Breaking News

ఛత్తీస్‌గఢ్ (Chhattisgarh) లో కాంగ్రెస్ (Congress) దూకుడు పెంచింది. తాజాగా అసెంబ్లీ ఎన్నికల్లో పార్టీ తరఫున పోటీ చేసే అభ్యర్థుల జాబితాను కాంగ్రెస్ ప్రకటిచింది. రాష్ట్ర ముఖ్యమంత్రి భూపేశ్ బాఘేల్ పఠాన్ నియోజక వర్గం నుంచి పోటీ చేయనున్నట్టు కాంగ్రెస్ ప్రకటించింది. ఇక రాష్ట్ర ఉప ముఖ్యమంత్రి టీఎస్ సింగ్ డియో తన కంచుకోట అంబికా పూర్ నుంచి మరోసారి పోటీ చేస్తారని పేర్కొంది.

2003 నుంచి పఠాన్ నియోజక వర్గంలో భూపేశ్ బాఘేల్ పోటీ చేస్తూ వస్తున్నారు. 2014 నుంచి 19 వరకు అదే నియోజక వర్గం నుంచి ముఖ్యమంత్రిగా పని చేశారు. పఠాన్ నియోజక వర్గంలో భూపేశ్ బాఘేల్ కు పోటీగా ఆయన మేనల్లుడు విజయ్ బాఘేల్ ను బీజేపీ బరిలోకి దించింది. దీంతో ఈ నియోజక వర్గంలో పోటీ ఆసక్తి కరంగా మారింది.

ఇక సీతా పూర్ నుంచి అమర్ జిత్ భగత్ ను కాంగ్రెస్ పోటీలోకి దించింది. ఈ నియోజక వర్గంలో వరుసగా నాలుగు సార్లు గెలిచిన చరిత్ర ఆయనకు ఉంది. రజంద్ గావ్ నియోజక వర్గంలో బీజేపీ నేత, మాజీ ముఖ్యమంత్రి రమణ్ సింగ్ కు పోటీగా గిరీష్ దేవగన్ ను కాంగ్రెస్ బరిలోకి దించింది. ఈ జాబితాలో 30 మంది అభ్యర్థుల పేర్లను కాంగ్రెస్ ప్రకటించింది. అందులో 14 మంది ఎస్టీ సామాజిక వర్గానికి చెందిన వారే కావడం గమనార్హం.

ఇక ఈ జాబితాలో ముగ్గురు మహిళలకు పార్టీ అవకాశం కల్పించింది. చత్తీస్ గఢ్ లో మొత్తం రెండు విడతల్లో ఎన్నికలను నిర్వహించనున్నారు. నవంబర్ 7న మొదటి విడత పోలింగ్ ను, నవంబర్ 17న రెండో విడత పోలింగ్ ను నిర్వహించనున్నారు. డిసెంబర్ 3న మిగతా రాష్ట్రాలతో పాటే చత్తీస్ గఢ్ ఎన్నికల ఫలితాలను ప్రకటించనున్నారు.

మధ్యప్రదేశ్ (Madhya Pradesh) అసెంబ్లీ ఎన్నికల్లో తమ పార్టీ తరఫున పోటీ చేసే అభ్యర్థుల మొదటి విడత జాబితాను కాంగ్రెస్ (Congress) విడుదల చేసింది. మొత్తం 144 మంది అభ్యర్థులతో మొదటి విడత జాబితాను విడుదల చేసింది. మధ్యప్రదేశ్ పీసీసీ చీఫ్, మాజీ ముఖ్య మంత్రి కమల్ నాథ్ రాష్ట్రంలోని చిద్వారా నియోజక వర్గం నుంచి బరిలో దిగనున్నారు.

ఇక మాజీ ముఖ్యమంత్రి, పార్టీ సీనియర్ నేత దిగ్విజయ్ సింగ్ రాగిఘట్ నుంచి పోటీ చేయనున్నారు. ఇక దిగ్విజయ్ సింగ్ సోదరుడు లక్ష్మణ్ సింగ్ చచౌర నియోజక వర్గం నుంచి పోటీలో వుంటున్నారు. దిగ్విజయ్ సింగ్ కుమారుడు జయవర్దన్ సింగ్ రఘోఘర్ నుంచి పోటీ స్తున్నారు. ఇక రాష్ట్ర ముఖ్య మంత్రి శివరాజ్ సింగ్ చౌహన్ కు పోటీగా బుద్ని నియోజక వర్గం నుంచి విక్రమ్ మస్తాల్ ను కాంగ్రెస్ బరిలోకి దించింది.

