Health

సిటీలు, పల్లెటూళ్లు అని కాదు ఈ మధ్య చాలా మంది ఫుడ్ యాప్స్ వైపే మొగ్గు చూపిస్తున్నారు. అలసి పోయి ఇంటికి వచ్చినా, లేట్ నైట్ ఇంటికి చేరుకున్నా ఆకలి తీర్చే ఆపన్న హస్తాలు  ఫుడ్ యాప్ లే..!

ఫ్రెష్ అప్ అయ్యే లోపు ఆర్డర్ పెట్టిన ఫుడ్  ఇంటికి వచ్చి వాలుతుంది. ప్రస్తుతం అవకాశం ఉన్నా లేకున్నా అలవాటుగా ఫుడ యాప్ తలుపు తడుతున్నారు. వీకెండ్స్ లో హోటళ్లకు, రెస్టారెంట్లకు పరుగులు తీస్తన్నారు.

పొరుగింటి పుల్లకూర ఎలాగూ రుచే, హోటల్,రెస్టారెంట్ ఫుడ్స్ కూడా మనం ఇష్టంగా తింటుంటాం. అయితే వీటిని రకరకాల ఎట్రాక్టీవ్ ప్యాక్స్ చేస్తున్నాయి ఆయా ఫుడ్ బిజినెస్ సంస్థలు.

ఈ మధ్య బ్లాక్సెస్ లో కూడా ఫుడ్ డెలివరీ చేస్తున్నారు. అయితే ఈ నేపథ్యంలో వచ్చిన ఆహారంతో సమస్య కాదు, ఆ బ్యాక్సుతోనే అసలు ఆహరంతోనే చిక్కంతా అంటున్నారు నిపుణులు. ముఖ్యంగా బ్లాక్ బాక్సెస్ తో  చాలా ప్రాబ్లమ్స్ పొంచి ఉన్నాయి.

ఎందుకంటే బ్లాక్ ప్లాస్టిక్‌ని రీసైకిల్కింగ్ కావడం కష్టమట. ప్లాస్టిక్ రెసిన్లకు కార్బన్ బ్లాక్ పిగ్మెంట్ జోడించడం ద్వారా దీనిని తయారు చేస్తారు. ప్లాస్టిక్‌కు నలుపు రంగు వచ్చేలా పిగ్మెంట్ పనిచేస్తుంది.  రీసైక్లింగ్ కాకపోతే ఇవి ప్రకృతికి హాని చేస్తాయి. వీటిని కాల్చడం ద్వారా ప్లాస్టిక్‌ వ్యర్థాల సమస్య(Plastic waste)తో  పాటు, పర్యావరణ కాలుష్యం కూడా పెరిగే అవకాశం ఉంది.

పరిశోధన ప్రకారం, కార్బన్ బ్లాక్ పిగ్మెంట్(Carbon black pigment) కారణంగా బ్లాక్ ప్లాస్టిక్  ఆరోగ్యానికి చాలా హానికరం. కార్బన్ బ్లాక్ ప్లాస్టిక్‌లో PAH అంటే పాలీసైక్లిక్  హైడ్రోకార్బన్(A polycyclic hydrocarbon) ఉంటుందట. దీనిని క్యాన్సర్ కారకాలుగా ‘ఇంటర్నేషనల్ ఏజెన్సీ ఫర్ రీసెర్చ్ ఆన్ క్యాన్సర్’ (IARC) పరిగణిస్తుంది.

అంతేకాదు శ్వాసకోశ సమస్యలు(Respiratory problems) కూడా రావచ్చు. మీరు ఇప్పుడు ప్లాస్టిక్ బ్లాక్ బాక్స్‌ లో ఆహారాన్ని తినడం ఆపాల్సిన సమయం ఆసన్నమైంది. ఎందుకంటే ఈ ప్లాస్టిక్ బాక్స్‌ లో అనేక రకాల హానికరమైన రసాయనాలు ఉంటాయి.బ్లాక్ బాక్స్‌ లో  చాలా హానికరమైన రసాయనాలు కనిపిస్తాయి.

ఈ ప్లాస్టిక్ బాక్సులలో  బిస్ ఫినాల్-ఎ(Bisphenol-A), థాలేట్స్(phthalates )వంటి కొన్ని రసాయనాలు ఉన్నాయని…అవి అందులో ప్యాక్ చేసిన ఆహారంతో కలిసిపోతాయని అనేక అధ్యయనాలలో పేర్కొన్నారు.  ఆహారం చాలా వేడిగా ఉంటే…ఈ రసాయనాలు ఆ ఆహారంలో వెంటనే కరిగిపోతాయి.ఈ ఆహారాన్ని తినడం వల్ల శరీరంలో అనేక తీవ్రమైన వ్యాధులు వస్తాయి.

