Ramu

తెలంగాణలో రాజ్యసభ (Rajya Sabha) సభ్యుల ఎన్నికల (Elections) లాంఛన ప్రాయంగా మారింది. రాష్ట్రంలో మొత్తం మూడు స్థానాలకు ఎన్నికలు నిర్వహిస్తున్నారు. రాజ్యసభ ఎన్నికలకు ఉపసంహరణ గడువు మంగళవారంతో ముగిసింది. ఉపసంహరణ గడువు ముగిసే సమయానికి కేవలం ముగ్గురు అభ్యర్థులు మాత్రమే బరిలో ఉన్నారు. ఈ క్రమంలో వారి ఎన్నిక ఏకగ్రీవం కానుంది.

మొత్తం మూడు స్థానాలకు గాను కాంగ్రెస్‌కు రెండు స్థానాలు, బీఆర్ఎస్‌కు ఒక్క స్థానం దక్కనుంది. రాజ్యసభ ఎన్నికల్లో కాంగ్రెస్ నుంచి రేణుకా చౌద‌రి, అనిల్ కుమార్ యాద‌వ్, బీఆర్ఎస్ నుంచి వ‌ద్దిరాజు ర‌విచంద్ర మాత్రమే చివరకి బరిలో నిలిచారు. దీంతో వారు రాజ్యసభకు ఎన్నికైనట్టు రిటర్నింగ్ అధకారి ప్రకటించారు.

అంతకు ముందు శ్ర‌మ‌జీవి పార్టీ త‌ర‌పున జాజుల భాస్క‌ర్, భోజ‌రాజు కోయ‌ల్క‌ర్, స్వతంత్ర అభ్యర్థిగా కిర‌ణ్ రాథోడ్‌లు నామినేషన్ వేశారు. కానీ నిబంధనల ప్రకారం రాజ్యసభకు పోటీ చేసే అభ్యర్థులకు మద్దతుగా పది మంది ఎమ్మెల్యేలు సంతకాలు చేయాల్సి ఉంటుంది. కానీ ఆ ముగ్గురు అభ్యర్థులకు మద్దతుగా పది మంది ఎమ్మెల్యేల సంతకాలు లేకపోవడంతో వారి నామిషన్ తిరస్కరణకు గురయ్యాయి.

చివరకు ముగ్గురు నేతలు బరిలో మిగలడంతో కేంద్ర ఎన్నిక‌ల సంఘం అనుమ‌తి మేరకు ఇద్ద‌రు కాంగ్రెస్, ఒక బీఆర్ఎస్ అభ్య‌ర్థి ఏక‌గ్రీవంగా ఎన్నికైన‌ట్లు రిట‌ర్నింగ్ అధికారి ప్ర‌క‌టించారు. ఇప్పటికే అనిల్ కుమార్ యాదవ్ ఎన్నిక ధ్రువీకరణ పత్రం అందుకోగా… రేణుకా చౌదరి రేపు ఎన్నిక ధ్రువీకరణ పత్రాన్ని అందుకోనున్నారు.

బీజేపీ (BJP) నేత ఈటల రాజేందర్ (Etela Rajender) పార్టీ మారతారంటూ గత కొంత కాలంగా వార్తలు వస్తున్నాయి. ఈ క్రమంలోబీజేపీ నేత ఈటల రాజేందర్ కీలక వ్యాఖ్యలు చేశారు. తాను ఎప్పుడు పార్టీని విడిచి వెళ్లిపోతానా ఎదురు చేసేవాళ్లు చాలా మంది ఉన్నారంటూ సంచలన వ్యాఖ్యలు చేశారు. తాను పార్టీ మారడం లేదని మరోసారి స్పష్టం చేశారు.

