Category:

Breaking News

Latest Breaking news in telugu, happening around the world, india and telangana, a.p.

Pakistan Begging Before The World While India Reached Moon says Nawaz Sharif

Pak : భారత్ చంద్రునిపై ప్రయోగాలు చేస్తుంటే… పాక్ డాలర్ల కోసం బిక్షమెత్తుతోంది…!

by Ramu September 19, 2023

written by Ramu

పాకిస్తాన్ మాజీ ప్రధాని నవాజ్ షరీఫ్ (Navz Shareef) సంచలన వ్యాఖ్యలు (Sensational Remarks) చేశారు. భారత్ (India) ఇప్పుడు జాబిల్లిపై ప్రయోగాలు చేస్తోందన్నారు. జీ-20 సమావేశాలకు భారత్ అధ్యక్షత వహించిందన్నారు. కానీ తమ దేశం మాత్రం అన్ని దేశాల చుట్టూ తిరుగుతూ డాలర్ల కోసం అడుక్కుంటోందని ఆయన తీవ్రంగా మండిపడ్డారు.

పాక్ లో ప్రస్తుత పరిస్థితులకు ఆర్మీ మాజీ చీఫ్ జనరల్ ఖామర్ జావెద్ బజ్వా, మాజీ స్పై మాస్టర్ ఫైజ్ హమీద్ కారణమని ఆరోపించారు. భారత్ లో జరుగుతున్న ఆర్థికాభివృద్ధిని షరీఫ్ కొనియాడారు. భారత్ అభివృద్ధిని ప్రస్తావిస్తూ తమ దేశంలో పరిస్థితులపై మండిపడ్డారు. భారత్ ఆర్థిక సంస్కరణలను కొనసాగించిందన్నారు.

భారత్ సాధించిన అద్భుత విజయాలను పాక్ ఎందుకు అందుకో లేకపోయిందని ప్రశ్నించారు. అటల్ బిహారీ వాజ్ పాయ్ ప్రధానిగా వున్న సమయంలో భారత ఖజనాలో కొన్ని బిలియన్ల విదేశీ మారక ద్రవ్యం మాత్రమే వుండేదన్నారు. కానీ ఇప్పుడు భారత విదేశీ మారక ద్రవ్యం 600 బిలియన్ డాలర్లకు చేరుకుందన్నారు.

ఇప్పుడు భారత్ ఏ స్థానంలో వుంది, పాక్ ఎక్కడ ఉందన్న విషయం ఆలోచించుకోవాలన్నారు. పాక్ లో పరిస్థితి భిన్నంగా వుందన్నారు. డాలర్ల కోసం చిప్ప పట్టుకుని అరబ్, చైనాల చుట్టూ పాక్ ప్రధాని తిరగాల్సిన పరిస్థితి వచ్చిందన్నారు. అప్పులు కట్టలేక దివాళా తీసే స్థాయికి పాక్ చేరుకోవడం విచారకరమన్నారు. ఈ పరిస్థితికి ఎవరు కారణమో ఆలోచించాలన్నారు.

September 19, 2023 0 comment

andhra pradesh high court reserves judgment on chandrababu quash petition

Quash petition : చంద్రబాబు క్వాష్ పిటిషన్ పై ముగిసిన వాదనలు… తీర్పు రిజర్వు…..!

by Ramu September 19, 2023

written by Ramu

ఏపీ స్కిల్ డెవలప్ మెంట్ (Skill Development) కేసులో టీడీపీ అధినేత చంద్రబాబు (Chandra Babu) వేసిన క్వాష్ పిటిషన్ పై వాదనలు ముగిశాయి. ఈ పిటిషన్ పై చంద్రబాబు, సీఐడీ తరఫు న్యాయవాదులు సుదీర్ఘ వాదనలు వినిపించారు. ఇరు పక్షాల వాదనలు విన్న అనంతరం తీర్పును రిజర్వ్ లో పెడుతున్నట్టు న్యాయమూర్తి వెల్లడించారు.

మొత్తం సుమారు 5 గంటల పాటు ఈ పిటిషన్ పై ఈరోజు వాదనలు జరిగాయి. మొదట 12 గంటల నుంచి 1.45 గంటల వరకు చంద్రబాబు తరఫున న్యాయవాదులు సిద్ధార్థ లూద్రా, హరీశ్ సాల్వే లు తమ వాదనలు వినిపించారు. ఈ సందర్బంగా సీఐడీ వ్యవహరించిన తీరును చంద్రబాబు తరఫు న్యాయవాదులు తప్పుబట్టారు.

