Category:

Breaking News

Latest Breaking news in telugu, happening around the world, india and telangana, a.p.

Navdeep : నవదీప్ కు నోటీసులు.. విచారణకు డేట్ ఫిక్స్!

by admin September 21, 2023

written by admin

మాదాపూర్ మత్తు కేసులో కీలక పరిణామం చోటు చేసుకుంది. నటుడు నవదీప్ (Navdeep) కు నోటీసులు జారీ అయ్యాయి. ఈనెల 23 తేదీన విచారణకు హాజరు కావాలని ఆదేశించారు పోలీసులు. ఈ కేసులో ఏ-29 గా ఉన్నాడు నవదీప్.

ఈ కేసులో యాంటీ నార్కోటిక్ బ్యూరో అధికారుల దర్యాప్తు ముమ్మరంగా సాగుతోంది. ఇప్పటి వరకు 8 మంది అరెస్ట్ అయ్యారు. కొందరు ప్రముఖులు పరారీలో ఉన్నారు. అలాగే, స్మాట్ పబ్ ఓనర్ సూర్య, షాడో సినిమా నిర్మాత రవి ఉప్పలపాటి, కలహర్ రెడ్డి, ఇంద్రాతేజ్, నవదీప్, శ్వేత, కార్తీక్ హైకోర్టు (High Court) ను ఆశ్రయించారు. అయితే.. నవదీప్ పిటిషన్ ను కొట్టేసింది న్యాయస్థానం.

నవదీప్ కు 41 సీఆర్పీసీ నోటీసులు ఇచ్చి విచారించాలని నార్కోటిక్ బ్యూరో అధికారులను ఆదేశించింది హైకోర్టు. ఇక ఈ కేసులో మరో 14 మంది కన్స్యూమర్లను గుర్తించారు పోలీసులు. నవదీప్ ను విచారిస్తే మరి కొంతమంది కన్స్యూమర్ల పేర్లు బయటకు వస్తాయని అనుకుంటున్నారు పోలీసులు. ఇప్పటి వరకు మొత్తం 35 మంది నిందితులను కనుగొన్నారు.

మరోవైపు, మత్తుపదార్థాల పెడ్లర్స్ పై నిఘా పెంచింది యాంటీ నార్కోటిక్ బ్యూరో. రాయదుర్గం కేసులో అరెస్ట్ అయిన రఘుతేజ వ్యాపారంపై ఆరా తీస్తున్నట్టు సమాచారం. ఇతను ఇటీవలే బెయిల్ పై బయటకొచ్చాడు. రఘుతేజ మత్తు పదార్థాల సరఫరాలో రూట్ మార్చినట్టు పోలీసులు అనుమానిస్తున్నారు. ఈ క్రమంలోనే అతని లింకులపై ఆరా తీస్తున్నట్టు సమాచారం. సినిమా ఇండస్ట్రీలోని కొందరికి రఘుతేజ మాదకద్రవ్యాలు సరఫరా చేసినట్లు పోలీసులకు సమాచారం ఉన్నట్టు తెలుస్తోంది.

September 21, 2023 0 comment

Breaking News Hyderabad Telangana

Kodanda Ram : కేవలం ఎక్సైజ్ శాఖపైనే బీఆర్ఎస్ సర్కార్ దృష్టి పెట్టింది…!.

by Ramu September 21, 2023

written by Ramu

బీఆర్ఎస్ (BRS) సర్కార్ పై తెలంగాణ జన సమితి (Telangana Jana Samithi) రాష్ట్ర అధ్యక్షుడు ప్రొఫెసర్ కోదండ రాం (Kodanda Ram) తీవ్ర స్థాయిలో ఫైర్ అయ్యారు. రాష్ట్రంలో విద్యారంగంపై బీఆర్ఎస్ సర్కార్ దృష్టి పెట్టలేదని మండిపడ్డారు. రాష్ట్రంలో కేవలం ఎక్సైజ్ శాఖపైనే రాష్ట్ర ప్రభుత్వం దృష్టి సారించిందని ఆయన తీవ్ర స్థాయిలో ధ్వజమెత్తారు.

రాష్ట్రంలో ఒక తరం మొత్తాన్ని తెలంగాణ సర్కార్ నాశనం చేసిందని తీవ్ర ఆగ్రహం వ్యక్తం చేశారు. తెలంగాణ విద్యా పరిరక్షణ కమిటీ ఆధ్వర్యంలో ప్రభుత్వ విద్యను బలోపేతం చేయాలన్నారు. ప్రైవేట్ కార్పొరేట్ విద్యను నియంత్రించే అంశాలను అన్ని రాజకీయ పార్టీలు తమ ఎజెండాలో చేర్చాలని డిమాండ్ చేస్తూ సుందరయ్య విజ్ఞాన కేంద్రంలో సమావేశాన్ని నిర్వహించారు.

