Category:

Andhra Pradesh

Who is Rachin ravindra ? and Background details

Rachin Ravindra : న్యూజిలాండ్ క్రికెటర్‌కు అనంతపురంతో లింక్ ఏంటి..?

by Venu October 7, 2023

written by Venu

క్రికెట్.. కొందరికి అదే ప్రపంచం. మరికొందరికి ప్రాణం. అందులో వరల్డ్ కప్ (World Cup) అంటే ఇంకా ప్రత్యేకంగా చెప్పవలసిన పనిలేదు. ఎందరో అభిమానుల హృదయాలను శాసిస్తున్న వ‌ర‌ల్డ్ క‌ప్ 2023 టోర్నీఅక్టోబ‌ర్ 5 నుండి మొద‌లైన విష‌యం తెలిసిందే. కాగా తొలి మ్యాచ్‌లో ఇంగ్లండ్‌ (England), న్యూజిలాండ్ (Newzealand), సమరానికి దిగగా.. ఈ పోరులో న్యూజిలాండ్ ఘ‌న విజ‌యం సాధించింది.

ఈ మ్యాచ్‌లో రచిన్ రవీంద్ర (Rachin Ravindra) 96 బంతుల్లో 11 ఫోర్లు, 5 సిక్సర్లతో 123 నాటౌట్ గా నిలిచి జట్టు విజయంలో కీలక పాత్ర పోషించడంతో ఒక్కసారిగా అత‌ని పేరు మారుమ్రోగిపోయింది. ఈ నేప‌థ్యంలో అసలు రచిన్ రవీంద్ర ఎవరూ? అతనికి భారత్‌తో ఉన్న సంబంధం ఏంటనే రహస్యాన్ని తెలుసుకోవడానికి నెటిజన్లు తెగ ఆసక్తి చూపిస్తున్నారు. గూగుల్లో తెగ సెర్చ్ చేస్తున్నారు.

రచిన్ రవీంద్ర గురించి తెలుసుకొంటే.. భారత సంతతికి చెందిన రవీంద్ర.. న్యూజిలాండ్ తరఫున అంతర్జాతీయ క్రికెట్‌లోకి అడుగుపెట్టాడు. భార‌త్‌తో జ‌రిగిన మ్యాచ్‌తోనే ఆరంగేట్రం చేసిన ర‌చిన్ ఇప్పటి వరకు 18 టీ 20లు, 13 వన్డే మ్యాచ్‌లు ఆడటమే కాకుండా.. బౌలింగ్ చేసి 26 వికెట్స్ కూడా తీసాడు. ఒక అర్ధ సెంచ‌రీ చేశాడు.

ఇక 23 ఏళ్ల రచిన్ రవీంద్ర విష‌యానికి వ‌స్తే ఆయ‌న‌ తల్లిదండ్రులు అంద‌రు భారతీయులే. బెంగళూరుకి చెందిన రచిన్ రవీంద్ర తండ్రి రవి కృష్ణమూర్తి, 1990లో న్యూజిలాండ్‌ వెళ్లి అక్కడే సెటిల్ కాగా, మ‌నోడు క్రికెట్ ఓన‌మాలు నేర్చుకుంది మాత్రం ఇండియాలోనే. ప్రతీ ఏడాది ఆంధ్రప్రదేశ్‌ అనంతపురంలో ఉన్న ఆర్‌డీటీకి వచ్చి క్రికెట్ ఆడతుంటాడు రచిన్. మొత్తానికి రవీంద్ర కు అనంతపురంతో ఉన్న లింకు ఇదన్న మాట. ఇంకేముంది ఈ కుర్రాడు మనోడే అని అసలు విషయం తెలుసుకొన్న క్రికెట్ అభిమానుల ఆనందానికి హద్దులు లేవు.

