Ramu

పద్మ పురస్కారాలకు ఎంపికైన వారిని సన్మానించడం గొప్ప విషయమని మాజీ ఉప రాష్ట్రపతి వెంకయ్య నాయుడు (Venkaiah Naidu) అన్నారు. తాను జీవితంలో పెద్దగా అవార్డు (Awards)లను అందుకోలేదని తెలిపారు. కేంద్రం తనకు అవార్డు ఇస్తున్నామని చెబితే మోడీ మీద గౌరవంతో తీసుకున్నానని తెలిపారు. తనతో పాటు అవార్డులు పొందిన అందరికీ ఆయన శుభాకాంక్షలు తెలిపారు.

పద్మ అవార్డు గ్రహీతలను తెలంగాణ ప్రభుత్వం హైదరాబాద్‌లోని శిల్పకళా వేదికలో ఆదివారం సన్మానించింది. సన్మానం అనంతరం వెంకయ్య నాయుడు మాట్లాడుతూ….. మట్టిలో మాణిక్యాలను గుర్తించి కేంద్రం పద్మ పురస్కారాలు ఇవ్వడం చాలా గొప్ప విషయమని వెల్లడించారు. ఇంత చక్కటి కార్యక్రమానికి నాయకత్వం వహించిన రేవంత్ రెడ్డిని అభినందిస్తున్నట్టు చెప్పారు.

తెలుగు చిత్ర కళామ్మ తల్లికి ఎన్టీఆర్, ఏఎన్నార్ రెండు కండ్లు అని…. మూడో కన్ను చిరంజీవి అని కొనియాడారు. ప్రస్తుత రాజకీయాల్లో విలువలు తగ్గిపోతున్నాయని తెలిపారు. ఆ ప్రమాణాలను చక్కదిద్దాల్సిన అవసరం మనందరి మీదా ఉందన్నారు. కొంత మంది కేవలం క్యాస్ట్, కమ్యూనిటీ, క్యాష్, క్రిమినాలిటీ అనే నాలుగు ‘సీ’లను నమ్ముకుని రాజకీయం చేస్తున్నారని పేర్కొన్నారు.

బూతుల నేతలకు పోలింగ్ బూత్‌లో సమాధానం చెప్పాలని ప్రజలకు సూచించారు. నీతి, నిజాయితీ లేని వారికి తగిన గుణపాఠం చెప్పాలని పిలుపునిచ్చారు. ప్రజా జీవితంలో ఉన్న వ్యక్తులు ఎవరైనా విలువలు పాటించాలని సూచనలు చేశారు. పట్టుదలే మనిషి జీవితాన్ని మెరుగుపరుస్తుందని అన్నారు. జీవితంలో కృషి, పట్టుదల ఉంటే ఏదైనా సాధ్యమని తెలిపారు.

రేవంత్ రెడ్డిని తాను చిన్నప్పటి నుంచి చూస్తున్నానని వివరించారు. ఎంతో ఉత్సాహం, చురుకుదనం ఉన్న వ్యక్తి రేవంత్ రెడ్డి అని…. ఏదైనా తలుచుకుంటే దాని లోతు చూసే వరకు వదలడన్నారు. అవార్డులు పొందిన తర్వాత ఇలాంటి సన్మానాలు చేస్తే మరింత ఆనందంగా ఉంటుందని తెలిపారు. రేవంత్ రెడ్డిని అభినందిస్తూ, ఆశీర్వదిస్తున్నానన్నారు.

సీఎం రేవంత్ రెడ్డి (CM Revanth Reddy) కీలక ప్రకటన చేశారు. ఒక్కో పద్మ శ్రీ అవార్డు ((Padma Awards) గ్రహీతకు రూ. 25 లక్షల ఆర్థిక సాయం అందిస్తామని చెప్పారు. పద్మ శ్రీ కళాకారులకు నెలకు రూ. 25 వేల పెన్షన్ అందిస్తామని ప్రకటించారు. కవులు, కళాకారులను ప్రోత్సహించడం ప్రభుత్వ బాధ్యత అని అన్నారు. గ్రామీణ ప్రాంతాల కళాకారులను మరింత ప్రోత్సహిస్తామని వెల్లడించారు.

