుకోవాలని కేకలు వేశారు. వాయిదా తీర్మానంపై చర్చకు ప్రభుత్వం సిద్ధంగా ఉందని ఈ సందర్భంగా మంత్రి బుగ్గన రాజేంద్రనాథ్ (Buggana Rajendranath) తెలిపారు. చంద్రబాబు అరెస్ట్ తో పాటు ఇంకా చాలా అంశాలు చర్చించడానికి సిద్ధంగా ఉన్నామన్నారు.

స్పీకర్ ముందున్న మానిటర్ లాగేందుకు ఎమ్మెల్యే కోటంరెడ్డి (Kotamreddy) ప్రయత్నించడంతో ఉద్రిక్తత నెలకొంది. టీడీపీ సభ్యుల ప్రవర్తనతో సభలో అవాంఛనీయ ఘటనలు జరిగే ప్రమాదం ఉందని మంత్రి అంబటి రాంబాబు (Ambati Rambabu) అన్నారు. ఆయన మాట్లాడుతుండగా రండి చూసుకుందాం అంటూ బాలకృష్ణ (Balakrishna) మీసం తిప్పారు. దమ్ముంటే రా అంటూ రాంబాబు కూడా సవాల్ చేశారు. మీసాలు తిప్పడాలు సినిమాల్లో చూపించుకోవాలంటూ బాలకృష్ణకు కౌంటర్‌ ఇచ్చారు.

వైసీపీ (YCP) సభ్యులు కూడా పోటాపోటీగా నినాదాలు చేయడంతో తీవ్ర ఉద్రిక్తత నెలకొంది. బాలకృష్ణ సైగలతో ఒక్కసారిగా ఆందోళనకు దిగిన వైసీపీ సభ్యులు.. ఆయనకు వ్యతిరేకంగా పోడియం వద్దకు వెళ్లి ఆందోళన చేశారు. బాలకృష్ణను చూస్తూ వైసీపీ ఎమ్మెల్యే మధుసూదన్ రెడ్డి తొడగొట్టారు. ఈ క్రమంలోనే అసెంబ్లీ వాయిదా పడింది. తిరిగి ప్రారంభం అయ్యాక కూడా ఎలాంటి మార్పు లేదు. దీంతో తీవ్ర ఆగ్రహం వ్యక్తం చేశారు స్పీకర్.

వాయిదా అనంతరం సభ ప్రారంభమైన తర్వాత బాలకృష్ణకు స్పీకర్ హెచ్చరిక జారీ చేశారు. సభలో మీసాలు మెలివేయడం, తొడగొట్టడం వంటి రెచ్చగొట్టే పనులు పద్దతి కాదన్నారు. ఇంకోసారి ఇలాంటి పనులు చేయవద్దని తొలి హెచ్చరిక జారీ చేస్తున్నామని చెప్పారు. మరోసారి ఇలాంటి పనులు చేస్తే సభ నిబంధనల ప్రకారం చర్యలు తీసుకుంటామని వార్నింగ్ ఇచ్చారు.

ఇక, అనగాని ప్రసాద్‌, కోటంరెడ్డి శ్రీధర్‌ రెడ్డి, పయ్యావుల కేశవ్‌ ను ఈ సెషన్‌ మొత్తం సస్పెండ్‌ చేశారు స్పీకర్. మిగతా టీడీపీ సభ్యులందరిపై ఒకరోజు సస్పెషన్ వేటు వేశారు. అయితే, లాబీల్లో కూడా నినాదాలు చేశారు టీడీపీ సభ్యులు. సీఎం వైఎస్‌ జగన్‌ కు వ్యతిరేకంగా ఆందోళనకు దిగారు. సస్పెన్షన్ సందర్భంగా వైసీపీ-టీడీపీ సభ్యుల మధ్య మరోసారి వాగ్వాదం చోటు చేసుకుంది. బెందాళం అశోక్, బియ్యపు మధుసూదన్ రెడ్డి మధ్య మాటామాటా పెరిగింది.

టీడీపీ అధినేత చంద్రబాబు (Chandrababu) అరెస్ట్ పై అసెంబ్లీ సాక్షిగా నిరసన గళం వినిపించారు టీడీపీ (TDP) నేతలు. స్పీకర్ పోడియం చుట్టుముట్టి ప్రభుత్వానికి వ్యతిరేకంగా నినాదాలు చేశారు. స్పీకర్ పైకి పేపర్లు విసురుతూ నిరసన తెలిపారు. చంద్రబాబుపై పెట్టిన అక్రమ కేసులు వెనక్కి తీసుకోవాలని కేకలు వేశారు. వాయిదా తీర్మానంపై చర్చకు ప్రభుత్వం సిద్ధంగా ఉందని ఈ సందర్భంగా మంత్రి బుగ్గన రాజేంద్రనాథ్ (Buggana Rajendranath) తెలిపారు.

చంద్రబాబు అరెస్ట్ తో పాటు ఇంకా చాలా అంశాలు చర్చించడానికి సిద్ధంగా ఉన్నామన్నారు బుగ్గన. స్పీకర్ ముందున్న మానిటర్ లాగేందుకు ఎమ్మెల్యే కోటంరెడ్డి (Kotamreddy) ప్రయత్నించడంతో ఉద్రిక్తత నెలకొంది. టీడీపీ సభ్యుల ప్రవర్తనతో సభలో అవాంఛనీయ ఘటనలు జరిగే ప్రమాదం ఉందని మంత్రి అంబటి రాంబాబు (Ambati Rambabu) అన్నారు.

అంబటి మాట్లాడుతుండగా రండి చూసుకుందాం అంటూ బాలకృష్ణ (Balakrishna) మీసం తిప్పారు. దమ్ముంటే రా చూసుకుందాం అంటూ రాంబాబు సవాల్ చేశారు. మీసాలు తిప్పడాలు సినిమాల్లో చూపించుకోవాలంటూ బాలకృష్ణకు కౌంటర్‌ ఇచ్చారు. వైసీపీ (YCP) సభ్యులు కూడా పోటాపోటీగా నినాదాలు చేయడంతో తీవ్ర ఉద్రిక్తత నెలకొంది.

బాలకృష్ణ సైగలతో ఒక్కసారిగా ఆందోళనకు దిగిన వైసీపీ సభ్యులు.. ఆయనకు వ్యతిరేకంగా పోడియం వద్దకు వెళ్లి ఆందోళన చేశారు. బాలకృష్ణను చూస్తూ వైసీపీ ఎమ్మెల్యే మధుసూదన్ రెడ్డి తొడగొట్టారు. ఈ క్రమంలోనే అసెంబ్లీ వాయిదా పడింది.