పార్టీలు మారడం అంటే బట్టలు మార్చుకున్నంత ఈజీ కాదని తాను గతంలో చెప్పానని గుర్తు చేశారు. తన లాంటి నాయకులు పార్టీలు మారితే ప్రజలు క్షమించరని వెల్లడించారు. తాను పార్టీ మారతానంటూ కొంత మంది ప్రచారం చేస్తున్నారంటూ మండిపడ్డారు. ఓ వైపు ఈటల ఘర్ వాపసీ అంటూ బీఆర్ఎస్ పెద్ద ఎత్తున ప్రచారం చేస్తుంటే, బీజేపీకి గుడ్ బై చెప్పి కాంగ్రెస్‌లో చేరతారంటూ ఆ పార్టీ నేతలు ప్రచారం చేస్తున్నారంటూ తీవ్ర ఆగ్రహం వ్యక్తం చేశారు.

నాలుగు ఓట్ల కోసం బీఆర్ఎస్‌తో బీజేపీ కలిసే ప్రసక్తే లేదని స్పష్టం చేశారు.పార్టీ ఆదేశిస్తే మల్కాజిగిరి నుంచి పోటీ చేయడానికి సిద్ధంగా ఉన్నానని చెప్పారు. కేసీఆర్, కేటీఆర్ అధికారంలో ఉండగా ప్రధాని మోడీ, అమిత్ షా పై ఎంత అహంకారంతో మాట్లాడారో ఇప్పటికీ తమ కళ్లముందు కదులాడుతోందని పేర్కొన్నారు.

ప్రజాక్షేత్రంలో ఓడిపోయిన తర్వాత పొత్తులు అంటే ప్రజలు నవ్వుకుంటారని వెల్లడించారు. ఈటల పార్టీ మారుతున్నారంటూ ఇటీవల వార్తలు ఊపందుకున్నాయి. ఈ నేపథ్యంలో ఆయన టీ కాంగ్రెస్ నేతలతో ఓ ఫంక్షన్‌లో భేటీ అయ్యారు.దీనికి సంబంధించిన ఫోటోలు వైరల్ అయ్యాయి. దీంతో ఆయన పార్టీ మారుతున్నారని అంతా చర్చించుకుంటున్నారు.

గత ప్రభుత్వం (Governament) కేవలం ఒకటి లేదా రెండు పంటల కొనుగోళ్లు చేసి మిగతా పంటలకు గిట్టుబాటు ధర కల్పించే విషయంలో నిర్లక్ష్యంగా వ్యవహరించిందని మంత్రి తుమ్మల నాగేశ్వర్ రావు (Thummala Nageswara Rao) మండిపడ్డారు. రాష్ట్రంలో 75 శాతం సాగు విస్తీర్ణం కేవలం రెండు, మూడు పంటల క్రిందకు వచ్చిందని వెల్లడించారు.

వ్యవసాయ, ఉద్యాన శాఖల అధికారులతో మంత్రి తుమ్మల నాగేశ్వర్ రావు మంగళ వారం సమీక్షా సమావేశాన్ని నిర్వహించారు. ఈ సందర్బంగా మంత్రి మాట్లాడుతూ….. గత ప్రభుత్వ హయాంలో కేవలం ఒకటి లేదా రెండు పంటలకు మాత్రమే గిట్టుబాటు ధర కల్పించేవారని వివరించారు. కానీ తమ ప్రభుత్వ హయాంలో అన్ని పంటలకు గిట్టుబాటు ధర కల్పించే విదంగా చర్యలు చేపట్టాలని నిర్ణయించామని పేర్కొన్నారు.

పసుపు బోర్డు ఏర్పాటు, సీఐఐ సెంటర్లను కొనసాగించాలంటూ కేంద్రానికి లేఖలు రాశామని వివరించారు. మార్కెటింగ్ శాఖ అధికారులు, మార్కెట్ కమిటీ కార్యదర్శులు మిర్చితో పాటు వేరుశనగ పంటల అమ్మకాలు సజావుగా సాగేలా చర్యలు తీసుకోవాలని సూచించారు.

