Breaking News

అంగారకుడి (Mars )పైకి మరో వ్యోమ నౌక (Space Craft)ను పంపేందుకు భారత్ (India) రెడీ అవుతోంది. తొలి ప్రయత్నంలోనే అరుణ గ్రహం కక్షలో రాకెట్ ప్రవేశ పెట్టి ఇస్రో (ISRO) విజయం సాధించింది. ఈ క్రమంలో తాజాగా మరోసారి మార్స్ పై ప్రయోగాలకు సిద్దమవుతోంది. మంగళ్ యాన్-2 (Mangalyan-2) లో రెండు పే లోడ్స్ ఉంటాయని ఇస్రో అధికారులు చెబుతున్నారు.

ఇందులో ఉండే ఈ రెండు పే లోడ్స్ అంగారక గ్రహం గురించి అధ్యయనం చేయనున్నాయి. మార్స్ లో ఉండే అంతర్ గ్రహ ధూళి, మార్స్ పై ఉండే వాతావరణాన్ని, అక్కడి పర్యావరణాన్ని అధ్యయం చేయనున్నట్టు ఇస్రో వర్గాలు పేర్కొన్నాయి. ఈ పే లోడ్స్ ను వివిధ దశల్లో అభివృద్ధి చేసినట్టు ఇస్రో వర్గాలు తెలిపాయి. ఈ మిషన్ లో భాగంగా మార్స్ ఆర్బిట్ డస్ట్ ఎక్స్ పరిమెంట్ (MODEX)ను నిర్వహించున్నారు.

దీంతో పాటు రేడియో ఆక్యులేషన్ (RO),ఎనర్జిటిక్ అయాన్ స్పెక్ట్రో మీటర్ (EIS), లాంగ్ మ్యూర్ ప్రోబ్, ఎలక్ట్రిక్ ఫీల్డ్ ఎక్స్ పరిమెంట్ లను ఈ మార్స్ మిషన్ నిర్వహించనుంది. ఇస్రో డాక్యుమెంట్స్ ప్రకారం… మార్స్ మీద ఎత్తైన ప్రదేశాలలో ధూళి కణాల పుట్టుక, సమృద్ధి, పంపిణీ ప్రవాహాన్ని అర్థం చేసుకోవడంలో MODEX సహాయ పడుతుందని పేర్కొంది.

ఇక మార్స్ పై తటస్త, ఎలక్ట్రాన్ సాంద్రత పొఫైల్ తయారు చేసేందుకు RO ప్రయోగం ఉఫయోగపడుతుంది. ఇక అంగారకుడి వాతావరణంలోని సౌరశక్తి కణాలు, సూపర్ థర్మల్ సోలార్ విండ్ కణాలను గుర్తించేందుకు ఇస్రో ఒక EISను కూడా అభివృద్ధి చేస్తోంది. ఇది ఇలా వుంటే మంగళ్ యాన్-1ను 5 నవంబర్ 2013లో పీఎస్ఎల్వీ సీ-25 ద్వారా ఇస్రో ప్రయోగించింది.

ఢిల్లీలోని జవహార్ లాల్ నెహ్రూ వర్సిటీ (JNU)లో భారత వ్యతిరేక నినాదాలు (Anti Bharath Slogans) కలకలం రేపాయి. జేఎన్ యూ వర్శిటీ గోడలపై తాజాగా భారత వ్యతిరేక నినాదాలు కనిపించాయి. దీనిపై పలు విద్యార్థి సంఘాలు ఆందోళన వ్యక్తం చేస్తున్నాయి. ఈ ఘటనపై జేఎన్‌యూ అడ్మిస్ట్రేషన్‌కు అఖిల భారతీయ విద్యార్థి పరిషత్ (ABVP) ఫిర్యాదు చేసింది.

జేఎన్‌యూ వర్శిటీలో భారత వ్యతిరేక నినాదాలను విద్యార్థి సంఘంగా తాము తీవ్రంగా ఖండిస్తున్నట్టు పేర్కొంది. వర్శిటీలోని భాషా భవనం గోడలపై ‘భారత ఆక్రమిత కశ్మీర్’,ఫ్రీ కశ్మీర్, భగవా జలేగా నినాదాలు దర్శనమిచ్చాయని తెలిపింది. దీన్ని పలువురు విద్యార్థులు ఫోటోలు తీశారని చెప్పింది. ఈ ఘటన అధికారుల దృష్టికి వెళ్లగా గోడలపై పెయింట్ వేసి ఆ రాతలను చెరిపి వేశారని వివరించింది.

ఈ ఘటనలను అడ్డుకోవడంలో సెక్యూరిటీ విభాగం విఫలమైందని జేఎన్‌యూ వర్శిటీ ఏబీవీపీ సెక్రటరీ వికాస్ పటేల్ అన్నారు. దీనికి చీఫ్ సెక్యూరిటీ అధికారి బాధ్యత వహించాలని ఆయన డిమాండ్ చేశారు. దీనిపై ఇప్పటి వరకు జేఎన్ యూ వర్శిటీ అధికారులు స్పందించలేదు. ఆ రాతలు ఎవరు రాశారనే విషయాన్ని తెలుసుకునే పనిలో అధికారులు ఉన్నారు.

