Author

Venu

Mushirabad : నగరంలో దారుణం.. చిన్నపిల్లతో పాటు కుటుంబం ఆత్మహత్య..!!

by Venu November 17, 2023

written by Venu

హైదరాబాద్ (Hyderabad)లోని ముషీరాబాద్ (Mushirabad) గంగపుత్ర కాలనీ ( Gangaputra Colony)లో ఓ కుటుంబం ఆత్మహత్యకు పాల్పడింది. తమ చిన్నారికి ఉరి వేసి ఆపై దంపతులు కూడా బలవన్మరణానికి పాల్పడ్డారు. కాగా మృతులు ఆంధ్రప్రదేశ్ రాష్ట్రంలోని కర్నూలు జిల్లా లక్ష్మీపురం గ్రామానికి చెందిన వారని సమాచారం.. ఈ ఘటన వారాసిగూడ పోలీస్ స్టేషన్ పరిధిలో చోటుచేసుకుంది.

ఆత్మహత్య (Suicide) చేసుకున్న వారు కొప్పుల సాయి కృష్ణ, చిత్రకళ, కూతురు తేజస్విని(4)గా తెలుస్తోంది. మరోవైపు మృతురాలు చిత్రకళ బిర్లా ప్లానిటోరియంలో, భర్త సాయి కృష్ణ ప్రైవేట్ సంస్థలో ఉద్యోగిగా పనిచేస్తున్నారు. కొద్ది రోజుల క్రితం సాయికృష్ణను యాజమాన్యం ఉద్యోగంలో నుంచి తీసివేయడంతో రాపిడో నడుపుతూ జీవనం కొనసాగిస్తున్నాడు.

తాజాగా భార్య చిత్రకళను కూడా బిర్లా ప్లానిటోరియం యాజమాన్యం ఉద్యోగంలో నుంచి తొలగించడంతో మనోవేదనకు గురైనట్టు సమాచారం. మరోవైపు ఆర్థిక సమస్యలు చుట్టుముట్టడంతో వీరు ఆత్మహత్య చేసుకున్నట్టు ప్రచారం జరుగుతుంది. కాగా ఘటన సమాచారం అందుకున్న పోలీసులు అక్కడకు చేరుకుని ముగ్గురు మృతదేహాలను పోస్టుమార్టం నిమిత్తం ఉస్మానియా ఆస్పత్రికి తరలించారు. పోస్టుమార్టం అనంతరం మృతదేహాలను కుటుంబసభ్యులకు అప్పగించనున్నట్టు తెలిపారు. కేసు నమోదు చేసుకుని దర్యాప్తు ప్రారంభిస్తామని అన్నారు.

మరోవైపు ఆత్మహత్యకు ముందు చిత్రకళ గోడపై రాసిన సూసైడ్ నోట్‌ సంచలనంగా మారింది.. ‘‘నా చావుకి బిర్లా సైన్స్ సెంటర్‌లో వర్క్ చేస్తున్న శ్యామ్ కొఠారి, గీత రావులు కారణం. నేను పని చేస్తున్న సమయంలో నాపై తప్పుడు ఆరోపణలు చేసి జాబ్ నుంచి తొలిగించారు. అపాయింట్మెంట్ లెటర్, పే స్లిప్స్ అడిగినా పట్టించుకోలేదు. వాళ్ళు చేస్తున్న ఫ్రాడ్స్‌ను నిలదీసినందుకు నన్ను ఉద్యోగం నుంచి తొలిగించారు. ఈ విషయాన్ని మంత్రి కేటీఆర్‌కు ఎన్నో సార్లు ట్విట్టర్‌లో మొర పెట్టుకున్నా పట్టించుకోలేదు’’ అంటూ మృతురాలు చిత్రకళ సూసైడ్‌ నోట్‌లో ఆవేదన వ్యక్తం చేసింది.

November 17, 2023 0 comment

Andhra Pradesh Crime

Suicide : వైసీపీ వర్గ పోరులో యువకుడు ఆత్మహత్య..!!

by Venu November 17, 2023

written by Venu

తూర్పుగోదావరి (East Godavari) జిల్లాలో దారుణ ఘటన జరిగింది. దళిత యువకుడు బొంతా మహేంద్ర ఆత్మహత్య ఘటన.. దొమ్మేరును కుదిపేసింది. హోం శాఖ మంత్రి తానేటి వ‌నిత ప్రాతినిధ్యం వ‌హిస్తున్నకొవ్వూరు నియోజకవర్గం లోని దొమ్మేరు గ్రామంలో అధికార వైసీపీ వర్గ విభేదాల కార‌ణంగా మంత్రి తానేటి వ‌నిత‌కు చెందిన‌ ప్లెక్సీ చినిగి పోవడంతో నిప్పు రాజుకుంది.