ఈ సందర్భంగా కోదండరాం మాట్లాడుతూ…. ఈ పదేండ్ల కాలంలో అనేక ప్రభుత్వ పాఠశాలలను ముసివేశారని ఆయన ఆరోపణలు గుప్పించారు. గ్రామాల్లో 8, 9 తరగతి చదివే పిల్లలు కూడా మద్యానికి బానిస అవుతున్నారని ఆరోపించారు. మరి కొందరు గంజాయికి బానిస అవుతున్నారని ఆరోపణలు చేశారు. పెన్ను పేపర్ పట్టుకోవాల్సిన వయసులో బీరు బాటిళ్లు పట్టుకునే పరిస్థితి దాపురించిందన్నారు.

దీన్ని చూస్తే తెలంగాణ ప్రభుత్వం ఎంత అధ్వానంగా మరిందో తెలుస్తుందన్నారు. ఇంతకు ముందు ప్రభుత్వ బడుల్లో టీచర్లు కావాలని హైకోర్టుకు విద్యార్థులు లేఖ రాశారని చెప్పారు. అప్పుడు ప్రభుత్వంపై హైకోర్టు సీరియస్ అయిందన్నారు. దీంతో కొంత మందిని విద్యావాలంటీర్లుగా ప్రభుత్వం నియమించిందన్నారు. అది ఈ తెలంగాణలో ఉన్న పరిస్థితి అని అన్నారు.

September 21, 2023 0 comment

Breaking News Hyderabad Politics Telangana

Double Bedroom : డబుల్ కష్టాలు.. అసలు లెక్కలు బయటకు రావాలంటున్న విపక్షాలు!

by admin September 21, 2023

written by admin

కొత్తగా రాష్ట్రం ఏర్పాటైనప్పటికీ తొమ్మిదేండ్లలో అభివృద్ధి, సంక్షేమంలో జోడెద్దుల మాదిరిగా తెలంగాణ రాష్ట్రం ప్రగతి బాటలో ముందుకెళ్తోందనేది బీఆర్ఎస్ (BRS) నేతల వాదన. కేసీఆర్ (KCR) పాలనలో ప్రగతి పథంలో ముందుకెళ్తున్నామని చెబుతున్నారు. తాజాగా డబుల్ బెడ్రూం ఇళ్ల రెండో విడత పంపిణీ ప్రారంభం సందర్భంగా ఇదే విషయాన్ని చెప్పుకొచ్చారు గులాబీ నేతలు. అయితే.. డబుల్ బెడ్రూం ఇళ్ల విషయంలో ప్రభుత్వానికి డ్రామా అనేది విపక్షాల వాదన.

డబుల్ బెడ్రూం ఇళ్ల రెండో విడుత పంపిణీ కార్యక్రమంలో కేటీఆర్ (KTR) ఏదేదో మాట్లాడారని మండిపడ్డారు ఎమ్మెల్యే రాజాసింగ్ (Rajasingh). తెలంగాణలో ఎంతమందికి ఇళ్లు ఇస్తున్నారు.. మీకు అసలు ఆ డేటా తెలుసా.. ఒకసారి తెలుసుకోండి అంటూ సెటైర్లు వేశారు. 2.16 లక్షల ఇండ్లు కట్టినట్లు గూగుల్ ద్వారా తెలిసిందని.. కానీ లక్ష ఇళ్ళు కూడా కట్టలేదని ఆరోపించారు. ‘‘తెలంగాణ ప్రజలు ఇండ్లు కావాలని అంటున్నారు. మీరు డబుల్ బెడ్రూం ఇస్తారా? సింగిల్ బెడ్రూం ఇస్తారా? అనేది ప్రజలకు అనవసరం. మీరు మంచి చేస్తే వారే ధన్యవాదాలు చెబుతారు. 25 లక్షల మందకిపైగా ప్రజలు ఇండ్లు లేవని దరఖాస్తు చేసుకున్నారు. అందులో ఎంతమందికి ప్రభుత్వం ఇండ్లు ఇస్తుందో చెప్పాలి’’ అని డిమాండ్ చేశారు రాజాసింగ్.