చంద్రబాబుకు వ్యతిరేకంగా సీఐడీ తప్పుడు సాక్ష్యాలు సృష్టిస్తోందని ఆరోపించారు. 2024 ఎన్నికలను దృష్టిలో పెట్టుకుని ప్రభుత్వం ఇదంతా చేసిందని ఆరోపించారు. రెండేండ్ల క్రితం నమోదైన ఎఫ్ఐఆర్ తో చంద్రబాను ఎలా అరెస్టు చేస్తారంటూ ఆయన తరఫు న్యాయవాదులు ప్రశ్నించారు. పైగా గవర్నర్ అనుమతి తీసుకోకుండా ఆయన్ని అరెస్టు చేశారని వాదనలు వినిపించారు.

అనంతరం సీఐడీ తరఫు న్యాయవాదులు ప్రతి వాదనలు చేశారు. క్వాష్ పిటిషన్ కు చంద్రబాబు అనర్హుడని సీఐడీ తరఫున ముకుల్ రోహిత్గీ వాదించారు. ఎఫ్ఐఆర్ నమోదైన వెంటనే చంద్రబాబును అరెస్టు చేయలేదని, ఈ కేసులో రెండేండ్ల విచారణ జరిపి అన్ని సాక్ష్యాలు సేకరించిన తర్వాతే ఆయన్ని అరెస్టు చేశామన్నారు.

రూ. 3 వేల కోట్లు ఎక్కడికి వెళ్లాయో తేల్చాల్సి వుందన్నారు. డొల్ల కంపెనీల గురించి దర్యాప్తు జరుగుతోందన్నారు. ఇందులో నిబంధనలకు వ్యతిరేకంగా ఎంవోయూ నుంచి సబ్‌ కాంట్రాక్ట్‌కు ఎలా వెళ్లింది? అని నిలదీశారు. అన్ని షెల్ కంపెనీలు కలిసి ప్రజాధనాన్ని దోచుకున్నాయమని చెప్పారు. ఫోరెన్సిక్‌ ఆడిట్‌ ద్వారా నిధుల దుర్వినియోగం జరిగిందన్నారు. ఇక సెక్షన్‌ 319 ప్రకారం ఎన్ని ఛార్జిషీట్లు అయినా దాఖలు చేయవచ్చన్నారు.

మరోవైపు చంద్రబాబుపై సీఐడీ పిటీ వారంట్ దాఖలు చేసింది. ఫైబర్ నెట్ కేసులో చంద్రబాబును నిందితుడిగా పేర్కోంటూ ఏసీబీ కోర్టులో పీటీ వారంట్ ను వేసింది. నిబంధనలను ఉల్లంఘిస్తూ టెరాసాఫ్ట్ అనే కంపెనీకి ఫైబర్ నెట్ కాంట్రాక్టు ఇచ్చారని వారెంట్ లో సీఐడీ అభియోగాలు మోపింది. 2021లో ఫైబర్ నెట్ కేసు నమోదు చేసిన సీఐడీ మొత్తం 19 మందిపై అభియోగాలు మోపింది.

టెండర్లు లేకుండానే టెరాసాఫ్ట్ సంస్థకు కాంట్రాక్టు అప్పగించారని అభియోగాలు చేసింది. టెరాసాఫ్ట్ కు రూ. 121కోట్ల రూపాయల మేర లాభాన్ని అప్పటి టీడీపీ సర్కార్ కలిగించిందని పిట్ వారంట్ ను దాఖలు చేసింది. ఈ పిటిషన్ ను ఏసీబీ కోర్టు విచారణకు స్వీకరించింది. అనతంరం విచారణను రేపటికి వాయిదా వేసింది.

September 19, 2023 0 comment

police arrested the accused in esi hospital girl rape case in hyderabad

Breaking News Hyderabad Telangana

ESI : పేషెంట్ సోదరిపై అత్యాచారం కేసు… నిందితుని అరెస్టు చేసిన పోలీసులు…!

by Ramu September 19, 2023

written by Ramu

సనత్ నగర్ ( Sanath Nagar) ఈఎస్ఐ (ESI) లో ఓ పేషెంట్ సోదరిపై సిబ్బంది అత్యాచారం చేసిన కేసులో నిందితున్ని పోలీసులు అరెస్టు చేశారు. అత్యాచారం అనంతరం నిందితుడు పరారీలో ఉండగా పోలీసులు గాలింపు చర్యలు చేపట్టారు. మూడు రోజుల పాటు గాలించి చివరికి నిందితున్ని అరెస్టు చేశారు. నిందితున్ని మెజిస్ట్రేట్ ఎదుట హాజరు పరచగా కోర్టు రిమాండ్ విధించింది.

