Breaking News

బీజేపీ (BJP) నేతృత్వంలోని ఎన్డీఏ (NDA) కూటమిలో మరో పార్టీ చేరింది. కర్ణాటకకు చెందిన జనతాదళ్ సెక్యులర్ (JDS)ఎన్డీయేలో చేరుతున్నట్టు ప్రకటించింది. మాజీ ప్రధాని, జేడీఎస్ అధినేత దేవేగౌడ, ఆయన కుమారుడు కుమారస్వామి కేంద్ర హోం మంత్రి అమిత్ షాతో భేటీ అయ్యారు. భేటీ అనంతరం ఎన్డీఏ కూటమిలో చేరుతున్నట్టు జేడీఎస్ నేత, మాజీ సీఎం కుమార స్వామి ప్రకటించారు.

గత కొంత కాలంగా బీజేపీతో జేడీఎస్ పొత్తుపై వార్తలు వచ్చాయి. దీన్ని జేడీఎస్ నేత కుమార స్వామి ఖండించారు. ఆ తర్వాత ఇరు పార్టీల మధ్య చర్చలు జరుగుతున్న మాట నిజమేనని కుమార స్వామి చెప్పారు. తాజాగా ఈ రోజు రెండు పార్టీల మధ్య పొత్తు కుదిరినట్టు వెల్లడించారు. ఇరు పార్టీల మధ్య సీట్ల కేటాయింపుల గురించి చర్చలు జరుగుతున్నట్టు తెలిపారు.

జేడీఎస్ నేతలతో సమావేశానికి సంబంధించి ఫోటోలను బీజేపీ జాతీయ అధ్యక్షుడు జేపీ నడ్డా షేర్ చేశారు. ఎన్డీఏలో చేరాలని జేడీఎస్ నిర్ణయించిందని ఆయన తెలిపారు. ఈ నిర్ణయం పట్ల తాను సంతోషంగా వున్నట్టు నడ్డా వెల్లడించారు. జేడీఎస్ నేతలకు కూటమిలోకి సాదరంగా స్వాగతం పలుకుతున్నట్టు చెప్పారు. జేడీఎస్ చేరిక ఎన్డీఏను మరింత బలోపేతం చేస్తుందన్నారు.

మరోవైపు దీనిపై కేంద్ర హోం మంత్రి అమిత్ షా స్పందించారు. కర్ణాటక మాజీ ముఖ్యమంత్రి కుమార స్వామితో బీజేపీ జాతీయ అధ్యక్షుడు జేపీ నడ్డాతో కలిసి సమావేశం అయినట్టు ట్వీట్ చేశారు. ఎన్డీఏలో చేరాలన్న జేడీఎస్ నిర్ణయాన్ని తాను స్వాగతిస్తున్నట్టు ట్వీట్ చేశారు. ఈ సమావేశంలో బీజేపీ జాతీయ అధ్యక్షుడు జేపీ నడ్డా, గోవా సీఎం ప్రమోద్ సావంత్ పాల్గొన్నట్టు చెప్పారు.

మధ్యప్రదేశ్‌ (Madhya Pradesh)లోని ఓం కారేశ్వర్ (Omkareshwar)లో 108 అడుగుల ఆది శంకరాచార్యుల (Adhishankara Charya) లోహపు విగ్రహాన్ని ఆ రాష్ట్ర సీఎం శివరాజ్ సింగ్ చౌహాన్ (Shivaraj singh Chouhan) ఆవిష్కరించారు. ప్రముఖ జ్యోతిర్లింగం ఓం కారేశ్వర్‌లో నర్మదా నది ఒడ్డున దీన్ని నిర్మించారు. మాందా కొండపై ఈ లోహపు విగ్రహాన్ని నిర్మించారు. విగ్రహాన్ని ఆవిష్కరించిన అనంతరం సీఎం శివరాజ్ సింగ్ చౌహాన్ మాట్లాడారు.

ఇది ఒక గొప్ప చారిత్రక సందర్భమని ఆయన అన్నారు. ఆదిశంకరాచార్యులు కేరళలో జన్మించారన్నారు. వేదాల సారన్ని సామాన్యులకు అందజేసేందుకు ఆయన ఎంతో కృషి చేశారని తెలిపారు. దేశం నలుమూలల ఆయన నాలుగు ఆశ్రమాలను ఏర్పాటు చేశారని చెప్పారు. ఈ సందర్బంగా ఈ భారీ విగ్రహం వద్ద సీఎం ప్రత్యేక పూజలు నిర్వహించారు.

