Breaking News

సీఎం కేసీఆర్‌ (CM KCR) కు టీపీసీసీ చీఫ్ (TPCC Chief) రేవంత్ రెడ్డి (Revanth Reddy) బహిరంగ లేఖ (Open Letter) రాశారు. తెలంగాణలో బీసీ జనగణన చేపట్టాలని లేఖలో సీఎంను డిమాండ్ చేశారు. బీసీ సంక్షేమం కోసం ప్రత్యేక పాలసీని బీఆర్ఎస్ (BRS) చెప్పిన మాటలన్నీ ఉత్త ముచ్చట్లుగానే మిగిలి పోయాయని ఫైర్ అయ్యారు.

బీసీల కోసం ఇంత చేస్తున్నాం, అంత చేస్తున్నామని గొప్పలు చెప్పుకోవడమే తప్పా బీసీలకు బీఆర్ఎస్ చేసిందేమీ లేదన్నారు. జనాభా దామాషా ప్రకారం బీసీలకు ఆర్థిక. సామాజిక, రాజకీయంగా వారికి న్యాయంగా వాళ్లకు రావాల్సిన వాటా వాళ్లకు దక్కాలంటే అది బీసీ జన గణనతోనే సాధ్యమవుతుందన్నారు. అందుకే రాష్ట్రంలో కుల గణన చేపట్టాలని సూచించారు.

2014లో నిర్వహించిన సమగ్ర కుటుంబ సర్వే వివరాలను బయటపెట్టాలని ఆయన డిమాండ్ చేశారు. బిహార్ లో కుల గణను కేంద్రం అడ్డంకులు సృష్టించాలని అనుకుందన్నారు. ఎన్ని అడ్డంకులు వచ్చినా ఇండియా కూటమిలోని బిహార్ ప్రభుత్వం కుల గణనను విజయవంతంగా పూర్తి చేసిందన్నారు. ఆ వివరాలను ప్రజల ముందు పెట్టిందన్నారు.

బీఆర్ఎస్ పాలనలో కేవలం ప్రభుత్వంలోనే కాకుండా అటు పార్టీలోనూ కేవలం 20 సీట్లు మాత్రమే ఇచ్చి బీసీలను రాజకీయంగా కూడా అణగదొక్కాలని కుట్రలు చేస్తోందన్నారు. కేంద్రంలోని బీజేపీ సర్కార్ బీసీ జనగణన డిమాండ్‌ను పట్టించుకోవడం లేదని పేర్కొన్నారు. బీసీనని చెప్పుకుని అధికారంలోకి వచ్చిన ప్రధాని మోడీ ఇప్పుడు బీసీల డిమాండ్ ను నెరవేర్చుందుకు చొరవ చూపకపోవడం దురదృష్టకరమన్నారు.

రాష్ట్రంలోని పలు రాజకీయ పార్టీ (Political Parties ) లతో కేంద్ర ఎన్నికల బృందం విడివిడిగా సమావేశం అవుతోంది. టీడీపీ (TDP), సీపీయం (CPM) , ఆప్ (AAP) నాయకులతో ఈసీ సమావేశం అయింది. ఎన్నికల్లో డబ్బులు ఏరులై పారుతున్నాయని ఈ సందర్బంగా ఎన్నికల సంఘ: దృష్టికి సీపీఎం పార్టీ తీసుకు వెళ్లింది. మునుగోడు – హుజురాబాద్ ఉప ఎన్నికను సీపీఎం కోడ్ చేసింది. ఎన్నికల్లో ధన ప్రవాహాన్ని కట్టడి చేయాలని వామపక్ష పార్టీలు కోరాయి.