అసలు ఏం జరిగిందంటే….. కర్ణాటకకు చెందిన బాధిత యువతి(19) సోదరుడు ఇటీవల గాయపడ్డాడు. అతన్ని ఫిజియో థెరపి నిమిత్తం సనత్ నగర్ లోని ఈఎస్ఐకి తీసుకు వచ్చారు. వైద్య చికిత్స అనంతరం కర్ణాటకకు వెళ్లి పోయారు. మళ్లీ ఇటీవల సోదరుని కాలు నొప్పిగా అనిపించడంతో అతనితో పాటు ఆమె కూడా ఈఎస్ఐకి వచ్చింది.

వైద్య చికిత్స నిమిత్తం ఆమె సోదరుడు ఇన్ పేషెంట్ గా అడ్మిట్ అయ్యాడు. ఈ క్రమంలో తన సోదరునికి భోజనం తీసుకు వచ్చేందుకు మూడు రోజుల క్రితం ఆమె ఆస్పత్రిలోని ఆరవ అంతస్తులోకి వెళ్లింది. అక్కడ పార్శిల్ తీసుకుని వస్తుండగా క్యాంటీన్ లో పని చేసే షాబాద్ ఆమెను అడ్డుకున్నాడు. అక్కడి నుంచి లిఫ్టులో రెండో అంతస్తుకు తీసుకు వెళ్లాడు.

అక్కడ బాధితురాలిపై షాబాద్ అత్యాచారం చేశాడు. ఆ తర్వాత అక్కడి నుంచి పారిపోయాడు. అనంతరం జరిగిన విషయాన్ని యువతి ఆస్పత్రి సిబ్బందికి తెలిపింది. దీంతో ఆస్పత్రి సిబ్బంది పోలీసులకు సమాచారం అందించారు. కేసు నమోదు చేసుకున్న పోలీసులు షాబాద్ కోసం గాలింపు చర్యలు చేపట్టారు.

September 19, 2023 0 comment

Breaking News Hyderabad Politics Telangana

Rajasingh : బీజేపీ జోకర్ కాదు హీరో.. కేటీఆర్ కు స్పెషల్ ఆఫర్!

by admin September 19, 2023

written by admin

మంత్రి కేటీఆర్ (KTR) కు బీజేపీ (BJP) నేతలు, హిందూ సంఘాల నుంచి తీవ్ర వ్యతిరేకత వ్యక్తం అవుతోంది. ప్రజల్ని పీడించిన నిజాం నిరంకుశత్వాన్ని చూపిస్తూ తెరకెక్కిన రజాకార్ (Razakar) సినిమాపై ఆయన చేసిన వ్యాఖ్యలపై మండిపడుతున్నారు. తాజాగా ఎమ్మెల్యే రాజాసింగ్ (Rajasingh) దీనిపై స్పందిస్తూ కేటీఆర్ కు స్పెషల్ ఆఫర్ ఇచ్చారు. మీరు, మేము కలిసి రజాకార్ సినిమా చూద్దాం రండి అంటూ ఆహ్వానం పలికారు.

సెన్సార్ బోర్డుకి, పోలీసులకు లేఖ రాస్తామని బెదిరిస్తున్నారని మండిపడ్డారు. మీర్ ఉస్మాన్ అలీ ఖాన్ అరాచకాల గురించి కేసీఆర్ మీకు చెప్పలేదా అని ఎద్దేవ చేశారు. టీజర్ కే భయపడి నిజాం వారసులు ఇష్టం వచ్చినట్లు మాట్లాడుతున్నారని మండిపడ్డారు రాజాసింగ్. బీజేపీ జోకర్ కాదని, హీరో అని అన్నారు. సినిమా చూసి డెసిషన్ తీసుకోవాలని కేటీఆర్‌ కు సూచించారు.

రజాకార్ టీజర్ ను షేర్ చేసిన ఓ నెటిజన్ కేటీఆర్‌ ను ట్యాగ్ చేస్తూ.. శాంతి భద్రతలకు విఘాతం కలిగించేలా సీన్స్ ఉన్నాయని అన్నాడు. దీనికి స్పందించిన కేటీఆర్.. రాష్ట్రంలో తమ రాజకీయ ప్రచారం కోసం బీజేపీకి చెందిన కొందరు మత హింసకు ప్రయత్నిస్తున్నారని అన్నారు. రాష్ట్రంలో శాంతి భద్రతలు దెబ్బతినకుండా చూసేందుకు సెన్సార్ బోర్డుతో పాటు పోలీసుల దృష్టికి ఈ విషయాన్ని తీసుకెళ్తామని చెప్పారు.

