Venu

కర్ణాటక ఎన్నికల ఫలితాలు తెలంగాణలో కాంగ్రెస్ (Congress) పార్టీ గ్రాఫ్ పెరగడానికి కారణం అయ్యాయి.. దీంతో ఉమ్మడి నల్గొండ (Nalgonda) జిల్లాలో పార్టీకి కేరాఫ్ అడ్రస్‌గా చెప్పుకునే కోమటిరెడ్డి బ్రదర్స్ పూర్వ బ్రాండ్ ఇమేజ్ కోసం ప్రయత్నాలు మొదలుపెట్టినట్టు తెలుస్తుంది. మరోవైపు రాష్ట్ర స్థాయిలో చక్రం తిప్పాలని పట్టుదలగా ఉన్న కోమటిరెడ్డి బ్రదర్స్‌ (Komati Reddy Brothers)కు ఈ ఎన్నికలు ఎంతో ప్రతిష్టాత్మకంగా మారినట్టు జనం అనుకుంటున్నారు.

వరుసగా నాలుగు సార్లు నల్లగొండ నుంచి ఎన్నికైన కోమటిరెడ్డి వెంకటరెడ్డి (Venkata Reddy) స్థానికంగా పట్టున నేత.. కానీ గత ఎన్నికల్లో బీఆర్ఎస్ అభ్యర్థి కంచర్ల భూపాల్ రెడ్డి చేతిలో ఓటమిపాలయ్యారు. కానీ ఇప్పుడు రాష్ట్రంలో కాంగ్రెస్ హవా వీస్తూంది కాబట్టి.. ఈ ఎన్నికల్లో గెలిచి తన పట్టు నిరూపించుకోవాలని కోమటిరెడ్డి కసిగా ఉన్నట్టు తెలుస్తుంది. ఇప్పటికే కొరకరాని కొయ్యగా మారిన వెంకట్ రెడ్డిని ఎలాగైనా ఓడించాలని ప్రణాళికలు రచిస్తున్నారు కేసీఆర్..

మరోవైపు కాంగ్రెస్ వీడి బీజేపీలో చేరిన కోమటిరెడ్డి రాజగోపాల్ రెడ్డి (Rajagopal Reddy).. మునుగోడు ఉపఎన్నికల్లో పోటీ చేసి ఓటమి చవిచూశాడు.. అయితే ఈసారి గెలిచి తన సత్తా చాటాలని రాజగోపాల్ రెడ్డి పట్టుదలతో ఉన్నారు. మరోవైపు ఒకప్పుడు గురు శిష్యులుగా ఉండి.. చట్టసభలకు కలిసి వెళ్ళిన కోమటిరెడ్డి బ్రదర్స్, నకిరేకల్ సిట్టింగ్ ఎమ్మెల్యే చిరుమర్తి లింగయ్యలు ఇప్పుడు రాజకీయ శత్రువులుగా మారిపోవడం.. నియోజకవర్గంలో పెద్ద హాట్ టాపిక్ గా మారింది.

అసలు సమయం సందర్భం లేకుండా వీరు చేసుకుంటున్న సవాళ్లు, ప్రతి సవాళ్లు ఈ నియోజక వర్గంలో వేడి పుట్టిస్తున్నాయి. ఇదేసమయంలో కోమటిరెడ్డి బ్రదర్స్ కాంగ్రెస్ పార్టీ అధికారంలోకి వస్తే తాము కీలకంగా వ్యవహరించాలని భావిస్తున్నట్టు ప్రచారం జరుగుతుంది.. అదీగాక నియోజకవర్గ అభివృద్ధి పేరుతో బీఆర్ఎస్ లోకి వెళ్ళిన చిరుమర్తి లింగయ్యను ఓడించాలని కోమటిరెడ్డి బ్రదర్స్ పట్టుదలగా ఉన్నట్టు తెలుస్తుంది.