మరోవైపు కేంద్ర ఎన్నికల సంఘం బృందాన్ని బీఎస్పీ నేతలు కలిశారు. ఎన్నికల కమిషన్ సరిగా పని చేయాలని తాము కోరినట్టు తెలంగాణ బీఎస్పీ ప్రధాన కార్యదర్శి విజయార్య క్షత్రియ తెలిపారు. మాదక ద్రవ్యాల ముఠా, లిక్కర్ మాఫియాపై విచారణ జరిపించాలని కోరామన్నారు. కేసీఆర్ పై భూకబ్జా కేసును సుమోటోగా తీసుకోవాలని ఈసీని కోరామన్నారు.

రాజ్యాంగం కల్పించిన ఓటు హక్కుపై ఈసీ ఎందుకు అవగాహన కల్పించలేదని అడిగామన్నారు. ఎన్నికల్లో డబ్బు ప్రవాహన్ని కట్టడి చేయాలని కోరామన్నారు. ఎన్నికైన ప్రజా ప్రతినిధి పై ఈసీ రోజు వారీ నిఘా పెట్టాలన్నారు. కులం, మతం పేరుతో ప్రజలను రెచ్చగొట్టేలా పలు పార్టీలు వ్యాఖ్యలు చేస్తున్నాయన్నారు. ఇక ఓట్ల అవకతవకలపై ఈసీ ఫిర్యాదు చేశామని ఆప్ నేత సుధాకర్ అన్నారు.

మునుగోడులో డబ్బుల పంపిణి గురించి ఈసీ దృష్టికి తీసుకెళ్ళామన్నారు. బయో మెట్రిక్ పెట్టి ఓటు వేయని వారి పై చర్యలు తీసుకోవాలన్నారు. బోగస్ ఓట్ల కట్టడి చేసి ఎన్నికల సమయంలో లిక్కర్ బ్యాన్ పెట్టాలని కోరామన్నారు. ఈసీని కలిసినట్టు బీజేపీ నేత మర్రి శశిధర్ రెడ్డి తెలిపారు. ఫైనల్ ఓటర్ లిస్ట్ వచ్చాక అన్ని విషయాలు తెలుస్తాయన్నారు.

ఓట్ల గల్లంతు అయితే రజత్ కుమార్ చెప్పిన క్షమాపణ అంశాన్ని ఈసీ దృష్టికి తీసుకు వెళ్లామన్నారు. గ్రేటర్ సిటీ శివారు ప్రాంతాల్లో సరైన విధంగా ఓటు నమోదు ప్రక్రియ సరిగ్గా జరగలేదని ఈసీ దృష్టికి తీసుకెళ్ళామన్నారు. అధికారులను ప్రభుత్వం భయ బ్రాంతులకు గురి చేస్తున్న అంశాన్ని ఈసీ దృష్టికి తీసుకెళ్ళామని చెప్పారు. దేశంలో ఎక్కడా లేని విధంగా ప్రభుత్వం అధికారులపై ఒత్తిడి చేస్తోందని ఫిర్యాదు చేశామన్నారు.

ఇతర రాష్ట్రాల అధికారులకు ఇక్కడ ఎన్నికల డ్యూటీ వేయాలని కోరామన్నారు. పోలీసు పరిశీలకులను నియమించాలని కోరామన్నారు. కేంద్ర బలగాలను పెద్ద సంఖ్యలో దింపాలని కోరామన్నారు. దుబ్బాకలో కేంద్ర బలగాలు రావడం వల్లే సజావుగా ఎన్నికలు జరిగాయన్నారు. మునుగోడులో కేంద్ర బలగాలు రాలేదు కాబట్టే డబ్బులు ఏరులై పారాయన్నారు.

దొంగ ఓటర్లు లేకుండా న్యాయమైన లిస్ట్ తయారు చేసేలా ఇంకా కసరత్తు చేయాలన్నారు. సీఈవో రాజీవ్ కుమార్, ఎన్నికల కమిషన్ బృందాన్ని కలిశామని ఉత్తమ్ కుమార్ రెడ్డి చెప్పారు. వారి షెడ్యూల్ ప్రకారం బుధవారం ఫైనల్ ఓటర్ లిస్ట్ విడుదల చేయాల్సి వుందన్నారు. కానీ 19 వరకు ఇచ్చిన వినతులను, అభ్యంతరాలను కూడా విచారించాలని తాము కోరామన్నారు.