కేటీఆర్ వ్యాఖ్యలపై హిందూ సంఘాలు మండిపడుతున్నాయి. తెలంగాణ ప్రజలను రాచిరంపాన పెట్టిన నిజాం అకృత్యాలను సినిమా చూపిస్తే మీకొచ్చిన బాధేంటని ప్రశ్నిస్తున్నాయి. ఈ వివాదం కొనసాగుతుండగానే.. మంత్రి తలసాని శ్రీనివాస్ కూడా కేటీఆర్ వ్యాఖ్యల్ని సమర్ధించారు. ప్రస్తుతం తెలంగాణలో గుడ్ గవర్నెన్స్ ఉందని.. రెచ్చగొట్టే సినిమాలు ఎవరు తీసినా చర్యలు తీసుకుంటామని హెచ్చరించారు. వివాదాస్పద చిత్రాలపై సెన్సార్ బోర్డుకు ఫిర్యాదు చేస్తామని వార్నింగ్ ఇచ్చారు.

September 19, 2023 0 comment

Breaking News Hyderabad Politics Telangana

Congress : బీజేపీకి బ్రిటిష్ వాళ్లే ఆదర్శం!

by admin September 19, 2023

written by admin

భారత్ నిర్మాణంలో నెహ్రూ (Nehru) దూరదృష్టి అమోఘమన్నారు కాంగ్రెస్ వర్కింగ్ ప్రెసిడెంట్ మహేష్ కుమార్ గౌడ్ (Mahesh Kumar Goud). స్వాతంత్ర్యం, తెలంగాణ ఉద్యమంలో పాత్ర లేని బీజేపీ (BJP).. ఇవాళ కేవలం పటేల్ నే ఆకాశానికెత్తడం కరెక్ట్ కాదని మండిపడ్డారు. నెహ్రూ, పటేల్ (Patel) సమిష్టిగా నిర్ణయాలు తీసుకున్నారని గుర్తు చేశారు. కేంద్ర హోంమంత్రి అమిత్ షా (Amit Shah) చరిత్రను వక్రీకరించే ప్రయత్నం చేయడం దురదృష్టకరమన్నారు.

బ్రిటిష్ వాళ్ల నీతిని బీజేపీ అనుసరిస్తోందన్న మహేష్ కుమార్.. ప్రజలను విడదీసి పాలించే ప్రయత్నం చేస్తోందని ఆరోపించారు. పటేల్ ప్రజా నాయకుడని.. కాంగ్రెస్ పార్టీకి చెందిన నేత అని గుర్తు చేశారు. గుండు సూది తయారుకాని దశ నుంచి రాకెట్ పంపించే స్థాయి వరకు భారత్ ఎదిగిందంటే.. దాని వెనుక నెహ్రూ, గాంధీ కుటుంబం త్యాగం ఉందని వివరించారు.

1981లో పుట్టిన బీజేపీకి కాంగ్రెస్ గురించి మాట్లాడే అర్హతే లేదన్న ఆయన.. తాము ఇచ్చిన ఆరు గ్యారెంటీలు అమలు చేస్తామని స్పష్టం చేశారు. విజయభేరి సభ విజయం చూసి బీజేపీ, బీఆర్ఎస్ లకు భయం పట్టుకుందని చురకలంటించారు. బీజేపీ, బీఆర్ఎస్ ప్రభుత్వాల్లో ఏ మంత్రికీ స్వేచ్ఛ లేదన్నారు. మహిళా బిల్లును తాము స్వాగతిస్తున్నామని.. ఇది కాంగ్రెస్ (Congress) మానస పుత్రిక అని తెలిపారు. ప్రపంచంలో అవినీతి సామ్రాట్ కేసీఆర్ (KCR) అని.. తక్కువ సమయంలో అతి ఎక్కువ దోచుకున్నారని ఆరోపించారు. 2004కు ముందు కేసీఆర్, కవిత, హరీష్ రావు ఆస్తులు ఎంత.. ఇప్పుడెంత? అని ప్రశ్నించారు.

ఇక రజాకార్ సినిమాపై వివాదం నెలకొన్న నేపథ్యంలో స్పందించారు మహేష్ కుమార్ గౌడ్. రజాకార్ ఫైల్స్ తో ఏం చేసుకుంటారని అన్నారు. రజాకార్లు, నిజాం వ్యతిరేక పోరాటంలో ఆర్ఎస్ఎస్, వీహెచ్పీ ఉన్నాయా? అని అడిగారు. తెలంగాణ ప్రజలు తెలివైనవారని.. ఎన్ని రెచ్చగొట్టే సినిమాలు తీసినా.. శాంతిభద్రతలను దెబ్బతీయలేరని హెచ్చరించారు మహేష్ కుమార్ గౌడ్.

