Breaking News

తెలంగాణ (Telangana) లోనూ కర్ణాటక తరహా వ్యూహాన్ని కాంగ్రెస్ అనుసరిస్తోంది. కర్ణాటక ప్రభుత్వంపై ఉపయోగించిన ‘కమీషన్ సర్కార్’ అస్త్రాన్ని ఇక్కడ కూడా సంధిస్తోంది. తాజాగా ‘కల్వకుంట్ల క్రియేటివ్స్ వారి కమీషన్ కాకతీయ’అంటూ బీఆర్ఎస్ (BRS) సర్కార్ పై తీవ్ర స్థాయిలో ధ్వజమెత్తింది. అది మిషన్ కాకతీయ కాదు కమీషన్ కాకతీయ అంటూ తీవ్ర విమర్శలు గుప్పించింది.

తెలంగాణ సర్కార్ తీసుకు వచ్చిన ఈ మిషన్ కాకతీయ పథకం భారీ కుంభకోణానికి తెరలేపిందని కాంగ్రెస్ ఆరోపణలు చేస్తోంది. ఈ పథకం కింద ఇరిగేషన్ ట్యాంకుల పునరుద్ధరణ పేరిట స్థానిక టీఆర్ఎస్ నాయకులు కాంట్రాక్టులు దక్కించుకున్నారని ఆరోపిస్తోంది. బీఆర్ఎస్ నాయకుల దోపిడీ ఈ పథకం సహయపడిందని విమర్శలు గుప్పించింది.

ఈ పథకం కింద నాసిరకం పనులు చేపట్టారని, మొబిలైజేషన్ అడ్వాన్సుల పేరిట కాంట్రాక్టర్లకు పంచారని తీవ్రంగా మండిపడింది. ఇక ఇంటింటికి తాను నీరంటూ రూ 42 వేల కోట్లు ప్రభుత్వం ఖర్చు చేసిందన్నారు. కానీ అనుకున్న లక్ష్యం నెరవేరక, మెజారిటీ ఇండ్లకు నీళ్లు అందక పోవడంతో ఈ పథకం పెద్ద కుంభకోణంగా మారిందని తీవ్ర ఆగ్రహం వ్యక్తం చేసింది.

ఇక ఇది ఇలా వుంటే ట్విట్టర్ లో ‘బుక్ మై సీఎం’ అంటూ ఫోటోస్ పెట్టింది. కల్వకుంట్ల క్రియేటివ్స్ వారి కమీషన్ కాకతీయ అంటూ టైటిల్ పెట్టింది. ఈ పథకం కింద కాంట్రాక్టర్లు చెరువులు తవ్వితే కేసీఆర్ కమీషన్లు తోడారంటూ ట్యాగ్ లైన్స్ పెట్టింది. ఈ పోస్టు ఇప్పుడు తెగ వైరల్ అవుతోంది.

మహారాష్ట్ర (Maharastra) లో మావోయిస్టు (Maoist) ల కుట్రను పోలీసులు భగ్నం చేశారు. గడ్చి రోలీ జిల్లా బెడెన్ ఘాట్ అటవీ ప్రాంతంలో భారీగా మందు పాతరల ( Land mine) ను పోలీసులు గుర్తించారు. కుర్కెడా సబ్ డివిజన్ లోని బెడెన్ ఘాట్ అటవీ ప్రాంతంలో సెర్చ్ ఆపరేషన్ నిర్వహిస్తున్న సమయంలో ఈ మందుపాతరలను గుర్తించినట్టు పోలీసులు వెల్లడించారు.

మావోయిస్టుల వారోత్సవాల నేపథ్యంలో మందు పాతరలను గుర్తించడం ఆందోళన కలిగిస్తోంది. వారోత్సవాల నేపథ్యంలో పెద్ద ఎత్తున దాడులకు పాల్పడేందుకు మావోలు కుట్రలు పన్ని వుంటారని పోలీసులు అనుమానిస్తున్నారు. అందుకే ఈ మందుపాతరలను పాతి పెట్టి వుంటారని చెబుతున్నారు. అటవీ ప్రాంతంలో పోలీసు బలగాలపై దాడి చేసి భారీ విద్వంసం సృష్టించాలని మావోలు కుట్రపని వుంటారని అంటున్నారు.