నాంపల్లిలో లక్షకు పైగా బోగస్ ఓట్లు ఉన్నాయని కమిషన్ కు ఫిర్యాదు చేశామన్నారు. డబ్బులు,మద్యాన్ని అరికట్టాలని కోరామన్నారు. గత ఎన్నికల్లో కొన్ని పోలీస్ వాహనాల్లో కూడా డబ్బు తరలించారని ఎన్నికల బృందం దృష్టికి తీసుకు వెళ్లామన్నారు. ఎలక్షన్ నోటిఫికేషన్ రాకుండానే రాష్ట్ర ప్రభుత్వం తమకు కావాల్సిన అధికారులను బదిలీ చేస్తోందన్నారు.

ఇలాంటి అధికారుల ఆధ్వర్యంలో పారదర్శక ఎన్నికలు జరగవన్నారు. వారం పదిరోజుల్లో ఎన్నికల షెడ్యూల్ వచ్చే సమయంలో ప్రతి రోజూ ఇలా కొత్త పథకాల జీవోలను ప్రభుత్వం ఇవ్వడమంటే ప్రభుత్వ డబ్బుతో ఓట్లను కొనడమే అని వారికి చెప్పామన్నారు. వీటిపై వారు సానుకూలంగా స్పందించారని పేర్కొన్నారు. తమ సూచనలను పరిశీలిస్తామని హామీ ఇచ్చారన్నారు.

బీఆర్ఎస్ (BRS) పై బీజేపీ (BJP) జాతీయ ప్రధాన కార్యదర్శి బండి సంజయ్ (Bandi Sanjay) తీవ్ర స్థాయిలో విరుచుకుపడ్డారు. కారు గ్యారేజికి పోతోందని ట్విట్టర్ టిల్లు (Twitter Tillu) నారాజ్ అవుతున్నాడని ఎద్దేవా చేశారు. నిజామాబాద్‌ (Nizamabad)ల చెల్లె ఓటమి ఖాయమైందని కేటీఆర్ ముందే ఆగమైతున్నాడన్నారు. కానీ ఏం ఫయిదా అని అన్నారు.

తొమ్మిదేళ్ల బీఆర్ఎస్ దొంగ హామీల దొంగ జపం బట్టబయలైందని తెలిపారు. వరంగల్‌ డల్లాస్‌ కాలేదని తెలిపారు. కనీసం బస్టాండ్‌ కూడా రాలేదన్నారు. పైగా వరదలు, బురదలు బోనస్ అంటూ ఎద్దేవా చేశారు. నిజామాబాద్‌లో బోధన్ షుగర్ ఫ్యాక్టరీ తెరుచుకోలేదని చెప్పారు. 100 కుటుంబాలు కూడా బాగుపడలేదన్నారు. 100 ఏళ్లకు సరిపడా దోపిడీ మాత్రం జరిగిందని తీవ్ర స్థాయిలో ధ్వజమెత్తారు.

ఆదిలాబాద్‌కు ఎయిర్‌ అంబులెన్స్‌లు రాలేదన్నారు. కనీసం అంబులెన్స్‌ పోయే తోవ కూడా వేయలేదన్నారు. గతి లేక గాల్లో కలిసిపోతున్న ప్రాణాలు మాత్రం ఎక్కువయ్యాయన్ని పేర్కొన్నారు. కరీంనగర్‌ లండన్ కాలేదన్నారు. వేములవాడకు ఏటా రూ.100 కోట్లు అందలేదన్నారు. కొండగట్టు అంజన్న ఘాట్‌ రోడ్డు గతి మారలేదన్నారు. గులాబీ కబ్జాకోర్లు, కీచకులు మాత్రం పెరిగారని తీవ్ర స్థాయిలో ఆగ్రహం వ్యక్తం చేశారు.