September 19, 2023 0 comment

Womens Reservation Bill tabled in Lok Sabha

Breaking News National

Woman Reservation Bill: లోక్ సభ ముందుకు మహిళా రిజర్వేషన్ బిల్లు… మోడీ కీలక వ్యాఖ్యలు….!

by Ramu September 19, 2023

written by Ramu

మహిళా రిజర్వేషన్ బిల్లు ఈ రోజు లోక్ సభ ముందుకు వచ్చింది. పార్లమెంట్ నూతన భవనంలో ఈ బిల్లును లోక్ సభలో కేంద్ర న్యాయ శాఖ మంత్రి అర్జున్ మేఘ్ వాల్ (Arjun Meghwal) ప్రవేశ పెట్టారు. చట్టసభల్లో మహిళలకు 33 శాతం రిజర్వేషన్ల (Reservtions) ను ఈ బిల్లు కల్పించనుంది. అన్ని పార్టీల మద్దతు ఉన్న నేపథ్యంలో ఈ బిల్లుకు త్వరగానే ఆమోదం లభించే అవకాశం ఉందని అంతా భావిస్తున్నారు.

బిల్లు ప్రవేశ పెట్టిన సందర్బంగా ప్రధాని మోడీ మాట్లాడుతూ.. పార్లమెంట్ నూతన భవనంలో ఈ చారిత్రాత్మక సందర్భంలో సభ మొదటి ప్రొసీడింగ్ గా పార్లమెంట్ సభ్యులంతా మహిళా శక్తికి ద్వారాలను తెరెచేలా ఈ కీలక నిర్ణయంతో శ్రీకారం చుడుతున్నామని మోడీ చెప్పారు. మహిళల సారథ్యంలోని అభివృద్ధి నిర్ణయాన్ని మరింత ముందుకు తీసుకు వెళ్లేందుకు తమ ప్రభుత్వం ముఖ్యమైన రాజ్యాంగ సవరణ బిల్లును తీసుకు వచ్చిందన్నారు.

లోక్ సభ, రాజ్య సభలో మహిళా సభ్యత్వాన్ని పెంచడమే లక్ష్యంగా ఈ బిల్లును తీసుకు వస్తున్నామని మోడీ వివరించారు. ‘నారీ శక్తి వందన్ అభినయం’ అనేది తదుపరి మన ప్రజాస్వామ్యాన్ని మరింత బలోపేతం చేస్తుందన్నారు. మహిళా రిజర్వేషన్ పై సుదీర్ఘకాలంగా చర్చ జరుగుతోందన్నారు. ఈ బిల్లును అటల్ బిహారీ వాజ్ పాయ్ హయాంలో పలు మార్లు బీజేపీ ప్రవేశ పెట్టిందన్నారు.

కానీ తగినంత మెజారిటీ లేక పోవడంతో బిల్లుకు ఆమోదం లభించలేదన్నారు. అందువల్ల ఈ స్వప్నం అసంపూర్తిగా మిగిలిపోయిందన్నారు. ఈ రోజు ఆ బిల్లును ముందుకు తీసుకు వెళ్లే అవకాశం తనకు భగవంతుడు ఇచ్చాడన్నారు. ఈ రోజు ఉభయ సభల్లో తమ ప్రభుత్వం దీనికి సంబంధించి నూతన బిల్లును తీసుకు వస్తోందని ఆయన వెల్లడించారు.

September 19, 2023 0 comment

Petition in High Court to Postpone Group 2 Exam

Breaking News Hyderabad Politics Telangana

High Court : ఫుడ్ పాయిజన్ ఘటనలు.. ప్రభుత్వానికి హైకోర్టు కీలక ఆదేశాలు

by admin September 19, 2023

written by admin

ఈమధ్య కాలంలో ప్రభుత్వ స్కూళ్లు, హాస్టళ్లలో ఫుడ్ పాయిజన్ ఘటనలు, వసతుల కోసం విద్యార్థుల ధర్నాలు కామన్ అయిపోయాయి. బంగారు తెలంగాణ పాట పాడుతున్న కేసీఆర్ (KCR) ప్రభుత్వం మాటలకే పరిమితం అయిందనే విమర్శలు ఎక్కువయ్యాయి. ఇదే క్రమంలో న్యాయవాది చిక్కుడు ప్రభాకర్ హైకోర్టు (High Court) లో పిటిషన్ వేశారు. దీనిపై మంగళవారం విచారణ జరగగా న్యాయస్థానం కీలక ఆదేశాలు జారీ చేసింది.