పద్మ అవార్డులకు ఎంపికైన తెలుగు వారిని కాంగ్రెస్ ప్రభుత్వం సత్కరించింది. హైదరాబాద్‌లోని శిల్ప కళా వేదికలో ఈ కార్యక్రమాన్ని నిర్వహించారు. ఈ సందర్భంగా రేవంత్ రెడ్డి మాట్లాడుతూ…. అవార్డులతో మట్టిలో మాణిక్యాల ప్రతిభ వెలుగులోకి వస్తుందని తెలిపారు. చప్పట్లు, దుప్పట్లు కాదు కళాకారులకు నగదు సాయం కూడా అందిస్తామని వెల్లడించారు.

ఇది రాజకీయాలకు అతీతమైన కార్యక్రమమని వివరించారు. తెలుగు వాళ్లు ఎక్కడ ఏ ప్రాంతంలో ఉన్నా మనవారేనన్నారు. ఒక మంచి సంప్రదాయానికి పునాది వేసేందుకే ఈ కార్యక్రమం చేపట్టినట్లు పేర్కొన్నారు. ఈ సంప్రదాయాన్ని ఇలాగే కొనసాగిస్తామని స్పష్టం చేశారు. మన సంస్కృతి, సంప్రదాయాలను కాపాడేందుకు మనమంతా ఏకమై ముందుకు సాగాలని పిలుపునిచ్చారు.

ఒక్కో పద్మశ్రీ అవార్డు గ్రహీతకు రూ.25 లక్షల ఆర్థిక సాయం, పద్మ శ్రీ కళాకారులకు నెలకు రూ. 25 వేల పెన్షన్ అందిస్తామని తెలిపారు. సంప్రదాయలు, భాషను గౌరవించుకునే విషయంలో మనమంతా ఏకం కావాల్సిన అవసరం ఉందని చెప్పారు. మెగాస్టార్ చిరంజీవి జాతీయ, అంతర్జాతీయ స్థాయిలో గొప్ప పేరు తెచ్చుకున్నారని ప్రశంసించారు.

చిరంజీవి కమిట్ మెంట్ ఉన్న నటుడని చెప్పారు. పున్నమినాగులో ఏ స్థాయిలో నటించారో.. సైరాలోనూ అదే స్థాయిలో నటించారని ప్రశంసల వర్షం కురిపించారు.
వెంకయ్య నాయుడిని సన్మానించడం అంటే మనల్ని మనం సన్మానించుకోవడమేనని పేర్కొన్నారు. ఢిల్లీ వెళ్లే తెలుగు రాజకీయ నేతలకు వెంకయ్య నాయుడు పెద్ద దిక్కు అని అన్నారు. రాష్ట్రపతి అయ్యే అన్ని అవకాశాలు వెంకయ్యనాయుడికి ఉన్నాయని తెలిపారు. ఒక తెలుగువాడిగా వెంకయ్య నాయుడు రాష్ట్రపతి స్థాయికి ఎదగాలని కోరుకుంటున్నానని చెప్పారు. మెగాస్టార్ చిరంజీవి జీవిత ప్రస్థానం అందరికీ ఆదర్శమని అన్నారు.

పద్మ అవార్డు (Padma Awards)గ్రహీతలను తెలంగాణ (Telangana) ప్రభుత్వం ఘనంగా సన్మానించింది. తెలంగాణ నుంచి ఐదుగురికి, ఏపీకి చెందిన ఒక్కరికి ఈ అవార్డులు లభించాయి. తాజాగా శిల్ప కళా వేదికలో నిర్వహించిన కార్యక్రమంలో ఆ అవార్డు గ్రహీతలను సీఎం రేవంత్ రెడ్డి, డిప్యూటీ సీఎం భట్టి విక్రమార్క ఇతర మంత్రులు సత్కరించారు.

ఈ కార్యక్రమంలో మాజీ ఉప రాష్ట్రపతి వెంకయ్య నాయుడు, మెగాస్టార్ చిరంజీవిని ప్రభుత్వం ప్రత్యేకంగా సన్మానించింది. ఈ సందర్బంగా మెగాస్టార్ చిరంజీవి మాట్లాడుతూ….. పద్మ అవార్డులు ప్రకటించిన వెంటనే సన్మానం చేయడం ఇదే తొలిసారి అని ఆయన పేర్కొన్నారు. అవార్డు ప్రకటన కంటే తనకు ఈ సత్కారం మరింత ఆనందాన్ని ఇచ్చిందని వెల్లడించారు.