October 7, 2023 0 comment

lokesh fire on ycp government about chandrababu arrest lokesh bhuvaneswari brahmani meets chandrababu in rajamahendravaram central jail

Andhra Pradesh Breaking News

Nara Lokesh : వ్యవస్థలను మేనేజ్ చేసి చంద్రబాబును జగన్ రెడ్డి జైలుకు పంపాడు….!

by Ramu October 6, 2023

written by Ramu

చంద్రబాబు (Chandra Babu) అరెస్టుకు వ్యతిరేకంగా సాగుతున్న పోరాటాన్ని మరింత ఉధృతం చేస్తామని టీడీపీ (TDP) నేత నారా లోకేశ్ (Nara Lokesh) అన్నారు. చంద్రబాబుకు జరిగిన అన్యాయాన్ని ప్రతి ఒక్కరికీ తెలిసేలాగా ‘బాబుతో నేను’ అనే కార్యక్రమాన్ని గడప గడపకు తీసుకు వెళ్తామన్నారు. వ్యవస్థలను మేనేజ్ చేసి చంద్రబాబును జగన్ రెడ్డి రిమాండ్కు పంపించారని మండిపడ్డారు. తాము న్యాయాన్ని నమ్ముకుని జనంలోకి వెళ్తామని చెప్పారు.

రాజమహేంద్రవరం జైలులో చంద్రబాబుతో లోకేశ్ ములాఖత్ అయ్యారు. అనంతరం ఆయన మీడియాతో మాట్లాడుతూ….. జైల్లో చంద్రబాబు భద్రతపై ఆయన తీవ్ర ఆందోళన వ్యక్తం చేశారు. అదే జైలులో మావోయిస్టులు, గంజాయి కేసు నిందితులు కూడా ఉన్నారన్నారు. ఇటీవల జైలు లోపల కొందరు డ్రోన్‌ ఆపరేట్‌ చేశారని అన్నార. జైలుపై దాడి చేస్తామంటూ ఇటీవల కొందరు ఏకంగా జిల్లా ఎస్పీకే లేఖ రాశారని ఆందోళన వ్యక్తం చేశారు.

పోలీసు వ్యవస్థను వాడుకుని ప్రతిపక్షాలను వేధిస్తున్నారన్న ప్రభుత్వంపై ఆయన తీవ్రంగా విరుచుకు పడ్డారు. తప్పుడు కేసులు పెట్టిన అధికారులపై తమ ప్రభుత్వం వచ్చాక విచారణ జరిపిస్తామన్నారు. చట్టాలను ఉల్లంఘించిన అధికారులపై దర్యాప్తు జరిపి సర్వీసు నుంచి తప్పిస్తామంటూ తీవ్ర స్థాయిలో హెచ్చరించారు. రాష్ట్రంలో దొంగ కేసుల విషయాన్ని రాష్ట్రపతికి వివరించామన్నారు.

చంద్రబాబుకు జరిగిన అన్యాయాన్ని గడపగడపకు వివరిస్తామన్నారు. దీని కోసం జనసేనతో కలిసి సంయుక్త కార్యాచరణ కమిటీ ఏర్పాటు చేస్తామన్నారు. ఆ కమిటీ చేసే సూచనల మేరకు కార్యక్రమాన్ని ముందుకు తీసుకు వెళ్తామన్నారు. టీడీపీ పోరాటం ఆగలేదని స్పష్టం చేశారు. రాష్ట్ర వ్యాప్తంగా 175 స్థానాల్లో నిరసన చేపడతామని చెప్పారు.

గత 28 రోజులుగా చంద్రబాబును రిమాండ్‌లో ఉంచారన్నారు. అయినప్పటికీ చంద్రబాబు అధైర్యపడలేదన్నారు. పోరాటం ఆపవద్దని, శాంతియుతంగా పోరాడాలని తనతో చెప్పారని పేర్కొన్నారు. న్యాయం కాస్త ఆలస్యం కావచ్చు గానీ విజయం మాత్రమే తమదేనన్నారు. న్యాయపోరాటం కొనసాగిస్తున్నామని చెప్పారు. చంద్రబాబుకు మద్దతుగా అందరూ సంఘీభావం తెలపాలన్నారు.

