Health

భారత్‌లో కరోనా (CoronaVirus) కేసులు క్రమంగా పెరుగుతున్నాయి. గడిచిన 24 గంటల్లో 774 కొత్త కేసులు నమోదు అయినట్లు కేంద్ర ఆరోగ్య, కుటుంబ సంక్షేమ మంత్రిత్వ శాఖ (Union Ministry of Health and Family Welfare) శనివారం ప్రకటించింది. వీటిలో రెండు మరణాలు రికార్డయ్యాయి.

అయితే, కొత్త వేరియంట్ JN.1 సోకిన వారు 600కుపైగా ఉండటం ప్రజల్లో ఆందోళన కలిగిస్తోంది. మృతుల్లో గుజరాత్, తమిళనాడులో ఒక్కొక్కటి చొప్పున నమోదు అయ్యాయి. అధికారిక వర్గాల ప్రకారం డిసెంబర్ 5 నుంచి ఒకే రోజులో అత్యధిక సంఖ్యలో కొవిడ్-19 కేసులు డిసెంబర్ 31, 2023న 841 నమోదయ్యాయి.

ఇది మే 2021లో నమోదైన అత్యధిక కేసుల్లో 0.2 శాతం. మరోవైపు కరోనా చికిత్స పొందుతున్న మొత్తం 4,187 మందిలో 92 శాతం మంది ఇంట్లోనే ఉండి చికిత్స పొందుతున్నారు. నాలుగు సంవత్సరాలలో దేశవ్యాప్తంగా 4.5 కోట్ల మందికి పైగా ప్రజలు కోవిడ్ బారిన పడ్డారు.

దాదాపు 5.3 లక్షల మంది మృతిచెందారు. ఆరోగ్య మంత్రిత్వ శాఖ వెబ్‌సైట్ ప్రకారం ఇప్పటివరకు కరోనా నుంచి కోలుకున్న వారి సంఖ్య 4.4 కోట్లకుపైగా ఉంది. జాతీయ రికవరీ రేటు 98.81 శాతం ఉండగా దేశంలో కొవిడ్-19 కట్టడికి ఇప్పటివరకు 220.67 కోట్ల డోసులు అందించినట్లు మంత్రిత్వ శాఖ తెలిపింది.

పెరుగుతున్న కరోనా కేసుల దృష్ట్యా ప్రపంచ ఆరోగ్య సంస్థ (WHO) ఆగ్నేయ ఆసియా ప్రాంత దేశాలకు కీలక సూచనలు చేసింది. కొవిడ్-19 కొత్త వేరియంట్ JN.1, ఇన్ల్ఫుయెంజాతో సహాతో శ్వాసకోశ వ్యాధుల కేసుల సంఖ్య పెరుగుతున్న దృష్ట్యా అప్రమత్తం చేసింది. కొత్త వేరియెంట్ల నివారణకు చర్యలు తీసుకోవాలని కోరింది.

డబ్ల్యూహెచ్‌వో ఆగ్నేయాసియా ప్రాంతీయ డైరెక్టర్ డాక్టర్ పూనమ్ ఖేత్రపాల్ సింగ్ మాట్లాడుతూ.. COVID-19 వైరస్ ప్రపంచవ్యాప్తంగా అన్ని దేశవిదేశాలకు వ్యాపించి స్వరూపాన్ని మార్చుకుంటోందని తెలిపారు. అయితే కొత్తగా వచ్చిన JN.1 వేరియంట్‌తో పెద్ద ప్రమాదమేమీ లేదని తెలిపారు. ఈ వైరస్‌ల పరిణామాన్ని ఎప్పటికప్పుడు గమనించాలని సూచించారు.

దీని కోసం దేశాలు పర్యవేక్షణ, సీక్వెన్సింగ్‌ను బలోపేతం చేయాల్సిన అవసరం ఉందన్నారు. డేటా షేరింగ్‌ను నిర్ధారించాలన్నారు. ఇటీవల అనేక దేశాల్లో JN.1 కేసులు నమోదైన విషయం తెలిసిందే. ప్రపంచవ్యాప్తంగా దీని వ్యాప్తి వేగంగా పెరుగుతోంది. అయినప్పటికీ JN.1 ద్వారా ఎదురయ్యే అదనపు ప్రజారోగ్య ప్రమాదం తక్కువగాగా ఉన్నట్లు డాక్టర్లు అంచనా వేస్తున్నారు.

ఇతర వైరల్, బాక్టీరియల్ ఇన్ఫెక్షన్ల వ్యాప్తి శీతాకాలంలో ఎక్కువగా ఉంటుందని అందువల్లే ఈ వేరియంట్ వేగంగా వ్యప్తి చెందుతోందని తెలిపారు. అదేవిధంగా వీలైనంత వరకు ప్రయాణాలను రద్దు చేసుకోవడం మంచిదని సూచిస్తున్నారు.

భారత్‌లో క్రియాశీల కొవిడ్ కేసులు(Covid Cases) శుక్రవారం 3వేల మార్క్‌ను దాటాయి. అయితే కొత్త సబ్-వేరియంట్ JN-1 మొదటి కేసును గుర్తించిన తర్వాత కేసుల ఆకస్మిక పెరుగుదల గుబులు పుట్టిస్తోంది. ఈ నేపథ్యంలో కేరళలో ఒకరు మృతిచెందినట్లు కేంద్ర ఆరోగ్య మంత్రిత్వ శాఖ వెల్లడించింది.