మహేంద్రకు ఈ ఘటనతో సంబంధం ఉండవచ్చు అనే అనుమానంతో కొవ్వూరు పోలీసులు స్టేషన్ కి పిలిపించి విచారణ పేరుతో దూషించినట్టు మహేంద్ర కుటుంబం ఆరోపిస్తోంది. జరిగిన అవమానాన్ని తట్టుకోలేక మనస్తాపంతో మహేంద్ర ఆత్మహత్య చేసుకున్నాడని కుటుంబ సభ్యులు కన్నీరుమున్నీరవుతున్నారు. కాగా ఈ దారుణ ఘటనకు బాధ్యులైన వారిపై సమగ్ర విచారణ జరిపి చట్టపరమైన చర్యలు తీసుకోవాలని మృతుని కుటుంబం, కుల వివక్ష వ్యతిరేక పోరాట సంఘం, టీడీపీ నాయ‌కులు డిమాండ్ చేస్తున్నారు.

మరోవైపు ఈ కేసులో నిర్ల‌క్ష్యంగా వ్య‌వ‌హ‌రించిన దొమ్మేరు ఎస్సైపై, అధికారులు చ‌ర్య‌లు తీసుకున్నారు. ఇదిలావుంటే, ద‌ళిత యువ‌కుడి శవంతో దొమ్మేరు (Dommeru) గ్రామ‌స్థులు.. నిర‌స‌న వ్య‌క్తం చేశారు. ఘటనపై ప్రభుత్వం సమగ్ర దర్యాప్తు చేసి మహేంద్ర ఆత్మహత్యకు ప్రేరేపించిన వారిపై కఠిన చర్యలు తీసుకోవాలని డిమాండ్ చేసారు. ఇక మృతుడు కుటుంబసభ్యుల్ని పరామర్శించి, పరిహారం అందించేందుకు సాంఘిక సంక్షేమశాఖ మంత్రి మేరుగు నాగార్జున, గోపాలపురం ఎమ్మెల్యే తలారి వెంకట్రావుతో పాటు హోం మంత్రి (Home Minister) తానేటి వనిత (Taneti Vanitha) దొమ్మేరుకు వెళ్లారు.

నాగార్జున, వెంకట్రావులను బాధితుడి ఇంటి వద్దకు వెళ్లేందుకు అంగీకరించిన దొమ్మేరు ఎస్సీ పేట యువత, మహిళలు.. వనిత వాహనాన్ని అడ్డుకున్నారు. గంటన్నరపాటు రోడ్డుపైనే కదలనీయకుండా చేశారు. దీంతో తీవ్ర ఉద్రిక్త పరిస్థితులు ఏర్పడ్డాయి. బాధిత కుటుంబం ఇంటికి వెళ్లిన మంత్రి నాగార్జున, ఎమ్మెల్యే వెంకట్రావు ప్రభుత్వం తరఫున 10 లక్షలు, వైసీపీ (YCP) నాయకుడి తరఫున 10 లక్షల చెక్కు అందించారు. కుటుంబంలో ఒకరికి ప్రభుత్వ ఉద్యోగం ఇస్తామని హామీ ఇచ్చారు. దీంతో ఈ గొడవ కాస్త సద్దుమనిగింది.

November 17, 2023 0 comment

National Politics Viral

Leopard : జనావాసాల్లో చిరుత ప్రత్యక్షం.. భయాందోళనలో ప్రజలు..!!

by Venu November 17, 2023

written by Venu

అడవిలో ఉండాల్సిన వన్య ప్రాణులు (wild animals) జనారణ్యం లోకి వస్తున్నాయి. ఇలా గత కొంత కాలంగా జరుగుతుంది. అడవులు అంతరించిపోవడం.. వన్య ప్రాణులకు ఆహారం దొరకడం కష్టంగా మారడం వంటి పరిస్థితుల వల్ల ఇలా జరుగుతుందని ఇప్పటికే జంతు ప్రేమికులు ఆందోళన పడుతున్నారు. ఇప్పటికే వివిధ ప్రదేశాల్లో వన్య మృగాలా దాడిలో ప్రజలు ప్రాణాలను కోల్పోయిన ఘటనలు తరచుగా వెలుగులోకి రావడం తెలిసిందే.

మరోపైపు మహారాష్ట్రలో ఓ చిరుత పులి జనం మధ్య లోకి వచ్చి కలకలం సృష్టించింది. మహారాష్ట్ర (Maharashtra) కళ్యాణ్-ముర్బాద్ ( Kalyan-Murbad Road)రోడ్‌.. వరప్ గ్రామ సమీపంలో ఉన్న టాటా పవర్ కాంప్లెక్స్‌ (Tata Power Complex) కంపెనీ ఆవరణలో చిరుతపులి సంచరిస్తున్న దృశ్యాలు అక్కడ ఉన్న సీసీ కెమెరా లో రికార్డు అయ్యాయి.