స్వయంగా ప్రభుత్వం చొరవచూపి తమను సన్మానించడం సంతోషంగా ఉందని చెప్పారు. పద్మశ్రీ అవార్డులు ప్రకటించిన తర్వాత కొంత సమయం తీసుకుని పద్మ విభూషణ్ అవార్డులను ప్రకటించిందని వెల్లడించారు. దీని వెనుక ప్రధాని మోడీ వేసిన గొప్ప వ్యూహం ఉందని ఆయన వివరించారు. ఇలా కాస్త గ్యాప్ తీసుకుని అవార్డులు ప్రకటించడంతో పద్మశ్రీ పొందే వారి గురించి తెలుసుకునేందుకు కాస్త సమయం దొరుకుతుందని చెప్పారు.

ప్రధాని మోడీ తీసుకున్న ఈ నిర్ణయంతో ఆయనపై తనకు మరింత గౌరవం పెరిగిందని వివరించారు. మరోవైపు నంది అవార్డులను గద్దర్ అవార్డులుగా మార్చడం వ్యక్తిగతంగా చాలా ఆనందంగా ఉందని పేర్కొన్నారు. ఎక్కడ కళాకారులు గౌరవింపబడుతారో అక్కడ రాజ్యం చాలా సుభిక్షంగా ఉంటుందని అన్నారు. రాజకీయాల్లో వెంకయ్యనాయుడు నిజమైన రాజనీతిజ్ఙుడు అని కొనియాడారు. వాజ్‌పేయి అంత హుందాతనం వెంకయ్యలో ఉందని తెలిపారు.

పద్మ విభూషన్ అవార్డు ప్రకటన చూసిన తనకు పట్టలేనంత ఆనందం కలిగిందన్నారు. తన అభిమానుల ఆశీర్వాదం చూస్తుంటే తన జన్మ ధన్యమైపోయిందనిపిస్తోందన్నారు. అభిప్రాయపడ్డారు. తమను సన్మానించిన ప్రభుత్వానికి హృదయపూర్వక కృతజ్ఞతలు చెప్పారు.

రాబోయే పార్లమెంట్ ఎన్నికలకు సంబంధించి కాంగ్రెస్ (Congress) టికెట్లకు భారీగా పోటీ పెరిగి పోతోంది. ఇప్పటికే కాంగ్రెస్ ఎంపీ టికెట్ కోసం పలువురు అభ్యర్థులు దరఖాస్తులు చేసుకున్నారు. దరఖాస్తులకు చివరి రోజు కావడంతో పెద్ద ఎత్తున దరఖాస్తులు (Applications) వచ్చాయి.

టికెట్ కోసం ఈ రోజు దరఖాస్తు చేసుకున్న ప్రముఖుల్లో డిప్యూటీ సీఎం మల్లు భట్టి విక్రమార్క సతీమణి నందిని ఉన్నారు. ఖమ్మం పార్లమెంట్ స్థానం కోసం నందిని దరఖాస్తు చేసుకున్నారు. ఈ సందర్బంగా డిప్యూటీ సీఎం సతీమణి మాట్లాడుతూ….. పార్టీ అగ్రనేతలు సోనియా గాంధీ, ప్రియాంక గాంధీ ఖమ్మం జిల్లా నుంచి పోటీ చేయాలని కోరామని తెలిపారు.

అగ్రనేతలు ఖమ్మం నుంచి పోటీ చేస్తే తామంతా సమిష్టిగా పని చేసి వారిని భారీ మెజారిటీతో గెలిపించుకుంటామని వెల్లడించారు. ఒక వేళ అగ్రనేతలు ఖమ్మం నుంచి పోటీ చేయకపోతే అక్కడ పోటీ చేసే అవకాశాన్ని తనకు కల్పించాలని కోరారు. సుమారు 20 ఏండ్లుగా తాము ఖమ్మం ప్రజలతో కలిసి పని చేస్తున్నామని వివరించారు.

