Breaking News

గ్రూప్-1 (Group-1) ప్రిలిమ్స్ రద్దుపై టీఎస్పీఎస్సీ అప్పీల్ కు వెళ్లడంతో హైకోర్టు (High Court)లో విచారణ జరిగింది. ఈ సందర్భంగా న్యాయస్థానం తీవ్ర ఆగ్రహం వ్యక్తం చేసింది. ఉద్యోగాలు రాక చాలామంది నిరుద్యోగులు ఆత్మహత్యలు చేసుకుంటున్నారని.. రాజ్యాంగబద్ధ వ్యవస్థ అయి ఉండి పరీక్షల నిర్వహణలో పదేపదే టీఎస్పీఎస్సీ (TSPSC) విఫలమవడం ఏంటని ప్రశ్నించింది.

మొదటిసారి పేపర్ లీకేజ్ తో పరీక్ష రద్దు చేశారు.. రెండోసారి నిర్వహించే సమయంలోనూ నిబంధనలు పాటించకుండా నిర్లక్ష్యం వహించారని మండిపడింది హైకోర్టు. గ్రూప్-1 రీ పరీక్షలో బయోమెట్రిక్ పెట్టకపోవడానికి కారణాలేంటో చెప్పాలని అడిగింది. మధ్యాహ్నం 2:30 లోపు టీఎస్పీఎస్సీ నుండి ఇన్ స్ట్రక్షన్స్ తీసుకోవాలని అడ్వకేట్ జనరల్ ను ఆదేశించింది హైకోర్టు.

గ్రూప్‌-1 ప్రిలిమ్స్‌ ను రద్దు చేస్తూ ఇటీవల హైకోర్టు సింగిల్‌ బెంచ్‌ తీర్పు ఇచ్చింది. దీనిపై తెలంగాణ ప్రభుత్వం డివిజన్ బెంచ్‌ లో సవాల్‌ చేసింది. ఈ సందర్భంగా ఎన్నిసార్లు నిర్లక్ష్యం వహిస్తారంటూ టీఎస్పీఎస్సీపై ఆగ్రహం చేసింది హైకోర్టు. ఒకసారి పేపర్‌ లీకేజీ, ఇప్పుడేమో బయోమెట్రిక్‌ సమస్య ఉందంటూ.. యువత జీవితాలతో ఆడుకుంటున్నారా? అని ఆగ్రహం వ్యక్తం చేసింది.

గ్రూపు-1 (Group-1) పరీక్షను రద్దు చేస్తూ హైకోర్టు (High Court) ఇచ్చిన తీర్పుపై టీఎస్పీఎస్పీ (Tspsc) హైకోర్టు డివిజన్ బెంచ్ ను ఆశ్రయించింది. ఈ మేరకు లంచ్ మోషన్ దాఖలు చేసింది. దీనిపై అత్యవసర విచారణ చేపట్టాలని డివిజన్ బెంచ్ ను టీఎస్పీఎస్సీ కోరింది. దీనిపై హైకోర్టు డివిజన్ స్పందించింది. ఈ పిటిషన్ పై మంగళవారం విచారణ చేపట్టనున్నట్టు పేర్కొంది.

ఇప్పటికే గ్రూపు-1 ప్రిలిమినరీ పరీక్ష ఓ సారి రద్దయింది. ఇటీవల రెండో సారి నిర్వహించిన ప్రిలిమినరీ పరీక్షను కూడా హైకోర్టు రద్దు చేయడంతో అభ్యర్థుల్లో ఆందోళన మొదలైంది. టీఎస్సీఎస్సీ తీరుపై అభ్యర్థులు, పలు రాజకీయ పార్టీలు ఆగ్రహం వ్యక్తం చేస్తున్నాయి. మరోవైపు ఈ పరీక్ష రద్దు నేపథ్యంలో అభ్యర్థులు కుంగిపోతున్నారు. ఈ పరిణామాలన్నింటి నేపథ్యంలో టీఎస్పీఎస్పీ హైకోర్టు డివిజన్ బెంచ్ ను ఆశ్రయించింది.