మన్ననూర్, మోర్తాడ్, హుజూరాబాద్, మంచాలలో వరుసగా కలుషిత ఆహారం తీసుకుని విద్యార్థులు ఆస్పత్రి పాలయ్యారు. దాదాపు 300 మంది కడుపునొప్పి, తలనొప్పి, ఫుడ్ పాయిజన్‌, తీవ్రమైన జ్వరంతో ఇబ్బందులు పడుతున్నారని న్యాయస్థానం దృష్టికి తీసుకెళ్లారు పిటిషనర్. పిల్లల ప్రాణాల రక్షణకు చర్యలు చేపట్టాలని న్యాయవాది వాదించారు.

ఉచిత, నిర్బంధ, విద్యా హక్కు నిబంధనలను రాష్ట్ర ప్రభుత్వం పాటించడం లేదని కోర్టు దృష్టికి తీసుకెళ్లారు. నాణ్యమైన ఆహారం లేకుండా రెసిడెన్షియల్ పాఠశాలలు, హాస్టళ్లలో విద్యార్థులు నరకయాతన అనుభవిస్తున్నారని తెలిపారు. మంచినీరు, కిచెన్‌, మరుగుదొడ్ల పరిశుభ్రత లేక విద్యార్థులు కడుపు బాధపడుతున్నారని వాదించారు. ఈ సందర్భంగా హైకోర్టు కీలక వ్యాఖ్యలు చేసింది.

గురుకుల హాస్టల్స్ లో సరైన సదుపాయాలు ఎందుకు కల్పించడం లేదని రాష్ట్ర ప్రభుత్వాన్ని ప్రశ్నించింది న్యాయస్థానం. రెండు వారాల్లోగా రాష్ట్రవ్యాప్తంగా ఉన్న అన్ని హాస్టల్స్ లో పూర్తి స్థాయిలో సదుపాయాలు కల్పించాలని ఆదేశించింది. అంతేకాదు, గురుకుల హాస్టల్స్ స్టేటస్ పై రెండు వారాల్లోగా రిపోర్ట్ సబ్మిట్ చేయాలని స్పష్టం చేసింది. తదుపరి విచారణను అక్టోబర్ 6కు వాయిదా వేసింది హైకోర్టు.

September 19, 2023 0 comment

old parliament building will be now called as samvidhan sadan said pm modi

Breaking News National

Parliament : పార్లమెంట్ పాత భవనాన్ని ఆ పేరుతో పిలవండి… ప్రధాని మోడీ సూచన…..!

by Ramu September 19, 2023

written by Ramu

పార్లమెంట్ నూతన భవనం (Parliament New Building) లోకి ప్రవేశిస్తున్న నేపథ్యంలో ప్రధాని మోడీ (PM Modi) కీలక వ్యాఖ్యలు చేశారు. ఇక నుంచి పార్లమెంట్ పాత భవనాన్ని ‘సంవిధాన్ సదన్’(Samvidhan Sadhan) గా పిలవాలని ఆయన అన్నారు. గత 75 ఏండ్లుగా ఈ పార్లమెంట్ భవనంలో సమావేశాలు జరుగుతున్నాయన్నారు. ఆ భవనాన్ని కేవలం పాత భవనంగా పిలిచి దాన్ని గౌరవాన్ని తగ్గించకూడదన్నారు.

నూతన భవనంలోకి వెళ్లినంత మాత్రాన‌ పార్ల‌మెంట్ పాత బిల్డింగ్ హుందాత‌నం ఏమాత్రం త‌గ్గిపోవ‌ద్దని సూచించారు. ఈ భవనాన్ని ‘సంవిధాన్‌ సదన్‌’గా పేర్కొనడం పార్లమెంటులో చరిత్ర సృష్టించిన నాయకులకు నివాళులర్పించినట్లవుతుందని ప్రధాని అన్నారు. భవిష్యత్ తరాలకు ఈ వర్తమానాన్ని అందించే అవకాశాన్ని మనం వదులుకోకూడదన్నారు.

దేశాన్ని ఆత్మ నిర్భ‌రంగా మార్చ‌డమే మనందరి బాధ్య‌త‌గా ఉండాల‌ని పేర్కొన్నారు. దేశ భ‌విష్య‌త్ కోసం స‌రైన స‌మ‌యంలో స‌రైన నిర్ణ‌యాలు తీసుకోవాలని సూచించారు. కేవ‌లం రాజ‌కీయ లాభాల గురించి ఆలోచించ‌వ‌ద్దని చెప్పారు. జ్ఞానం-ఆవిష్క‌ర‌ణ‌ల‌పై ఫోక‌స్ చేయాల‌న్నారు. ప్రధాని మోడీ ప్రసంగం తర్వాత పార్లమెంట్ ను నూతన భవనంలోకి మార్చారు.