ఇక భారత్ లోనే కాకుండా ప్రపంచంలోనే ఎత్తైన విగ్రహం ఐక్యతా విగ్రహం. దీన్ని గుజరాత్ లో 597 అడుగుల ఎత్తులో దీన్ని నిర్మించారు. నర్మదా నది తీరంలో కెవడియా ప్రాంతంలో ఈ విగ్రహాన్ని ఏర్పాటు చేశారు. 2013లో ఈ విగ్రహానికి శంకుస్థాపన చేశారు. ఈ విగ్రహం తయారీకి మొత్తం దాదాపు రూ. 2,389 కోట్లను ప్రభుత్వం ఖర్చు చేసింది.

ఆ తర్వాత భారత్ లో రెండో అతి పెద్ద విగ్రహం సమతా మూర్తి విగ్రహం. దీన్ని రంగారెడ్డి జిల్లా శంషాబాద్‌ పరిధిలోని ముచ్చింతల్‌ లో నిర్మించారు. సమతా మూర్తి విగ్రహాన్ని 216 అడుగుల ఎత్తులో నిర్మించారు. ఈ విగ్రహాన్ని గతేడాది ఫిబ్రవరి 5న వసంత పంచమి పర్వదినం సందర్భంగా ప్రధాని మోడీ ఆవిష్కరించారు. దీన్ని పంచలోహాలతో నిర్మించారు.

ఆ తర్వాత స్థానంలో అంబేడ్కర్ విగ్రహం నిలిచింది. హైదరాబాద్ ట్యాంక్ బండ్ పక్కనే విగ్రహాన్ని ఏర్పాటు చేశారు. 11.80 ఎకరాల్లో దీన్ని నిర్మించారు. 125 అడుగుల ఎత్తులో నిర్మించిన ఈ విగ్రహం దేశంలోనే అతి పెద్ద అంబేడ్కర్ విగ్రహంగా చరిత్ర సృష్టించింది. ఈ ప్రాజెక్టులో మొత్తం 791 టన్నుల స్టీల్ ను ఉపయోగించారు. ఇక నాల్గవ స్థానంలో రాజస్థాన్‌లోని శివుడి విగ్రహం (స్టాట్యూ ఆఫ్ బిలీఫ్) ఉంది.

రాజస్థాన్ లోని నాథ్‌ద్వారా వద్ద ఈ విగ్రహాన్ని నిర్మించారు. ఈ విగ్రహం ఎత్తు 369 అడుగులు. ఆ తర్వాత స్థానాల్లో ఏపీలోని వంశధార నది సమీపంలో నిర్మించిన హనుమాన్ విగ్రహం, కర్ణాటకలోని తుమకూరు జిల్లా కునిగల్‌లో 161 అడుగులు, తమిళనాడులోని ముతుమలై మురుగన్ విగ్రహం 146 అడుగులు, యూపీలోని వేష్ణో దేవి విగ్రహం 141 అడుగులు, ఏపీలోని పరిటాలలో 135 అడుగులు, తమిళనాడులోని తిరువల్లూర్ విగ్రహం 135 అడుగులు వున్నాయి.

పార్లమెంట్‌ (Parliament ) లో మహిళా రిజర్వేషన్ బిల్లు (Woman Resrvation Bill) ఆమోదం పొందిన నేపథ్యంలో దేశంలోని మహిళందరికీ ప్రధాని మోడీ అభినందనలు తెలిపారు. నిన్న, మొన్న కొత్త చరిత్ర సృష్టించడం మనమంతా చూశామని మోడీ అన్నారు. ఆ చరిత్ర సృష్టించే అవకాశాన్ని తనకు కోట్లాది మంది అందించడం తన అదృష్టమన్నారు.

మహిళా రిజర్వేషన్ బిల్లుకు పార్లమెంట్ లో ఆమోదం లభించిన నేపథ్యంలో ఢిల్లీలోని బీజేపీ కేంద్ర కార్యాలయంలో సభ ఏర్పాటు చేశారు. ఈ సభలో పాల్గొన్న ప్రధాని మోడీ మాట్లాడుతూ….. భారీ మెజార్టీతో బలమైన ప్రభుత్వాన్ని ఎన్నుకోవడం వల్లే ఈ రోజు మహిళా రిజర్వేషన్ బిల్లు లాంటి చారిత్రక బిల్లుకు ఆమోదం లభించిందన్నారు.