మరోవైపు, స్థానికులకే డబుల్ బెడ్రూం ఇండ్లు కేటాయించాలని మహేశ్వరం నియోజకవర్గంలో ఆందోళనకు దిగారు స్థానికులు. రంగారెడ్డి జిల్లా మహేశ్వరం మండలం మన్సాన్ పల్లిలోని ప్రజలు చౌరస్తాలో రోడ్డుపై బైఠాయించి రాస్తోరోకో నిర్వహించారు. మన్సాన్ పల్లిలో నూతనంగా నిర్మించిన డబుల్ బెడ్రూం ఇండ్లను సబితా ఇంద్రారెడ్డి ప్రారంభించే సమయంలో ఈ ఆందోళన చేశారు. వీరికి ప్రతిపక్ష పార్టీలు మద్దతు తెలిపాయి.

డబుల్ బెడ్రూం ఇండ్లను ఇతర ప్రాంతాల నుంచి వచ్చిన వారికి కేటాయిస్తున్నారని మండిపడ్డారు. ఎన్నో ఏళ్లుగా ఇక్కడ నివసించే స్థానికులకు ఇవ్వడం లేదని ఆరోపించారు. తక్షణమే ఇండ్లను స్థానికులకు కేటాయించి పంపిణీ చేయాలని డిమాండ్ చేశారు. విషయం తెలుసుకున్న పోలీసులు అక్కడకు వచ్చి నిరసనకారులను అదుపులోకి తీసుకుని పీఎస్ కు తరలించారు. ఆ సమయంలో కాసేపు ఉద్రిక్తత నెలకొంది.

September 21, 2023 0 comment

Eatala rajender About Congress Guarantee

Breaking News Hyderabad Politics Telangana

Eatala Rajender : కాంగ్రెస్ వి అలవికాని హామీలు!

by admin September 21, 2023

written by admin

సంక్షేమంలో నెంబర్ వన్ అని చెప్పుకునే కేసీఆర్ (KCR).. నిరుద్యోగ భృతి, లక్ష రుణమాఫీ, డబుల్ బెడ్రూం ఇళ్లు, 57 ఏళ్లకు పెన్షన్ ఎందుకు ఇవ్వడం లేదని ప్రశ్నించారు బీజేపీ (BJP) ఎన్నికల నిర్వహణ కమిటీ చైర్మన్ ఈటల రాజేందర్ (Eatala Rajender). వీటిని అమలు చేయకపోవడానికి కారణం మనసు లేకనా? డబ్బులు లేకనా? అంటూ నిలదీశారు. రాష్ట్ర మొదటి ఆర్థిక మంత్రిగా తాను అప్పుడే చెప్పానని.. హామీలు ఇవ్వడం కాదు అమలు చేయడం ముఖ్యమని అంటే అవహేళన చేశారని గుర్తు చేశారు. మరిప్పుడు ఇచ్చిన హామీలు ఎందుకు అమలు చేయలేకపోతున్నారని అడిగారు.

ఒడ్డు ఎక్కేదాకా ఓడమల్లన్న అన్నట్టు.. ఓట్లప్పుడు ఉండే ప్రకటన చేతల్లో ఎందుకు లేదని కేసీఆర్ ను నిలదీశారు ఈటల. రుణమాఫీ ఇస్తా అని ఇన్ని రోజులు ఇవ్వకుండా మోసం చేశారని.. ఇప్పుడు ఓటమి తప్పదని గ్రహించి రింగ్ రోడ్డు కుదవ పెట్టి, భూములు అమ్మి, మద్యం టెండర్లు ముందు పెట్టి డబ్బులు తెచ్చి రైతులకు ఇస్తున్నానని ప్రకటించారని.. అయినా, మొత్తం రుణమాఫీ కాలేదన్నారు. 2018 నాటికే అప్పు డబుల్ అయ్యిందని.. ఇప్పుడు ఇంకా ఎక్కువ అయ్యిందని తెలిపారు.

57 ఏళ్ల పెన్షన్ కాదు భర్తలు చనిపోయిన వారికి కూడా నాలుగు ఏళ్లుగా దిక్కులేదన్నారు రాజేందర్. డబ్బులు లేక కేసీఆర్ హామీలు అమలు చేయడం లేదని ఆరోపించారు. ఇక కాంగ్రెస్ మేనిఫెస్టోపై స్పందిస్తూ.. గత ఆర్థిక మంత్రిగా అమలు కానీ హామీలు ఇవ్వొద్దని సూచించారు. ‘‘ప్రతి మహిళకు రూ.2,500 ఇస్తా అన్నారు. కోటిన్నర మహిళలకు నెలకు రూ.2,500 ఇవ్వగలరా? రూ.4,000 పెన్షన్ ఇస్తా అన్నారు. ఇప్పుడే 2 నెలలు పెండింగ్ ఉంటుంది. ఎలా ఇస్తారు సమాధానం చెప్పండి’’ అని అడిగారు. తాను మంత్రిగా ఉన్నప్పుడే లక్ష రుణమాఫీ సాధ్యం కాదని చెప్పానని.. 2 లక్షల కోట్లు ఎలా చేయగలరని అన్నారు.