ప్రసంగం ముగిసిన వెంటనే ఎంపీలంతా పాత భవనం నుంచి కొత్త భవనానికి నడిచి వెళ్లారు. పార్లమెంట్ నూతన భవనంలోకి ప్రవేశించగానే ఎంపీలందరికీ ప్రత్యేక గిఫ్టులు అందజేశారు. అందులో ఒక బ్యాగులో రాజ్యాంగ పుస్తకం, పార్లమెంట్ విశిష్టతలను వివరించే పుస్తకం, స్మారక చిహ్నం వున్నాయి.

September 19, 2023 0 comment

Breaking News Featured Hyderabad Telangana

Womens’s Reservation Bill : మహిళా బిల్లు.. పార్టీల ఘొల్లు!

by admin September 19, 2023

written by admin

– మహిళా బిల్లు క్రెడిట్ కోసం పార్టీల పాట్లు
– అంతా కవిత వల్లేనంటున్న బీఆర్ఎస్
– డ్రామాలు ఆపాలని కాంగ్రెస్ కౌంటర్
– మహిళా బిల్లు కాంగ్రెస్ మానస పుత్రిక అంటున్న నేతలు
– మోడీ కృషి వల్లే ఇది సాధ్యమైందంటున్న బీజేపీ

మహిళా రిజర్వేషన్ బిల్లు (Womens’s Reservation Bill) ఆమోదం చివరి అంకంలో ఉంది. ఈ నేపథ్యంలో పార్టీలు క్రిడెట్ కోసం తంటాలు పడుతున్నాయి. ముఖ్యంగా బీఆర్ఎస్ (BRS) నేతలు మరీ ఓవర్ గా రియాక్ట్ అవుతున్నారనే విమర్శలు వినిపిస్తున్నాయి. మంత్రి సత్యవతి రాథోడ్ (Satyawathi Rathod) మాట్లాడుతూ.. చట్టసభల్లో మహిళలకు 33 శాతం రిజర్వేషన్ల అమలుకు పోరాడిన ఎమ్మెల్సీ కవిత (MLC Kavitha) ఉద్యమం వృథా కాలేదని, ఆమె పోరాటానికి కేంద్ర ప్రభుత్వం తలొగ్గిందని అన్నారు. కవిత వల్లే లోక్ సభ, అసెంబ్లీల్లో మహిళలకు 33 శాతం రిజర్వేషన్లు దక్కుతున్నాయని చెప్పారు. అంతేకాదు, ఈ బిల్లును ఆమోదించాలని కేంద్రానికి లేఖ రాసి సీఎం కేసీఆర్ (CM KCR) పెద్ద పాత్ర పోషించారని అన్నారు సత్యవతి రాథోడ్. ఈమే కాదు ఇంకా ఇతర గులాబీ నేతలు కవిత నిర్విరామ పోరాట ఫలితం వల్లే ఇది సాధ్యమౌతోందని చెప్పుకొచ్చారు.

బీఆర్ఎస్ నేతల వ్యాఖ్యలపై ఇతర పార్టీల నాయకులు మండిపడుతున్నారు. లిక్కర్ కేసులో అడ్డంగా దొరికిపోయి.. ఈడీ విచారణను డైవర్ట్ చేయడానికే కవిత మహిళా బిల్లు డ్రామా మొదలు పెట్టారని విమర్శలు చేస్తున్నారు. నిన్నగాక మొన్న మహిళా బిల్లు రాగం అందుకున్న కవిత వల్లే ఇది జరిగితే.. రాజీవ్ గాంధీ (Rajiv Gandhi) హయాంలోనే మహిళలకు అధిక పాధాన్యం ఇస్తూ లోకల్ ఎన్నికల్లో సీట్లు ఎక్కువ కేటాయించిన తమ పార్టీ పాత్ర లేదా? అని కాంగ్రెస్ (Congress) నేతలు ప్రశ్నిస్తున్నారు. కాంగ్రెస్ వర్కింగ్ ప్రెసిడెంట్ మహేష్ కుమార్ గౌడ్ (Mahesh Kumar Goud) తాజాగా దీనిపై స్పందిస్తూ.. కేబినెట్ లో ఒక్క మహిళ లేరని తండ్రిని అడిగే ధైర్యం లేని కవిత మహిళా బిల్లు కోసం పోరాటం చేశారంటే ఎవరు నమ్ముతారని అన్నారు. వినేవాళ్లు ఉంటే చంద్రయాన్ రాకెట్ నేనే చేశా అని కవిత చెబుతారేమో అంటూ సెటైర్లు వేశారు. మహిళా బిల్లు కాంగ్రెస్ మానస పుత్రిక అని చెప్పిన ఆయన.. ఈ బిల్లును కాంగ్రెస్ స్వాగతిస్తోందని తెలిపారు.