మరోవైపు కాంగ్రెస్ ఉమ్మడి నల్లగొండ జిల్లాలో పది స్థానాలను కైవసం చేసుకుంటుందని కోమటిరెడ్డి బ్రదర్స్ దీమా వ్యక్తం చేస్తున్నారు. మొత్తం మీద ఈ ఎన్నికలు కోమటిరెడ్డి బ్రదర్స్‌కు, బీఆర్ఎస్ కు సవాల్ గా మారాయి. మరి ఇక్కడి ఓటర్లు కోమటిరెడ్డి బ్రదర్స్ బ్రాండ్ ‌ఇమేజ్‌ను పెంచి వారి అంచనాలను నిజం చేస్తారో.. లేదా షాకిస్తారో వెయిట్ అండ్ సీ..

తెలంగాణ (Telangana)లో బీఆర్ఎస్ (BRS) గెలుపుకు పరిస్థితులు అనుకూలంగా ఉన్నాయని ఆ పార్టీ నేతలు ప్రచారం చేసుకుంటున్నారు. మరోవైపు బీఆర్ఎస్ పార్టీకి వ్యతిరేకంగా వస్తున్న సంకేతాలు ప్రళయాన్ని సృష్టించడానికి సిద్దం అవుతున్నాయని కొందరు అంటున్నారు. ఈ గజిబిజి గందరగోళంలో దొరల పాలనపై మావోయిస్టు పార్టీ ఫైర్ అవుతుంది. బీఆర్ఎస్ పార్టీ ప్రజల మౌలిక సమస్యలను పరిష్కరించడంలో విఫలమైందన్న మావోయిస్టు పార్టీ.. రాష్ట్రం నుంచి ఆ పార్టీని తన్ని తరిమేయాలని పిలుపునిచ్చింది.

అధికార మదంతో, అహంకారంతో ప్రవర్తిస్తున్న బీఆర్ఎస్ పదేళ్ళుగా తెలంగాణ ప్రజలను దగా చేసిందని.. అవినీతి పై ఇంకా దాహం తీరనట్టు.. మూడోసారి అధికారాన్ని చేపట్టడానికి సిద్ధమవుతుందని మావోయిస్టు పార్టీ (Maoist Party) మండిపడుతుంది.. రాష్ట్రంలో దొరల కుటుంబ పాలన సాగిస్తూ రాజకీయ, ఆర్థిక ప్రయోజనాలను కొద్దిమంది దోపిడీదారులకు మాత్రమే అనుభవించే హక్కును ఇచ్చిన ఈ ప్రభుత్వాన్ని కూల్చడానికి ప్రజలంతా ఏకం అవ్వాలని మావోయిస్టు పార్టీ కోరుతుంది. ప్రజాస్వామిక తెలంగాణ కోసం పోరాడాల్సిన అనివార్యత ఏర్పడిందని వ్యాఖ్యానించింది.

ఈ సందర్భంగా ఆ పార్టీ రాష్ట్ర  కార్యదర్శి జగన్ (Jagan) ఇచ్చిన ఇంటర్‌వ్యూను విడుదల చేశారు. రాష్ట్రం ఏర్పడితే నియామకాలు దక్కుతాయని భావించి ఉద్యమకారులు ప్రాణత్యాగం చేశారని, కానీ రెగ్యులర్ ఉద్యోగాల్లేక ఔట్‌సోర్సింగ్, కాంట్రాక్టు ఉద్యోగులు, నిరుద్యోగులు నిత్యం పోరాడక తప్పని పరిస్థితులను ఈ ప్రభుత్వం కల్పించిందని మావోయిస్టు పార్టీ ఆగ్రహం వ్యక్తం చేసింది. గ్రూప్-1 పరీక్షలను అనేకసార్లు రద్దు చేయించడం ఉద్దేశపూర్వకంగా జరిగిందని ఆరోపించింది.

ఎన్నికలు రాగానే రైతుబంధు, దళితబంధు, బీసీ బంధు, గిరిజనబంధు అంటూ ప్రజలను బీఆర్ఎస్ మాయచేస్తున్నదని, దళితులకు మూడెకరాల భూమి వాగ్ధానాన్ని గద్దెనెక్కిన తర్వాత మరచిందని మావోయిస్టు పార్టీ తెలిపింది. ప్రజల సమస్యలను గాలికొదిలేసి.. కేసీఆర్ (KCR) ఫ్యామిలీ కాళేశ్వరం ద్వారా కోట్లాది రూపాయలు పోగేసుకున్నదని ఆరోపించింది.

