Breaking News

ప్రపంచ దేశాల్లో భారతీయులు (Indians) పలు రంగాల్లో తమ ప్రతిభను కనబరుస్తున్నారు. ప్రపంచ దిగ్గజ సంస్థలైన మెక్రో సాఫ్ట్ (Microsoft), గూగుల్ (Google) సహా పలు సంస్థల్లో భారతీయులు అత్యంత ఉన్నత పదవులను అలంకరించారు. అటు రాజకీయాల్లోనూ సత్తా చాటుతూ పలు దేశాల్లో ఉన్నత పదవుల్లో కొనసాగుతూ పాలనా పరంగా కూడా తమదైన ముద్ర వేస్తున్నారు.

ఆసియా, యూరప్, ఆఫ్రికా, అమెరికా సంయుక్త రాష్ట్రాలు ఇలా ఒక్కటేమిటి.. ప్రపంచ వ్యాప్తంగా చాలా దేశాల్లో భారతీయులు సెటిల్ అయ్యారు. మనోళ్ల ప్రతిభను గుర్తించిన చాలా దేశాలు ఇక్కడి విద్యార్థులకు వీసాల విషయంలో నిబంధనలను సులభతరం కూడా చేశాయి. భారతీయులు కూడా మెరుగైన ఉపాధి అవకాశాలు ఉండటం, మంచి సౌకర్యాలు అందుతుండటంతో చాలామంది విదేశాల బాట పడుతున్నారు.

ఇప్పటికే కోట్లాది మంది భారతీయులు పలు దేశాల్లో గ్రీన్ కార్డులు పొంది అక్కడే స్థిర నివాసం ఏర్పరుచుకుని ఉంటున్నారు. ఒక్క మాటలో చెప్పాలంటే ప్రపంచంలో భారతీయులు లేని దేశం లేదని అంటూ ఉంటారు. కానీ, భారతీయులు లేని దేశాలు కూడా కొన్ని ఉన్నాయని చాలా మందికి తెలియదు. ప్రపంచంలో అత్యంత చిన్న నగరమైన వాటికన్ సిటీలో అసలు భారతీయులు లేరనే విషయం చాలా మందికి తెలిసి ఉండదు.

ఇక ఇటలీ సరిహద్దు దేశమైన శాన్ మారినోలోనూ మనోళ్లు లేరు. ఇక్కడ సరైన మౌలిక సౌకర్యాలు సరిగ్గా లేకపోవడంతో ఈ దేశానికి భారతీయులు వెళ్లడం లేదు. చిన్న దేశం తువాలులో వైద్య సౌకర్యాలు, జనాభా కూడా తక్కువగా ఉంటుంది. దీంతో అక్కడికి వెళ్లేందుకు అయిష్టత చూపుతున్నారు. పాకిస్తాన్, బల్గేరియాలో కూడా ఒక్క భారతీయుడు కూడా లేడు.

ఆన్ లైన్ పోర్టల్ ‘న్యూస్ క్లిక్’ (News Click)వ్యవహారం మరోసారి తెరపైకి వచ్చింది. తాజాగా ఈ కేసులో అమెరికాకు చెందిన మిలియనీర్ నెవెల్లి రాయ్ సింఘా ( Neville Roy Singham) నికి ఈడీ సమన్లు పంపింది. ‘న్యూస్ క్లిక్’కేసులో మనీలాండరింగ్ కేసుకు సంబంధించి ఈడీ ఈ నోటీసులు పంపింది. షాంఘైకి చెందిన నెవెల్లి రాయ్‌కు భారత విదేశాంగ శాఖ ద్వారా నోటీసులు పంపినట్టు సమాచారం.

ఈ విషయంలో చైనా న్యాయస్థానాల సహాయం కోరుతూ ఇటీవల ఢిల్లీ న్యాయస్థానం లేఖను రాసిన తర్వాత ఈ సమన్లు పంపే ప్రక్రియ ప్రారంభం అయినట్టు ఈడీ వర్గాలు వెల్లడించాయి. భారత్‌లో చైనా అనుకూల సమాచారాన్ని ప్రసారం చేసేందుకు ‘న్యూస్ క్లిక్’సంస్థకు భారీగా నిధులు ముట్టాయంటూ ఆరోపణలు వచ్చాయి.

ఈ విషయంలో చైనా ప్రభుత్వంతో కలిసి నెవెల్లి రాయ్ పని చేశారని ఆరోపణలు ఉన్నాయి. నెవెల్లి రాయ్ పలు షెల్ కంపెనీల ద్వారా భారీగా నిధులను న్యూస్ క్లిక్ కు తరలించాడని అధికార వర్గాలు చెబుతున్నాయి. ఈ నేపథ్యంలో ఈ కేసుకు సంబంధించి మనీలాండరింగ్ వ్యవహారంలో ఈడీ కేసులు నమోదు చేసి దర్యాప్తు చేస్తోంది.
ఇది ఇలా వుంటే ఈ ఏడాది ఆగ‌స్టు 17న న్యూస్ క్లిక్ కార్యాలయాలపై ఢిల్లీ పోలీసులు దాడులు చేశారు. విదేశీ నిధుల చట్టాన్ని ఉల్లంఘించినట్లు ఆరోపణలు రావడంతో వెబ్ సైట్ సిబ్బంది నివాసాల్లో పోలీసలుు దాడి చేశారు. అనంతరం వారిపై చట్ట వ్యతిరేక కార్యకలాపాల నియంత్రణ చట్టం (UAPA)కింద కేసులు నమోదు చేసి దర్యాప్తు పోలీసులు దర్యాప్తు జరుపుతున్నారు.