చుర్హత్ నుంచి అజయ్ సింగ్ రాహుల్, రావ్ నుంచి జిత్తూ పట్వారీ, అటేర్ నుంచి హేమంత్ కటారే, జబువా నుంచి విక్రాంత్ బురియాలను అభర్థులుగా కాంగ్రెస్ ప్రకటించింది. మొదటి జాబితాలో ఎస్టీ సామాజిక వర్గానికి చెందిన 30 మందికి, ఎస్సీ సామాజిక వర్గం నుంచి 22 మందికి కాంగ్రెస్ అవకాశం కల్పించింది. కాంగ్రెస్ అభ్యర్థులను ఖరారు చేసేందుకు నిన్న ఢిల్లీలో కాంగ్రెస్ కేంద్ర ఎన్నికల కమిటీ నిన్న సమావేశం నిర్వహించింది.

ఆ మరుసటి రోజే అభ్యర్థుల జాబితాను ప్రకటించడం విశేషం. ఇక అభ్యర్థుల ప్రకటన విషయంలో అధికార బీజేపీ అందరి కన్నా ముందు ఉంది. రాష్ట్రంలో మొత్తం 230 అసెంబ్లీ స్థానాలు వున్నాయి. అందులో ఇప్పటికే 136 స్థానాలకు బీజేపీ అభ్యర్థులను ప్రకటించింది. రాష్ట్రంలో నవంబర్ 17న పోలింగ్ ను నిర్వహించనున్నారు. డిసెంబర్ 3న ఓట్ల లెక్కింపు ప్రక్రియను చేపట్టనున్నారు.

ఇజ్రాయెల్ (Israel) ప్రధానమంత్రి బెంజిమన్ నెతన్యాహూ (Benjiman Nethnyahu) పై ఏఐఎంఐఎం చీఫ్, హైదరాబాద్ ఎంపీ అసదుద్దీన్ ఓవైసీ (Asaduddin Owaisi) తీవ్ర స్థాయిలో విరుచుకుపడ్డారు. నెతన్యాహు ఒక దెయ్యం అంటూ తీవ్ర స్థాయిలో విరుచుకు పడ్డారు. నెతన్యాహు నిరంకుశమైన పాలకుడని, యుద్ద నేరస్తుడు అంటూ తీవ్ర స్థాయిలో ధ్వజమెత్తారు.

ఇజ్రాయెల్-హమాస్ యుద్ధంపై ఓవైసీ స్పందించారు. తాను పాలస్తీనాకు మద్దతుగా నిలబడతానని, పాలస్తీనాకు తన మద్దతును కొనసాగిస్తానని చెప్పారు. ఇజ్రాయెల్ లో ఇంకా యుద్దం చేస్తున్న గాజాలోని ధైర్య వంతులకు మిలియన్ల సెల్యూట్స్ అని తెలిపారు. నెత న్యాహూ ఒక దెయ్యం అని అన్నారు. నిరంకుశ పాలకుడు, యుద్ధ ఖైది అంటూ ఫైర్ అయ్యారు.

భారత్‌లో పాలస్తీనా పేరు ఎత్తే వ్యక్తులపై కేసులు నమోదు చేస్తామంటూ ఓ బాబా ముఖ్యమంత్రి అంటున్నారని మండిపడ్డారు. ఓ బాబా ముఖ్య మంత్రి వినండన్నారు. తాను పాలస్తీనా జెండాను తన భుజంపై మోస్తానన్నారు. అదే సమయంలో భారత పతాకాన్ని కూడా మోస్తానని చెప్పారు. తాను పాలస్తీనాకు మద్దతుగా ఉంటానని ఆయన స్పష్టం చేశారు.

పాలస్తీనియున్లపై దాడులను ఆపేలా చూడాలని ప్రధాని మోడీకి తాను విజ్ఞప్తి చేస్తున్నట్టు వెల్లడించారు. పాలస్తీనా అనేది కేవలం ముస్లింలకు సంబంధించిన విషయం కాదని చెప్పారు. అది మానవత్వానికి సంబంధించిన అంశం అని చెప్పారు. అంతకు ముందు కాంగ్రెస్ అత్యున్నత నిర్ణయాధికార కమిటీ సీడబ్ల్యూసీ ఇజ్రాయెల్- హమాస్ మిలిటెంట్ల మధ్య కాల్పుల విరమణకు పిలుపునిచ్చింది.