రాష్ర్ట ఆర్థిక ప్రగతి 5 శాతం కంటే ఎక్కువ ఉండదన్న ఈటల.. కర్ణాటక మోడల్ అంటున్నారు.. అక్కడ ఇచ్చిన హామీలు ఎలా ఇస్తున్నారో చూస్తూనే ఉన్నామని ఎద్దేవ చేశారు. హామీలు ఎలా అమలు చేస్తారో ప్రజలు నిలదీయాలని.. ఇలాంటివి నమ్మొ మోసపోవద్దని సూచించారు. పన్నుల రూపంలో వచ్చే ఆదాయం ఎంత? ఎఫ్ఆర్ఎంబీ ద్వారా వచ్చేది ఎంత? కేంద్రం ఇచ్చేది ఎంత? అనే సంపూర్ణ అవగాహన ఉండాలని చెప్పారు. బీజేపీ మాట ఇస్తే తప్పదని.. కేంద్ర నాయకత్వం తెలంగాణ మీద దృష్టి పెట్టిందన్నారు. అణగారిన వర్గాలకు ఏ స్కీమ్ లు చెయ్యాలో డిజైన్ చేస్తామని.. కేంద్ర సమన్వయంతో ఎక్కువ నిధులు తెస్తామని చెప్పారు.

September 21, 2023 0 comment

Minister KTR Reaction on Emergency Alert on Phone

Breaking News Hyderabad Telangana Viral

KTR Message : అగ్నిప్రమాదమా.. కేటీఆర్ ను కంగారు పెట్టించిన అలర్ట్ మెసేజ్!

by admin September 21, 2023

written by admin

కేంద్ర ప్రభుత్వం పంపిన అలర్ట్ మెసేజ్ కాసేపు మంత్రి కేటీఆర్ (KTR) ను కంగారు పెట్టించింది. హైదరాబాద్‌ (Hyderabad) శివారులోని జీనోమ్‌ వ్యాలీలో బీఎస్‌వీ కంపెనీ కొత్త యూనిట్‌ కు మంత్రి భూమిపూజ చేశారు. ఈ సందర్భంగా ప్రసంగించారు. అయితే.. ఆయన మాట్లాడుతున్న సమయంలో సడెన్ గా అలారం సౌండ్ (Allert Message) వినిపించింది. ఫైర్ కు సంబంధించిన అలారమా అంటూ మాట్లాడారు కేటీఆర్.

కార్యక్రమంలో ఆయన ప్రసంగిస్తుండగా.. అక్కడున్న మొబైల్స్ కు ఒక్కసారిగా బీప్ సౌండ్ అలర్ట్ వచ్చింది. దీంతో ‘ఇది ఫైర్ అలారమేనా. మనం అందరం ఇక్కడి నుంచి వెళ్లిపోవాలా? నాకు తెలిసి ఇది ఫైర్ అలారమే’ అని అన్నారు కేటీఆర్. స్పీకర్ సౌండ్ అని ఓ వ్యక్తి చెప్పగా.. ‘క్లోజ్డ్ ఆడిటోరియంలో ఉన్నాం గుడ్ లక్ గాయ్స్’ అని నవ్వులు పూయించారు.

దేశవ్యాప్తంగా గురువారం చాలా మందికి మొబైల్ యూజర్లకు ఎమర్జెన్సీ అలర్ట్ మెసేజ్ వచ్చింది. ఇది ఎందుకు వచ్చిందో తెలియక అందరూ గందరగోళానికి గురయ్యారు. అయితే, దాన్ని కేంద్ర ప్రభుత్వమే పంపింది. అందులో భయపడాల్సేందేమీ లేదు. ఎమర్జెన్సీ అలర్ట్ సిస్టమ్ టెస్టింగ్ లో భాగంగా ఈ మెసేజ్ వచ్చినట్లు తెలిపింది.

ఈ మెసేజ్ పై తెలంగాణ పోలీసులు కూడా క్లారిటీ ఇచ్చారు. ‘ప్రతి ఒక్కరు తమ మొబైల్ కి ఇలాంటి మెసేజ్ రావడం చూసే ఉంటారు. కంగారు పడాల్సిన అవసరం లేదు. ప్రకృతి వైపరీత్యాల సందర్భంగా దేశంలో ఏదైనా అత్యవసర పరిస్థితుల సందర్భంలో పంపించే మెసేజ్ సిస్టమ్ ను కేంద్ర టెలికమ్యూనికేషన్ వారు శాంపిల్ గా పంపించారు’ అని ట్వీట్ లో పేర్కొన్నారు.