ఈ విషయం తెలిసిన కంపెనీ ఉద్యోగులు భయానికి గురవుతున్నారు. ఈ క్రమంలో చిరుత సంచారం గురించి అటవీశాఖ అధికారులకు, కంపెనీ ఉద్యోగులు సమాచారం అందించారు. విషయం తెలుసుకున్న అటవీశాఖ అధికారులు సంఘటనా స్థలానికి చేరుకుని చర్యలు చేపట్టారు. చిరుత కోసం గాలించారు. అనంతరం చిరుత అక్కడి నుంచి వెళ్లిపోయినట్లు గుర్తించిన అటవీశాఖ అధికారులు..

చిరుత దారి తప్పి ఈ ప్రాంతానికి వచ్చిందని అధికారులు తెలిపారు. మరోవైపు కళ్యాణ్-ముర్బాద్ రోడ్‌ లో ఉన్న వరప్ గ్రామ వాసులు, టాటా పవర్ కంపెనీ ఉద్యోగులు అప్రమత్తంగా ఉండాలని అధికారులు సూచించారు. రాత్రిపూట ఒంటరిగా బయటకు వెళ్లవద్దని కోరారు. ప్రస్తుతం చిరుత సంచారం వీడియో సోషల్ మీడియాలో వైరల్ గా మారింది.

November 17, 2023 0 comment

Breaking News Politics Telangana

KCR : కేసీఆర్ ప్రజా ఆశీర్వాద సభలో బుల్లెట్ల కలకలం.. !!

by Venu November 16, 2023

written by Venu

తెలంగాణ (Telangana)లో జరిగే ఎన్నికలలో భాగంగా విరామం లేకుండా వరుస పర్యటనలతో దూసుకుపోతున్నారు గులాబీ బాస్ సీఎం కేసీఆర్ (CM KCR).. మూడోసారి తెలంగాణ అధికార పగ్గాలు చేపట్టాలని ఉవ్విళ్లూరుతూ.. హ్యాట్రిక్ (Ahattrick)సాధించాలానే ఆరాటం నేతల ముఖాల్లో కనిపిస్తుందని అంతా అనుకుంటున్న సమయంలో ఊహించని ఘటన జరిగింది.

మెదక్ (Medak) జిల్లా నర్సాపూర్ (Narsapur)లో సీఎం కేసీఆర్ ప్రజా ఆశీర్వాద సభలో (Public blessing meeting) బుల్లెట్లు కలకలం సృష్టించాయి. సభకు హాజరైన అస్లాం అనే వ్యక్తి నుంచి పోలీసులు రెండు బుల్లెట్లు (Bullets) స్వాధీనం చేసుకొన్నట్టు సమాచారం. కాగా అతన్ని అదుపులోకి తీసుకొని విచారిస్తున్నట్టు వార్తలు వస్తున్నాయి.

మరోవైపు అస్లాంకు బుల్లెట్లు ఎక్కడి నుండి వచ్చాయి.. అతను వాటితో సభకు ఎందుకు హాజరయ్యాడని కూపీలాగే పనిలో పోలీసులు ఉన్నట్టు తెలుస్తుంది. ఈమేరకు అస్లాం కర్ణాటకకు చెందిన వ్యక్తిగా పోలీసులు గుర్తించారు. దీనిపై విచారణ చేస్తున్నామని తెలిపారు. కాగా ఈ ఘటనకు సంబంధించి పూర్తి వివరాలు తెలియాల్సి ఉంది..

ఇక ఈ మధ్యకాలంలో జరుగుతున్న సంఘటనలు చూస్తున్న బీఆర్ఎస్ అభిమానులు ఆందోళనకు గురవుతున్నట్టు వార్తలు వినిపిస్తున్నాయి. ఈ ఘటనలు ఏమైనా హెచ్చరిస్తున్న అపశకునాలా? అనే అనుమానాలు మెదడులో పుడుతున్నట్టు చర్చించుకుంటున్నారు..