లక్ష ఉద్యోగాలు రాలేదన్నారు. 3000 భృతి ఇవ్వలేదన్నారు. రైతుల ఆత్మహత్యల ఆగలేదన్నారు. పోడు పంచాయతీ పోలేదన్నారు. ఉపాధ్యాయ ఖాళీలు భర్తీ కాలేదన్నారు. పదోన్నతులు పూర్తిగాలేదని గుర్తు చేశారు. కొత్త పీఆర్‌సీ అమలు నోచుకోలే , ఠంచనుగా జీతాలు రాలేదని వెల్లడించారు. తొమ్మిదేండ్లలో కల్వకుంట్ల ఖజానా మాత్రమే నిండిందన్నారు.

కల్వకుంట్ల భజనకారులకు కోట్ల కమీషన్లు అందాయి తప్ప కష్టపడి కొట్లాడిన తెలంగాణ ప్రజలకు ఒరిగిందేం లేదని తీవ్రంగా నిప్పులు చెరిగారు. తొమ్మిదేండ్లు గాడిద పండ్లు తోమి, ఇప్పుడు గాయి చేస్తే నమ్మేందుకు తెలంగాణ ప్రజలు అమాయకులు కాదన్నారు. దొంగ హామీలు, దగా మాటలు, దౌర్జన్య చేతలకు కాలం చెల్లిందని ఆయన స్పష్టం చేశారు. .

-దొరికిందల్లా దోచుకోవడమే బీఆర్ఎస్ కు తెలిసిన విద్య
-ప్రజాస్వామ్యాన్ని కుటుంబ స్వామ్యంగా మార్చారు
-తెలంగాణలో ఒక్క కుటుంబమే అంతా కబళించింది
-ఎన్డీఏలో చేరతానని కేసీఆర్ నన్ను కలిశారు
-దానికి నేనా ససేమేరా అన్నాను
-ప్రతిపక్షంలోనైనా కూర్చుంటాం కానీ ప్రజా నమ్మకాన్ని కోల్పోము
-కర్ణాటకలో కాంగ్రెస్ కు బీఆర్ఎస్ నిధులు పంపింది
-ఆ రెండు పార్టీల మధ్య చీకటి పొత్తు నడుస్తోంది
-ఘామాండియా ఘట్ బంధన్ ను నమ్మవద్దు
-తెలంగాణ కోసం బీజేపీ ఏదైనా చేస్తుంది
-ఇది మోడీ ఇచ్చిన మోడీకి నిదర్శనం
-ప్రతి బూత్ లో గెలవండి
-కమల్ హర్ ఘర్ పహుంచే
-నిజామాబాద్ సభలో మోడీ

యువతను మోసం చేయడమే బీఆర్ఎస్ (BRS) లక్ష్యంగా పెట్టుకుందని ప్రధాని మోడీ (PM Modi) విరుచుకు పడ్డారు. తమపై నమ్మకం ఉంచి ఐదేండ్ల పాటు అవకాశం (Chance) ఇవ్వండన్నారు. తాము అధికారంలోకి వచ్చాక బీఆర్ఎస్ తప్పులన్నింటినీ ఎండగడతామన్నారు. ఓ ఉద్యమంలా బీఆర్ఎస్ దోపిడీని కడిగిపారేస్తామని ప్రధాని మోడీ తెలిపారు.

నిజామాబాద్ లో నిర్వహించిన బహిరంగ సభలో ప్రధాని పాల్గొన్నారు. ఈ సందర్బంగా ప్రధాని మోడీ మాట్లాడుతూ…. భారత మాత వేషధారణలో వచ్చిన బాలికను ప్రధాని మోడీ అభినందించారు. ఎన్టీపీసీ యూనిట్ కు తానే శంకుస్థాపన చేశానన్నారు. 8 వేల కోట్ల విలువైన ప్రాజెక్టులను ప్రారంభించడం తనకు చాలా సంతోషంగా వుందన్నారు. ఇది మోడీ ఇచ్చే గ్యారెంటీకి నిదర్శనమన్నారు. తెలంగాణ ప్రజల కోసం కేంద్రం, బీజేపీ ఏమైనా చేస్తుందన్నారు.