September 21, 2023 0 comment

Breaking News National Viral

Allert Message : మీ ఫోన్ కు అలర్ట్ మెసేజ్ వచ్చిందా..? అసలు విషయం ఇదే..!

by admin September 21, 2023

written by admin

దేశవ్యాప్తంగా గురువారం మొబైల్ ఫోన్ యూజర్లకు ఓ అలర్ట్ మెసేజ్ (Allert Message) వచ్చింది. సడెన్ గా అలారంతో ఆటోమేటిక్ గా ఫోన్ కు వైబ్రేషన్ మెసేజ్ రావడం కలకలం సృష్టించింది. ఆపే వరకు అలారం వస్తుండటంతో ఏం జరుగుతుందో తెలియక చాలామంది భయాందోళనకు గురయ్యారు. ఫోన్ (Phone) హ్యాక్ అయ్యిందేమోనని.. తెగ కంగారు పడ్డారు. దీనిపై తెలంగాణ (Telangana) పోలీస్ శాఖ క్లారిటీ ఇచ్చింది.

ట్విట్టర్ (ఎక్స్)లో కీలక సూచన చేశారు పోలీసులు (Police). ‘ప్రతి ఒక్కరు తమ మొబైల్ కి ఇలాంటి మెసేజ్ రావడం చూసే ఉంటారు. కంగారు పడాల్సిన అవసరం లేదు. ప్రకృతి వైపరీత్యాల సందర్భంగా దేశంలో ఏదైనా అత్యవసర పరిస్థితుల సందర్భంలో పంపించే మెసేజ్ సిస్టమ్ ను కేంద్ర టెలికమ్యూనికేషన్ వారు శాంపిల్ గా పంపించారు’ అని ట్వీట్ లో పేర్కొన్నారు.

నేషనల్ డిజార్డర్ మేనేజ్మెంట్ అథారిటీ (NDMA) పేరుతో ఈ సందేశం అందరికీ వెళ్తోంది. ఇది భారత ప్రభుత్వ టెలికమ్యూనికేషన్ విభాగం ద్వారా సెల్ బ్రాడ్‌ కాస్టింగ్ సిస్టమ్ తో పంపిస్తున్న నమూనా సందేశం. ఈ మెసేజ్ నేషనల్ డిజాస్టర్ మేనేజ్‌ మెంట్ అథారిటీ అమలు చేస్తున్న టీఈఎస్టీ పాన్-ఇండియా ఎమర్జెన్సీ అలర్ట్ సిస్టమ్‌ కి పంపబడింది.

ఇది ప్రజా భద్రతను మెరుగుపరచడం, అత్యవసర సమయాల్లో సకాలంలో హెచ్చరికలను అందించడం లక్ష్యంగా ఉంది. మొబైల్ ఫోన్ స్క్రీన్‌ లపై విపత్తు సమయంలో హెచ్చరికను పంపడం కోసం ఎన్డీఎంఏ ద్వారా ఇది అమలు చేయబడుతుంది. జియో, బీఎస్ఎన్ఎల్ నెట్‌ వర్క్‌ లో దీన్ని పరీక్షిస్తున్నారు.

September 21, 2023 0 comment

Andhra Pradesh Breaking News Politics

Nara Lokesh : చంద్రబాబును చంపేందుకు ప్లాన్!

by admin September 21, 2023

written by admin

స్కిల్ డెవలప్మెంట్ స్కాం కేసులో అరెస్ట్ జైలులో ఉన్న చంద్రబాబు (Chandrababu) భద్రతపై సంచలన వ్యాఖ్యలు చేశారు ఆయన తనయుడు నారా లోకేష్ (Lokesh). జైల్లో చంద్రబాబును చంపేందుకు ప్లాన్ జరుగుతోందన్నారు. ఈ మేరకు ట్విట్టర్(ఎక్స్)లో పోస్ట్ చేశారు. చంద్రబాబును రాజమండ్రి జైల్లోనే చంపేందుకు కుట్ర చేస్తున్నారని ఆరోపించారు. ప్రభుత్వ చర్యలు ఆయనకు హాని తలపెట్టేవిగా ఉన్నాయన్నారు.

జైలులో విపరీతంగా దోమలు కుడుతున్నాయని చెప్పినా పట్టించుకోవడం లేదన్న లోకేష్.. ఇటీవల రిమాండ్ ఖైదీ సత్యనారాయణ డెంగ్యూ బారిన పడి చనిపోయిన విషయాన్ని గుర్తు చేశారు. చంద్రబాబును కూడా ఇలాగే చేయాలనేది సైకో కుట్రగా అనుమానం వ్యక్తం చేశారు. ఆయనకు ఏం జరిగినా జగన్ దే బాధ్యతన్నారు లోకేష్.