శనివారం రాత్రి 7 గంటల నుంచి 5నిమిషాల పాటు ఇళ్లలో లైట్లు ఆఫ్ చేయాలని పిలుపునిచ్చారు. కొవ్వొత్తులు వెలిగించి, మొబైల్‌ ఫ్లాష్‌లైట్లతో సంఘీభావం తెలపాలని కోరారు. రాష్ట్రంలో నెలకొన్న పరిస్థితుల గురించి రాష్ట్రపతికి వివరించామన్నారు. ఇతర జాతీయ పార్టీల ఫ్లోర్‌ లీడర్లను కలిసి పరిస్థితి వివరించామని తెలిపారు. చంద్రబాబు తప్పు చేసే వ్యక్తి కాదని ఇతర పార్టీల నేతలు తనతో అన్నారన్నారు.

‘పోలవరంపై మాట్లాడినందుకు చంద్రబాబును రిమాండ్‌కు పంపించారన్నారు.. స్కిల్‌ డెవలప్ కేసులో మొదట రూ.3 వేల కోట్ల అవినీతి జరిగిందని చెప్పారన్నారు. ఆ తర్వాత రూ. 300 కోట్ల అవినీతి జరిగిందని ఆరోపణలు చేశారన్నారు. ఇప్పుడు ఏకంగా రూ.27 కోట్ల అవినీతి అని మరోసారి మాట మార్చారని మండిపడ్డారు. కక్ష సాధింపుతో వ్యవస్థలను మేనేజ్‌ చేసి చంద్రబాబును రిమాండ్‌కు పంపారుని ఫైర్ అయ్యారు.

October 6, 2023 0 comment

Andhra Pradesh Politics

Pawan Kalyan : చావు తెలివితేటలు వద్దు జగన్..జనసేన!!

by Venu October 6, 2023

written by Venu

రాజకీయాల్లో ఒకరిపై ఒకరు రాళ్ళు విసురుకోవడం సర్వసాధారణమైన విషయం. ఇక్కడ శాశ్వత శత్రువులు అంటూ ఎవరు ఉండరు. అయితే ఒక్కోసారి నేతలు చేసుకునే విమర్శలు పలు వివాదాలకు దారితీయడం తెలిసిందే.

ఈ క్రమంలో తనపై వచ్చిన పలు విమర్శలకు స్పందించిన పవన్ కళ్యాణ్ (Pawan Kalyan) తాను NDA కూటమిలో ఉన్నానని, సమావేశానికి కూడా హాజరయ్యానని తెలిపారు. రాష్ట్ర విభజన వల్ల ఎపీ (AP) బాగా నష్టపోయిందని ప్రధాని మోడీ (PM Modi) అన్నట్టు చెప్పారు. కాగా 2014 తరహాలోనే 2024లో జరిగే ఎన్నికల్లో పొత్తులు ఉండాలనేది తన ఆకాంక్ష అని వెల్లడించారు.

వైసీపీ (YCP) వ్యతిరేక ఓటు చీలకూడదని తాను అభిప్రాయపడుతున్నట్టు తెలిపిన పవన్, జి 20 సమ్మిట్ జరుగుతున్నప్పుడు జగన్ చావు తెలివితేటలు ప్రదర్శించారని విమర్శించారు. ఇక చంద్రబాబు పై అక్రమంగా కేసులు పెట్టి అరెస్టు చేసి జైలుకు పంపారని అయితే ఆయన అరెస్టు విషయం తెలియక ముందే ఒక సమావేశానికి వెల్లుతోన్న తనను విమానం ఎక్కకుండా అడ్డుకుని రోడ్లపై నిలబెట్టడం న్యాయమా అంటూ ప్రశ్నించారు.

ఇకపోతే జనసేన, బీజేపీ సమన్వయం కోసం గతంలోనే కమిటీలు ఏర్పాటు చేసినట్టు, కొన్ని అంశాలలో ఇరు పార్టీల నేతలు కలిసి కార్యక్రమాలు నిర్వహించినట్టు తెలిపారు. ఇదే విధంగా ఇప్పుడు టీడీపీ, జనసేనలను సమన్వయం చేసేలా కమిటీ వేశాం. మహేందర్ రెడ్డి, దుర్గేష్, కొటికలపూడి గోవింద, యశస్విని, నాయకులు సభ్యులు నాదెండ్ల మనోహర్ నేతృత్వంలో ఈ కమిటీ పని చేస్తుందని జనసేన నేత పవన్ కళ్యాణ్ వివరించారు.