మొదటి ఆదివారం ఉదయం వర్శిటీ గోడలపై భారత వ్యతిరేక రాతలను కొందరు విద్యార్థులు గుర్తించారు. వాటిన బ్లూ కలర్, రెడ్ కలర్ పెయింట్స్ తో రాసినట్టు తెలిపారు. దీంతో పాటు కొన్ని చోట్ల నేలపై కూడా ఈ నినాదాలను రాశారు. వీటిని గమనించిన కొందరు విద్యార్థులు పలువురికి షేర్ చేశారు. ఆ తర్వాత అధికారుల దృష్టికి తీసుకు వచ్చారు.

అసోం ముఖ్య మంత్రి హిమంత బిస్వ శర్మ ( Himantha Biswa Sharma) సంచలన వ్యాఖ్యలు చేశారు. మియా (బెంగాలీ మాట్లాడే ముస్లింలు) ప్రజలు బాల్య వివాహాల (Child Marriages)ను పక్కన బెట్టి తమను తాము సంస్కరించుకునేంత వరకు చార్ (Char) ప్రాంతంలోని ఆ వర్గం ఓట్లు (Votes) బీజేపీ (BJP)కి అవసరం లేదని అన్నారు.

అయినప్పటికీ వాళ్లు ప్రధాని మోడీకి, బీజేపీకి మద్దతు ఇస్తారని చెప్పారు. వాళ్లంతా బీజేపీకి ఓటు వేయకుండానే తమకు అనుకూల నినాదాలు చేస్తారని తెలిపారు. బీజేపీ ప్రజా సంక్షేమం కోసం పాటుపడుతుందని చెప్పారు. మియా ప్రజలంతా బీజేపీకి మద్దతు పలుకుతారన్నారు. కానీ వాళ్లు బీజేపీకి ఓటు వేయాల్సిన అవసరం లేదన్నారు. తమకు మద్దతు ఇవ్వడంలో ఎలాంటి ప్రమాదం లేదన్నారు.

వాళ్లంతా హిమంత శర్మ, ప్రధాని మోడీ, బీజేపీకి జిందాబాద్ లు కొట్ట నివ్వండని పేర్కొన్నారు. ఎన్నికలు వచ్చినప్పుడు తమకు ఓటు వేయవద్దని మియా వర్గాన్ని తానే కోరతానని చెప్పారు. ఆ వర్గం ప్రజలు ఎప్పుడైతే కుటుంబ నియంత్రణ పాటించి, బాల్య వివాహాలను మానుకున్న తర్వాతే తమకు వాళ్లు ఓట్లు వేయాలని చెప్పారు. ఇది నెర వేరాలంటూ సుమారు పదేండ్ల సమయం పడుతుందన్నారు.

అప్పటి వరకు మియా వర్గం ఓట్లు తాను అడగబోనన్నారు. పదేండ్ల తర్వాత అప్పుడు వాళ్ల ఓట్లను అడుగుతానన్నారు. తనకు, బీజేపీకి అనుకూలంగా ఓటు వేసే వారికి ఇద్దరు, ముగ్గురు కంటే ఎక్కువ మంది పిల్లలు ఉండరాదన్నారు. తనకు ఓటు వేసే వాళ్ల ఖచ్చితంగా తమ కూతుళ్లను పాఠశాలలకు పంపాలని, బాల్య వివాహాలు చేయబోమని, ఛాందసవాదాన్ని వదిలి సూఫీ మతాన్ని అవలంభించిన వారై ఉండాలన్నారు.

చత్రపతి శివాజీ (Chatrapathi Shivaji) మహారాజ్ ఉపయోగించిన భాఘ్ కీ పంజా ( పులి గోళ్ల)ను భారత్ (India) కు తీసుకు వస్తున్నారు. సుమారు 350 ఏండ్ల తర్వాత శివాజీ ఆయుధం మళ్లీ భారత్ కు చేరుకుంటోంది. 1659లో బీజాపూర్ (Beejapur) సుల్తానేట్ కు చెందిన జనరల్ అఫ్జల్ ఖాన్ ను ఓడించే సందర్బంలో శివాజీ ఈ ఆయుధాన్ని ఉపయోగించారు.

తాజాగా దీన్ని భారత్ కు తిరిగి తీసుకు వచ్చే విషయంలో లండన్ లోని విక్టోరియా అండ్ ఆల్ బర్గ్ మ్యూజియంతో మహారాష్ట్ర సర్కార్ మధ్య ఒప్పందం కుదిరింది. ఈ ఒప్పందంపై మంగళవారం మహారాష్ట్ర సాంస్కృతిక వ్యవహారాల మంత్రి సుధీర్‌ ముంగంటివార్‌ సంతకం చేయనున్నాయి. నవంబర్ నెలలో ఇవి భారత్ కు చేరుకుంటాయని ప్రభుత్వ వర్గాలు వెల్లడించాయి.