ఇజ్రాయెల్‌ (Israel)లో చిక్కుకున్న భారతీయుల (Indians) ను స్వదేశానికి తరలించే ప్రక్రియ వేగంగా కొనసాగుతోంది. తాజాగా ‘ఆపరేషన్ అజయ్’(Operation Ajay) లో భాగంగా ఇజ్రాయెల్ నుంచి భారతీయులతో బయలు దేరిన మూడవ విమానం ఢిల్లీకి చేరుకుంది. మొత్తం 197 మంది భారతీయులతో కూడిన ప్రత్యేక విమానం ఢిల్లీలో ల్యాండ్ అయింది.

ప్రత్యేక విమానం నిన్న సాయంత్రం ఇజ్రాయెల్ లోని టెల్ అవీవ్ నగరం నుంచి నిన్న సాయంత్రం బయలుదేరినట్టు ఇజ్రాయెల్ లోని ఇంియన్ ఎంబసీ ఎక్స్ (గతంలో ట్విట్టర్)లో వెల్లడించింది. ఆపరేషన్ విజయ్‌లో భాగంగా టెల్ అవీవ్ నుంచి ప్రత్యేక విమానం కాసేపటి క్రితం టెల్ అవీవ్ నుంచి బయలుదేరినట్టు పేర్కొంది. భారతీయులంతా ఇండియాకు సురక్షితంగా చేరుకోవాలని ఎంబసీ కోరుకుంటున్నట్టు చెప్పింది.

ప్రత్యేక విమానం భారత్ కు చేరుకోగానే విదేశాంగ వ్యవహారాల మంత్రిత్వ శాఖ ట్వీట్ చేసింది. ప్రధాని మోడీకి ధన్య వాదాలు, శుభాకాంక్షలు అని తెలిపింది. దేశ ప్రజల రక్షణ కోసం ప్రధాని మోడీ అంకిత భావంతో పని చేస్తున్నారని వెల్లడించింది. ఇజ్రాయెల్ నుంచి భారతీయులు సురక్షితంగా ఢిల్లీకి చేరుకున్నారని పేర్కొంది. స్వదేశానికి చేరుకున్న తర్వాత భారతీయులంతా సంతోషంగా ఫీల్ అవుతున్నారని చెప్పింది.

ఇటీవల ఇజ్రాయెల్ పై హమాసె్ మెరుపు దాడులు చేసింది. రాకెట్లతో భీకరమైన దాడులకు దిగింది. దీంతో ఇజ్రాయెల్ ప్రతి దాడులు చేసింది. ఈ క్రమంలో ఇజ్రాయెల్- హమాస్ మధ్య యుద్దం మొదలైంది. ఈ క్రమంలో ఇజ్రాయెల్‌లో చిక్కుకున్న ఇండియన్స్ ను భారత్ కు రప్పించాలని కేంద్రం నిర్ణయించింది. ఈ మేరకు గురువారం ఆపరేషన్ అజయ్ మొదలు పెట్టింది.

తమిళనాడు (Tamil nadu) లో ఓ హిందూ పుణ్య క్షేత్రం పేరును మారుస్తామంటూ ఓ క్రైస్తవ ఫాస్టర్ వివాదాస్పద వ్యాఖ్యలు చేశారు. ఈ రోడ్ జిల్లాలో 300 ఏండ్ల నాటి చెన్నిమలై (Chenni Malai) మురుగన్ ఆలయం పేరును మారుస్తామంటూ రెచ్చ గొట్టే వ్యాఖ్యలు చేశారు. చెన్ని మలై పేరును జీసస్ మలైగా మార్చేందుకు మైక్ లో ప్రసంగాలు చేశారు. దీంతో హిందూ సంఘాలు తీవ్ర ఆగ్రహం వ్యక్తం చేశాయి.

క్రైస్తవ ఫాస్టర్ వ్యాఖ్యలకు వ్యతిరేకంగా హిందువులు కదం తొక్కారు. రాష్ట్ర వ్యాప్తంగా సుమారు పదివేల మంది హిందువులు ఆలయం దగ్గరకు చేరుకుని నిరసనకు దిగారు. ఫాస్టర్ వ్యాఖ్యలకు వ్యతిరేకంగా పోరుబాట బట్టారు. మొదట్లో చెన్నిమలై ఆలయాని సమీపంలో హిందువుల నివాసాలకు సమీపంలో అక్రమంగా ప్రార్థనలను సదరు ఫాస్టర్ మొదలు పెట్టారు.