October 6, 2023 0 comment

Andhra Pradesh Crime

Bad Teacher : పాఠశాలలో కీచక టీచర్.. బడితెపూజ చేసిన విద్యార్థి బంధువులు..

by Venu October 6, 2023

written by Venu

లోకంలో ఆడపిల్లలకు రోజురోజుకు భద్రత కరువు అవుతుంది. ముఖ్యంగా పాఠశాలల్లో పిల్లలకు విద్యాబుద్ధులు నేర్పించ వలసిన ఉపాధ్యాయులు కొందరు కామాంధులుగా మారడం తరచుగా వార్తల్లో రావడం బాధాకరం. ఈ నేపధ్యంలో కాకినాడ (Kakinada) పిఠాపురంలో (Pithapuram ) ఓ కీచక టీచర్‌ (Teacher) లీలలు వెలుగులోకి వచ్చాయి.

పిఠాపురం ఆదిత్య పాఠశాలలో విధులు నిర్వహిస్తోన్నఉపాధ్యాయుడు బాలికలను లైంగిక వేధింపులకు గుర్తిచేస్తున్నాడు. ఈ విషయం బయటకు పొక్కడంతో తల్లిదండ్రులు ఆ ఉపాధ్యాయుడికి దేహశుద్ధి చేశారు.

గత రెండు నెలలుగా ఏడవ తరగతి చదువుతోన్న విద్యార్థిని పట్ల సోషల్ టీచర్ దుర్గారావు అసభ్యంగా ప్రవర్తిస్తుండటంతో ఈ విషయాన్ని బాలిక తన తల్లిదండ్రుల దృష్టికి తీసుకెళ్లిందట. వారు ప్రిన్సిపాల్, ఇతర టీచర్లకు ఫిర్యాదు చేసినా ఉపయోగం లేకపోవడంతో విద్యార్థిని కుటుంబసభ్యులు, బందువులు పాఠశాల దగ్గర అందోళన చేపట్టారు.

చివ‌ర‌కు పోలీసులు జోక్యం చేసుకుని నిందితుడ్ని అదుపులోకి తీసుకున్నారు. యాజ‌మాన్యం కూడా నిందితుడి పై చ‌ర్య‌లు తీసుకుంటామ‌ని ఒప్పుకోవ‌డంతో నిర‌స‌న‌కారులు శాంతించారు. కాగా పిల్లలకు రక్షణగా ఉండవలసిన ఉపాధ్యాయులే భక్షకులా మారుతున్న కాలంలో ఆడపిల్లల భద్రత గాల్లో దీపంలా మారడం తల్లిదండ్రుల పాలిట శాపంగా మారింది.

October 6, 2023 0 comment

Andhra Pradesh Politics Telangana

State Assembly Election : త్వరలో ఐదు రాష్ట్రాల్లో ఎన్నికలు.. షెడ్యూల్ రిలీజ్ ఎప్పుడంటే..

by Venu October 6, 2023

written by Venu

దేశంలోని పలు రాష్ట్రాల్లో అసెంబ్లీ ఎన్నికలు (Assembly Election) జరగనున్న విషయం తెలిసిందే. అయితే ఇప్పటి వరకు ఈ ఎన్నికలపై ఎన్నో వార్తలు కునుకు పట్టకుండా చేస్తున్నాయి. ముఖ్యంగా రాజకీయ నాయకులకైతే గుండెల్లో గునపాలు దిగినంత ఫీలింగ్ కలుగుతోంది. ఇప్పటికే కొన్ని పార్టీలు రంగంలోకి దిగి ప్రచారాల పర్వాన్ని విజయవంతంగా కొనసాగిస్తున్నాయి.

ఈ నేపథ్యంలో ఐదు రాష్ట్రాల (5 States) ఎన్నికల షెడ్యూల్‌కు సంబంధించిన వార్తలు జాతీయ మీడియాలో తెరపైకి వస్తున్నాయి. తాజాగా దీనికి సంబంధించిన కీలక అప్‌డేట్‌ వచ్చింది. అక్టోబర్‌ (October) 8 నుంచి 10 మధ్య కేంద్ర ఎన్నికల సంఘం షెడ్యూల్‌ ప్రకటించే అవకాశం ఉందని ప్రచారం ఊపందుకొంది.