అమెరికా అంతరిక్ష పరిశోధన సంస్థ ‘నాసా’ (Nasa) పాము (Snake)ను పోలి ఉండే ఓ కొత్త రోబో (Robot)ను తయారు చేసింది. తన భవిష్యత్ ప్రయోగాల్లో వినియోగించేందుకు గాను ‘నాసా’దీనిపై పలు దశల్లో పరీక్షలు జరుపుతోంది. చంద్రుడు, అంగారక గ్రహంపై జీవం పుట్టుకకు సంబంధించిన ఆనవాళ్లను పసిగట్టడంలో ఈ రోబో ఉపయోగపడుతుందని నాసా చెబుతోంది.

ఈ రోబోను ‘ఇండియన్ పైథాన్’ఆకారాన్ని, దాని పని తీరు ఆధారంగా రూపొందించారు. ఈ రోబో ఎలాంటి ప్రతికూల పరిస్థితులనైనా తట్టుకుని అనుకున్న ప్రదేశానికి చేరుకోగలదని శాస్త్రవేత్తలు చెబుతున్నారు. ఈ రోబో వెనుక భారతీయ యువకుడి ప్రతిభ దాగి ఉంది. నాసాలో పని చేస్తున్న భారతీయ ఇంజనీర్ రోహణ్ టక్కర్ దీన్ని రూపొందించారు.

రోహణ్ టక్కర్ నాగ్ పూర్‌లో మెకానికల్ ఇంజనీరింగ్ పూర్తి చేశారు. ప్రస్తుతం ఆయన నాసాలోని జెట్ ప్రొపల్షన్ లాబోరేటరీలో పని చేస్తున్నాడు. ఎగ్జో బయాలజీ ఎక్స్‌టంట్‌ లైఫ్‌ సర్వేయర్‌(ఈఈఎల్‌ఎస్‌)గా పిలవబడుతున్న ఈ రోబోను టక్కర్ కనిపెట్టారు. ఈఈఎల్ఎస్ చాలా తెలివైనదని రోహణ్ టక్కర్ వెల్లడించారు.

అత్యంత గరుకైన ప్రదేశాలకు సైతం ఇది వెళ్లగలదని తెలిపారు. ఇది కొండలు, గుహలు, భూమి పగుళ్లు, జలాంతర్బాగంలోనూ ఇది వెళ్లగలదని వివరించారు. ఇతర గ్రహాలపై జీవం ఆనవాళ్లను గుర్తించడంలో ఈ రోబో చాలా ఉపయోగపడుతుందన్నారు. నాసా కోసం మార్టియన్ హెలికాప్టర్ ను రూపొందించిన ఐఐటీకి చెందిన బాబ్ మార్టియన్ నుంచి స్ఫూర్తి పొంది ఈ రోబో తయారు చేసినట్టు వెల్లడించారు.

దర్బంగా రైలు ఘటన మరువక ముందే యూపీ (UP)లోని ఇటావా(Etawah)లో మరో రైలు ప్రమాదం చోటు చేసుకుంది. ఢిల్లీ-సహస్ర వైశాలి సూపర్ ఫాస్టు ఎక్స్ ప్రెస్‌లో గురువారం మంటలు చెలరేగాయి. గడిచిన 10 గంటల్లో ఇటావాలో ఇది రెండవ ఘటన కావడం గమనార్హం. ఎస్-6 బోగీలో అకస్మాత్తుగా మంటలు చెలరేగినట్టు అధికారులు తెలిపారు.

ఈ ఘటనలో 19 మందికి గాయాలైనట్టు అధికారులు వెల్లడించారు. వారిలో 11 మందికి తీవ్రగాయాలైనట్టు తెలుస్తోంది. న్యూఢిల్లీ నుంచి బిహార్ లోని సహస్రకు రైలు వెళ్తుండగా ఈ ఘటన చోటు చేసుకుంది. ఉదయం 2 గంటల ప్రాంతంలొ ఎస్ 6 బోగీ నుంచి మంటలు రావడాన్ని ప్రయాణీకులు గమనించారు.

వెంటనే రైల్వే సిబ్బందిని అలర్ట్ చేశారు. దీంతో మెయిన్ పురి జంక్షన్ లో రైలును నిలిపివేశారు. సమాచారం అందుకున్న ఫైర్ సిబ్బంది ఘటనా స్థలానికి చేరుకున్నారు. సుమారు గంట పాటు శ్రమించి మంటలను అదుపులోకి తీసుకు వచ్చారు. అనంతరం మంటల్లో కాలిపోయిన బోగీని రైలు నుంచి తొలగించారు.

ఆ తర్వాత ఉదయం 6 గంటలకు మళ్లీ రైలు మళ్లీ పట్టాలెక్కింది. ఘటనకు గల కారణాలు ఇంకా తెలియరాలేదు. ఈ ఘటనలో ఎలాంటి ప్రాణ నష్టం జరగలేదని ఆగ్రా ఎస్పీ ఆదిత్య లంగేష్ వెల్లడించారు. క్షతగాత్రులను సైఫై మెడికల్ కాలేజీకి తరలించినట్టు వెల్లడించారు. ఘటనపై దర్యాప్తు జరుపుతున్నట్టు పేర్కొన్నారు.