విలక్షణమైన నటనతో టాలీవుడ్‌లో తనకంటూ ఓ ప్రత్యేకమైన గుర్తింపును సంపాదించుకున్నారు జేడీ చక్రవర్తి (JD Chakravarthy). కొంత గ్యాప్ తర్వాత ఆయన మళ్లీ నటుడిగా ఫుల్ బిజీగా మారుతున్నారు. సిల్వర్ స్క్రీన్, ఓటీటీ ఇలా అన్ని రకాల మాధ్యమాల్లో కొత్త కంటెంట్‌ను ఎంచుకుంటున్నారు. జేడీ చక్రవర్తి ఈ మధ్య ‘దయా’ (Dayaa) అనే వెబ్ సిరీస్‌లో నటించారు. అందులోని నటనకు గానూ తాజాగా ఆయన ఉత్తమ నటుడి అవార్డ్‌ను కైవసం చేసుకున్నారు.
ఓటీటీ ప్లే (OTT Play) అనే సంస్థ దేశ వ్యాప్తంగా వచ్చిన ఓటీటీ కంటెంట్‌లో ది బెస్ట్ ఎంచుకుని.. అవార్డులను అందజేసి సత్కరించింది. ఓటీటీలో రిలీజ్ అయిన వెబ్ సిరీస్‌లకు కూడా ఈ అవార్డుల్లో స్థానం దక్కింది. ఇందులో భాగంగా ‘దయా’ వెబ్ సిరీస్‌కు రెండు అవార్డులు వచ్చాయి. బెస్ట్ డైరెక్టర్ (Best Director), బెస్ట్ యాక్టర్ (Best Actor) కేటగిరీలో ‘దయా’కు అవార్డులు దక్కాయి. దర్శకుడు పవన్ సాధినేని, హీరో జేడీ చక్రవర్తిలకు ఈ అవార్డులు అందుకున్నారు.
జేడీ చక్రవర్తికి ఇలా అవార్డులు రావడం ఇదేమీ కొత్తేం కాదు. ‘దహిణి ది విచ్’ అనే సినిమాకు గానూ నైజీరియాలో ప్రతిష్టాత్మకంగా భావించే ఎకో ఇంటర్నేషనల్ ఫిల్మ్ ఫెస్టివల్‌లో బెస్ట్ యాక్టర్‌గా అవార్డు పొందారు. . ఈ సినిమాకు రాజేష్ టచ్‌రివర్ దర్శకత్వం వహించారు. సునీతా కృష్ణన్, ప్రదీప్ నారాయణన్‌ సంయుక్తంగా ఈ చిత్రాన్ని నిర్మించారు. తనిష్ట ఛటర్జీ, జేడీ చక్రవర్తి, శ్రుతి జయన్ వంటి వారు ముఖ్య పాత్రల్లో నటించారు. ఇప్పటికే ఈ సినిమాకు 18 అంతర్జాతీయ అవార్డులు రావడం విశేషం.
దయా’ వెబ్ సిరీస్‌ విషయానికి వస్తే జేడీ చక్రవర్తి పాత్ర, ఆ పాత్రను మలిచిన తీరు, ఇచ్చిన ట్విస్టులు ప్రేక్షకులను ఇట్టే కట్టిపడేశాయి. జేడీ చక్రవర్తి కొత్త కథలు, భిన్న పాత్రలు చేస్తూ ప్రేక్షకులను అలరిస్తున్నారు. దయా సినిమాకు గుర్తింపు లభించడంతో ఆయన అభిమానులు సంతోషాన్ని వ్యక్తం చేస్తున్నారు.