డిసెంబర్‌ (December) రెండో వారంలో ఓట్ల లెక్కింపు జరిగే అవకాశాలున్నాయని, తెలంగాణ (Telangana), రాజస్థాన్‌ (Rajasthan), మిజోరం, మధ్యప్రదేశ్‌లో ఒకే విడత ఎన్నికలు జరిగే ఛాన్స్ ఉండగా, ఛత్తీస్‌గఢ్‌లో మాత్రం రెండు విడతల్లో పోలింగ్‌ నిర్వహించనున్నట్టు గుసగుసలు వినిపిస్తున్నాయి.

కాగా ఇప్పటికే కేంద్ర ఎన్నికల సంఘం బృందం అయిదు రాష్ట్రాల్లో పర్యటించి, క్షేత్రస్థాయి పరిస్థితులపై సమీక్షలు జరిపింది. ఇకపోతే ఛత్తీస్గఢ్, రాజస్థాన్, మధ్యప్రదేశ్లో బీజేపీ, కాంగ్రెస్ పార్టీల మధ్య ద్విముఖ పోరు నెలకొనగా, తెలంగాణలో బీఆర్ఎస్, కాంగ్రెస్, బీజేపీ మధ్య త్రిముఖ పోరు తప్పదని రాజకీయ విశ్లేషకులు అభిప్రాయపడుతున్నారట. మరీ ఓటర్లు ఈ సారి ఎవరికి పట్టం కడతారో తెలియాలంటే మరికొన్ని రోజులు ఆగవలసిందే..

October 6, 2023 0 comment

Andhra Pradesh Politics

AP CM YS Jagan : ఢిల్లీలో ఏపీ సీఎం.. మావోయిస్ట్ హింస నిర్మూలించాం: జగన్

by Venu October 6, 2023

written by Venu

కేంద్ర హోంమంత్రి అమిత్‌షా (Amit Sha) ఆధ్వర్యంలో నిర్వహించిన వామపక్ష తీవ్రవాద ప్రభావిత రాష్ట్రాల ముఖ్యమంత్రుల సదస్సులో ఆంధ్రప్రదేశ్‌ ముఖ్యమంత్రి (AP CM) వైయస్‌ జగన్‌ (YS Jagan) పాల్గొన్నారు.

ఈ సందర్భంగా జగన్ మాట్లాడుతూ గడిచిన నాలుగు దశాబ్దాలుగా వామపక్ష తీవ్రవాద సమస్యపై ఆంధ్రప్రదేశ్‌ (AP) పోరాడుతోందని, కేంద్ర హోంమంత్రిత్వశాఖ మద్దతుతో వామపక్ష తీవ్రవాద సమస్యను సమర్ధవంతంగా ఎదుర్కోవడానికి అవసరమైన చర్యలనూ తీసుకుంటోందని అన్నారు. వైసీపీ (YCP) ప్రభుత్వం అనుసరించిన వ్యూహాల వల్ల రాష్ట్రంలో వామపక్ష తీవ్రవాద హింసాత్మక సంఘటనలు గణనీయంగా తగ్గుముఖం పట్టాయన్నారు.

మావోయిస్టు తీవ్రవాద బలం 2019 నుంచి 2023 నాటికి 150 నుంచి 50 కి తగ్గిందని పేర్కొన్నారు. అలాగే ఆపరేషన్‌ పరివర్తనలో భాగంగా తీసుకొన్న చర్యల వల్ల గంజాయి సాగు 45 ఎకరాలకు మాత్రమే పరిమితమైందని తెలిపారు. గంజాయి సాగు చేసే గిరిజనుల ఆలోచనా విధానంలో మార్పు తీసుకువచ్చే దిశగా ప్రభుత్వం అడుగులేస్తుందని అన్నారు.

గంజాయి సాగు చేయకుండా గిరిజనులకు ఉపాధి కల్పించే దిశగా ప్రత్యామ్నాయ పంటలైన కాఫీ, నిమ్మ, జీడి మామిడి, నారింజ, కొబ్బరి, చింతపండు, సిల్వర్‌ ఓక్‌తో పాటు రాజ్మా, కందిపప్పు, వేరుశనగ వంటి పంటల సాగును ప్రోత్సహిస్తూన్నట్టు వెల్లడించారు. ఇవే కాకుండా తీవ్రవాదాన్ని నిర్మూలించడానికి చేపడుతోన్న ఎన్నో చర్యలను ఈ సందర్భంలో తెలియచేశారు వైయస్‌ జగన్..