November 16, 2023 0 comment

Politics Telangana Viral

Leaflets going viral : కేసీఆర్‌కు మళ్లీ ఓటు వేస్తే 30 లక్షల మందిని చంపేస్తాడు..??

by Venu November 16, 2023

written by Venu

ఉద్యమాల కొలిమి నుండి ఊపిరి పోసుకున్న తెలంగాణ.. ప్రాణాలు అర్పించి.. పగలు రాత్రి కొట్లాడి తెచ్చుకున్న తెలంగాణ.. ఆడపిల్లల పసుపు కుంకుమలతో, ఎందరో తల్లుల కడుపు కోతలతో సాధించిన తెలంగాణ.. ఒక కుటుంబం చేతిలో బానిసగా మారి.. వారు పెత్తనం చేస్తుంటే భరిస్తూ.. రాష్ట్ర వనరులను ఇష్టానుసారంగా దోచుకుంటూ, ప్రశ్నించే హక్కులను హరిస్తూ, నిరంకుశంగా పాలిస్తూ, ప్రజల డబ్బులను దుర్వినియోగం చేస్తుంటే మేధావులు మౌనం వహించడం.. తెలంగాణ ఆశయాలను సమాధి చేయడంతో సమానం అని జేఏసీ నేతలు ఆవేదన చెందుతున్నారు.

ఈ ఆవేదన నుంచి పుట్టిన ఆక్రోశంతో బీఆర్ఎస్‌ను (BRS) ఓడించాలంటూ ఇప్పటికే పౌర సమాజ వేదికల (Civil society platforms) జేఏసీ (JAC) పిలుపునివ్వగా తాజాగా ‘తెలంగాణ నిరుద్యోగులు’ (Telangana unemployed) పేరుతో కరపత్రం సోషల్ మీడియాలో చక్కర్లు కొడుతున్నది. కేసీఆర్‌కు మళ్లీ ఓటు వేస్తే 30 లక్షల మంది నిరుద్యోగులకు చంపేస్తాడని, వారి ఉసురు మనకు, మన ఇంట్లో వాళ్లకు తగులుతుందని ఆ కరపత్రంలో పేర్కొన్నారు.

అమ్మా.. నాన్నా… ఆలోచించండి.. మీ కొడుకు, కూతురు ఉద్యోగం చేసుకోవాలా? ఉరి వేసుకోవాలా? ఈ ఎన్నికల్లో మీరు వేసే ఓటే నిర్ణయిస్తుందని కరపత్రంలో ఉంది. మీ పిల్లలకు ఉద్యోగాలు లేకుండా చేసి.. మీకు రెండు వేల పింఛన్ ఇచ్చి మోసంతో ఎన్నికల్లో గెలవాలని చూస్తున్న బీఆర్ఎస్ పార్టీకి ఓటు వేయబోమని ఒట్టు వేసుకోండని నిరుద్యోగులు పిలుపునిచ్చారు.

తెలంగాణ వస్తే ఇంటికో ఉద్యోగం ఇస్తా అని చెప్పిన కేసీఆర్.. ఇప్పుడు ఇంటికొకరు సావండి.. ఒక్కో శవానికి ఐదు లక్షల ఇస్తానంటున్నాడు.. అందుకే ఓటు వేసే ముందు ఆలోచించండని ఆ కరపత్రంలో కోరారు. ఇప్పటివరకు కేసీఆర్ ప్రభుత్వం 18 సార్లు పరీక్షలను రద్దు చేసిందని ఆ కరపత్రంలో నిరుద్యోగులు గుర్తుచేశారు. పిల్లలు ఉద్యోగం రాలేదని ఉరేసుకొని చనిపోతున్నారని..వారి చావులకు కారణం అవుతున్న కేసీఆర్‌కు ఓటు వేయొద్దని.. పదేండ్లుగా బీఆర్ఎస్ పార్టీ తెలంగాణలో ఉద్యోగాలు ఇవ్వకుండా విద్యార్థుల, నిరుద్యోగుల ప్రాణాలను తీస్తున్నదని ఆ కరపత్రంలో తెలంగాణ నిరుద్యోగులు ఆరోపించారు.

తెలంగాణ సాధించింది ఇందుకోసం కాదని, నమ్మించి గొంతు కోస్తున్న కేసీఆర్‌కు బుద్ధి చెప్పాలని తల్లిదండ్రులను వేడుకుంటున్నట్టు ఆ కరపత్రంలో వెల్లడించారు. ఈ ఎన్నికల్లో బీఆర్ఎస్ ని ఓడిద్దాం.. తెలంగాణ యువత ప్రాణాలను కాపాడుకుందాం.. అని పిలుపునిచ్చారు. కాగా ప్రస్తుతం ఈ కరపత్రం సోషల్ మీడియాలో వైరల్ గా మారింది.