సెర్చ్ ఆపరేషన్ నిర్వహిస్తున్న సమయంలో డీఎస్ఎండీ డివైజ్ తో ఈ మందు పాతరను గుర్తించారు. అనంతరం ఈ సమాచారాన్ని జిల్లా అదనపు ఎస్పీ(ఆపరేషన్స్)కు సమాచారం అందించారు. దీంతో బీడీడీఎస్ బృందాన్ని ఘటనా స్థలానికి పంపించారు. ఆ తర్వాత అక్కడ నాలుగు పౌచ్ లను పోలీసులు గుర్తించారు.

ఆ గుంతలో ఒకటి న్నర నుంచి రెండు ఫీట్ల లోతులో పేలుడు పదార్థాలను పాతి పెట్టారని చెప్పారు. మావోయిస్టులు లొంగిపోయి జన జీవన స్రవంతిలో కలిసి పోవాలని ఈ సందర్బంగా పోలీసులు సూచించారు. ఇప్పటికైనా మావోలు హింసా మార్గాన్ని వీడి గౌరవప్రదమైన జీవితాన్ని గడపాలన్నారు.

-జీ-20 సందర్భంగా లక్షకు పైగా ప్రతినిధులు వచ్చారు
-రానున్నది పండుగల సమయం
– పండుగల వేళ మేడ్ ఇన్ ఇండియా గిఫ్లులనే కొందాం
-విశ్వవ్యాప్తమైన భారత సంగీతం
-ఘోడా లైబ్రరీ గురించి ప్రస్తావన
-చంద్రయాన్-3, జీ-20పై ప్రశంసలు
-మన్ కీ బాత్ లో ప్రధాని మోడీ

ఇండియా- మిడిల్ ఈస్ట్- యూరప్ ఎకనామిక్ కారిడార్ (Corridor) అనేది రాబోయే వంద సంవత్సరాల పాటు ప్రపంచ వాణిజ్యానికి ఆధారం కానుందని ప్రధాని మోడీ (PM Modi) అన్నారు. ఈ కారిడర్ భారత గడ్డపై ప్రారంభించబడిందని చరిత్ర ఎప్పుడూ గుర్తు పెట్టుకుంటుందని తెలిపారు. అతి తక్కువ పెట్టుబడితో అతి ఎక్కువ మందికి టూరిజం సెక్టార్ (Tourism Sector) ఉద్యోగాలు కల్పిస్తోందని వెల్లడించారు.

మన్ కీ బాత్ 105వ ఎపిసోడ్ లో ప్రధాని మోడీ ఈ రోజు ప్రసంగించారు. చంద్రయాన్ ల్యాండర్ జాబిల్లిపై దిగబోతున్న సమయంలో ప్రపంచ వ్యాప్తంగా కోట్లాది మంది ప్రజలు ఆ క్షణాలను వివిధ మాధ్యమాల ద్వారా తిలకించారని చెప్పారు. సుమారు 80 లక్షల మంది ఇస్రో యూట్యూబ్ ఛానెల్ లో చంద్రయాన్ ను వీక్షించాని తెలిపారు. తనకు ప్రధానంగా రెండు అంశాలపై భారీగా లేఖలు వచ్చాయన్నారు. అందులో చంద్రయాన్-3, జీ-20పైన ఎక్కువగా లేఖలు వున్నాయన్నారు.

చంద్రయాన్-3 విజయం, జీ-20 సమావేశాల నిర్వహణ ప్రతి భారతీయుడి సంతోషాన్ని రెటింపు చేసిందన్నారు. ఈ సమావేశాల్లో భారత మండపం ఒక సెలబ్రిటీలాగా మారిందన్నారు. చాలా మంది ఆ మండపం వద్ద సెల్ఫీలు తీసుకున్నారని, గర్వంగా వాటిని సామాజిక మాధ్యమాల్లో షేర్ చేశారన్నారు. జీ-20 యూనివర్శిటీ కనెక్ట్ ప్రోగాం, చంద్రయాన్-3 మహా క్విజ్ లో పాల్గోవాలని కోరారు.

భారత్ పట్ల ప్రపంచ దేశాలకు పెరిగిన ఆసక్తి….!