October 6, 2023 0 comment

Andhra Pradesh Politics

Pawan Kalyan, Chandrababu : మాటల నిప్పు రాజేసిన కొడాలి నాని.. పవన్ కళ్యాణ్, చంద్రబాబుపై పేల్చిన తూటాలు..

by Venu October 6, 2023

written by Venu

చంద్రబాబు (Chandrababu) అరెస్ట్ తర్వాత అధికార పార్టీ నేతలకు, ప్రతిపక్ష పార్టీ నాయకుల మధ్య మాటల యుద్ధం తారా స్థాయికి చేరుకుందనే వార్తలు తెరపైకి వస్తున్న నేపధ్యంలో పవన్ కళ్యాణ్ (Pawan Kalyan), చంద్రబాబుపై వైసీపీ (YCP) నేత కొడాలి నాని (Nani) సంచలన వ్యాఖ్యలు చేశారు.

చంద్రబాబు కోటలో ఉన్నా ఒకటే, పేటలో ఉన్నా ఒకటే. పవన్ కళ్యాణ్ ఓ మొరిగే కుక్క అంటూ ఘాటుగా విమర్శించారు. మొరిగే కుక్క ఎన్నటికీ కరవదు…కరిచే కుక్క ఎన్నడూ మొరగదు అన్న విషయాన్ని పవన్ తెలుసుకోవాలన్నారు. పచ్చ బ్యాచ్ అంతా ఒక్కటైనా జగన్మోహన్ రెడ్డిని ఏం చేయలేరంటూ.. ఏదో చేద్దామని అనుకొన్న బాబు ఎక్కడ ఉన్నాడో తెలుసుకొండని హెచ్చరించారు.

దత్తపుత్రుడు కూడా దత్త తండ్రి దారిలోనే నడుస్తున్నాడని కొడాలి నాని వ్యాఖ్యానించారు. ఇక రూపాయి అంటే 100 అని, పావలా అంటే 25 అని అన్న కొడాలి, పవన్ కళ్యాణ్ భాషలో రూపాయి పావలా ప్రభుత్వం అంటే మా పార్టీకి 125 సీట్లు వస్తాయని చెప్పకనే చెబుతున్నాడన్నారు. ఇకపోతే చంద్రబాబు ఓ పెద్ద అవినీతిపరుడు. 2014 వరకు కమిషన్లకు కక్కుర్తి పడే వ్యక్తి. నారా లోకేష్ వచ్చిన తర్వాత బినామీ ఎకౌంట్లతో ప్రభుత్వ నిధులన్నీ దారి మళ్లించాడని విమర్శించారు.

చంద్రబాబు చేసిన అవినీతికి నేడు రాజమండ్రి సెంట్రల్ జైలు నివాసం అయ్యిందన్న కొడాలి, స్కిల్ స్కాం 2017లో బయడపడగా, 2018లోనే FIR నమోదైందని తెలిపారు. ఎప్పడు ఎవరితో ఉంటారో తెలియని పవన్ కళ్యాణ్ NDA కూటమిలో ఉంటే ఏమిటి…? లేకపోతే మాకేంటి…? అంటూ వ్యాఖ్యానించారు.

October 6, 2023 0 comment

Andhra Pradesh Mythology

Thirumala : నవరాత్రి బ్రహ్మోత్సవాలకు సిద్దమైన తిరుమల.. వాటి విశేషాలు ఏంటంటే..

by Venu October 6, 2023

written by Venu

కలియుగ వైకుఠం అనగానే భక్తులకు తిరుమల (Thirumala) గుర్తుకు వస్తోంది. అందుకే అ వెంకటనాధుడు కొలువైన ఏడుకొండలపై జరిగే ప్రతి ఉత్సవం బ్రహ్మోత్సవంగా భావిస్తారు శ్రీవారి భక్తులు. ఇకపోతే ఈ సంవత్సరం శ్రీవారికి రెండు బ్రహ్మోత్సవాలు వచ్చాయి. అందులో ఇప్పటికే సాలకట్ల బ్రహ్మోత్సవాలు (Salakatla Brahmotsavam) పూర్తయ్యాయి. కాగా నవరాత్రి బ్రహ్మోత్సవాలు అక్టోబరు (October) 15 నుంచి 23వ తేదీ వరకు వైభవంగా నిర్వహించడానికి సన్నాహాలు చేస్తుంది టీటీడీ.