రాష్ట్రాన్ని మాత్రం అప్పుల్లోకి నెట్టి ఇప్పుడు ఆ అప్పుల మీద వడ్డీలు చెల్లించడానికి ప్రభుత్వ భూముల్ని అమ్ముకోవాల్సిన దుస్థితి పట్టిందని మావోయిస్టు పార్టీ ఆగ్రహించింది. బీజేపీతో (BJP) బీఆర్ఎస్‌కు అంతర్గత ఐక్యత ఉందని ఆరోపించిన మావోయిస్టు పార్టీ.. ఆర్థిక, రాజకీయ ప్రయోజనాల కోసం బీజేపీతో అంటకాగుతున్న అవకాశవాద బీఆర్ఎస్‌ను తన్ని తరిమేయాలని రాష్ట్ర కార్యదర్శి జగన్ ప్రజలకు పిలుపునిచ్చారు.

తెలంగాణ రాజకీయాల్లో త్రిముఖ పోరు చాలా ఆసక్తిగా మారిందని అంతా భావిస్తున్నారు. ప్రధానంగా కాంగ్రెస్ (Congress).. బీఆర్ఎస్ (BRS) మధ్య జరుగుతున్న మాటల యుద్ధంలో కొంత విరామం ఇవ్వడానికి బీజేపీ వచ్చిందని భావిస్తున్నారు.. కాగా రాష్ట్ర అధ్యక్ష పదవి నుంచి తప్పుకున్నాక బండి సంజయ్ మాటల శబ్ధాలు ప్రచారంలో పెద్దగా వినపడటం లేదని బాధపడుచున్నారు అభిమానులు.. వారిని ఉత్సాహ పరచడానికి బరిలోకి దిగారు బండి సంజయ్..

ఎన్నికల ప్రచారంలో భాగంగా బీఆర్ఎస్ పై మాటల తూటాలు పేల్చారు బండి సంజయ్ (Bandi Sanjay)..ఈ ఎన్నికల్లో మళ్లీ గెలిచేందుకు మంత్రి గంగుల కమాలాకర్ లక్ష సెల్ ఫోన్లు, ఓటుకు రూ.10 వేలను నమ్ముకున్నాడని ఆరోపించారు.. ఇక కరీంనగర్ (Karimnagar) కాంగ్రెస్ అభ్యర్థికి ఇక్కడి సమస్యలపై అసలే అవగాహనే లేదని ఎద్దేవా చేశారు బండి సంజయ్. ప్రజల పట్ల చిత్త శుద్ధి లేని బీఆర్ఎస్, కాంగ్రెస్ అభ్యర్థులకు ఓటుతో బుద్ది చెప్పాలని ప్రజలను కోరారు.

కరీంనగర్ లో సీఎం కేసీఆర్ (KCR) సభ పెట్టుకున్నది తనను తిట్టడానికేనని విమర్శించిన బండి సంజయ్.. కరీంనగర్ వచ్చిన కేసీఆర్ ఇక్కడి అభివృద్ధి గురించి ఎందుకు మాట్లాడలేదని ప్రశ్నించారు.. ప్రజల కోసం పోరాడి జైలుకు పోయిన చరిత్ర తనదని.. న్యాయాన్ని రక్షించడానికి పోరాడే వారికి మీరు ఓట్లు వేయకుంటే.. పేదల పక్షాన పోరాడేవాళ్లు వెనుకంజ వేస్తారన్నారని తెలిపారు బండి సంజయ్..