ఘమాండియా ఘట్ బంధన్ ను నమ్మవద్దని ప్రజలకు సూచించారు. మీ మద్దతుతోనే మీ బిడ్డ దేశ అభివృద్ధికి పాటుపడుతున్నారని చెప్పారు. కరోనా వ్యాక్సిన్ తయారు చేసి దేశానికే తెలంగాణ ఆదర్శంగా నిలిచిందన్నారు. మీ ఉత్సాహానికి సలాం అని తెలిపారు. కేంద్రం ఇచ్చిన నిధులను బీఆర్ఎష్ దోచుకుంటుందోంటూ తీవ్ర స్థాయిలో విరుచుకుపడ్డారు. దొరికిందల్లా దోచుకోవడమే వాళ్లకు తెలిసిన విద్య అని ఫైర్ అయ్యారు.

ప్రజాస్వామ్యాన్ని కుటుంబ స్వామ్యంగా మార్చారంటూ మండిపడ్డారు. ప్రజాస్వామ్యంలో కుటుంబ వాదానికి చోటు లేదన్నారు. తెలంగాణ కోసం ఎంతో మంది యువకులు ప్రాణత్యాగం చేశారని చెప్పారు. కానీ ఒక్క కుటుంబమే అంతా కబళించిందని మండిపడ్డారు. లక్షలాది కుటుంబాల ఆకాంక్షను కుటుంబం కబ్జా చేసిందని తీవ్ర ఆగ్రహం వ్యక్తం చేశారు.

కొడుకులు, కూతుళ్లు, అల్లుళ్లు, అత్తింటి వాళ్లు అంతా వాళ్లేనంటూ తీవ్ర స్థాయిలో విరుచుకపడ్డారు. అవినీతిని వాళ్లు ప్రోత్సహిస్తున్నారన్నారు. తెలంగాణకు చేయాల్సిందంతా కేంద్రం ద్వారా చేస్తున్నామని అన్నారు. దేశానికి స్వాతంత్య్రం వచ్చినా తెలంగాణకు స్వేఛ్చ రాలేదన్నారు. గుజరాతీ బిడ్డ సర్ధార్ వల్లబాయ్ పటేల్ కృషితో స్వాతంత్ర్యం వచ్చిందన్నారు. ఇప్పుడు మరో గుజరాతి బిడ్డ మీకు అభివృద్ధి ఫలాలు అందిస్తున్నాడన్నారు.

కుటుంబ పాలనతో యువత నష్టపోతోందన్నారు. తెలంగాణ యువతకు ఎలాంటి అవకాశాలు దొరకడం లేదన్నారు. సామన్యుల గురించి ఆలోచించి పని చేసేది బీజేపీ మాత్రమేనన్నారు. దేశం మొత్తం ఇప్పుడు కాంగ్రెస్ ను విస్మరించిందన్నారు. కాంగ్రెస్ కు బీఆర్ఎస్ బీటీమ్ గా మారిందన్నారు. రాష్ట్రంలో బీఆర్ఎస్ ఓటమి ఖాయమమన్నారు. బీఆర్ఎస్ తో కాంగ్రెస్ చీకటి పొత్తు పెట్టుకుందన్నారు.

కర్ణాటక ఎన్నికల సమయంలో కాంగ్రెస్ కు బీఆర్ఎస్ నిధులు పంపిందన్నారు. తెలంగాణ ప్రజలను దోచి కాంగ్రెస్ కు బీఆర్ఎస్ నిధులిచ్చిందన్నారు. వంద శాతం నిజం చెప్పేందుకే తాను ఇక్కడికి వచ్చానన్నారు. జీహెచ్ఎంసీ ఎన్నికల అనంతరం ఢిల్లీకి వచ్చి కేసీఆర్ తనను కలిశారన్నారు. తాను కూడా ఎన్డీఏలో చేరతానన్నారని చెప్పారు. కానీ దానికి తాను ఒప్పుకోలేదన్నారు.