బిడ్డకు జన్మిచ్చిన అమ్మ మరోజన్మ ఎత్తినట్టే అంటారు. నిజానికి ప్రాణాలు పణంగా పెట్టి బిడ్డను కనడంతోనే ఆరోగ్య పరంగా అమ్మ పని అయిపోతుంది. కానీ కనడంతోనే అమ్మబాధ్యత తీరిపోదు, ఆ బిడ్డను కంటికి రెప్పలా కాపాడాలి.

బిడ్డకోసం, వాడి ఆరోగ్యం కోసం అమ్మే ఆహారంగా మారాలి. తన పాలిచ్చి పెంచాలి. ఆడది అమ్మ స్థానంలోకి వెళ్లగానే బిడ్డ ఏడుపు వినగానే తన స్థనాల్లోంచి అప్రయత్నంగా ఉబికివచ్చే పాలతో బిడ్డ ఆకలి తీర్చి అమ్మ తరించిపోతుంది.

ప్రతి తల్లిలోనూ జరిగే సహజ ప్రక్రియ. కానీ ఈనాటి అమ్మ బిడ్డను కని..బిడ్డకోసమే పుట్టిన తన పాల ను ఇవ్వడానికి ఆలోచిస్తోంది. బిడ్డ భవిష్యత్తు కన్నా తన అందమే మిన్నగా భావిస్తోంది. కానీ అమ్మా ఒక సారి ఆలోచించు బిడ్డకు తల్లిపాలు(feeding) చాలా మేలు చేస్తాయంటున్నారు వైద్య నిపుణులు.

కారణాలు ఏవైనా తల్లి పాలు నోచుకోని పిల్లలు వారి భవిష్యత్తులో ఆరోగ్య పరంగా ఎన్నో ఇబ్బందులు ఎదుర్కోవాల్సి వస్తుందంటున్నారు నిపుణులు. ప్రతి ఒక్క బిడ్డకు ఆరు నెలలు వచ్చేవరకు తల్లిపాలు కచ్చితంగా అవసరం.

ఈ ఆరు నెలలు తల్లిపాలు తప్ప మరొకటి ఇవ్వద్దంటున్నారు. తల్లిపాల గొప్పతనం గురించి పరిశోధనలో మరో గొప్ప సంగతి బయటపడింది. తల్లిపాలలో మేయో-ఇనాసిటోల్(Mayo-inasitol)అనే చక్కెర పుష్కలంగా ఉంటుంది.ఇది నవజాత శిశువుల మెదడు ఎదుగుదలకు ఉపయోగపడుతుంది. ఈ విషయాన్ని టిప్స్ యూనివర్సిటీ(TIPS University) శాస్త్రవేత్తలు గుర్తించారు.

పుట్టినప్పటినుండే మెదడులోని అనుసంధానాలు ఏర్పడుతుంటాయి అంతేకాదు మెరుగుపడుతూ వస్తుంటాయి కూడా. దీనివల్ల జన్యు పరమైన అంశాలతో పాటు, జీవితంలో ఎదురయ్యే ఎన్నో అనుభవాలుకు దారి చూపుతుంటాయి. తల్లిపాలతో శిశువులకు సూక్ష్మ పోషకాలు పుష్కలంగా లభిస్తాయి.

శిశువులలో వివిధ దశలో మెదడు ఎదుగుదలను బట్టి తల్లి పాలలోని పోషకాల మోతాదులు మారిపోతుంటాయి. ఇది మరింత ఆశ్చర్యకరం. శిశువుకి జన్మనిచ్చిన తర్వాత తొలి నెలల్లో తల్లిపాలలో పెద్ద మొత్తంలో మేయో-ఇనాసిటాల్ ఉంటుందని శాస్త్రవేత్తలు గుర్తించారు.

ఈ సమయంలోనే సినాప్సెస్ అంటే శిశువుల మెదడులో నాడి అనుసంధానాలు చాలావేగంగా ఏర్పడతాయి. మేయో – ఇనాసిటోల్ శిశువుల నాడుల మధ్య ఉన్న అనుసంధానాల పరిమాణం పెరగడానికి దానికి తోడు వాటి సంఖ్య పెరగడానికి తోడ్పడుతుంది.