వారి ఒత్తిడి మేరకే తాను లోక్​సభ స్థానానికి పోటీ చేయాలని నిర్ణయానికి వచ్చానని చెప్పారు. అందువల్ల తనకు అవకాశం ఇస్తే భారీ మెజారిటీ విజయం సాధిస్తామని ధీమా వ్యక్తం చేశారు. టికెట్ విషయంలో కాంగ్రెస్ అధిష్ఠానం ఎలాంటి నిర్ణయం తీసుకున్నా, దానికి తాను కట్టుబడి ఉంటానని చెప్పారు. ఖమ్మం ఎంపీ స్థానానికి దరఖాస్తు చేసుకునేందుకు ఆమె 500 కార్లతో ర్యాలీగా వచ్చారు.

బీఆర్ఎస్‌ (BRS)పై తెలంగాణ ప్రభుత్వ ప్రత్యేక ప్రతినిధి మల్లు రవి (Mallu Ravi) తీవ్ర స్థాయిలో నిప్పులు చెరిగారు. పూలే ఆలోచన విధానానికి వ్యతిరేకంగా కేసీఆర్ (KCR) పరిపాలన చేశారని అన్నారు. మహిళలకు, బీసీలకు తీరని అన్యాయం చేసింది కేసీఆర్ అంటూ తీవ్ర స్థాయిలో ఫైర్ అయ్యారు.

గతంలో ఎప్పుడు లేనంతగా తమ ప్రభుత్వం సామాజిక న్యాయానికి పెద్దపీట వేసిందని తెలిపారు. పదేళ్లు అధికారంలో ఉండగా కవితకు పూలే గుర్తుకు రాలేదా అని ప్రశ్నించారు. ప్రజాభవన్‌కు పూలే పేరు పెట్టిన తర్వాత గుర్తొచ్చిందా? అని తీవ్ర ఆగ్రహం వ్యక్తం చేశారు. ఐదేండ్ల పాటు మహిళలకు కేబినెట్‌లో కేసీఆర్ అవకాశం ఇవలేదన్నారు.

ఆ సమయంలో కేసీఆర్‌ను కవిత ఎందుకు ప్రశ్నించలేదు? అని నిలదీశారు..విమర్శలు నిర్మాణాత్మకంగా ఉండాలన్నారు. అంతే కానీ మాయ మాటలు వద్దన్నారు. కేంద్రం నుంచి రాష్ట్రానికి రావాల్సిన నిధుల కోసం ఢిల్లీలో తనవంతు కృషి చేస్తానని వెల్లడించారు. ఖమ్మం జిల్లాలో స్టీల్ ఫ్యాక్టరీ, హైదరాబాద్​లో ట్రైబల్ యూనివర్సిటీ అడ్మిషన్స్ ప్రారంభించేందుకు ప్రధానితో సీఎం రేవంత్ రెడ్డి మాట్లాడినట్లు వెల్లడించారు.

త్వరలోనే అనుమతులు వస్తాయని స్పష్టం చేశారు. గత ప్రభుత్వం ఉమ్మడి జిల్లాలో పాలమూరు, రంగారెడ్డి ప్రాజెక్టుకు జాతీయ హోదా తేలేకపోయిందని మండిపడ్డారు. తమది ప్రజా ప్రభుత్వం అని రాష్ట్రంలోని ప్రజలు భావిస్తున్నారని చెప్పారు. సీఎంఓ నుంచి కమిషరేట్‌ల వరకు…సింగరేణి నుంచి హెల్త్ డైరెక్టర్‌ల వరకు.. సామాజిక న్యాయం పాటించామని పేర్కొన్నారు.

చేవెళ్ల పార్లమెంట్ నియోజకవర్గ పరిధిలో దామగుండం (Damagundam) నేవీ రాడార్ స్టేషన్ ( navy radar Station) ఏర్పాటుపై పలు వర్గాల నుంచి వ్యతిరేకత వస్తోంది. ఈ రాడార్ నిర్మాణానికి వ్యతిరేకంగా ఉద్యమాన్ని ఉదృతం చేయాలని భావిస్తున్నాయి.