అవినీతి ప్రభుత్వం పై కొట్లాడితే కేసీఆర్ తనకు ఇచ్చిన గిఫ్ట్ 74 కేసులని చెప్పుకొచ్చారు. అన్నింటికీ తెగించి.. నా కుటుంబాన్ని పక్కన పెట్టి పాతబస్తీలో సభ పెడితే తనను బెదిరించారని బండి సంజయ్ ఆరోపించారు. ప్రజల సొమ్మును దోచుకుంటున్న ఇలాంటి వారిని మరోసారి గెలిపిస్తే ఒంటి మీది గుడ్డలు కూడా లాక్కుంటారని బండి సంజయ్ మండిపడ్డారు..

తెలంగాణ (Telangana)లో ప్రస్తుతం ఎక్కడ చూసిన బహిరంగ సభలు.. సమావేశాలతో ప్రధాన పార్టీలన్నీ యమ బిజీగా మారిపోయాయి. క్షణం కూడా తీరిక లేకుండా ఎన్నికల ప్రచారంలో మునిగితేలుతున్నాయి. మరోవైపు మాయ మాటలు చెబుతూ గ్రామాల్లో తిరుగుతున్న మోసపూరిత కాంగ్రెస్ (Congress)..బీజేపీ (BJP)కి ప్రజలు తగిన బుద్ది చెప్పాలని బీఆర్ఎస్ (BRS) పిలుపునిస్తుండగా.. సేమ్ టు సేమ్ రాగాన్ని కాంగ్రెస్, బీజేపీ కూడా ప్లే చేస్తున్నాయి.

ఈ ఎన్నికల ప్రచారంలో ఎవరి గోల వారిదే.. మరోవైపు పాలకుర్తిలో నిర్వహిస్తున్న ఎన్నికల ప్రచారంలో పాల్గొన్న మంత్రి ఎర్రబెల్లి దయాకర్ రావు.. కాంగ్రెస్ పై కీలక వ్యాఖ్యలు చేశారు. ఈ ఎన్నికల్లో బీఆర్ఎస్‌కు 80 సీట్లు రావడం గ్యారెంటీ అని ధీమా వ్యక్తం చేశారు. రాష్ట్రంలో మూడవ సారి అధికార పగ్గాలు చేపట్టి బీఆర్ఎస్‌ హ్యాట్రిక్ సాధిస్తుందని జోస్యం చెప్పారు ఎర్రబెల్లి దయాకర్ రావు.

తన సర్వేలు, అంచనాలు ఎప్పుడు తప్పు కాలేదన్న ఎర్రబెల్లి దయాకర్ రావు (Errabelli Dayakar Rao).. ఈ సారి పాలకుర్తిలో తాను 60 వేల ఓట్ల మెజార్టీతో గెలుస్తానని ప్రకటించారు. కాంగ్రెస్ ను నమ్మని తెలంగాణ ప్రజలు ఇంకా టీపీసీసీ చీఫ్ రేవంత్ రెడ్డిని ఎలా నమ్ముతారని విమర్శించారు. రేవంత్ ఎక్కడ కాలు పెడితే అక్కడ నాశనమే అని ఎర్రబెల్లి దయాకర్ ఎద్దేవా చేశారు.

మరోవైపు పాలకుర్తి నియోజకవర్గానికి (Palakurthi-Constituency) తెలంగాణ అసెంబ్లీ ఎన్నికల్లో ప్రత్యేకత ఉంది. కంచుకోటగా మార్చుకున్నఈ నియోజకవర్గంలో ఎర్రబెల్లి దయాకర్ రావుకు ప్రత్యేకమైన గుర్తింపు ఉంది. తెలంగాణ ఉద్యమం ఎగసినపడిన సమయంలోనూ తెలుగుదేశం పార్టీ తరపున గెలిచిన ఎర్రబెల్లికి పాలకుర్తిలో తిరుగు ఉండదనే టాక్ ఉంది. కానీ ఈ ఎన్నికల పోరు చాలా టఫ్ గా ఉన్న నేపథ్యంలో పాలకుర్తి పాలిటిక్స్ లో చోటు చేసుకునే మార్పులపై ఆసక్తి పెరిగింది. మరి ఏం జరుగుతుందో తెలియాలంటే ఎన్నికల రిజల్ట్ వరకు ఆగవలసిందే..