అంతకు ముందు ఉమ్మడి ఏపీలో ఉండగా చివరి నోటిఫికేషన్ ఇచ్చారు. అనంతరం రెండు దశాబ్దాల తర్వాత తెలంగాణలో గ్రూపు-2 నోటిఫికేషన్ ఇచ్చారు. దీంతో భారీగా అభ్యర్థులు దరఖాస్తు చేసుకున్నారు. సుదీర్ఘ కాలం తర్వాత నోటిఫికేషన్ విడుదల కావడంతో అభ్యర్థుల ఆనందానికి అవధులు లేకుండా పోయింది. అయితే ఆ సంతోషం ఎంతో సేపు నిలవలేదు.

గ్రూపు-1 ప్రిలిమ్స్ పరీక్షా పత్రాలు లీకేజీ వ్యవహారం వెలుగు చూసింది. ఈ క్రమంలో ప్రిలిమినరీ పరీక్షలను రద్దు చేస్తున్నట్టు ప్రకటించింది. ఆ తర్వాత ఈ ఏడాది జూన్ 11 న మరోసారి ప్రిలిమ్స్ పరీక్షలు నిర్వహించింది. ఈ పరీక్షకు 2,33,506 మంది అభ్యర్థులు హాజరవ్వగా అత్యధికంగా 52 వేల మంది పరీక్షకు గైర్హాజరయ్యారు. ఇటీవల రెండో సారి కూడా పరీక్షను రద్దు చేయడంతో అభ్యర్థుల్లో ఆందోళన మొదలైంది.

ఈ తొమ్మిదిన్నరేండ్లలో దేశంలో ప్రధాని మోడీ (PM Modi) ఎన్నో విప్లవాత్మక నిర్ణయాలను తీసుకున్నారని బీజేపీ (BJP) తెలంగాణ చీఫ్, కేంద్ర మంత్రి కిషన్ రెడ్డి (Kishan Reddy) అన్నారు. కేంద్రం అమలు చేస్తున్న పథకాలను ప్రజల్లోకి తీసుకు వెళ్లేందుకు తాము కృషి చేస్తున్నామని చెప్పారు. ఒక్క రూపాయి అవినీతి లేకుండా ప్రధాని మోడీ పాలన అందిస్తున్నారని వెల్లడించారు.

ప్రధాని మోడీ జన్మదినం సందర్భంగా సేవాపక్సం కార్యక్రమంలో భాగంగా బీజేపీ ఆధ్వర్యంలో అమీర్ పేట్‌లోని ఎంసీహెచ్ గురుగోవింద్ స్టేడియంలో రక్త దాన శిబిరాన్ని ప్రారంభించారు. ఈ సందర్బంగా ఆయన మాట్లాడుతూ…. ప్రధాని మోడీ జన్మదినాన్ని పురస్కరించుకుని ఈ నెల 17 నుంచి అక్టోబర్ 2 వరకు బీజేపీ ఆధ్వర్యంలో పలు కార్యక్రమాలను నిర్వహిస్తున్నామని చెప్పారు.

దేశ వ్యాప్తంగా అక్టోబర్​ 2న నిర్వహించే స్వచ్ఛ భారత్​ కార్యక్రమంలో ప్రతి ఒక్కరూ పాల్గోవాలని పిలుపునిచ్చారు. ఈ కార్యక్రమానికి సంబంధించి అక్టోబర్​ 1న అన్ని ప్రాంతాల్లో కార్యాచరణ రెడీ చేస్తామన్నారు. ఆరోజే ప్రధాని మోడీ హైదరాబాద్ కు వస్తారని అన్నారు. ఇక్కడ పలు అభివృద్ధి కార్యక్రమాలను ప్రధాని మోడీ ప్రారంభిస్తారని పేర్కొన్నారు.

అనంతరం పాలమూరు బహిరంగ సభలో ప్రధాని పాల్గొంటారన్నారు. అక్టోబర్​ 3న నిజామాబాద్​ బహిరంగ సభలో మోదీ పాల్గొంటారని వివరించారు. ప్రధాని మోడీ తొమ్మిదిన్నరేండ్ల పాలనలో కరోనాను సమర్థవంతంగా ఎదుర్కొన్నామన్నారు. ఉచిత వ్యాక్సిన్ అందించడం​, ఆర్టికల్​ 370 రద్దు చేయడం, నూతన విద్యా విధానం, జీఎస్టీ, ఉచిత బియ్యం పంపిణీ, ఉగ్రవాద నిర్మూళనకు కృషి చేశారన్నారు.