November 16, 2023 0 comment

Mlc Kavitha: Rahul's words to break up the state: MLC Kavitha

Politics Telangana

MLC Kavitha : విచిత్ర పోలికతో విమర్శలు.. చరిష్మా తగ్గకుండా చూసుకుంటున్న బీఆర్ఎస్..!!

by Venu November 16, 2023

written by Venu

తెలంగాణ (Telangana)లో బీఆర్ఎస్ (BRS) నేతలు ఎన్నికల ప్రచారంలో దూసుకుపోతున్నారు. ఇప్పటికే ప్రచారంలో ప్రతిపక్షాలపై తీవ్ర విమర్శలు గుప్పిస్తూ గెలిచి హ్యాట్రిక్ కొట్టాలని చూస్తున్నారు. కానీ పంటికింద రాయిలా కాంగ్రెస్ మారిందని భావిస్తున్న బీఆర్ఎస్ ఈ ఎన్నికలను ఛాలెంజ్ గా తీసుకున్నట్టు తెలుస్తుంది. మరోవైపు కేటీఆర్(KTR)..హరీష్ రావు (Harish Rao) విరామం లేకుండా ప్రచారాలు నిర్వహిస్తూ.. ప్రజల్లో బీఆర్ఎస్ చరిష్మా తగ్గకుండా చూసుకుంటున్నారు.

మరోవైపు కోరుట్ల నియోజకవర్గంలో నిర్వహిస్తున్న ఎన్నికల ప్రచారంలో పాల్గొన్న కవిత (Kavitha).. ప్రతిపక్షాల పై విరుచుకుపడ్డారు. తెలంగాణను దొంగల చేతుల్లోకి పోనివ్వద్దని అన్నారు. ఎమ్మెల్యే కల్వకుంట్ల విద్యాసాగర్ రావు, బీఆర్ఎస్ అభ్యర్థి కల్వకుంట్ల సంజయ్ తో కలిసి కవిత బండలింగాపూర్ గ్రామంలో ఎన్నికల ప్రచారం నిర్వహించారు. సీఎం కేసీఆర్ (KCR) అధికారం చేపట్టాక గ్రామాల్లో చెరువులు నిండుకుండలా మారాయని కవిత తెలిపారు.

చెరువు ఎండిపోయినప్పుడు కప్పలు అక్కడి నుంచి వెళ్లిపోతాయి. కానీ చేపలు మాత్రం చెరువు నిండినా ఎండినా అక్కడే ఉంటాయని తెలిపిన కవిత.. బీఆర్ఎస్ పార్టీ వాళ్లు చేపల్లాంటి వాళ్లని, కాంగ్రెస్, బీజేపీ వాళ్లు కప్పల వంటి వాళ్లని విచిత్ర పోలికతో విమర్శించారు.. చెరువులు ఎండిన నాడు ప్రజలతో ఉన్న బీఆర్ఎస్.. చెరువులు నిండిన నాడు కూడా ప్రజలతోనే ఉందని వివరించారు.

మరోవైపు బీజేపీ గెలిచినా లాభం లేదని, బీజేపీ అభ్యర్థి గెలిచినా ఒంటి కొమ్ము సొంటికాయలా ఉంటారు కానీ అధికారంలోకి వచ్చేది లేదని స్పష్టం చేశారు. కర్ణాటకలో కాంగ్రెస్ పార్టీ వంద మాటలు చెప్పి అధికారంలోకి వచ్చిందని, కానీ ఒక్కటి కూడా నెరవేర్చలేదని కవిత ఆరోపించారు. కాంగ్రెస్, బీజేపీ మాటమీద నిలబడే పార్టీలు కాదని.. బీఆర్ఎస్ గెలిస్తే ప్రజల బతుకులు బాగుంటాయని కవిత అన్నారు.

November 16, 2023 0 comment

'I will defeat Kadiam's daughter by myself'.. Former Minister Errabelli's sensational comments

Politics Telangana

Minister Errabelli : సభలో జనాన్ని తన్నిన రేవంత్.. కాంగ్రెస్ కు దమ్కి ఇచ్చిన బీఆర్ఎస్..??

by Venu November 16, 2023

written by Venu

ఎన్నికల ప్రచారంలో నేతలు ఒకరి తప్పులు ఒకరు ఎత్తి చూపుకోవడంతోనే సరిపోతుందని.. ఇన్నాళ్లుగా గుర్తుకు రాని విషయాలన్ని ఇప్పుడే గుర్తుకు వచ్చినట్టు చెబుతున్నారని జనం అనుకుంటున్నారు. కాగా ప్రస్తుతం ప్రతిపక్షాలను చీల్చి చెండాడితేనే ఓట్లు రాబట్టు కోవచ్చు అనే ఫార్మాట్ లో ఎన్నికల బరిలో ఉన్న అభ్యర్థులు భావిస్తున్నట్టు ముచ్చటించుకుంటున్నారు.