చంద్రబాబు ప్రస్తుతం రాజమండ్రి జైలులోని స్నేహా బ్లాక్‌ లో ఉన్నారు. ఆయనకు స్పెషల్ బాత్‌ రూమ్‌ తో పాటు స్నానం చేసేందుకు రెండు పూటలా వేడినీళ్లు అందిస్తున్నారు. మూడు సార్లు ఫోన్‌ లో మాట్లాడే సౌకర్యం ఇస్తున్నారు. ఆయన వెంట ఓ సహాయకుడితో పాటు ఐదుగురు సిబ్బందిని అనుమతించారు. స్నేహా బ్లాక్‌ లో ప్రత్యేక భద్రత మధ్య ఉంటున్నారు చంద్రబాబు.

రోజూ తెల్లవారుజామున 5 గంటలకు నిద్రలేస్తున్న చంద్రబాబు.. ఆ తర్వాత వాకింగ్ చేస్తున్నారు. ఆపై మెడిటేషన్‌ తో పాటు పేపర్లు తిరగేస్తున్నారు. ఉదయం ఉప్మాను అల్పాహారంగా తీసుకుంటూ బ్లాక్ టీ తాగుతున్నారు. అప్పుడప్పుడు వేడినీళ్లు తీసుకుంటున్నారు. మధ్యాహ్నం లంచ్‌ కి 100 గ్రాముల బ్రౌన్ రైస్‌ లో ఓ వెజ్‌ కర్రీ తింటున్నారు. సాయంత్రం స్నాక్స్‌ కింద ఫ్రూట్ సలాడ్‌ లేదంటే పుల్కాలో పన్నీర్ కర్రీ, మజ్జిగతో పాటు హాట్‌ వాటర్‌ తీసుకుంటున్నారు. రాత్రి 9 గంటలకు నిద్రకు ఉపక్రమిస్తున్నారు.

September 21, 2023 0 comment

Breaking News National

Rahul Gandhi : కూలీ అవతారంలో.. రాహుల్ గాంధీ!

by Ramu September 21, 2023

written by Ramu

కాంగ్రెస్ అగ్రనేత రాహుల్ గాంధీ (Rahul Gandhi) రైల్వే కూలీ అవతారం ఎత్తారు. ఢిల్లీలోని ఆనంద్ విహార్ (Anand Vihar) రైల్వే స్టేషన్‌ (Railway Station) లో కూలీల మాదిరిగా ఎర్ర చొక్కా వేసుకుని చేతికి బ్యాడ్జి ధరించారు. కాసేపు కూలీల మాదిరిగా ప్రయాణికుల సూట్ కేసులను మోశారు. దీనికి సంబంధించిన వీడియో ఇప్పుడు సోషల్ మీడియాలో తెగ వైరల్ అవుతోంది.

ఇంతకు ఏం జరిగిందంటే…. రాహుల్ గాంధీ ఈ రోజు ఢిల్లీలోని ఆనంద్ విహార్ ఐస్ బీటీకి వెళ్లారు. అక్కడ కాసేపు రైల్వే కూలీలతో ముచ్చటించారు. వారి సమస్యలను గురించి అడిగి తెలుసుకున్నారు. ఆ సమయంలో కూలీల దుస్తులు ధరించి వారిలో కలిసి పోయారు. దీనికి సంబంధించిన వీడియోను కాంగ్రెస్ పార్టీ సోషల్ మీడియాలో షేర్ చేసింది.

ఇటీవల ఆనందర్ విహార్ లోని రైల్వేలు కొందరు తమకు రాహుల్ గాంధీని కలవాలని ఉందని అన్నారు. ఈ విషయం కాస్త రాహుల్ గాంధీకి చేరడంతో ఆయన ఈ రోజు రైల్వే కూలీల వద్దకు వెళ్లారు. దీనిపై రైల్వే కూలీలు సంతోషం వ్యక్తం చేశారు. ఎలాంటి ముందస్తు సమాచారం ఇవ్వకుండా రాహుల్ గాంధీ ఆనంద్ విహార్ కు అకస్మాత్తుగా వచ్చారని ఓ రైల్వే కూలీ తెలిపారు.