ఈ నెల 27న ప్రపంచ పర్యాటక దినోత్సవాన్ని నిర్వహించనున్నారు. ఈ నేపథ్యంలో ప్రధాని మాట్లాడుతూ….గత కొన్నేండ్లలో భారత్ పట్ల ప్రపంచ దేశాలకు ఆసక్తి పెరిగిందన్నారు. జీ-20 సందర్బంగా సుమారు లక్షకు పైగా ప్రతినిధులు భారత్ ను సందర్శించారన్నారు. ఇటీవల కర్ణాటకలోని శాంతినికేతన్, హోయసల దేవాలయాలను యునెస్కో ప్రపంచ వారసత్వ జాబితాలో చేర్చిన విషయాన్ని ప్రధాని గుర్తు చేశారు. తక్కువ పెట్టుబడితో అత్యధిక ఉపాధిని కల్పించే రంగమేదైనా వుంటే అది టూరిజం సెక్టార్ మాత్రమేనన్నారు. ఏ దేశం పట్లనైనా సద్భావన, ఆకర్షణ చాలా ముఖ్యమన్నారు.

ఘోడా లైబ్రరీ గురించి ప్రస్తావన….!

పుస్తకాల ప్రాముఖ్యత గురించి ప్రధాని మోడీ వివరించారు. ఉత్తరాఖండ్‌లోని ‘ఘోడా లైబ్రరీ’ ప్రయత్నాలను ప్రధాని ప్రశంసించారు. అత్యంత మారుమూల ప్రాంతాల్లోని పిల్లలకు సైతం ఉచితంగా పుస్తకాలను చేరవేయడం ఈ లైబ్రరీకి వున్న అతిపెద్ద విశిష్టత అని కొనియాడారు. ఇప్పటి వరకు నైనిటాల్ లోని 12 గ్రామాలకు ఈ లైబ్రరీ పుస్తకాలను అందజేస్తోందన్నారు.

మేడ్ ఇన్ ఇండియా గిఫ్లులనే కొనండి…!

దేశంలో ఇప్పుడు పండుగల సమయం వస్తోందన్నారు. ఈ పండుగల సందర్భంలో వీలైనంత వరకు మేడ్ ఇన్ ఇండియా వస్తువులనే వినియోగించాలని, వాటినే గిఫ్టులుగా ఇవ్వాలని పిలుపునిచ్చారు. మీ ఈ చిన్న ఆనందం మరో కుటుంబానికి పెద్ద సంతోషాన్ని ఇస్తుందని ప్రధాని సూచించారు. మీరు కొనే ఈ వస్తువుల ద్వారా ఈ దేశ శ్రామికులు, హస్త కళాకారులు, విశ్వకర్మ సోదర సోదరీమణులు ఇతరులు ప్రత్యక్షంగా లాభం పొందుతారన్నారు.

భారతీయ సంగీతం గురించి ప్రస్తావించిన ప్రధాని…!

భారతీయ సంస్కృతి, సంగీతం ఇప్పుడు విశ్వవ్యాప్తం అయ్యాయన్నారు. ప్రపంచవ్యాప్తంగా వున్న ప్రజల్లో భారతీయ సంగీతం పట్ల ఆసక్తి పెరిగిపోతోందన్నారు. ఓ మ్యూజిక్ ను ప్లే చేస్తూ…. ఎంత మధురమైన స్వరం అని ప్రశంసించారు. ఆమె ప్రతి మాటలో ప్రతిబింబించే భావోద్వేగాల ద్వారా, భగవంతునిపై ఆమెకున్న ప్రేమను మనం అనుభూతి చెందగలమన్నారు. ఈ శ్రావ్యమైన స్వరం జర్మనీకి చెందిన ఒక కూతురికి చెందినదని అన్నారు. బహుశా ఆమె పేరు విని మీరు మరింత ఆశ్చర్యపోతారు! అని తెలిపారు.ఆమే పేరు – కసాండ్రా మే స్పిట్‌మాన్ అని వివరించారు.

రెజ్లర్ల (Wrestlers) పై లైంగిక వేధింపుల కేసులో ఢిల్లీ పోలీసులు కోర్టుకు సంచలన విషయాలు వెల్లడించారు. అవకాశం దొరికిన ప్రతిసారీ మహిళా రెజ్లర్లను రెజ్లింగ్ సమాఖ్య (WFI) మాజీ చీఫ్ బ్రిజ్ భూషణ్ (Brij Bushan Sharan Singh) లైంగిక వేధింపులకు గురి చేశారని పోలీసులు వెల్లడించారు. దీనికి సంబంధించి తగిన ఆధారాలను తాము సేకరించామని పేర్కొన్నారు. అన్ని తెలిసే ఆయన ఈ పనులు చేశారని చెప్పారు.

