Crime

బయటికి వెళ్ళిన వారు తిరిగి ఇంటికి వస్తారనే నమ్మకం లేని రోజులు ప్రస్తుతం కొనసాగుతున్నాయి.. ఏ క్షణం ప్రాణాలు పోతాయో తెలియని పరిస్థితులు నెలకొన్నాయి. ఇప్పటికే రోడ్డు ప్రమాదాలు (Road Accidents) రికార్డు స్థాయిలో నమోదవడం కనిపిస్తోంది. ఇదిలా ఉండగా నడుచుకుంటూ వెళ్తున్న ఓ గిరిజన మహిళను స్కార్పియో వాహనం ఢీకొనడంతో అక్కడికక్కడే మృతి చెందింది.

పోలీసులు తెలిపిన వివరాల ప్రకారం.. మండలంలోని ధర్మసాగర్ (Dharmasagar), గేట్ తాండాకు చెందిన గమిని (65) టీ తాగడానికి హోటల్‌కు వచ్చి తిరిగి ఇంటికి వెళ్తున్న క్రమంలో ఈ ప్రమాదం చోటు చేసుకొంది. మెదక్ (Medak) వైపు నుంచి నర్సాపూర్ (Narsapur) వెళ్తున్న స్కార్పియో వాహనం బలంగా ఢీకొట్టింది. దీంతో ఆమె అక్కడిక్కడే మరణించింది. రోడ్డు ప్రమాదం జరిగిన సమాచారం అందుకొన్న స్థానిక పోలీసులు ఘటన స్థలానికి చేరుకొన్నారు.

ప్రమాదం జరిగిన తీరును పరిశీలించారు.. కేసు నమోదు చేసుకొన్న పోలీసులు మృతదేహాన్ని పోస్టుమార్టం నిమిత్తం నర్సాపూర్ ప్రభుత్వ ఆసుపత్రికి తరలించారు. మృతురాలికి భర్త, కుమారుడు, ఇద్దరు కుమార్తెలు ఉన్నట్లు సమాచారం. ఇక గమిని మృతితో తండాలో విషాదఛాయలు అలుముకొన్నాయి. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేసినట్లు ఎస్ఐ రంజిత్ రెడ్డి తెలిపారు. ఇంకా పూర్తి వివరాలు తెలియవలసి ఉంది.

రాష్ట్రంలో విద్యార్థినిల ఆత్మహత్యలు ఆగడం లేదు. ఇప్పటికే తెలంగాణలో ఉన్న పలు హాస్టల్లో, గురుకులాల్లో ఉన్న విద్యార్థినిలు బలవన్మరణానికి పాల్పడిన సంఘటనలు ఆందోళన కలిగిస్తున్నాయి.. ఇలా జరుగుతున్న ఘటనల్లో అసలు విషయం పూర్తి క్లారిటీగా బయటకు రావడం లేదనే ఆరోపణలు ఉన్నాయి. అదీగాక విద్యార్థి సంఘాలు సైతం ఆందోళన వ్యక్తం చేస్తున్నారు. ఇక ఈ ఘటనల నుంచి కొలుకోకుండానే మరో దుర్వార్త వెలుగులోకి వచ్చింది.

సూర్యాపేట (Suryapet) జిల్లాలో మరో గురుకుల విద్యార్థిని బలవన్మరణానికి పాల్పడింది. హోం సిక్‌ లీవుల్లో ఇంటికి వెళ్లిన పదో తరగతి విద్యార్థిని ఆత్మహత్యకు పాల్పడినట్లు సమాచారం. ఇమాంపేట (Imampeta) ఎస్సీ గురుకుల పాఠశాల (SC Gurukula School)లో పదో తరగతి చదవుతున్న అస్మిత అనే విద్యార్థిని తన ఇంట్లో ఫ్యాన్‌కి ఉరి వేసుకొని ఆత్మహత్య చేసుకొంది..