శిశువు పుట్టిన తొలినాళ్లు రక్తంలోని హాని కలిగించేవి మెదడులోకి చేరకుండా అడ్డుకునే బ్యాక్టీరియా(Bacteria)అంత సమర్థంగా పనిచేయదు. దీనివల్ల శిశువు మెదడు ఆహారానికి చాలా ఎక్కువగా స్పందిస్తుండవచ్చని శాస్త్రవేత్తలు భావిస్తున్నారు.

సీజనల్ ఫ్రూట్స్(seasonal fruits) వేటికవే ప్రత్యేకం. ఆయాకాలాల్లో అవి చేకూర్చే ప్రయోజనాలు కూడా అద్భుతం. అలాంటి వాటిల్లో సీమ చింతకాయలు చెప్పుకోతగ్గవి. ఇవి వర్షాకాలంలో రెండు నుంచి మూడు నెలలు దొరుకుతాయి.

ఈఫలాలు కలిగించే ఉపయోగాల దృష్ట్యా ఆధూనిక పరిశోధకులు సీమ చింత చెట్టుని మిరాకిల్ ట్రీ(Miracle tree) అని అభివర్ణించారంటే ఈ చెట్టు ఎంత గొప్పదో వాటి ఫలాలు ఎలాంటి ఔషదాలో అర్థం చేసుకోవచ్చు.

ఇవి ఒకప్పుడు సీమ చింతలు పల్లెటూళ్లలో ఎక్కువగా లభించేవి. ఇప్పుడు పట్టణాల్లోనూ పండ్ల మార్కెట్లు, అక్కడక్కడా తోపుడు బండ్లపై అమ్మకానికి కనిపిస్తున్నాయి.

అలా మీకు కూడా ఇవి గనుక కనిపిస్తే..అస్సలు మిస్ చేయకుండా తినండి. తీపి, వగరు రుచిని కలిగి ఉండే ఈ సీమ చింతకాయలను తినడం వల్ల ఆరోగ్యకరమైన లాభాలు చాలా ఉన్నాయి.

ఇంతకీ లాభాలేంటో చూద్దాం. సీమ చింతకాయలు రుచికి తీపి, వగరుగా ఉంటాయి. చాలామంది వీటిని ఇష్టంగా తింటారు. సీమ చింతకాయలను జంగిల్ జిలేబి అని కూడా పిలుస్తారు. మధ్య వేసవి కాలం నుంచి వర్షాకాలం ముగిసేవరకూ లభించే ఈ కాయల్లో పీచు పదార్థం, ప్రొటీన్లు ఎక్కువగా..కొవ్వులు తక్కువగా ఉంటాయి.

సీమ చింతకాయల్లో విటమిన్లు B1, B6, A, C కూడా ఉంటాయి. విటమిన్ C శరీరంలో రోగనిరోధక శక్తిని పెంచుతుంది. రక్తాన్ని కూడా శుద్ధి చేస్తాయి.సీమ చింతకాయలు తినడం వల్ల శరీరానికి అవసరమయ్యే ప్రొటీన్లు అందుతాయి.

అలాగే వీటిలో ఉండే ఫైబర్ జీర్ణశక్తిని మెరుగుపరుస్తాయి. సీజనల్ గా లభించే సీమ చింతకాయలను తినడం వల్ల ఎముకలు దృఢంగా ఉంటాయి.ఎక్కువసేపు నమిలి తింటాం కాబట్టి దంతాలు కూడా శుభ్రపడతాయి.

గర్భిణీ స్త్రీలు, బాలింతలకు సీమ చింతకాయలు సరైన పోషకాహారం. గర్భిణీ స్త్రీలలో మలబద్ధకం సమస్యను తగ్గిస్తాయి. సీమ చింతకాయలు తినడం వల్ల నాడీమండల వ్యవస్థ పనితీరు మెరుగుపడుతుంది.రక్తనాళాలు కూడా చక్కగా పనిచేస్తాయి.

కంటి ఆరోగ్యాన్ని మెరుగుపరిచి.. కంటిచూపును పెంచుతాయి.బరువు తగ్గాలనుకునేవారికి.. సీమచింతకాయలు మంచి స్నాక్. ఇవి తింటే కడుపునిండిన భావన కలిగి చిరుతిళ్లు తినాలన్న కోరిక తగ్గుతుంది. రక్తంలో చక్కెర స్థాయిల్ని(sugar levels ) అదుపులో ఉంచడంతో పాటు.. ఒత్తిడి, ఆందోళన సమస్యల్ని కూడా తగ్గిస్తాయి.