మరోవైపు, మహిళా రిజర్వేషన్ బిల్లును కేంద్రమంత్రి వర్గం ఆమోదించడం చారిత్రాత్మక నిర్ణయమని బీజేపీ (BJP) నేతలు అంటున్నారు. మహిళల తరుపున ప్రధాని మోడీ (PM Modi), కేంద్రానికి కృతజ్ఞతలు తెలుపుతున్నారు. మహిళా రిజర్వేషన్ బిల్లును గతంలో మొదట పార్లమెంట్‌ లో ప్రవేశ పెట్టింది ఎన్డీఏ (NDA) ప్రభుత్వమేనని గుర్తు చేస్తున్నారు. సొంత పార్టీలో, ఏ ఒక్క కమిటీలో మహిళలకు ప్రాధాన్యం ఇవ్వని బీఆర్‌ఎస్‌ వల్లే ఈ బిల్లుకు ఆమోదముద్ర పడుతోందని జరుగుతున్న ప్రచారాన్ని తిప్పికొడుతున్నారు. మొత్తంగా మహిళా బిల్లు క్రెడిట్ కోసం పార్టీలు తెగ తాపత్రయపడుతున్నట్టు కనిపిస్తోంది.

September 19, 2023 0 comment

Sonia Gandhi On Womens Reservation Bill It Is Ours

Breaking News National

Sonia Gandhi : మహిళా రిజర్వేషన్ బిల్లుపై సోనియా గాంధీ స్పందన ఇదే….!

by Ramu September 19, 2023

written by Ramu

మహిళా రిజర్వేషన్ (Woman Reservation Bill) బిల్లుపై కాంగ్రెస్ మాజీ అధినేత్రి సోనియాగాంధీ(Sonia Gandhi) స్పందించారు. ఈ బిల్లు మనదేనన్నారు. మహిళా రిజర్వేషన్ బిల్లుకు కేంద్ర కేబినెట్ (Union Cabinet) ఆమోదం తెలిపినట్టు కేంద్ర మంత్రి ప్రహ్లాద్ సింగ్ పటేల్ ట్వీట్ చేశారు. పార్లమెంట్ ప్రత్యేక సమావేశాలకు హాజరయ్యేందకు సోనియాగాంధీ ఈ రోజు పార్లమెంట్ కు చేరుకున్నారు.

ఈ నేపథ్యంలో బిల్లుపై అభిప్రాయాన్ని తెలపాలని ఆమెను మీడియా కోరింది. ఈ నేపథ్యంలో బిల్లు మనదేనని ఆమె అన్నారు. అంతకు ముందు కాంగ్రెస జనరల్ సెక్రటరీ, రాజ్య సభ ఎంపీ కేసీ వేణుగోపాల్ స్పందించారు. దేశం నిజంగా అభివృద్ధి చెందాలంటే, నిర్ణయాత్మక ప్రక్రియల నుండి 50 శాతం జనాభాను వది పెట్టకూడదన్నారు. ఈ విషయాన్ని సోనియా గాంధీ, మన్మోహన్ సింగ్ గుర్తించారన్నారు.

అందుకే 2010లో మహిళా రిజర్వేషన్ బిల్లును తీసుకువచ్చి రాజ్యసభలో ఆమోదించారని చెప్పారు. ఈ బిల్లుపై బీజేపీ సీరియస్‌గా ఉంటే వెంటనే లోక్‌సభలో బిల్లును ఆమోదించేలా చూస్తుందన్నారు. మరోవైపు మహిళా రిజర్వేషన్ బిల్లుపై కాంగ్రెస్ మాజీ సీనియర్ నేత కపిల్ సిబల్ స్పందించారు. ఈ బిల్లుకు అన్ని రాజకీయ పార్టీల నుంచి పూర్తి స్థాయిలో మద్దతు ఉందన్నారు.

అలాంటి సందర్భంలో ప్రధాని మోడీ ఈ బిల్లు కోసం పదేండ్లు ఎందుకు వేచి చూశారని ఆయన ప్రశ్నించారు. ఈ బిల్లును 2024లోనే ఎందుకు ప్రవేశ పెడుతున్నారని ఆయన అడిగారు. ఓబీసీ మహిళలకు రిజర్వేషన్ కల్పించక పోతే రానున్న సార్వత్రిక ఎన్నికల్లో యూపీలోనూ బీజేపీకి ఓటమి తప్పదన్నారు.

September 19, 2023 0 comment

Newer Posts

Older Posts