Breaking News

భారత్- అమెరికా సంబంధాలకు పరిమితులు విధించడం చాలా కష్టమైన పని భారత విదేశాంగ మంత్రి ఎస్. జైశంకర్ (S. Jai Shankar) అన్నారు. ఇప్పుడు ఇరు దేశాల మధ్య అభిలషణీయమైన, అనుకూలమైన, అత్యంత సౌకర్యమైన భాగస్వామ్యం ఉందని ఆయన వెల్లడించారు. అందరి అంచనాల (Expectations)ను మించి ఇరు దేశాల మధ్య సంబంధాలు బలపడిపోయాయన్నారు.

వాషింగ్టన్‌లో నిర్వహించిన ‘కలర్స్ ఆఫ్ ఇండియా’ కార్యక్రమంలో ఎస్. జైశంకర్ పాల్గొన్నారు. ఈ సందర్బంగా ఆయన మాట్లాడుతూ…. ఇప్పుడు అన్ని విధాలుగా అంచనాలకు మించి భారత్-అమెరికా మధ్య సంబంధాలు బలపడ్డాయన్నారు. ఇప్పుడు ఇరు దేశాల మద్య సంబంధాలను గురించి నిర్విచించేందుకు కూడా మనం ప్రయత్నం చేయలేమన్నారు.

1985లో రాజీవ్ గాంధీ అమెరికాలో పర్యటించారన్నారు. ప్రజలు ఇప్పటికీ ఆ పర్యటనను గుర్తు చేసుకుంటారన్నారు. ఆ సమయంలో తాను ఇక్కడే వున్నానన్నారు. 2005లో అప్పటి ప్రధాని మన్మోహన్ సింగ్ అగ్రరాజ్యంలో పర్యటించారని గుర్తు చేశారు. అప్పుడే న్యూక్లియర్ డీల్ జరిగిందన్నారు. ఆ సమయంలో కూడా తాను ఇక్కడే వున్నానని చెప్పారు.

ప్రధాని మోడీ కూడా అమెరికా పర్యటనను కూడా అందరు గుర్తుకు తెచ్చుకుంటారని అన్నారు. ఆ సమమంలొనూ తాను ఇక్కడే వున్నానన్నారు. అయితే మిగతా పర్యటనలతో పోలిస్తే ఇది భిన్నమైనదన్నారు. గత ప్రధానుల హయాంలో భారత్- అమెరికాలు ఒప్పందాలు చేసుకునే వన్నారు. కానీ ఇప్పుడు భారత్- అమెరికాలు కలిసి పని చేస్తున్నాయని వెల్లడించారు.

2వేల రూపాయల నోట్ల (Two thousan Rupees Notes) ను మార్చుకునేందుకు తుది గడువును (Last Date) ఆర్బీఐ (RBI) పొడిగించింది. ఈ నెల 7 వరకు ప్రజలు బ్యాంకు (Banks) ల్లో 2 వేల రూపాయల నోట్లను మార్చుకోవచ్చని ఆర్బీఐ వెల్లడించింది. అంతకు ముందు రూ. 2 వేల రూపాయల నోట్ల మార్పిడికి సెప్టెంబర్ 30ని చివరి తేదీగా ఆర్బీఐ ప్రకటించింది.

ఆర్బీఐ ఇచ్చిన గడువు నిన్నటితో ముగిసింది. ఈ క్రమంలో తాజాగా గడువును మరోసారి పెంచుతున్నట్టు ఆర్బీఐ ప్రకటించింది. ఈ నెల 7లోగా ప్రజలు 2 వేల రూపాయల నోట్లను బ్యాంకుల వద్ద మార్పుకోవాలని సూచించింది. ఈ నెల 8 నుంచి బ్యాంకులు రూ.2 వేల నోట్లను డిపాజిట్ చేసుకోబోవని పేర్కొంది. అయినప్పటికీ రూ. 2 వేల రూపాయలు చట్టబద్ధంగా చలామణి అవుతాయని వివరించింది.

ఈ నెల 8 తర్వాత ప్రజలు ఆర్బీఐకి చెందిన 19 కార్యాలయాల్లో ఈ నోట్లను మార్చుకోవచ్చని పేర్కొంది. ఒక కస్టమర్ గరిష్టంగా రూ. 20 వేలు విలువ చేసే రూ. 2 వేల నోట్లను మార్చు కోవచ్చని ఆర్బీఐ చెప్పింది. ఆర్బీఐ ద్వారా మార్చుకున్న ఈ నోట్లను కస్టమర్ల బ్యాంకు ఖాతాల్లో క్రెడిట్ చేస్తామని స్పష్టంచేసింది. ఇండియా పోస్టు ద్వారా కూడా ఆర్బీఐ కార్యాలయానికి నోట్లు పంపవచ్చని తెలిపింది.

మే 19 నాటికి 3.56 లక్షల కోట్ల విలువ చేసే రూ. 2 వేల నోట్లు చలామణిలో వున్నాయని ఆర్బీ ఐ తెలిపింది. అందులో 3.42 లక్షల కోట్లు ఇప్పటికే బ్యాంకుల్లోకి చేరినట్టు ఆర్బీఐ వివరించింది. సెప్టెంబర్ 29 నాటికి కేవలం 0.14 లక్షల కోట్ల విలువ చేసే నోట్లు మాత్రమే చలామణిలో వున్నాయని తెలిపింది.