లోక్ సభతో పాటు రాష్ట్ర అసెంబ్లీల్లో మహిళలకు రిజర్వేషన్ కల్పించే అంశంపై మూడు దశాబ్దాలుగా చర్చ జరుగుతోందన్నారు. గత ప్రభుత్వాలు ఈ బిల్లు పట్ల నిబద్దతతో పని చేయలేదన్నారు. కొన్ని సార్లు మహిళలు అవమానికి గురయ్యారని చెప్పారు. ఈ చట్టంం ద్వారా ప్రజాస్వామ్యంలో మహిళల భాగస్వామ్యాన్ని పెంపొందించేందుకు గత మూడేండ్లుగా బీజేపీ ప్రయత్నాలు చేస్తోందని ప్రధాని వెల్లడించారు.

ఇది మహిళా సాధికారత పట్ల తమకు ఉన్న నిబద్ధత అని ఆయన వ్యాఖ్యానించారు. ఈ రోజు ఆ స్వప్నాన్ని నెరవేర్చామన్నారు. ట్రిపుల్ తలాఖ్ ఆచారాన్ని రూపు మాపేందుకు ప్రత్యేక చట్టాన్ని తీసుకు వచ్చామన్నారు. కొన్ని చట్లాలకు దేశ స్థితిగతులనే మార్చే పవర్ ఉంటుందన్నారు. మహిళా రిజర్వేషన్ బిల్లు కూడా అలాంటిదేనని ఆయన పేర్కొన్నారు.

మహిళా రిజర్వేషన్ బిల్లు సాధారణ చట్టం కాదన్నారు. ఇది నూతన ప్రజాస్వామ్య నిబద్ధకు నిలువుటద్దమన్నారు. ఈ చట్టం మహిళల్లో మనోధైర్యాన్ని నింపుతుందన్నారు. గతంలో మహిళా బిల్లును వ్యతిరేకించిన వాళ్లే ఇప్పుడు మహిళల శక్తిని తెలుసుకుని మద్దతిచ్చారన్నారు. మహిళా సంకెళ్లను తెంచేందుకు ఎన్డీఏ సర్కార్ ఎన్నో సంక్షేమ పథకాలు తీసుకువచ్చిందన్నారు.

టీవీ ఛానెల్స్‌ (Tv Channels) కు సమాచార ప్రసార మంత్రిత్వ ( Infomation And Broadcasting Ministry) శాఖ కీలక సూచనలు చేసింది. ఉగ్రవాదంతో సహా తీవ్రమైన నేరాలకు పాల్పడే వ్యక్తులకు లేదా చట్టం ద్వారా నిషేధానికి గురైన వ్యక్తులను ఇంటర్వ్యూ చేయడం, వారితో చర్చలు చేపట్టడం వంటివి చేయరాదని ఆదేశాలు జారీ చేసింది.

ఇటీవల ఖలిస్తానీ ఉగ్రవాది, సిఖ్ ఫర్ జస్టిస్ ప్రతినిధి ఫక్త్వుంక్ పన్నూను ఓ న్యూస్ ఛానెల్ ఇంటర్వ్యూ చేసింది. ఈ నేపథ్యంలో కేంద్రం ఈ మేరకు నూతన మార్గదర్శకాలు విడుదల చేసింది. దేశ సార్వభౌమత్వానికి , సమగ్రతకు, భారతదేశ భద్రతకు హాని కలిగించే పన్నూ వ్యాఖ్యలు వున్నాయని కేంద్రం పేర్కొంది. ఇవి దేశంలో శాంతి భద్రతలకు భంగం కలిగించే అవకాశం ఉందని ఆందోళన వ్యక్తం చేసింది.

చట్ట ప్రకారం భారత్ లో నిషేధానికి గురైన ఓ సంస్థకు చెందిన వ్యక్తి, తీవ్రవాదంతో సహా పలు తీవ్ర నేరారోపణలు ఎదుర్కొంటున్న విదేశీ వ్యక్తిని ఇటీవల ఓ టెలివిజన్ ఛానెల్ లో చర్చకు ఆహ్వానించిన విషయం తమ దృష్టికి వచ్చినట్టు కేంద్రం పేర్కొంది. విదేశాలతో భారత స్నేహపూర్వక సంబంధాలకు హాని కలిగించే సదరు వ్యక్తి వ్యాఖ్యలు చేశాడని చెప్పింది.