కేసీఆర్ అవినీతి బాగోతాన్ని తాను చెప్పానన్నారు. తాను కేటీఆర్ కు బాధ్యతలు ఇస్తానని కేసీఆర్ అన్నారన్నారు. దీంతో మీరేమైనా రాజులా అని ప్రశ్నించానన్నారు. ఆ తర్వాత నుంచి తనను ఎప్పుడూ కలవలేదన్నారు. అవసరమైతే ప్రతిపక్షంలో కూర్చుంటాం కానీ ప్రజల నమ్మకాన్ని మాత్రం కోల్పోమన్నారు. అధికార దాహంతో కాంగ్రెస్ అల్లాడుతోందని మండిపడ్డారు.

కాంగ్రెస్ ఇప్పుడు కొత్త మాటలు మాట్లాడుతోందన్నారు. ఎంత జనాభా వుంటే అంత హక్కు అని అంటోందన్నారు. దక్షిణ భారత్ ను మోసం చేసేందుకు కాంగ్రెస్ ప్రయత్నం చేస్తోందన్నారు. మైనార్టీలను వంచించేందుకు కాంగ్రెస్ పావులు కదుపుతోందన్నారు. తమిళనాడులో ఆలయాలపై ప్రభుత్వానికి అధికారం ఉందన్నారు. ఆలయాలను ప్రభుత్వం లాక్కొంటోందన్నారు. కానీ మైనార్టీల ఆలయాలను ముట్టుకోదన్నారు. తప్పుడు వ్యాఖ్యలతో ప్రజలను కాంగ్రెస్ రెచ్చగొడుతోందన్నారు.

దేశంలో పేదలకు ఎంతో సాయం అవసరమన్నారు. ఆ పేదలకు సేవ చేయడం వారి సంక్షేమం కోసం తాము పని చేస్తున్నామన్నారు. గత ఐదేండ్లలో 13.5 లక్షల కోట్ల మందిని పేదరికం నుంచి బయటపడేశామన్నారు. తెలంగాణ ప్రజలు తనపై ఐదేండ్లు నమ్మకం ఉంచండన్నారు. బీఆర్ఎస్ దోచుకున్నదంతా ప్రజల ముందు ఉంచుతానన్నారు. కాంగ్రెస్ వాళ్లు చెప్పే తప్పుడు వాగ్దానాలు నమ్మకండన్నారు.

అధికారంలోకి వచ్చాక అనేక మెళికలు పెడతారన్నారు. ఇచ్చిన మాటలు అమలు చేసిన ట్రాక్ రికార్డు బీజేపీకి ఉందన్నారు. జాబ్ మేళాల ద్వారా యువతకు ఉద్యోగాలిచ్చామన్నారు. ప్రాజెక్టులు పూర్తికాకుండానే ప్రారంభోత్సవాలు చేస్తారన్నారు. తెలంగాణ ప్రజలు తనపై ఐదేండ్లు పాటు నమ్మకం ఉంచండన్నారు. తెలంగాణ మహిళల పాద దూళిని ప్రసాదంగా స్వీకరిస్తానన్నారు. కొవిడ్ సమయంలో పసుపు ఎంతో మందిని కొవిడ్ నుంచి విముక్తి చేసిందన్నారు. అన్ని బూత్ లల్లో గెలవాలని బీజేపీ కార్యకర్తలకు సూచించారు. ప్రతి బూత్ లో ప్రజల మనస్సు గెలవండన్నారు. ఇంటింటికి కమలం చేరుతుందని (కమల్ హర్ ఘర్ పహుంచే) అన్నారు.