అయితే ఈ నెల 10న అదే గురుకుల పాఠశాలలో ఇంటర్మీడియట్‌ సెకండియర్‌ చదవుతున్న విద్యార్థిని వైష్ణవి అనుమానాస్పద స్థితిలో మరణించిన సంగతి తెలిసిందే.. ఈనేపథ్యంలో పాఠశాలలో ఉన్న విద్యార్థులు భయాందోళనకు గురికాకుండా ఉండటానికి నాలుగు రోజులపాటు హోం సిక్‌ సెలవులు ఇచ్చారు. ఈ క్రమంలో అస్మిక తన ఊరు అయిన మోతె (Mote) మండలం బుర్కచర్ల (Burkacherla) గ్రామానికి వెళ్ళింది.

నిన్న ఉదయం రోజు వారిలా ఈమె తల్లి కూలి పనికి వెళ్లింది. తండ్రి వేరే పనినిమిత్తం బయటకి వెళ్లాడాని సమాచారం. వీరిద్దరూ సాయంత్రం ఇంటికి వచ్చి చూసే సరికి ఇంట్లో ఫ్యాన్‌కి ఉరి వేసుకుని మరణించిన కూతురు కనిపింది. మరోవైపు అస్మిక అదే రోజు స్కూల్‌కు తిరిగి వెళ్లాల్సి ఉన్నది. ఇంతలోనే విగత జీవిగా మారింది. దీంతో అస్మిక మృతిపై పలు అనుమానాలు వ్యక్తం అవుతున్నాయి. ఈ ఘటనపై కేసు నమోదుచేసుకొన్న పోలీసులు దర్యాప్తు ప్రారంభించారు. పూర్తి వివరాలు తెలియవలసి ఉంది.

వేసవి కాలం దొంగలకు అనుకులమైనదిగా భావిస్తారన్న సంగతి తెలిసిందే. వేసవి సెలవులకు జనం ఊర్లకు, తీర్థ యాత్రలకు ఎక్కువగా వెళ్ళడం తెలిసిందే. ఇక పగలంతా పని చేసి ఆదమరచి నిద్రలోకి జారుకుంటారు.. ఇలాంటి చిన్న చిన్న పాయింట్స్ ఆసరాగా చేసుకొని దొంగలు (Thieves) రెచ్చిపోవడం కనిపిస్తోంది. ప్రస్తుతం వేసవి వచ్చింది కదా.. ఇక దొంగలు కూడా తమ చేతులకు పనికల్పించారు.

ఈ క్రమంలో దొంగలు జహీరాబాద్ (Zaheerabad) పట్టణంలో విరుచుకుపడ్డారు. షటర్లు ద్వంసం చేసి పలు షాపుల్లో నగదు, వైన్స్‌లలో మద్యంతో పాటు, నగదు తదితర విలువైన వస్తు సామగ్రిని దొరికిన కాడికి దోచేసారు. నిన్న రాత్రి సమయంలో జహీరాబాద్ చెక్‌పోస్ట్ దగ్గర ఉన్న వినాయక వైన్స్ (Vinayaka Wines), పస్తాపూర్ చౌరస్తాలోని జై భవాని వైన్స్, ఓల్డ్ వాణి జూనియర్ కాలేజ్ (Old Vani Junior College) వద్ద 3 బట్టల దుకాణాల్లో, సుభాష్ గంజ్‌లోని గణేష్ సాయి ట్రేడర్స్‌లో దొంగతనానికి పాల్పడ్డారు.

ఇక చోరీ సమాచారం అందిన వెంటనే రంగంలోకి దిగిన పోలీసులు (Police) దర్యాప్తు ముమ్మరం చేశారు. దొంగల ముఠా కోసం గాలింపు చర్యలు చేపట్టారు. ప్రత్యేక బలగాలను రంగంలోకి దింపారు. సీసీ పుటేజీలను నిశితంగా పరిశీలిస్తున్నారు. మరోవైపు జహీరాబాద్ పట్టణంలో చాలా సంవత్సరాల తర్వాత ఇంత పెద్ద మొత్తంలో షట్టర్ దొంగలు బీభత్సం సృష్టించడం ఆందోళన కలిగిస్తోంది.

అయితే ఈ చోరీలో జరిగిన నష్టం ఎంత, పోయిన డబ్బులు ఎన్ని, ఏయే దుకాణాల్లో చోరీ జరిగింది, ఎంతమంది ముఠా సభ్యులు ఈ దొంగతనంలో పాల్గొన్నారు. అనే తదితర వివరాలు తెలియవలసి ఉంది.