మరోవైపు కాంగ్రెస్ (Congress)కు దమ్కిలిస్తూ బీఆర్ఎస్ (BRS) అభ్యర్థులు ప్రచారాలు చేసుకోవడం జనాల్లో ఆసక్తిగా మారింది. ఈ క్రమంలో జనగామ (Jnagam) జిల్లాలోని పలు గ్రామాల్లో ఎన్నికల ప్రచారం నిర్వహించిన మంత్రి ఎర్రబెల్లి (Errabelli) కాంగ్రెస్ పై కీలక విమర్శలు చేశారు. పాలకుర్తి సభలో ప్రజలను తన్నిన వ్యక్తి రేవంత్ రెడ్డి అని ఆరోపించిన ఎర్రబెల్లి.. సీఎం కేసీఆర్ చేస్తున్న అభివృద్ధిని చూసి మరోసారి BRS పార్టీని ఆశీర్వదించాలని తెలిపారు.

కాంగ్రెస్ పరిపాలిత ప్రాంతాలలో సరిగ్గా కరెంటు కూడా ఇవ్వని కాంగ్రెస్ గురించి.. రేవంత్ రెడ్డి (Revanth Reddy) బ్రోకర్ మాటలు చెబుతున్నాడాని ఎర్రబెల్లి విమర్శించారు. రాష్ట్రంలో వచ్చేది బీఆర్ఎస్ ప్రభుత్వమే.. పాలకుర్తి లో ఎగిరిది బీఆర్ఎస్ జెండానే అని దయాకర్ ధీమా వ్యక్తం చేశారు. మరోవైపు జనగామ జిల్లా పాలకుర్తి మండలం సిరిసన్న గూడెం, కంబాలకుంట తండాను ఎన్నికల ప్రచారంలో భాగంగా పర్యటించిన ఎర్రబెల్లి దయాకర్.. కేసీఆర్ రాకముందు తండా పరిస్థితి ఎలా ఉందో, ఇప్పుడు ఎలా ఉందో గుర్తు చేసుకోవాలని అక్కడి ప్రజలను కోరారు.

తాగునీరు లేక, విష జ్వరాలతో బాధపడుతున్న తండా ప్రజలను గత ప్రభుత్వాలు ఏనాడూ పట్టించుకోలేదని ఎర్రబెల్లి ఆరోపించారు. ప్రత్యేక తెలంగాణ ఏర్పడిన తర్వాత కేసీఆర్ హామీ మేరకు తండాలను పంచాయతీలుగా మార్చి లంబాడీలకు విద్య, ఉద్యోగాల్లో 10 శాతం రిజర్వేషన్లు కల్పించామని వెల్లడించారు. కేసీఆర్ మళ్లీ అధికారంలోకి వస్తే గిరిజనులతో పాటు రేషన్ కార్డులు ఉన్న వారికి రూ.400లకే సన్న బియ్యం, సిలిండర్లు ఇస్తామని హామీ ఇచ్చారు. అనంతరం వరంగల్ జిల్లా మాజీ ఎంపీపీ కంజర ఐలయ్య రాయపర్తితో పాటు మరికొందరు ఎర్రబెల్లి సమక్షంలో బీఆర్‌ఎస్‌ కండువా కప్పుకున్నారు.

November 16, 2023 0 comment

CM Revanth is a blackmailer. Ex-MLA Gadarikishore's sensational comments

Hyderabad Politics Telangana

Raja Singh : అంత వరకు వస్తే చంపడమో-చావడమో.. రాజాసింగ్ మాస్ వార్నింగ్??

by Venu November 16, 2023

written by Venu

ఎప్పుడు వివాదాలను వైఫై లా తన చుట్టూ ఉండేలా చూసుకునే బీజేపీ (BJP) ఎమ్మెల్యే రాజాసింగ్ (MLA Raja Singh).. గోషామహల్ (Goshamahal) నియోజకవర్గం నుంచి పోటీ చేస్తారా లేదా అనేది అభ్యర్థులను ప్రకటించే వరకు సీక్రెట్ గా ఉంది.. కానీ చివరికి బీజేపీ అధిష్టానం ఆయనకే టికెట్ ఇచ్చింది.

ఇప్పుడు రాజాసింగ్ కు ఉన్న సమస్య నియోజక వర్గంలో మరోసారి సత్తాచాటి.. తన చరిష్మా తగ్గలేదని నిరూపించాలి.. ఈ లక్ష్యంతో ఎన్నికల ప్రచారంలో దూసుకుపోతున్న రాజాసింగ్.. సొంత పార్టీ నేతలపై నిప్పులు చెరిగారు. ఈ ఎన్నికలు తన జీవితానికి సంబంధించినవని తెలిపిన రాజా సింగ్.. తనను మోసం చేయాలని చూస్తున్న వారిలో ఏ ఒక్కరిని కూడా వదిలిపెట్టనని మాస్ వార్నింగ్ ఇచ్చారు..