తాజాగా దామగుండంలో నేవీ రాడార్ నిర్మాణాన్ని చేపట్టవద్దని కేంద్రానికి బీఆర్ఎస్ ఎంపీ రంజిత్ రెడ్డి విజ్ఞప్తి చేశారు. ఈ విషయంలో కేంద్రం పునరాలోచన చేయాలని కోరారు. రాడార్‌ను వేరే ప్రాంతంలో నిర్మించాలన్నారు. లోక్ సభలో ఈ అంశాన్ని రూల్ 377 కింద లేవనెత్తారు ఎంపీ.

ఈ రాడార్ స్టేషన్ వల్ల ప్రజల ఆరోగ్యంపైన ప్రభావం పడే అవకాశం ఉందని తెలిపారు. నిర్మాణం పూర్తయ్యాక ఆరోగ్య సమస్యలు ఉత్పన్నమయ్యే ప్రమాదం ఉందని స్థానిక ప్రజలు ఆందోళన వ్యక్తం చేశారని అన్నారు. దామగుండంలో రాడార్ స్టేషన్ నిర్మాణం చేపడితే దాని వల్ల 400 ఏండ్ల పురాతనమైన రామ లింగేశ్వర స్వామి ఆలయం, విలువైన అటవీ, ఔషధ వృక్షాలు కాలగర్భంలో కలిసే ప్రమాదం ఉందని ఆందోళన వ్యక్తం చేశారు.

ఈ ప్రాజెక్టుపై పూడురు మండల ప్రజలు తీవ్ర అభ్యంతరాలు వ్యక్తం చేస్తున్నారని పేర్కొన్నారు. స్థానిక ప్రజలు ఆందోళనలను పరిగణనలోకి తీసుకుని వెంటనే కేంద్ర రక్షణ మంత్రిత్వ శాఖ తన నిర్ణయాన్ని మార్చుకోవాలని కోరారు. నేవీ రాడార్ స్టేషన్‌ను అక్కడి నుంచి మార్చి వేరే అనువైన మరో ప్రాంతానికి మార్చాలని విజ్ఞప్తి చేశారు.

సీఎం రేవంత్ రెడ్డి (CM Revanth Reddy)తో బీఆర్ఎస్ (BRS)నేతల వరుస భేటీలు గులాబీ పార్టీలో గుబులు పుట్టిస్తున్నాయి. ఆయా నేతలు కాంగ్రెస్ గూటికి చేరబోతున్నారంటూ వార్తలు చెక్కర్లు కొడుతున్నాయి. ఇప్పటికే ఈ విషయంలో బీఆర్ఎస్ నేతలకు కేసీఆర్ క్లాస్ పీకినట్టు తెలుస్తోంది. ఈ క్రమంలో తాజాగా బీఆర్ఎస్ మరో నేత రేవంత్ రెడ్డిని కలవడం ప్రాధాన్యత సంతరించుకుంది.

తాజాగా సీఎం రేవంత్ రెడ్డితో హైదరాబాద్ మేయర్ గద్వాల్ విజయలక్ష్మి భేటీ కావడంపై ఆసక్తి రేపుతోంది. జూబ్లిహిల్స్ లోని సీఎం నివాసంలో రేవంత్ రెడ్డిని గద్వాల విజయ లక్ష్మీ కలిశారు. దీంతో ఆమె కూడా కాంగ్రెస్‌లో చేరతారంటూ వార్తలు గుప్పుమంటున్నాయి. ఈ నేపథ్యంలో భేటీపై మేయర్ గద్వాల విజయ లక్ష్మీ వివరణ ఇచ్చారు. తా.ను కేవలం స్టాండింగ్ కమిటీ ఎలక్షన్, జనరల్ బాడీ సమావేశం, రివ్యూ మీటంగ్‌ల కోసమే తాను సీఎంను కలిశానన్నారు.

త్వరలో లోక్ సభ సార్వత్రిక ఎన్నికలు జరగనున్నాయి. ఈ ఎన్నికల్లో వీలైనన్నీ ఎక్కువ స్థానాల్లో విజయం సాధించాలని కాంగ్రెస్ ప్రణాళికలు రచిస్తోంది. కాంగ్రెస్ తరఫున ఎంపీ టికెట్ ఆశించిన వారు టికెట్లు దరఖాస్తులు చేసుకుంటున్నారు. ఈ క్రమంలో బీఆర్ఎస్ నేతలు వరుస పెట్టి సీఎంను కలవడంతో… వారంతా కాంగ్రెస్ పార్టీలో చేరబోతున్నారని పెద్ద ఎత్తున ప్రచారం జరుగుతోంది.