బ్రహ్మోత్సవాలకు అంకురార్పరణ ఈ నెల 14న జరగనుంది. తర్వాత జరిగే తిరుచ్చి ఉత్సవం, పెద్ద శేష వాహనం15వ తేదీన, చిన్న శేష వాహనం, హంస వాహనం 16న, సింహ, ముత్యపు పందిరి వాహనం17న, కల్పవృక్ష వాహనం, సర్వభూపాల వాహన సేవలు18న జరగనున్నాయి.

అక్టోబర్ 19న మోహినీ అవతారం, గరుడ వాహనం, 20న హనుమంత వాహనం, పుష్పక విమానం, గజ వాహనం, 21న సూర్య ప్రభ వాహనం, చంద్ర ప్రభ వాహనం, 22న స్వర్ణ రథం, అశ్వ వాహనం, 23వ తేదీలలో చక్రస్నానం జరుగనున్నాయి. ఉదయం వాహనసేవ 8 నుండి 10 గంటల వరకు, రాత్రి వాహనసేవ 7 నుండి 9 గంటల వరకు, గరుడవాహనసేవ రాత్రి 7 నుండి 12 గంటల వరకు జరుగుతున్నట్టు టీటీడీ వెల్లడించింది.

ఇక సెప్టెంబర్ మాసంలో 21.01 లక్షల మంది భక్తులు శ్రీవారిని దర్శించుకున్నారని, హుండీ ద్వారా 111కోట్ల 65లక్షల ఆదాయం లభించిందని అధికారులు తెలిపారు. ఈ మాసంలో కోటి 11లక్షల లడ్డులను భక్తులకు విక్రయించడమే కాకుండా 53.84లక్షల మందికీ అన్నప్రసాద వితరణ చేశామని, 8.94 లక్షల మంది తలనీలాలను సమర్పించినట్టు టీటీడీ ఈవో ధర్మారెడ్డి తెలిపారు.

October 6, 2023 0 comment

Andhra Pradesh Politics

ChandraBabu : చంద్రబాబుకు షాకిచ్చిన ఏసీబీ కోర్టు.. వాయిదాపడిన విచారణ..

by Venu October 5, 2023

written by Venu

ఏపీ (AP) రాజకీయాల్లో ఊహించని ట్విస్ట్ లు చోటుచేసుకొంటున్నాయి. ఒకవైపు త్వరలో జరిగే ఎన్నికల్లో విజయం సాధించి అధికారంలోకి రావాలని వైసీపీ (YCP) పట్టు మీద ఉండగా టీడీపీకి (TDP) మాత్రం ఊహించని పరిస్థితి ఎదురైంది. రాజకీయా ఎత్తుగడలో భాగంగా స్కిల్‌ డెవలప్మెంట్ కేసులో టీడీపీ అధినేత, మాజీ సీఎం నారా చంద్రబాబు నాయుడిని (ChandraBabu) అరెస్ట్ చేశారని పచ్చపార్టీ నేతలు ఆరోపిస్తుండగా, ఇదంతా కావాలనే చేసిన కుట్ర అని వాదనలు వినిపిస్తున్నాయి. మొత్తానికి బాబు అరెస్ట్ రోజుకో కొత్త మలుపు తిరుగుతోంది.

ఇదిలా ఉండగా ఏసీబీ కోర్టులో చంద్రబాబుకు మరోసారి ఎదురుదెబ్బ తగిలింది. ఈ నెల 19 వరకు జ్యుడీషియల్‌ రిమాండ్‌ పొడిగిస్తున్నట్లు తీర్పు వెల్లడించింది. చంద్రబాబు నాయుడు దాఖలు చేసిన బెయిల్‌ పిటిషన్‌, సీఐడీ (CID) దాఖలు చేసిన కస్టడీ పిటిషన్‌పై విచారణ శుక్రవారంకు వాయిదా పడింది.