చాలా సేపు తమతో రాహుల్ గాంధీ మాట్లాడారని అన్నారు. ఆ సమయంలో తమ సమస్యల గురించి రాహుల్ గాంధీ దృష్టికి తీసుకు వెళ్లామని చెప్పారు. కూలీల అభ్యర్థన మేరకు రాహుల్ గాంధీ తమ యూనిఫామ్ ధరించారని మరో కూలీ చెప్పారు. తమ లేబర్ ఛార్జీలను పెంచేలా చూడాలని రాహుల్ గాంధీని కోరామన్నారు. తమకు మెడికల్ ఇన్స్యూరెన్స్ కల్పించాలని, ఆ విషయాన్ని ప్రభుత్వం దృష్టికి తీసుకు వెళ్లాలని రాహుల్ ను విజ్ఞప్తి చేశామన్నారు.

September 21, 2023 0 comment

Breaking News National

Rajya Sabha : రాజ్యసభ ముందుకు మహిళా బిల్లు… బిల్లు పేరుపై ఎంపీ ఫైర్…!

by Ramu September 21, 2023

written by Ramu

రాజ్యసభ (Rajya Sabha) లో మహిళా రిజర్వేషన్ బిల్లు (Woman Reservation Bill) ను కేంద్ర న్యాయ శాఖ మంత్రి అర్జున్ రామ్ మేఘ్ వాల్ ప్రవేశ పెట్టారు. ఈ బిల్లు పేరుపై కాంగ్రెస్ ఎంపీ రంజిత్ రంజన్ విమర్శలు గుప్పించారు. ఇది రాజ్యాంగం కల్పించిన హక్కు అని అన్నారు. అంతే కానీ ఇది ఏ దేవుడో లేదా ప్రధాన మంత్రి ఇచ్చిన వరమో లేదా బహుమతో కాదని ఆయన మండిపడ్డారు.

దీనిపై జేపీ నడ్డా స్పందించారు. చాలా మంది వ్యక్తులు బిల్లు పేరుపై విమర్శలు చేస్తున్నారని ఆయన పేర్కొన్నారు. వాస్తవానికి ఇందులోని పదాలు ప్రభుత్వానికి, ప్రధాని మోడీకి మహిళల పట్ల ఉన్న గౌరవాన్ని, దృక్పథాన్ని వెల్లడిస్తున్నాయని చెప్పారు. భారతీయ సంస్కృతిలో మహిళలకు ఎల్లప్పుడూ ఉన్నత స్థానం ఉంటుందని ఆయన వెల్లడించారు.

మహిళా రిజర్వేషన్ బిల్లు విషయంలో బీజేపీ ఎలాంటి రాజకీయ ప్రయోజనాలు ఆశించడం లేదని తెలిపారు. మహిళలకు సాధికరత కల్పించాలన్నదే బీజేపీ లక్ష్యమని ఆయన పేర్కొన్నారు. ఈ బిల్లు విషయంలో ప్రధాని మోడీ కృషిని ఆయన అభింనందించారు. బిల్లు ఆమోదాన్ని మహిళా సాధికారత దిశగా భారీ ముందడుగు అని నడ్డా చెప్పారు.

ఈ బిల్లుపై చర్చ అనంతరం రాజ్యసభలో దీనిపై ఓటింగ్ నిర్వహించనున్నారు. ఇక ఇప్పటికే లోక్ సభలో ఈ బిల్లుకు ఆమోదం లభించింది. ఇప్పుడు రాజ్యసభలో కూడా ఆమోదం లభిస్తే బిల్లును రాష్ట్రపతి ఆమోద ముద్ర కోసం పంపించనున్నారు. రాష్ట్రపతి ఆమోద ముద్రతో బిల్లు చట్టంగా మారనుంది. నియోజకవర్గాల పునర్విభజన పూర్తి చేసిన తర్వాత ఈ బిల్లు అమలులోకి రానుంది.

September 21, 2023 0 comment

Andhra Pradesh Breaking News Politics

Balayya Vs Roja : బాలయ్య అలా.. రోజా ఇలా.. పంచ్ లే పంచ్ లు!

by admin September 21, 2023

written by admin

సినిమాల్లో ఒకప్పుడు బాలకృష్ణ (Balakrishna), రోజా (Roja) అంటే హిట్ పెయిర్. వీళ్లిద్దరూ కలిసి నటించిన సినిమాల్లో దాదాపు అన్నీ హిట్లే. డ్యాన్సులు, ఫ్లైట్లు, డైలాగులు.. ఇలా ఎవరి పంథా వారిది. ప్రస్తుతం వీళ్లిద్దరూ రాజకీయాల్లో ఉన్నారు. రోజా వైసీపీ (YCP) ప్రభుత్వంలో మంత్రిగా కొనసాగుతుండగా.. బాలకృష్ణ ప్రతిపక్ష టీడీపీ (TDP) ఎమ్మెల్యేగా ఉన్నారు. సినిమాల్లో పోటాపోటీగా ఎలా నటించారో.. ఇప్పుడు పొలిటికల్ గా పార్టీ భక్తి చూపించడంలో సై అంటే సై అంటున్నారు.