ఇది ఇలా వుంటే మేయర్ విజయలక్ష్మితో పాటు మాజీ మేయర్ బొంతు రామ్మోహన్ కూడా కాంగ్రెస్ గూటికి చేరతారని వార్తలు వినిపిస్తున్నాయి. ఇప్పటికే ఈ మేరకు ఆయన ప్రయత్నాలు కూడా చేస్తున్నారని సమాచారం. అటు గద్వాల విజయ లక్ష్మీ, ఇటు బొంతు రామ్మోహన్ ఇద్దరు కూడా లోక్ సభ ఎన్నికల్లో పోటీ చేసే ఆలోచనలో ఉన్నట్టు.. అందుకే ఇద్దరు నేతలు కాంగ్రెస్ వైపు చూస్తున్నట్టు చర్చ నడుస్తోంది.

బీఆర్ఎస్ పార్టీనే ఒక దేవాలయం…. కేసీఆర్ (KCR) ఒక దేవుడు అని జనగామ మాజీ ఎమ్మెల్యే ముత్తిరెడ్డి యాదగిరి రెడ్డి (Muthireddy Yadagiri Reddy) అన్నారు. తెలంగాణ రాష్ట్ర సాధనలో తొలిదశ ఉద్యమంలో తాను పాల్గొన్నానని గుర్తు చేశారు. నియోజకవర్గం అభివృద్ధిలో భాగంగా ఎవరికైనా బాధ కలిగిస్తే తనను క్షమించాలని కోరారు. దళిత బంధు విషయంలో ఏ మండలంలో ఫ్రాడ్ జరగలేదని అన్నారు. కానీ ఒక మద్దూరు మండలంలో జరిగిందని, తన పట్ల కక్షపూరితంగా వ్యవహరిస్తున్నారని ఆయన ఆరోపించారు.

మీడియా సమావేశంలో ముత్తి రెడ్డి యాదగిరి రెడ్డి మాట్లాడుతూ…..2002లో కేసీఆర్ చిత్తశుద్ది, ఆయన వాక్చాతుర్యాన్ని నమ్మి పార్టీలోకి వచ్చానని అన్నారు. ఇప్పుడు మల్కాజిగిరి టికెట్ ఆశిస్తున్నానని, అందుకే తనపై కొందరు ఇలాంటి కుట్రలు చేస్తున్నారని ఆరోపించారు. టికెట్ విషయంలో కుటుంబ సమస్యలు తీసుకు వచ్చి తనకు టికెట్ రాకుండా చేశారని మండిపడ్డారు.

కేసీఆర్ మాటకు విలువిచ్చి తాను గెలిచే సీటును సైతం వదులుకున్నానని అన్నారు. ఇప్పడు ఎంపీ టికెట్ వస్తుందనే ఇలా అంబాండాలు వేస్తున్నారంటూ ఫైర్ అయ్యారు. ఉద్యమ సమయంలో వంద ఎకరాలను అమ్మి ఆ డబ్బును పార్టీ కోసం ఖర్చు పెట్టానని చెప్పుకొచ్చారు. అదితనకు చాలా సంతృప్తని కలిగించిందని వెల్లడించారు.

దళితబంధులో ఎలాంటి స్కాంలు జరగవద్దని అప్పట్లో ప్రెస్ మీట్ పెట్టి మరి చెప్పానని గుర్తు చేశారు. 62 లక్షలు తీసుకున్నానని ఆరోపణలు చేస్తున్నారని, అదంతా పూర్తిగా అసత్యమని సష్టం చేశారు. దళితుల దగ్గర తీసుకున్న డబ్బులను బద్దిపడగ కృష్ణారెడ్డి వెంటనే తిరిగి ఇచ్చేయాలని డిమాండ్ చేశారు. ఎమ్మెల్యే పల్లా రాజేశ్వర్ రెడ్డి చొరవ తీసుకుని దళితులకు న్యాయం చేయాలని కోరుతున్నట్టు చెప్పారు.