సంబంధిత జిల్లా అధికారుల‌తో కలిసి వ్యవసాయ, ఉద్యాన శాఖల అధికారులు మిర్చి, వేరుశనగ అధికంగా పండించే జిల్లాలను సందర్శించాలని మంత్రి ఆదేశించారు. అంతేకాకుండా మార్కెట్లకు వ్యవసాయ ఉత్పత్తులను తీసుకొచ్చే విషయములో రైతులందరికీ అధికారులు అవగాహన కల్పించాలని సూచించారు.

లోక్‌ సభ సార్వత్రిక ఎన్నికలు దగ్గర పడుతున్న సమయంలో పసుపు రైతులను కాంగ్రెస్ (Congress) ప్రభుత్వం తప్పుదోవ పట్టింస్తోందని బీజేపీ ఎంపీ ధర్మపురి అరవింద్ (Dharmapuri Arvind) ఆరోపించారు. కాంగ్రెస్ నేతలు పసుపు బోర్డుపై రాజకీయాలు చేస్తున్నారంటూ ఫైర్ అయ్యారు.

నిజామాబాద్‌లో మీడియాతో ధర్మపురి అరవింద్ మాట్లాడుతూ….రాష్ట్రంలో కాంగ్రెస్ పరిస్థితి రోజురోజుకూ దిగజారి పోతోందని అన్నారు. 55 ఏండ్ల కాంగ్రెస్ పాలనలో పసుపు రైతులను ముంచింది ఇదే కాంగ్రెస్ పార్టీ అని ఫైర్ అయ్యారు. పసుపు రైతులకు అధోగతి పట్టించింది ఆ పార్టీయేనని ఎంపీ నిప్పులు చెరిగారు.రాష్ట్రంలో ఉన్న చెక్కెర కర్మాగారాలను నిర్ధాక్షిణ్యంగా మూసి వేయించింది కాంగ్రెస్ పార్టీ కాదా అని తీవ్ర స్థాయిలో ధ్వజమెత్తారు.

ఎన్నికల హామీలో భాగంగా కాంగ్రెస్ అధికారంలోకి రాగానే రాష్ట్రంలో చెక్కెర కర్మాగారాలను తెరిపిస్తామని గొప్పలు చెప్పారని అన్నారు. కానీ ఇప్పుడు ఆ ఊసే ఎత్తడం లేదని మండిపడ్డారు. కమిటీల పేరుతో ఆ పార్టీ కాలాయాపన చేస్తోందని ఆగ్రహం వ్యక్తం చేశారు. వ్యవ సాయ శాఖ మంత్రిగా తుమ్మల ఉండటం తెలంగాణ ప్రజల దౌర్భాగ్యం అని తీవ్రంగా విరుచుకు పడ్డారు.

తుమ్మలకు పసుపు పంటపై అవగాహన లేదని దుయ్యాబట్టారు. పసుపు విస్తీర్ణం తగ్గిందని మంత్రి తప్పుడు ప్రచారం చేస్తున్నారని విమర్శలు గుప్పించారు. పసుపు బోర్డు పై కాంగ్రెస్ నేతలు రాజకీయాలు మానుకుని.. రైతులకు మేలు చేసే పనులు చేయాలన్నారు.

రాష్ట్రాన్ని వైసీపీ (YCP) ప్రభుత్వం అప్పుల మయం చేసిందని టీడీపీ జాతీయ ప్రధాన కార్యదర్శి నారా లోకేశ్​ (Nara Lokesh) అన్నారు. రెండు నెలలు ఓపిక పడితే టీడీపీ-జనసేన ప్రభుత్వం వస్తుందని తెలిపారు. ఉత్తరాంధ్రను టీడీపీ అధినేత చంద్రబాబు హయాంలో అభివృద్ధి బాటలో నడిపించారని చెప్పారు.