ప్రార్థనల సమయంలో హిందూ దేవతల గురించి అనుచిత వ్యాఖ్యలు చేయడం, హిందువుల మనోభావాలను కించ పరుస్తూ వ్యాఖ్యలు చేసే వారు. ఈ క్రమంలో సదరు ఫాస్టర్ తో బీజేపీ నేతలు, హిందూ మున్నాని సభ్యులు వాగ్వాదానికి దిగారు. దీంతో హిందూ సంఘాల నేతలపై కేసులు నమోదయ్యాయి. అనంతరం మైక్ ల్లో హిందువులను రెచ్చ గొట్టేలా ఫాస్టర్ వ్యాఖ్యలు చేశారు.

మత మార్పిడీలు చేస్తామని, చెన్నిమలై ఆలయం పేరును జీసస్ మలైగా మారుస్తామంటూ రెచ్చగొట్టే వ్యాఖ్యలు చేశారు. ఈ వ్యాఖ్యలపై స్థానిక హిందువులు తీవ్ర స్థాయిలో ఆగ్రహం వ్యక్తం చేశారు. ఫాస్టర్ వ్యాఖ్యలకు వ్యతిరేకంగా ఆలయం దగ్గర నిరసనకు దిగారు. విషయం తెలుసుకుని రాష్ట్ర వ్యాప్తంగా ఉన్న హిందువులు అక్కడికి చేరుకుని నిరసనలకు మద్దతు తెలిపారు.

ఫోర్బ్స్ (Forbes) భారతీయ సంపన్నుల జాబితాలో రిలయన్స్ (Reliance) ఇండస్ట్రీస్ అధినేత ముఖేశ్ అంబానీ (Mukesh Ambani) మరోసారి అగ్రస్థానంలో నిలిచారు. 92 బిలియన్ డాలర్ల సంపదతో ఆయన మరోసారి భారత్‌లోనే అత్యంత అపర కుబేరుడిగా ఉన్నారు. గతేడాది ఇన్ ఫ్రా స్ట్రక్చర్ దిగ్గజం గౌతమ్ అదానీ ఈ జాబితాలో మొదటి స్థానంలో నిలిచారు. ఆ తర్వాత హిండెన్ బర్గ్ నివేదిక నేపథ్యంలో ఆయన సంపద కరిగి పోయింది.

హిండెన్ బర్గ్ నివేదిక నేపథ్యంలో ఆయన సంపద 82 బిలియన్ డాలర్ల నుంచి 68 బిలియన్లకు పడిపోయింది. తాజాగా ఫోర్బ్స్ విడుదల చేసిన జాబితాలో ఆయన రెండో స్థానాన్ని సంపాదించుకున్నారు. దేశంలోని 100 మంది సంపన్నుల మొత్తం సంపద కలిపి 799 బిలియన్ డాలర్లు ఉన్నట్టు ఫోర్బ్స్ నివేదిక వెల్లడించింది. ఇక సాఫ్ట్ వేర్ దిగ్గజం శివ నాడార్ రెండు స్థానాలు ఎగబాకారు.

తాజాగా ఫోర్బ్స్ జాబితాలో ఆయన మూడవ స్థానంలో నిలిచారు. ఇనుము-ఉక్కు దిగ్గజం ఓపీ జిందాల్ అధినేత్రి సావిత్రి జిందాల్ ఈ జాబితాలో నాల్గవ స్థానంలో నిలిచారు. ఇక ఈ జాబితాలో అవెన్యూ సూపర్ మార్కెట్స్ (డీ మార్ట్ అధినేత) రాధా కృష్ణ దమానీ ఐదవ స్థానంలో నిలిచారు. 20.7 బిలియన్ డాలర్లతో ఆరవ స్థానంలో సైరస్ పూనావాల నిలిచారు.

ఆ తర్వాత 20 బిలియన్ డాలర్లతో హిందూజ ఫ్యామిలీ ఏడవ స్థానంలో ఉంది. ఇక 19 బిలియన్ డాలర్ల సంపదతో దిలీప్ సంఘ్వీ ఎనిమిదవ స్థానంలో ఉన్నారు. 17.5 బిలియన్ డాలర్లతో కుమార్ బిర్లా తొమ్మిదవ స్థానం, 16.9 బిలియన్ డాలర్లతో షాపూర్ మిస్త్రీ ఫ్యామిలీ ఉంది. ఇక తెలుగు వారిలో మురళి దివీ 6.3 బిలియన్ డాలర్లతో 33వ స్థానంలో వున్నారు.