అసెంబ్లీ సమావేశాల సందర్భంగా చంద్రబాబు అరెస్ట్ పై టీడీపీ సభ్యులు నిరసనగళం వినిపించారు. తప్పుడు కేసులు పెట్టారని స్పీకర్ పోడియం చుట్టుమిట్టి నినాదాలు చేశారు. స్పీకర్ టీడీపీ సభ్యులపై సస్పెన్షన్ వేటు వేసి సభను శుక్రవారానికి వాయిదా వేశారు. అయితే.. సభ నుంచి బయటకొచ్చాక బాలకృష్ణ, రోజా విమర్శల వర్షం కురిపించారు. ప్రభుత్వంపై బాలయ్య పంచ్ డైలాగులు వేయగా.. టీడీపీని టార్గెట్ చేస్తూ రోజా ఫుల్ ఫైరయ్యారు.

అసెంబ్లీలో జరిగిన ఘటన ఎంతో బాధాకరమన్న బాలయ్య.. నియంతృత్వ ధోరణిలో శాసనసభ జరగడం మంచి పద్దతి కాదన్నారు. రాష్ట్రంలో నియంతృత్వ పాలన సాగుతోందని.. ఆధారాలు లేకుండా స్కిల్ డేవలప్మెంట్ కేసు పెట్టారని ఆరోపించారు. ప్రజాసంక్షేమాన్ని గాలికి వదిలేసి కక్ష పూరితంగా సీఎం వ్యవహరిస్తున్నారని ఆరోపించారు. ఎక్కడా అభివృద్ధి లేదు.. యువతకు ఉపాధి లేదు అంటూ విరుచుకుపడ్డారు. చంద్రబాబును జైల్లో పెట్టడమే లక్ష్యంగా సీఎం పనిచేస్తున్నారని.. రాష్ట్రాన్ని వదిలి వెళ్లిపోయే పరిస్థితి వచ్చిందని అన్నారు. రాష్ట్రంలో అన్ని వ్యవస్థలను నిర్వీర్యం చేశారని.. అన్నింటా విప్లవం రావాలని చెప్పారు. రాష్ట్రంలో ఎవరికీ భద్రత లేదన్నారు. పార్టీ కార్యకర్తలే కాదు.. జనం కూడా రోడ్లపైకి వచ్చే పరిస్థితి వచ్చిందన్న ఆయన.. అంబటి రాంబాబే మీసం మెలేసి తొడ గొట్టాడని వివరించారు. తాను కూడా తేల్చుకుందాం రా అన్నానని అసెంబ్లీలో జరిగింది వివరించారు బాలకృష్ణ.

ఇక రోజా మాట్లాడుతూ.. శాసనసభలో టీడీపీ వాళ్ళు ప్రవర్తించిన తీరును ఖండిస్తున్నామన్నారు. స్కిల్ డెవలప్మెంట్ స్కీంలో సమగ్ర విచారణ జరిపే చంద్రబాబును అరెస్ట్ చేశారని చెప్పారు. చంద్రబాబు స్వరూపం ఏంటో అందరికీ తెలిసిపోయిందని.. ఆయన దోపిడీ దొంగ అని ప్రజలకు అర్థమైందని మండిపడ్డారు. సభలో సైకోల్లా టీడీపీ సభ్యులు ప్రవర్తించారని ఘాటు వ్యాఖ్యలు చేసిన ఆమె.. మీసాలు తిప్పటం, తొడలు కొట్టటం ఎంత వరకు సబబు అంటూ బాలయ్యను టార్గెట్ చేశారు. బావ కళ్ళల్లో ఆనందం కోసం బాలకృష్ణ ప్రయతిస్తున్నారని.. ఎన్టీఆర్ మీద చెప్పులు వేసినప్పుడు మీసం తిప్పారా? అని ప్రశ్నించారు. అంతేకాదు, బాలయ్య డైలాగ్ నే మార్చి.. ‘‘ఫ్లూటు జింక ముందు ఊదు జగన్ ముందు కాదు’’ అంటూ సెటైర్లు వేశారు. ప్రజా సమస్యల కోసం ఏనాడైనా బాలకృష్ణ పోరాడారా? అని ప్రశ్నించిన రోజా.. ప్రజాధనాన్ని దొచ్చుకున్న ఎవరినీ వదిలే ప్రసక్తి లేదని స్పష్టం చేశారు. అసెంబ్లీలో రౌడీయిజం చేస్తున్నారని మండిపడ్డారు.

September 21, 2023 0 comment

Newer Posts

Older Posts