కానీ వైసీపీ వచ్చిన ఐదేండ్లలో గంజాయి సరఫరాకు కేంద్రంగా మార్చిందని ఫైర్ అయ్యారు. నర్సీపట్నంలో జరిగిన టీడీపీ శంఖారావంలో నారా లోకశ్ మాట్లాడుతూ… నర్సీపట్నం టీడీపీకి కంచుకోట అన్నారు. జగన్‌ పాలనలో విశాఖలో రోజుకో కిడ్నాప్‌, విధ్వంసం, హత్య, భూకుంభకోణం జరుగుతున్నాయంటూ నిప్పులు చెరిగారు.

చంద్రబాబు హయాంలో విశాఖను ఉపాధికి రాజధానిగా మారిస్తే, జగన్‌ వచ్చాక గంజాయికి దేశ రాజధానిగా మార్చేశారంటూ తీవ్ర ఆగ్రహం వ్యక్తం చేశారు. ఉత్తరం నియోజకవర్గంలో వైసీపీ ఇంఛార్జ్‌గా ఉన్న కే.కే..రాజు రౌడీయిజాన్ని ప్రోత్సహిస్తూ, గంజాయి విచ్చలవిడిగా అందేలా చేస్తున్నాడని తీవ్రంగా మండిపడ్డారు. టీడీపీ నాయకులను, కార్యకర్తలను బెదిరించి పలు దౌర్జన్యాలకు పాల్పడుతున్నాడని పేర్కొన్నారు.

టీడీపీ అధికారంలోకి రాగానే ఇటువంటి వారికి బుద్ధి చెబుతామన్నారు. ఉత్తరాంధ్రను మంత్రి బొత్స సత్యనారాయణ, రాజ్యసభ సభ్యుడు విజయ సాయి రెడ్డి, వైవీ సుబ్బారెడ్డిలు కలిసి మోసం చేస్తున్నారని విమర్శలు గుప్పించారు. అయ్యన్నపాత్రుడిపై ఎన్నో కేసులు పెట్టారని గుర్తు చేశారు. కానీ ఒక్క కేసును కూడా నిరూపించలేకపోయారన్నారు. సీఎం జగన్ సిద్ధం సభలో మతి భ్రమించి మాట్లాడారని దుయ్యబట్టారు. ఎన్నికలకు ముందు నవ రత్నాలు ఇస్తామని చెప్పి.. బూతు పనులు చేసే వారికి రత్నాలు ఇస్తున్నారని విరుచుకుపడ్డారు.

మాతృ భాష (Mother Tongue) కండ్ల లాంటిదని… పరాయి భాష కళ్లద్దాల వంటిదని మాజీ ఉపరాష్ట్రపతి వెంకయ్యనాయుడు ( Venkaiah Naidu) అన్నారు. అందుకే మాతృభాషను ఎవరూ మర్చిపోకూడదని ఆయన తెలిపారు. మనిషికి చదువు ఎంత ముఖ్యమో సంస్కారం కూడా అంతే ముఖ్యమని పేర్కొన్నారు.

ఎస్ఎఫ్‌ఎస్ స్కూల్ గోల్డెన్ జూబ్లీ వేడుకల ముగింపు కార్యక్రమానికి వెంకయ్యనాయుడు ముఖ్య అతిథిగా హాజరయ్యారు. ఈ సందర్బంగా మీడియాతో ఆయన మాట్లాడుతూ… విలువలతో కూడిన విద్య ఉంటే విలువలతో కూడిన పౌరునిగా తయారవుతారని పేర్కొన్నారు. నేడు విలువలతో కూడిన విద్య తగ్గి పోతోందని తీవ్ర ఆందోళన వ్యక్తం చేశారు. ఇలాంటి పరిణామాలు మంచివి కాదని అన్నారు.

విలువలతో కూడిన విద్యను అందించడానికి అందరూ కృషి చేయాలని కోరారు. దేశంలో ఉన్న మేధాశక్తి వలన మళ్లీ ప్రపంచం అంతా భారతదేశం వైపు చూస్తోందని వెల్లడించారు. ఇటీవల అసెంబ్లీ, పార్లమెంట్‌లలో కొంతమంది అపహాస్య పనులు చేస్తున్నారని మండిపడ్డారు. వాటిని చూడకుండా ప్రశాంతంగా ఉండాలని సూచించారు. రాజకీయ నాయకులు తమ స్థాయి మరచి చౌకబారు మాటలు మాట్లాడకూడదని హితవు పలికారు.