అది మషాల దినుసులకు పెద్దక్క.ఇది ఉంటే పోపుల పెట్టెకి ఓలెక్క.! లేకుంటే ఉస్సూరంటది కూరల…కక్కాముక్కా. అపుడపుడూ తగిలిస్తే తేలుస్తుంది రోగాల లెక్క.! వేరే చెప్పాలా వంటలక్కా..!? ఆ దినుసు పేరే దాల్చిన చెక్క..!లేటెందుకు దీని ఔషద గుణాలేంటో తెలుసుకుందాం ఎంచక్కా.!

ఏమాటకి ఆమాటే చెప్పుకోవాలి. ఇప్పుడంటే చిన్నా చితకా అనారోగ్యాలకు మందుల షాపల వెంట పరిగెడుతున్నాం గానీ..! ఒకప్పుడు వంటిల్లే మెడికల్ షాపు, పోపుల పెట్టే ఫార్మసి.

అందులో ఉన్నవన్నీ వంటకే కాదు..ఒంటికి కూడా బాగా పనిచేస్తాయి. అందులోనూ దాల్చిన చెక్కది వేరే లెవెల్.!చూడడానికి సాదా సీదాగా కనిపించే ఈ దాల్చిన చెక్కలో దివ్యమైన ఔషద గుణాలున్నాయి. ఒక సారి అవేంటో చూద్దాం.

ప్రస్తుత కాలమాన పరిస్థితుల్లో వయసుతో సంబంధం లేకుండా చాలా మందిని వేధిస్తున్న అనారోగ్య సమస్య డయాబెటీస్ (Diabetes).అసలు ఇది ఎందుకు వస్తుందంటే రక్తంలో చక్కెర కణాల్లోకి చేరకుండా రక్తంలోనే మిగిలిపోతుంది. అందువల్ల ఈ షుగర్ వ్యాధి వస్తుంది.

అయితే దాల్చిన చెక్కలో ప్రధానంగా ఫోర్ హైడ్రాక్సీ సినిమాల్డ్ హెయిడ్(Four Hydroxy Cinnamal Heide) , సినామిక్ యాసిడ్(Cinnamic acid) అనే కెమికల్స్ ఉంటాయి. ఇవి బీటా కణాలను యాక్టివేట్ చేసి..కణం లోపలికి చక్కెర వెళ్లేలా పనిచేస్తాయి.

అందుకే దాల్చిన చెక్క పొడిని తరచూ తీసుకోవడం వల్ల చక్కెర వ్యాధిని కంట్రోల్ లో ఉంచవచ్చు. వయసు పెరగకుండానే మతిమరుపు పెరిగేవారికి దాల్చిన చెక్కతో మంచి వైద్యం చేయొచ్చు. మెదడు కణాల్లో వచ్చే ఇన్ ఫ్లమేషన్(Inflammation)వల్ల అవి వీక్ అయి ఆలోచనా శక్తి తగ్గడం, మతిమరుపు పెరగడం వంటివి చూస్తుంటాం.

దాల్చిన చెక్కలో ఉండే సిలోన్ సినిమాల్డ్ హెయిడ్ అనే కెమికల్ మెదడు కణజాలంలో వచ్చే హానికరమైన కెమికల్ ను చంపేస్తుందని అమెరికా సైంటిస్టులు చేసిన పరిశోధనలో తేలింది.ఫలితంగా మతిమరుపు తగ్గి మెదడు యాక్టివ్ గా పనిచేస్తుంది.

దాల్చిన చెక్కలో ఉండే సినిమాల్డ్ హెయిడ్, సినామిక్ యాసిడ్ లు శరీర రక్షణ వ్యవస్థను కాపాడుతాయి. ఇవి క్యాన్సర్ కణాలను వాటంతట అవే చనిపోయేలా ప్రేరేపిస్తాయి.

అలాగే శరీరంలో పేరుకుపోయిన చెడు కొలెస్ట్రాల్ ను, బ్లడ్ ప్రెషర్ ను తగ్గించడంలోనూ సినిమాల్డ్ హెయిడ్ కెమికల్ కీలక పాత్ర పోషిస్తుందని యూనివర్సిటీ ఆఫ్ వియన్నాం చేసిన పరిశోధనలో తేలింది.