అప్ఘనిస్తాన్‌ (Afghanishtan) లోని రాయబార కార్యాలయం ( Embassy) కీలక నిర్ణయం తీసుకుంది. నేటి నుంచి భారత్‌లో దౌత్య కార్యకలాపాలను నిలిపి వేయనున్నట్టు ప్రకటించింది. రాయబార కార్యాలయంలో సిబ్బంది సంఖ్యను, వనరులను భారత్ (India) తగ్గించిందని పేర్కొంది. దీంతో అప్ఘన్ పౌరుల ప్రయోజనాలకు అనుగుణంగా పని చేయడంలో విఫలం అయ్యామని పేర్కొంది.

భారత్ నుంచి సరైన మద్దతు లేక పోవడం వంటి కారణాల వల్త తాము సమర్థవంతంగా విధులు నిర్వహించలేకపోతున్నామని తెలిపింది. భారత్‌లో రాయబార కార్యాలయాన్ని మూసి వేయాలని అనుకుంటున్నట్టు ఇటీవల అప్ఘనిస్తాన్ ప్రకటించింది. ఈ మేరకు భారత విదేశాంగ శాఖకు గత నెల 25న ఓ లేఖను పంపింది. తాజాగా శనివారం కూడా తాలిబన్ ప్రభుత్వం మరో ప్రకటనను విడుదల చేసింది.

భారత్‌, అఫ్ఘానిస్థాన్‌ మధ్య ఉన్న చారిత్రక ద్వైపాక్షిక సంబంధాలు, పలు ఒప్పందాలను పరిగణనలోకి తీసుకున్న తర్వాత అన్ని రకాలుగా ఆలోచించి ఈ నిర్ణయం తీసుకున్నామని పేర్కొంది. ఈ నిర్ణయం పట్ల తాము తీవ్రంగా చింతిస్తున్నట్టు చెప్పింది. దౌత్య అధికారాలు భారత్ కు అప్పగించేంత వరకు సం ఆఫ్ఘన్ పౌరుల కోసం అత్యవసర కాన్సులర్ సేవలు పనిచేస్తాయని వెల్లడించింది.

దౌత్య సంబంధాల విషయంలో జరిగిన వియన్నా కన్వెన్షన్ (1961)లోని ఆర్టికల్ 45 ప్రకారం రాయబార కార్యాలయం ఆస్తులతో పాటు సౌకర్యాలను, సంరక్షక బాధ్యతలను ఆతిథ్య దేశానికి బదిలీ చేస్తారు. ప్రస్తుతం భారత్ లో అప్ఘన్ రాయబారిగా ఫరీద్ మముంద్ జాయ్ వ్యవహరిస్తున్నారు. అప్ఘనిస్తాన్ ను తాలిబాన్లు ఆక్రమించక ముందు అష్రఫ్ ఘనీ ప్రభుత్వం ఆయన్ని నియమించింది.

మంత్రి కేటీఆర్‌ (KTR) కు, ఎంపీ కోమటి రెడ్డి వెంకట్ రెడ్డి (Komati Reddy Venkat Reddy)కి మధ్య డైలాగ్ వార్ నడుస్తోంది. తాజాగా కేటీఆర్ వ్యాఖ్యలకు కోమటి రెడ్డి స్ట్రాంగ్ కౌంటర్ (Strong Counter) ఇచ్చారు. రాష్ట్రంలో గత తొమ్మిదేండ్లలో బీఆర్ఎస్ సర్కార్ తమ పార్టీ, కుటుంబం కోసం రూ.1000 కోట్ల ‘కే’ పన్ను వసూలు చేస్తోందని ఆరోపణలు గుప్పించారు.

ఫ్యామిలీ ఫస్ట్, పీపుల్ లాస్ట్ అన్నదే బీఆర్ఎస్ ఎజెండా అని ఆయన ధ్వజమెత్తారు. ఈ విధానాన్నే తొమ్మిదేండ్లుగా బీఆర్ఎస్ అమలు చేస్తోందంటూ తీవ్ర స్థాయిలో విరుచుకు పడ్డారు. బీఆర్ఎస్ అంటే ‘ది లూట్ సూట్’సర్కార్ అంటూ తీవ్ర స్థాయిలో విరుచుకు పడ్డారు.

అంతకు ముందు కాంగ్రెస్ పై మంత్రి కేటీఆర్ తీవ్ర వ్యాఖ్యలు చేశారు. కర్ణాటక ప్రభుత్వంపై ఆయన విమర్శలు గుప్పించారు. అక్కడి ప్రభుత్వం రాజధాని బెంగళూరులో బిల్డర్లకు చదరపు అడుగుకు రూ. 500 చొప్పున పన్ను విధిస్తోందని అన్నారు.

ఇది ఒక ‘రాజకీయ ఎన్నికల పన్ను’అని ఆయన ఆరోపణలు చేశారు. గ్రాండ్ ఓల్డ్ పార్టీ కాంగ్రెస్ కాస్త ఇప్పుడు స్కామ్‌ల వారసత్వంతో స్కామ్ గ్రెస్‌గా మారిపోయిందంటూ ఎద్దేవా చేశారు. ఆ ట్వీట్ వైరల్ కావడంతో తాజాగా దానిపై కోమటి రెడ్డి స్పందించారు.