అఫ్జల్ ఖాన్ ను శివాజీ ఓడించిన రోజునే ఆ పులి గోళ్లను భారత్ కు తీసుకు వచ్చేందుకు ప్రయత్నాలు చేస్తున్నామని ప్రభుత్వం వర్గాలు తెలిపాయి. దక్షిణ ముంబైలోని ఛత్రపతి శివాజీ మహారాజ్ మ్యూజియంలో ఈ వాఘ్ నఖ్ ను ప్రదర్శనకు పెడతామన్నారు. 1659లో జరిగిన ప్రతాప్‌గఢ్ యుద్ధంలో మరాఠాల విజయం మరాఠా సామ్రాజ్య స్థాపనలో కీలక పాత్ర పోషించింది.

సంఖ్యాబలం తక్కువగా ఉన్నప్పటికీ ఈ యుద్దంలో అఫ్జల్ ఖాన్ నేతృత్వంలోని ఆదిల్షాహి సైన్యాన్ని మరాఠాలు ఓడించారు, ఈ యుద్ధం ద్వారా ఛత్రపతి శివాజీకి అద్భుతమైన సైనిక వ్యూహకర్తగా గొప్ప పేరు వచ్చింది. మొదట ఓ పథకం ప్రకారం శివాజీని అఫ్జల్ ఖాన్ పిలిపించాడని, ఆ తర్వాత దొంగ దెబ్బతీసి కత్తితో పొడిచారని చరిత్ర కారులు చెబుతున్నారు. ఆ వెంటనే శివాజీ ఈ పులి గోళ్లతో అఫ్జల్ ఖాన్ ను హత మార్చాడని అంటున్నారు.

తెలంగాణ (Telangana) పై ప్రధాని మోడీ (PM modi) వరాల జల్లు కురిపించారు. ఉమ్మడి పాలమూరు జిల్లాలో పర్యటించిన ప్రధాని మోడీ పలు అభివృద్ధి కార్యక్రమాలను ప్రారంభించారు. అనంతరం ప్రజాగర్జన సభలో పాల్గొని తెలంగాణకు పలు వరాలు ప్రకటించారు. తెలంగాణ అభివృద్ధికి కేంద్రం కట్టుబడి ఉందని స్పష్టం చేశారు. రాష్ట్రంలో జాతీయ పసుపు బోర్డును ఏర్పాటు చేస్తున్నామని ఈ సందర్బంగా ప్రధాని మోడీ వెల్లడించారు.

ములుగు జిల్లాలో సమ్మక్క-సారక్క సెంట్రల్ ట్రైబల్ వర్శిటీ ఏర్పాటు చేయబోతున్నట్టు ప్రకటించారు. రూ. 900 కోట్లతో ఈ వర్శిటీని ఏర్పాటు చేస్తామన్నారు. హైదరాబాద్ సెంట్రల్ యూనివర్శిటీని ఇన్‌స్టిట్యూట్ ఆఫ్ ఎమినెన్స్ గా పిలవాలన్నారు. ప్రజా గర్జన సభలో ఆయన మాట్లాడుతూ…. తన కుటుంబ సభ్యులు సంతోషంగా వున్నారని తెలుగులో ప్రసంగించారు.

తెలంగాణలో పసుపు రైతుల కోసం జాతీయ పసుపు బోర్డును ఏర్పాటు చేస్తున్నామని తెలిపారు. ఈ జాతీయ పసుపు బోర్డు రైతుల సంక్షేమం కోసం కృషి చేస్తుందన్నారు. రాష్ట్రంలో రూ.13,500 కోట్ల అభివృద్ధి పనులకు ప్రధాని మోడీ శ్రీకారం చుట్టారు. తెలంగాణ ఫ్రజల జీవితాలను మెరుగుపరిచేందుకు బీజేపీ సర్కార్ కట్టుబడి ఉందని ఆయన స్పష్టం చేశారు.

దేశంలో ఐదు టెక్స్ టైల్స్ పార్కుల్లో ఒకటి తెలంగాణకు కేటాయించామన్నారు. హన్మకొండలో నిర్మించబోయే టెక్స్ టైల్స్ పార్కుతో వరంగల్, ఖమ్మం జిల్లాల ప్రజలకు ఉపాధి అవకాశాలు పెరుగుతాయని చెప్పారు. 2014 వరకు తెలంగాణలో వున్న రహదారుల పొడవు 2500 కిలో మీటర్లు మాత్రమేనన్నారు. ఈ తొమ్మిదేండ్లలో 2500 కిలో మీటర్ల రహదారులు నిర్మించామన్నారు.