మంత్రిత్వ శాఖ ప్రకారం.. క్రియాశీల కేసులు నిన్న 2,669 ఉండగా.. నేటికి 2,997కి పెరిగాయి. కేరళకు చెందిన ఒకరు వైరస్ బారిన పడి మరణించడంతో మృతుల సంఖ్య 5,33,328కి చేరుకుంది. మరణాల రేటు 1.18శాతంగా నమోదైంది. 10రాష్ట్రాలతో పాటు ఒక కేంద్ర పాలిత ప్రాంతంలో కూడా యాక్టివ్ కేసులు పెరిగాయి.

ఏపీ, బీహార్, ఛత్తీస్‌గఢ్, గుజరాత్, కర్ణాటక, మహారాష్ట్ర, రాజస్థాన్, తమిళనాడు, తెలంగాణ, ఉత్తరప్రదేశ్ రాష్ట్రాలతో పాటు కేంద్ర పాలిత ప్రాంతం పుదుచ్చేరిలో కొవిడ్ యాక్టివ్ కేసులు ఉన్నట్లు ఆరోగ్య మంత్రిత్వ శాఖ డేటా వెల్లడించింది. కొవిడ్-19 నుంచి ఇప్పటివరకు 4,44,70,887 మంది కోలుకున్నారు. జాతీయ రికవరీ రేటు 98.81 శాతంగా ఉందని ఆరోగ్య మంత్రిత్వ శాఖ వెల్లడించింది.

తాజాగా గురువారం, భారత్‌లో 594 కొవిడ్ -19 కేసులు నమోదయ్యాయి, క్రియాశీల కేసుల సంఖ్య అంతకుముందు రోజు 2,311 నుండి 2,669కి పెరిగిందని ఆరోగ్య మంత్రిత్వ శాఖ తెలిపింది. మొత్తం ఆరుగురు కొవిడ్ కారణంగా ప్రాణాలు కోల్పోయారు. అందులో కేరళకు చెందిన ముగ్గురు, కర్ణాటకకు చెందిన ఇద్దరు, మృతిచెందారని పేర్కొంది. ఈ మేరకు ప్రజలు అప్రమత్తంగా ఉండాలని ఆరోగ్య శాఖ హెచ్చరించింది.

ప్రపంచాన్ని గడగడలాడించిన కరోనా(Corona) మరోసారి విజృంభిస్తోంది. చాపకింద నీరులా యాక్టివ్ కేసులు రోజురోజుకు పెరిగిపోతున్నాయి. అంతేకాదు.. పలు రాష్ట్రాల్లో మృతుల(Deaths) సంఖ్య పెరుగుతోంది. 24గంటల్లో ఐదుగురు మహమ్మారితో పోరాడుతూ మృతిచెందారు. కరోనాతో కేరళ(Kerala)లో నలుగురు, యూపీలో ఒకరు ప్రాణాలు విడిచారు. కొవిడ్-19 కారణంగా భారత్‌లో ఇప్పటి వరకు 5,33,317మంది మృతిచెందారు.

దేశంలో కరోనా మరణాల రేటు 1.19శాతం ఉంది. కోలుకుంటున్న వారి సంఖ్య 4.46కోట్లకు పెరిగింది. జాతీయ రికవరీ రేటు 98.81శాతంగా ఆరోగ్య మంత్రిత్వ శాఖ అంచనా వేస్తోంది. మరోవైపు భారత్‌లో ఇప్పటి వరకు 220.67కోట్ల కొవిడ్ వ్యాక్సిన్లు ఇచ్చారు. అయితే మళ్లీ కరోనా కేసులు పెరుగుతుండడంతో ప్రపంచ ఆరోగ్య సంస్థ(WHO) ఆందోళన వ్యక్తం చేస్తోంది. ఇప్పటికే సింగపూర్ ప్రభుత్వం మాస్క్ ధరించడం తప్పనిసరి చేసింది.

డిసెంబర్ 3 నుంచి 9వ తేదీ మధ్య కొవిడ్ కేసుల సంఖ్య 56,043కి పెరగడంతో ఆ ప్రభుత్వం ఈ నిర్ణయానికి వచ్చింది. నవంబర్ 18వ తేదీన 79ఏళ్ల మహిళ నుంచి వచ్చిన నమూనా ఆర్టీ-పీసీఆర్ (RT-PCR) పరీక్షలో పాజిటివ్‌గా తేలింది. ఆమెకు ఇన్ఫ్లుఎంజా లక్షణాలు ఉన్నట్లు తేల్చారు. ప్రస్తుతం ఆమె కొవిడ్-19 నుంచి కోలుకున్నట్లు తెలిసింది.

అదేవిధంగా సింగపూర్‌లో ఉన్న ఒక భారతీయ యాత్రికుడు జేఎన్-1 (JN.1) సబ్-వేరియంట్ బారిన పడ్డాడు. తమిళనాడులోని తిరుచిరాపల్లి జిల్లాకు చెందిన ఆ వ్యక్తి అక్టోబర్ 25వ తేదీన సింగపూర్‌కు వెళ్లాడు. అయితే తమిళనాడులో అలాంటి కేసులేవీ నమోదు కాలేదని అధికారులు తెలిపారు.