మీడియా స్వేచ్ఛను కేంద్రం సమర్థిస్తుందని తెలిపింది. రాజ్యాంగం ద్వారా మీడియాకు సంక్రమించిన హక్కులను కేంద్రం గౌరవిస్తుందని పేర్కొంది. అదే సమయంలో టీవీ ఛానెల్స్ ప్రసారాలు కేబుల్ టీవీ నెట్ వర్క్స్ (రెగ్యులేషన్) యాక్ట్ ,1995కు అనుగుణంగా వుండాలని సూచించింది. నిబంధనలు ఉల్లంఘించిన వారిపై చట్ట ప్రకారం చర్యలు తీసుకుంటామని హెచ్చరించింది.

సీఎం స్టాలిన్ కుమారుడు, మంత్రి ఉదయనిధి స్టాలిన్‌ (Udayanidhi Stalin) కు సుప్రీం కోర్టు (Supreme Court) షాక్ ఇచ్చింది. ఆయనతో పాటు, తమిళనాడు ప్రభుత్వానికి సుప్రీం కోర్టు నోటీసులు జారీ చేసింది. సనాతన ధర్మంపై ఉదయ నిధి స్టాలిన్ చేసిన వివాదాస్పద వ్యాఖ్యల నేపథ్యంలో ఆయనపై ఎప్ఐఆర్ నమోదు చేయాలంటూ దాఖలైన పిటిషన్ పై స్పందించాలని తమిళనాడు ప్రభుత్వాన్ని, ఉదయనిధి స్టాలిన్ ను సుప్రీం కోర్టు ఆదేశించింది.

ఈ నెల 2న ‘సనాతన ధర్మాన్ని నిర్మూలన కార్యక్రమం’ను నిర్వహించారు. ఈ కార్యక్రమంలో పాల్గొన్న సీఎం స్టాలిన్ కుమారుడు ఉదయ్ నిధి స్టాలిన్ తీవ్ర వ్యాఖ్యలు చేశారు. సనాతన ధర్మాన్ని మలేరియా, డెంగీలతో పోల్చాడు. సనాతన ధర్మాన్ని నిర్మూలించాలని పిలుపు నిచ్చారు. ఉదయ్ నిధి వ్యాఖ్యలపై దుమారం రేగుతోంది. దీనిపై హిందూ సంఘాలు తీవ్ర స్థాయిలో ఫైర్ అవుతున్నాయి.

ఈ నేపథ్యంలో ఆ సమావేశంపై సీబీఐ విచారణకు ఆదేశించాలని మద్రాసు హైకోర్టుకు చెందిన అడ్వకేట్ ఒకరు సుప్రీం కోర్టులో పిటిషన్ దాఖలు చేశారు. ఉదయ్ నిధి వ్యాఖ్యలపై విచారణ జరిపించేలా తమిళనాడు ప్రభుత్వాన్ని ఆదేశించాలని పిటిషన్ లో కోరారు. దీనిపై జస్టిస్ అనిరుధ్ బోస్, జస్టిస్ బేలా ఎం త్రివేదిలతో కూడిన ధర్మానం విచారణ చేపట్టింది.

ఈ విషయంలో మద్రాసు హైకోర్టుకు ఎందుకు వెళ్లలేదని పిటిషన్ దారున్ని సుప్రీం కోర్టు ధర్మాసనం ప్రశ్నించింది. ఆ వ్యాఖ్యలకు సంబంధించి పలు పిటిషన్లు ఇప్పటికే సుప్రీం కోర్టు ధర్మాసనం ఎదుట పెండింగ్ లో వున్నాయని పిటిషనర్ తరఫు న్యాయవాది వెల్లడించారు. అంతే కాకుండా ప్రభుత్వమే పలానా మతానికి వ్యతిరేకంగా మాట్లాడాలని చెబుతోందని, రెండు రోజుల క్రితం ఈ మేరకు అధికారులు సర్క్యులర్ కూడా జారీ చేశారని అన్నారు. ఈ నేపథ్యంలో సుప్రీం కోర్టు మాత్రమే ఈ సమస్యను పరిష్కరించగలదని పిటిషనర్ ధర్మాసనాన్ని ఆశ్రయించడన్నారు. అనంతరం తమిళనాడు ప్రభుత్వానికి, ఉదయనిధి స్టాలిన్ కు సుప్రీం కోర్టు నోటీసులు జారీ చేసింది.