అంతేకాదు.. చంపడానికైనా.. చావడానికైనా సిద్దంగా ఉన్నట్టు రాజాసింగ్ హెచ్చరించారు.. తన చుట్టూ ఉన్న వారే తన వ్యూహాలను ప్రత్యర్థులకు చేరవేస్తున్నారంటూ ఆగ్రహం వ్యక్తం చేశారు. ఎన్నికలు ముగిసిన తరువాత వారి అంతు చూస్తానంటూ రాజాసింగ్ వార్నింగ్ ఇచ్చారు.. తనను ఓడించటానికి . 2018 లో ప్రయత్నించిన వారి లిస్ట్ పదిలంగా ఉందన్న రాజాసింగ్.. ఎవరెవరు తన ప్రత్యర్థులతో టచ్‌లో ఉంటున్నారనే సమాచారం తన వద్ద ఉందని పేర్కొన్నారు.

ప్రస్తుతం, ధర్మానికి, అధర్మానికి మధ్య యుద్ధం జరుగుతోందని తెలిపిన రాజాసింగ్.. ధర్మాన్ని గెలిపించాలని ప్రజలకు విజ్ఞప్తి చేశారు.. మరోవైపు గతంలో గోషామహల్‌ నియోజక వర్గంలో రిగ్గింగ్‌ జరిగిందని.. ఈ ఎన్నికల్లో కూడా జరిగే అవకాశాలు కనిపిస్తున్నాయని రాజాసింగ్ ఆరోపించారు. అలాంటి తప్పిదాలు జరగకుండా చర్యలు తీసుకోవాలని సీఈవో వికాస్‌ రాజ్‌ కు ఫిర్యాదు కూడా చేశారు.

November 16, 2023 0 comment

Hyderabad Politics Telangana

vijaya Shanthi : అశాంతికి గురైన విజయశాంతి.. అందుకే ఈ మార్పు..!!

by Venu November 16, 2023

written by Venu

పార్టీ మారడం అంటే పక్కోడి గోచి లాగినంత సులువు అయ్యింది నేటి రాజకీయాల్లో అని కామెంట్స్ వస్తున్నా.. కండువాలు మార్చడం మాత్రం ఆగడం లేదు. ఇప్పటికే లెక్కలేనంతగా కార్యకర్తలు, నేతలు పార్టీలు మార్చారు. ఆ సమయంలో తమని నమ్ముకున్న అనుచరులు ఏమౌతారనే ఆలోచన కనీసం వారి బుర్రకు తట్టిందో లేదో తెలియదు.. కానీ ఈ విషయంలో మాత్రం కొందరు నిరాశ పడుతున్నట్టు వార్తలు వస్తున్నాయి.

మరోవైపు కొన్నాళ్లుగా బీజేపీ (BJP) అధిష్టానంపై అసంతృప్తిగా ఉన్న విజయశాంతి (vijaya Shanthi)..పార్టీ కార్యక్రమాలకు దూరంగా ఉంటూ వస్తున్నారు. అదీగాక బండి సంజయ్‌ (Bandi Sanjay)ని అధ్యక్ష పదవి నుంచి తప్పించి.. ఆ బాధ్యతలు కిషన్‌ రెడ్డి (Kishan Reddy)కి అప్పగించడాన్ని బహిరంగంగానే తప్పు పట్టారు విజయశాంతి. ఇటీవల ప్రధాని మోడీ, అమిత్ షా బహిరంగ సభలకు సైతం హాజరుకాలేదు రాములమ్మ..

ఇదే సమయంలో విజయశాంతి పార్టీ మారుతున్నట్టు వార్తలు వైరల్ అయ్యాయి. తాజాగా కీలక నిర్ణయం తీసుకుని ఇలాంటి వార్తలకు పుల్ స్టాప్ పెట్టారు.. బీజేపీ ప్రాథమిక సభ్యత్వానికి, పార్టీ పదవులకు రాజీనామా చేసి..పార్టీ స్టేట్ చీఫ్‌ కిషన్ రెడ్డికి రాజీనామా లేఖను పంపారు విజయశాంతి. మరోవైపు రేపు కాంగ్రెస్ పార్టీ జాతీయ అధ్యక్షుడు మల్లికార్జున ఖర్గే సమక్షంలో హస్తం కండువా కప్పుకోనున్నట్లు సమాచారం.