మహిళా బిల్లు (Woman Reservation Bill) ఆమోదం పొంది ఇతర దేశాల సరసన భారత్ (India) నిలిచిందంటే దానికి బీఆర్ఎస్ (BRS) పార్టీనే కారణమని ఎమ్మెల్సీ కవిత అన్నారు. దేశంలో మహిళా రిజర్వేషన్లను వెంటనే అమలు చేయాలని ఆమె డిమాండ్ చేశారు. మధ్య ప్రదేశ్‌కు రూ. 42 వేల కోట్ల విలువైన ప్రాజెక్టులను కేటాయించిన ప్రధాని తెలంగాణను ఎందుకు విస్మరించారని ఆమె నిలదీశారు.

కాళేశ్వరం ప్రాజెక్టుకు జాతీయ హోదా కల్పించడం, నిజామాబాద్ లో పసుపు ఏర్పాటు విషయంలో ప్రధాని తన నిర్ణయాన్ని ప్రకటించాలని ఆమె డిమాండ్ చేశారు. ప్రధాని మోడీ తెలంగాణ పర్యటనకు వచ్చే ముందే రాష్ట్రానికి కేంద్రం ఇచ్చిన హామీలన్నింటినీ అమలు చేయాలన్నారు. మహిళా రిజర్వేషన్ బిల్లుకు ఆమోదం తర్వాత మొదటి సారిగా నిజామాబాద్ జిల్లాకు వచ్చారు.

ఈ సందర్బంగా ఆమె మాట్లాడుతూ….. పార్లమెంట్ లో మహిళా బిల్లును ప్రవేశ పెట్టడం మరిచిపోయిందన్నారు. కానీ వాళ్లను బీఆర్ఎస్ నిద్రలేపిందన్నారు. ఈ బిల్లుపై కాంగ్రెస్ తప్పనిసరిగా మాట్లాడాల్సిన పరిస్థితిని బీఆర్ఎస్ తీసుకు వచ్చిందన్నారు. ఓబీసీలకు రిజర్వేషన్లు కల్పించాలని కాంగ్రెస్ ఇప్పుడు మాట్లాడుతోదని ఆమె ఎద్దేవా చేశారు. కాంగ్రెస్ కు ఆ ఆలోచన ఉండి వుంటే రెండు దశాబ్దాల క్రితమే బీసీ, ఎస్సీ, ఎస్టీలకు న్యాయం జరిగి వుండేదన్నారు.

గత పదేండ్ల కాలంలో ప్రజా ఆశీర్వాదంతో తెలంగాణలో బీఆర్ఎస్ పాలన చేస్తోందన్నారు. ఇన్నేండ్ల తమ పాలనలో ఒక్క మత కల్లోలం కూడా జరగలేదన్నారు. దేశంలో పరిస్థితులు వున్నా తెలంగాణలో మాత్రం శాంతి భద్రతలు సజావుగానే వున్నాయన్నారు. అందువల్లే రాష్ట్రానికి భారీగా పెట్టుబడులు వస్తున్నాయన్నారు. దీంతో రాష్ట్రంలో యువతకు ఉద్యోగావకాశాలు పెరిగాయన్నారు.

రాష్ట్రంలో కాంగ్రెస్ అధికారంలోకి వస్తుందన్న రాహుల్ గాంధీ వ్యాఖ్యలను ఆమె ఎద్దేవా చేశారు. ఇన్ని అద్బుతమైన అభివృద్ధి పనులను తమ ప్రభుత్వం చేస్తుంటే కాంగ్రెస్ అధికారంలోకి వస్తుందని చెబుతుంటే నవ్వాలో, ఏడ్వాలో తెలియడం లేదన్నారు. తెలంగాణలో కాంగ్రెస్ అధికారంలోకి రావడం తన స్వప్నమని సోనియా గాంధీ చెప్పిన విషయాన్ని ఆమె గుర్తు చేశారు. అధికారంలోకి రావడం స్వప్నం ఉండవద్దన్నారు. తెలంగాణ దళితులు, మైనారిటీలు, బలహీన వర్గాలు, మహిళలు, యువకులు మరింత అభివృద్ధి చెందాలన్న స్వప్నం ఉండాలని చురకలంటించారు.