అప్పుడప్పుడు దాల్చిన చెక్కను తినడం వల్ల యాంటీ ఫంగల్, యాంటీ వైరల్ గా కూడా ఉపయోగపడుతుంది. చర్మసంబంధిత వ్యాధులు రాకుండా కాపాడుతుంది. రోజూ ఉదయాన్నే పరగడుపున దాల్చిన చెక్క పొడిని వేడినీటిలో కలుపుకుని తాగితే అధిక బరువు(Overweight)కు కూడా దాల్చిన చెక్కతో చెక్ పెట్టవచ్చు.

అవును దేశం కళ్లు ఎర్రబడుతున్నాయ్..కండ్ల కలకతో జనం తీవ్ర ఇబ్బంది పడుతున్నారు. వర్షాలు కురవడం, వాతావరణంలో మార్పులు చోటు చేసుకోవడంతో ఈ కళ్ల కలకలు విస్తృతమవుతున్నాయి.

ఇది ప్రధానంగా అడెనో వైరస్‌ కారణంగా వస్తోందట. బ్యాక్టీరియా,అలర్జీ కారణంగా వేగంగా వ్యాపిస్తుందని నిపుణులు చెబుతున్నారు. స్కూళ్లు, హాస్టళ్లు,సినిమా హాళ్లు రైల్వే స్టేషన్లు..అదీ ఇదీ అని లేదు జనసమూహం ఎక్కడుంటే అక్కడ ఈ కండ్లకలక కాలు పెడుతుంది.

అలర్జీ ద్వారా వస్తే తేలికగా తగ్గిపోతుందని.. వైరస్‌, బ్యాక్టిరియా ద్వారా వస్తే చూపు దెబ్బతినే ప్రమాదం ఉందంటున్నారు డాక్టర్లు.ఇప్పటికే ఢిల్లీ, మహారాష్ట్ర, కర్ణాటక,గుజరాత్ తో పాటు పలు రాష్ట్రాల్లో భారీగా కేసులు నమాదవుతున్నాయి.

మహారాష్ట్రలో జులైలో 87 వేల 761 కండ్లకలక కేసులు నమోదయ్యాయి. అడెనోవైరస్ కండ్లకలక ఈ సంవత్సరం అత్యంత ఎక్కువ కేసులను నమోదు చేస్తోంది.మహారాష్ట్ర బుల్దానాలో దాదాపు 13 వేల 550 కేసులు రికార్డయ్యాయి.

కర్ణాటక, తమిళనాడు రాష్ట్రాల్లో ఇన్ఫెక్షన్ వేగంగా విస్తరిస్తోంది. మరోవైపు.. తెలుగు రాష్ట్రాల్లో కండ్ల కలక ఆందోళన కలిగిస్తోంది. విజయనగరం జిల్లాలోనూ ప్రతిరోజూ వందలాది కేసులు నమోదవుతున్నాయి.

బీహార్‌లోని పాట్నాలో ఈ వారం 40 కేసులు నమోదయ్యాయి. హిమాచల్ ప్రదేశ్‌ నిట్ లో కండ్లకలక వ్యాప్తితో ఆఫ్‌లైన్ బోధనను నిలిపివేశారు. జూన్ నుంచి గుజరాత్‌లో 2 లక్షల 17 వేల కండ్లకలక కేసులు నమోదయ్యాయి.

ఐ ఫ్లూ సోకిన పిల్లల్ని స్కూల్ కు పంపొద్దని చత్తీస్ గఢ్ ప్రభుత్వం విద్యాశాఖ అధికారుల్ని ఆదేశించింది. ఢిల్లీ, మహారాష్ట్ర, కర్నాటకలో దాదాపు 14వేల కంటే ఎక్కువ మంది స్పందనలను స్పీకరించిన లోకల్ సర్కిల్స్.. జాతీయ సర్వే నిర్వహించాయి.

ఢిల్లీ నివాసితులలో 27 శాతం మంది వ్యాధి బారిన పడ్డారని తేలింది.ఇంట్లో ఒకరు లేదా అంతకంటే ఎక్కువ మంది గత వారంలో కండ్లకలక బారిన పడ్డారని అధికారులు తెలిపారు.

తీవ్ర ఆందోళన కలిగిస్తోన్న కండ్లకలక ఎరుపు, దురద, విపరీతమైన చిరాకు వంటి లక్షణాలతో కేసులు నమోదవుతున్నాయి. రద్దీగా ఉండే ప్రాంతాలలో సంచరించే వారికి, కార్యాలయాలకు వెళ్లేవారికి, పిల్లలకు పింక్ ఐ వచ్చే అవకాశం ఉందని వైద్యులు చెబుతున్నారు.