ఇప్పటికే ఏఐసీసీ నాయకులు విజయశాంతితో మంతనాలు జరిపి.. హస్తాన్ని అందుకుంటే.. మెదక్ ఎంపీ స్థానంతో పాటు పార్టీలో సముచిత గౌరవం కల్పిస్తామని హామీ ఇచ్చినట్టు తెలుస్తోంది. ఇప్పటికే కోమటిరెడ్డి రాజగోపాల్‌ రెడ్డి, వివేక్‌ వెంకటస్వామి, యెన్నం శ్రీనివాస్‌ రెడ్డి లాంటి సీనియర్ నేతలు బీజేపీని వీడి.. హస్తం గూటికి చేరారు. ఈ క్రమంలో విజయశాంతి రాజీనామాను ముందే ఊహించిన కమలం నేతలు.. ఆమెను బుజ్జగించే ప్రయత్నం చేయలేదు. మరి ఇప్పటికైనా రాములమ్మ హస్తాన్ని విడవకుండా ఉంటారా? లేదా? అనేది మిలియన్ ప్రశ్నలా జనం మదిలో మిగిలిపోయింది.

November 16, 2023 0 comment

Hyderabad Politics Telangana

Chidambaram : హైదరాబాద్ అభివృద్ధి చేసింది బీఆర్ఎస్ కాదు.. రహస్యాన్ని బయట పెట్టిన సీనియర్ నేత..!!

by Venu November 16, 2023

written by Venu

తెలంగాణ (Telangana) అసెంబ్లీ ఎన్నికల్లో (Assembly Elections) చూసిన చిత్రాలు.. విన్న మాటలు జీవితంలో మరచిపోని విధంగా ఉన్నాయని ప్రజలు అనుకుంటున్నారు.. సవతుల పొరుకన్నా నేతల పోరు మించిపోయిందని నవ్వుకుంటున్నారు. ఈ టామ్ అండ్ జెర్రీ ఆట ఎన్నికలు జరిగే వరకి మాత్రమే ఆతర్వాత అంతా సైలంట్ అవుతారని అనుకుంటున్నారు.

మరోవైపు ప్రపంచ యుద్ధాలను తలపించేలా కాంగ్రెస్, బీఆర్ఎస్ (BRS) పోరు జరుగుతున్నట్టు కనిపిస్తుంది. రెండు పార్టీలు గతాలను తవ్వుకుంటున్నాయి. ఈ నేపథ్యంలో కాంగ్రెస్ (Congress) సీనియర్ నేత చిదంబరం.. బీఆర్ఎస్ పాలన తీరుపై మండిపడ్డారు. ఎన్ని ఇబ్బందులు ఉన్నా.. మాట తప్పకుండా ప్రత్యేక రాష్ట్రాన్ని ఏర్పాటు చేస్తే.. కేసీఆర్ తెలంగాణను ఆగం చేశారని చిదంబరం విమర్శించారు.

తన కుటుంబం బాగుకోసం తొమ్మిదిన్నర ఏళ్లుగా రాష్ట్రాన్ని దోచుకుంటున్న కేసీఆర్.. తెలంగాణను అప్పుల కుప్పగా మార్చారని ఆరోపించారు. నిరుద్యోగం, అధిక ధరల నియంత్రణలో కేసీఆర్ సర్కార్ విఫలమైందన్న చిదంబరం.. విద్య కోసం నిధులు కేటాయించకుండా ప్రజలను మోసం చేస్తూ పాలన చేస్తుందని మండిపడ్డారు..

ఇతర రాష్ట్రాల కంటే హైదరాబాద్ లోనే గ్యాస్ సిలిండర్ ధర ఎక్కువ ఉందన్న చిదంబరం.. రాష్ట్రంలో ఖాళీగా ఉన్న 80వేల ప్రభుత్వ ఉద్యోగాలను ప్రభుత్వం భర్తీ చేయకుండా నిరుద్యోగుల ఊసురు తీస్తుందని ఆగ్రహించారు చిదంబరం (Chidambaram)..అవినీతికి కేరాఫ్ గా మారిన కేసీఆర్ ప్రతి తెలగాణ పౌరుడి తలపై సగటునా లక్ష రూపాయల అప్పు వేశారని ఆరోపించారు.

బీఆర్ఎస్ పాలనలో రాష్ట్రంలో ఉన్న అన్ని వర్గాల ప్రజలు అసంతృప్తితో బ్రతుకు వెల్లదీస్తున్నారని.. ఇక చాలంటూ కారుకు బై బై చెప్పడానికి సిద్దమైనట్టు చిదంబరం వెల్లడించారు. కాంగ్రెస్ హయాంలోనే రాష్ట్ర అభివృద్థి జరిగిందని.. కాంగ్రెస్ వల్లే తెలంగాణ రాష్ట్రం వచ్చిందని చిదంబరం తెలిపారు. రాష్ట్రంలో కాంగ్రెస్ అధికారంలోకి వచ్చిన తర్వాత ఆరు గ్యారంటీలను ఖచ్చితంగా అమలు చేస్తామని చిదంబరం తెలిపారు.

November 16, 2023 0 comment

Newer Posts

Older Posts