ఈ మధ్య కాలంలో రాజకీయ నాయకులు ఎక్కువగా బూతులు మాట్లాడుతున్నారంటూ ఆగ్రహం వ్యక్తం చేశారు. అలాంటి వారికి ప్రజలు పోలింగ్ బూత్‌లో సమాధానం చెప్పాలని పిలుపునిచ్చారు. భగవంతుడు ఏం కావాలని అడిగితే మళ్ళీ విద్యార్థి దశకు తీసుకువెళ్లాలని కోరుకుంటానని చెప్పారు గూగుల్ గురువుని మించింది కాదన్నారు.

టీడీపీ (TDP), జనసేన మధ్య చిచ్చు పెట్టేందుకు వైసీపీ (YCP) కార్యకర్తలు ప్రయత్నిస్తున్నారని టీడీపీ నేత నారా లోకేశ్ (Nara Lokesh) అన్నారు. తెలుగుదేశం జనసేన ప్రభుత్వం ఏర్పడిన వెంటనే బాబు సూపర్‌ 6 తోపాటు, ఇతర గ్యారెంటీలను తప్పకుండా అమలు చేస్తామని హామీ ఇచ్చారు.

పార్టీ గెలుపు కోసం కృషి చేసిన వారికే నామినేటెడ్‌ పదవులు ఇస్తామని తెలిపారు. గాజువాకలో నిర్వహించిన శంఖారావం సభలో లోకేశ్ మాట్లాడుతూ… అన్ని ఛార్జీలు పెంచుకుంటూ పోవడమే జగన్‌ పని అంటూ మండిపడ్డారు. రేపో, మాపో గాలిపై కూడా పన్ను వేస్తారేమో అంటూ ఎద్దేవా చేశారు.

వంద సంక్షేమ కార్యక్రమాలు కట్‌ చేసిన ఏకైక సీఎం జగనే అంటూ ఫైర్ అయ్యారు. వైసీపీ పాలనలో 9 సార్లు విద్యుత్‌ ఛార్జీలు, 3 సార్లు ఆర్టీసీ ఛార్జీలు పెంచారని ధ్వజమెత్తారు. ఆఖరికి చెత్తపై కూడా పన్ను వేసిన ఘనత జగన్‌ది అంటూ నిప్పులు చెరిగారు. టీడీపీ అధికారంలోకి రాగానే యువతకు ఐదేళ్లలో 20 లక్షల ఉద్యోగాలు కల్పించే బాధ్యత తమదని ఈ సందర్బంగా హామీ ఇచ్చారు.

ఉత్తరాంధ్రకు కనీసం ఒక్క పరిశ్రమ అయినా జగన్ తీసుకొచ్చారా అని ప్రశ్నించారు. ఇప్పుడు ఏకంగా విశాఖ ఉక్కును సైతం అమ్మేస్తున్నారంటూ తీవ్ర ఆగ్రహం వ్యక్తం చేశారు.ఇంటింటికి వచ్చి వాలంటీర్లు అబద్ధాలు చెబుతున్నారని ఆరోపణలు చేశారు. టీడీపీ అధికారంలోకి వస్తే సంక్షేమ కార్యక్రమాలను తీసేస్తారని అసత్య ప్రచారాలు చేస్తున్నారని వెల్లడించారు. భారతదేశానికే సంక్షేమం పరిచయం చేసిన వ్యక్తి ఎన్టీఆర్‌ అని తెలిపారు. విశాఖ ఉక్కు ప్రైవేటీకరణ చేయకుండా చూసే బాధ్యత తనదని హామీ ఇచ్చారు.
పూర్తి కథనం..