ఈ సందర్బంగా తజకిస్తాన్‌లో జరిగిన ఘటన గురించి ఓ మహిళా రెజ్లర్ ఇచ్చిన ఫిర్యాదును కోర్టు దృష్టికి తీసుకు వెళ్లారు. తజకిస్తాన్‌లో ఆసియా క్రీడల ఈవెంట్స్ జరిగిన సమయంలో ఆ మహిళా రెజ్లర్ ను బ్రిజ్ భూషణ్ తన గదికి పిలిపించుకున్నారని చెప్పారు. అక్కడ ఆమెను బ్రిజ్ భూషణ్ బలవంతంగా కౌగిలించుకున్నాడని తెలిపారు. దీంతో ఆయన చర్యను ఆ రెజ్లర్ వ్యతిరేకించిందన్నారు.

ఈ నేపథ్యంలో బ్రిజ్ భూషణ్ తప్పించుకునే ప్రయత్నం చేశాడన్నారు. తాను ఓ తండ్రి స్థానంలో వుండి ఆమెను కౌగిలించుకున్నానని చెప్పాడన్నారు. ఈ ఘటనలో బాధితురాలు స్పందించిందా లేదా అన్నది ప్రశ్న కాదన్నారు. అదే సమయంలో మరో మహిళా రెజ్లర్ పట్ల కూడా బ్రిజ్ భూషణ్ అనుచితంగా ప్రవర్తించాడన్నారు.
తజకిస్తాన్ లోని ఓ హోటల్ లో తను చొక్కాను పైకెత్తి తనతో బ్రిజ్ భూషణ్ అసభ్యంగా ప్రవర్తించాడని మరో మహిళా రెజ్లర్ ఫిర్యాదు చేసిందన్నారు.

ఈ ఘటనలను బట్టి చూస్తే బ్రిజ్ భూషణ్ అవగాహనతోనే పూర్తి స్పృహలో వుండే ఆ పనులు చేశారని పోలీసులు అన్నారు. బ్రిజ్ భూషణ్ తమను లైంగికంగా వేధిస్తున్నారంటూ ఓ బాలికతో పాటు మరో ఐదుగురు ఢిల్లీ పోలీసులకు ఫిర్యాదు చేశారు. దీంతో పోలీసులు ఆయనపై పోక్సో చట్టంతో పాటు మరికొన్ని సెక్షన్ల కింద కేసులు నమోదు చేశారు. ఆ తర్వాత బాలిక ఫిర్యాదును వెనక్కి తీసుకోవడంతో ఆయనపై పొక్సో కేసును ఎత్తి వేశారు.

దేశ వ్యాప్తంగా ఒకే సారి తొమ్మిది వందే భారత్ రైళ్ల (Vande Barath Trains) ను ప్రధాని మోడీ (PM MOdi)ప్రారంభించారు. ఈ వందే భారత్ రైళ్లను ఈ రోజు మధ్యాహ్నం 12.30 గంటలకు ప్రధాని మోడీ వర్చువల్ (Virtual) గా జెండా ఊపి ప్రారంభించారు. ఈ నూతన రైళ్ల రాకతో పలు రాష్ట్రాల మధ్య కనెక్టివిటీ పెరగనుంది. పలు రాష్ట్రాల మధ్య ప్రయాణ సమయం తగ్గనుంది.

వందే భారత్ రైళ్లను ప్రారంభించిన అనంతరం ప్రధాని మోడీ మాట్లాడుతూ…… 140 కోట్ల మంది భారతీయుల ఆకాంక్షలకు అనుగుణంగా మౌలిక సదుపాయాల వృద్ధి జరుగుతోందన్నారు. దేశంలో ఇప్పటికే 25 వందే భారత్ రైళ్లు సేవలు అందిస్తున్నాయని చెప్పారు. తాజాగా మరో తొమ్మిది రైళ్లు ఈ జాబితాలో చేరాయని పేర్కొన్నారు. దేశంలోని అన్ని ప్రాంతాలను ఈ వందే భారత్ రైళ్లు కలిపే రోజులు ఎంతో దూరంలో లేవన్నారు.