రేపు మధ్యాహ్నం ఇరుపక్షాల వాదనలు వింటామని ఏసీబీ కోర్టు తెలిపింది. అలాగే చంద్రబాబు రిమాండ్ ను మరో 14 రోజుల పాటు పొడిగించింది. ఇదిలా ఉండగా స్కిల్ డెవలప్మెంట్ స్కాంలో చంద్రబాబు కు సంబంధం లేదని రెండేళ్ల తర్వాత రాజకీయ కక్షతోనే కేసులో ఇరికించారని చంద్రబాబు తరుపున లాయర్ ప్రమోద్ కుమార్ దూబే ఏసీబీ కోర్టులో వాదనలు వినిపించారు.

సీఎం హోదాలో స్కిల్ డెవలప్ మెంట్ స్కీంకు నిధులు మాత్రమే రిలీజ్ చేశారని వెల్లడించారు. మొత్తానికి ఒకవైపు టీడీపీ ముఖ్య నేతలంతా బాబుని ఎలా బయటకు తీసుకురావాలని కుస్తీలు పడుతుండగా వైసీపీ (YCP) మాత్రం తన దూకుడు పెంచిందనే గుసగుసలు వినిపిస్తున్నాయి.

October 5, 2023 0 comment

Andhra Pradesh Politics

RK Roja : మహిళలపై ఆసక్తికర వ్యాఖ్యలు చేసిన మంత్రి రోజా.. పోరాటం చేయాలని పిలుపు..

by Venu October 5, 2023

written by Venu

తిరుపతి (Tirupati) శ్రీపద్మావతి విశ్వవిద్యాలయంలో ఉమెన్ ఎంపవరింగ్ ఉమెన్ సెమినార్ ను ఘనంగా నిర్వహించారు. ఈ కార్యక్రమానికి ముఖ్య అతిధిగా పాల్గొన్న ఏపీ మంత్రి రోజా (Roja) ఆసక్తికర వ్యాఖ్యలు చేశారు. మహిళలు విమర్శలకు భయపడి పారిపోవద్దని పోరాటం మాత్రమే చేయాలని పిలుపునిచ్చారు. లింగ వివక్షత అనేది సమాజాన్ని పట్టి పీడిస్తున్న అంటువ్యాధి లాంటిదని యువతరం దానిని మార్చాలని కోరారు.

roja RK

సీఎం వైఎస్‌ జగన్‌ (CM YS Jagan) చరిత్రలో ఎవరు చేయని విధంగా మహిళల కోసం కృషి చేస్తున్నారని.. లక్షలాది మహిళల అకౌంట్స్‌లో నేరుగా కోట్లాది రూపాయల డబ్బులు వేస్తున్నారని ప్రశంసలు కురిపించారు. దేశంలో మహిళలు పాలు ఇచ్చే స్థాయి నుండి పాలించే స్ధాయికి ఎదిగారని, 33 శాతం రిజర్వేషన్ల ఇవ్వడం సంతోషంగా ఉందన్నారు.

వివిధ రంగాల్లో ఉన్న రాజకీయాలు మహిళలను వెనక్కి తరిమేసేలా ఉన్నాయని, వాటికి భయపడకుండా మనం చేస్తున్న పని తప్పా, ఒప్పా అని మనకు తెలుస్తే చాలన్నారు. సినిమా (Cinema) వాళ్లు బ్లూ ఫిలింలు చేస్తారని వచ్చిన విమర్శలకు ఘాటుగా స్పందించారు.

మనం చేస్తున్న పని మన మనసాక్షికి తెలిస్తే చాలు.. ఎవరో ఎదో తిట్టారని భయపడి వెనక్కి అడుగు వేయకుండా ముందుకే వెళ్లాలన్నారు. మహిళల కోసం ఎంతో పోరాటం చేశాను.. ఉద్యమాలు చేశానని ఈ సందర్భంగా గుర్తుచేసుకున్నారు మంత్రి ఆర్కే రోజా.

October 5, 2023 0 comment

Newer Posts

Older Posts