ప్రధాని మోడీ ప్రారంభించిన వందే భారత్ రైళ్లలో ఉదయ్ పూర్- జైపూర్, తిరున్యవేలీ- చెన్నై, హైదరాబాద్- బెంగళూరు, విజయవాడ-చెన్నై, పాట్నా-హౌరా, కాసర్ గఢ్-తిరువనంతపురం, రూర్కెలా-భువనేశ్వర్, రాంచీ-హౌరా, జామ్ నగర్- అహ్మదాబాద్ ఉన్నాయి. ఈ నూతన రైళ్లతో ఆయా మార్గాల్లో ప్రయాణ సమయం సుమారు రెండు నుంచి మూడు గంటలు తగ్గనుంది.

ఇది ఇలా వుంటే గత తొమ్మిదేండ్లలో దేశంలో రైల్వే వ్యవస్థలో ప్రధాని మోడీ అసాధారణ మార్పులు తీసుకు వచ్చారని కేంద్ర మంత్రి అశ్వినీ వైష్ణ్ అన్నారు. ఇప్పుడు దేశంలోని రైల్వే స్టేషన్లు అన్నీ అత్యంత క్లీన్ గా నూతన సౌకర్యాలతో కలకలలాడుతున్నాయని వెల్లడించారు.

బీజేపీ (BJP) పై కాంగ్రెస్ (Congress) అగ్రనేత రాహుల్ గాంధీ (Rahul Gandhi) మరోసారి తీవ్రంగా విరుచుకుపడ్డారు. కాషాయ పార్టీ తన శాసన సభ్యులు రమేశ్ బిదూరీ (Ramesh Bidhuri), నిషికాంత్ దూబేల (Nishikanth Dubey) ద్వారా వివాదాలను సృష్టించి కుల గణన నుంచి ప్రజల దృష్టిని మరల్చేందుకు ప్రయత్నాలు చేస్తోందని ఆయన ఆరోపణలు గుప్పించారు.

న్యూ ఢిల్లీలో నిర్వహించిన మీడియా సమావేశంలో ఆయన మాట్లాడుతూ…… తెలంగాణలో కాంగ్రెస్ విజయం సాధించబోతోందన్నారు. మధ్య ప్రదేశ్, ఛత్తీస్ గఢ్ ఎన్నికల్లో తమ పార్టీ ఖచ్చితంగా గెలుస్తుందన్నారు. రాజస్థాన్ లో తాము విజయానికి దగ్గరగా వున్నామని చెప్పారు. అక్కడ కూడా తాము గెలిచే అవకాశాలు వున్నాయని చెప్పారు.

కర్ణాటక ఎన్నికల్లో ప్రజల దృష్టిని మరల్చి విజయం సాధించాలని ప్రయత్నించిందన్నారు. ఇటీవల లోక్ సభలో బీఎస్పీ ఎంపీ డానీష్ అలీపై బీజేపీ ఎంపీ రమేష్ బిదూరీ తీవ్ర వ్యాఖ్యలు చేశారు. డానిష్ అలీని ముల్లా టెర్రరిస్టు అంటూ రమేష్ బిదూరీ తీవ్ర వ్యాఖ్యలు చేశారు. దీనిపై ప్రతిపక్షాలు తీవ్ర స్థాయిలో మండిపడ్డాయి. ఆయనపై చర్యలు తీసుకోవాలని డిమాండ్ చేశాయి.

ఈ నేపథ్యంలో ఇటీవల బీఎస్పీ ఎంపీ డానిష్ అలీని కాంగ్రెస్ అగ్రనేత రాహుల్ గాంధీ, కాంగ్రెస్ సీనియర్ నేత కేసీ వేణుగోపాల్ కలిశారు. రమేష్ బిదూరీపై చర్యలు తీసుకోకపోతే తాను తన లోక్ సభ సభ్యత్వానికి రాజీనామా చేస్తానంటూ డానిష్ అలీ ప్రకటించిన కొద్ది సేపటికే ఆయన్ని ఆ ఇద్దరు నేతలు కలుసుకోవడం ప్రాధాన్యత సంతరించుకుంది.