Mythology

తిరుమల (Thirumala) శ్రీవారి నవరాత్రి బ్రహ్మోత్సవాలు (Navaratri Brahmotsavam) అంగరంగ వైభవంగా జరుగుతున్నాయి. ఉత్సవాల్లో ఐదో రోజైన గురువారం ఉదయం మోహినీ అవతారం (Mohini Avataram)లో శ్రీవారి దర్శనం జరుగుతుంది. మరోవైపు గురువారం గరుడోత్సవానికి భక్తులు భారీగా తరలివస్తున్నారు. తిరుమల ఘాట్ రోడ్డులో ద్విచక్ర వాహనాలను రద్దు చేశారు. 4000 మంది పోలీసులు, 1000 మంది టీటీడీ సిబ్బందితో అధికారులు బందోబస్తు ఏర్పాటు చేశారు.

గరుడోత్సవంలో స్వామి వారి అలంకరణ ప్రత్యేకంగా మారింది. లక్ష్మీకాసులహారం, సహస్రనామ కాసుల హారం, నిత్యం మూలమూర్తికి అలంకరణలో ఉండే ఆభరణాలు గర్భాలయం దాటి వెలు పలికి రానున్నాయి. కాగా గ్యాలరీలో రెండు లక్షల మందికి స్వామి వారి సేవలు వీక్షించే విధంగా ఏర్పాటు చేశారు. రద్దీ ఎక్కువ అయితే అందరికీ గరుడోత్సవ దర్శనం కల్పించేలా టీటీడీ చర్యలు తీసుకుంటుంది. ప్రత్యేక క్యూలైన్ ద్వారా వెలుపల ఉన్నవారికి కూడా గరుడ వాహన దర్శనం కలిగేలా ఏర్పాటు చేసింది టీటీడీ.

మరోవైపు వాహన సేవలకు వచ్చే భక్తులకు ఆహారం వితరణ కూడా ఏర్పాటు చేశారు.. గురువారం రాత్రి 12 గంటలకు వరకు అన్న ప్రసాద కేంద్రంలో అన్నదాన కార్యక్రమం ఉంటుందని టీటీడీ తెలిపింది.. మరోవైపు భక్తుల రద్దీ కారణంగా అరగంట ముందు గరుడోత్సవం ప్రారంభం కానుంది. అంటే సాయంత్రం 6.30 గంటలకే గరుడోత్సవం ప్రారంభం కానుంది.

ఇక నవరాత్రి బ్రహ్మోత్సవాల సందర్భంగా ప్రత్యేక దర్శనాలు, సర్వ దర్శనం టోకెన్లు టీటీడీ అధికారులు రద్దు చేశారు. మరోవైపు బ్రహ్మోత్సవాల్లో భాగంగా మోహినీ అలంకారంలో జగన్మోహనాకారుడిగా పల్లకీ వాహనంపై తిరుమాడ వీధుల్లో విహరిస్తున్న శ్రీవారిని దర్శించాలంటే భక్తులకు రెండు కళ్ళు సరిపోవనిపిస్తోంది…

విజయవాడ (vijayawada) ఇంద్రకీలాద్రి (Indrakeeladri)పై శరన్నవరాత్రి ఉత్సవాలు వైభవంగా జరుపుకొంటున్నారు భక్తులు. కాగా బ్రహ్మాండనాయకి అయిన బెజవాడ (Bejawada)కనకదుర్గమ్మ ( Kanakadurgamma) మహోత్సవాలు నేటితో ఐదవ రోజుకు చేరాయి. నవరాత్రులు మొదలైనప్పటి నుంచి భక్తులు పెద్ద ఎత్తున అమ్మవారి దర్శనానికి వస్తున్నారు. మరోవైపు రోజుకో అలంకారంలో దర్శనమిస్తున్న అమ్మవారు ఐదో రోజు మహా చండీ దేవిగా దర్శనమిస్తూ.. భక్తులను అనుగ్రహిస్తోంది.

ఇక్కడ మరో విశేషం ఉంది. కనక దుర్గమ్మ అమ్మవారు ఇంద్రకీలాద్రిపై 70 ఏళ్ల చరిత్రలో మొదటి సారి మహా చండీ దేవిగా (Maha Chandi Alankaram) భక్తులకు దర్శన భాగ్యం కల్పిస్తున్నారు. ఇంతకీ ఈ అలంకారం ప్రత్యేకత ఏంటంటే.. దేవతల కార్యసిధ్ది, దుష్టశిక్షణ, శిష్ట రక్షణ కొరకు మహాలక్ష్మి, మహాకాళీ, మహా సరస్వతి, త్రిశక్తి రూపిణీగా శ్రీ మహాచండీ ఉద్బవించింది.. అనేకమంది దేవతలు చండీ అమ్మవారిలో కొలువై ఉండటం వల్ల.. శ్రీ మహా చండీ అమ్మవారిని ప్రార్ధిస్తే సర్వదేవతలను ప్రార్ధించిన ఫలితం వస్తుందని అంటున్నారు పండింతులు.

అమ్మవారి అనుగ్రహం వలన విద్య, కీర్తి సంపదలు లభించి శత్రువులు మిత్రువులుగా మారుతారని.. కోరిన కోర్కెలు సత్వరమే నెరవేరుతాయనేది భక్తుల విశ్వాసం. ఇక ప్రతి ఏటా ఐదవ రోజున స్వర్ణకవచాలంకృత దుర్గ దేవి అలంకారంలో దర్శనం ఇచ్చే అమ్మవారు ఈ సారి చండి అలంకారానికి మార్చింది వైదిక కమిటీ. దీనికి ప్రత్యేక కారణం కూడా ఉంది అంటున్నారు.

ఈ ఏడాది అధిక శ్రవణం, తిథి హెచ్చుతగ్గుల్లో తేడా రావటంతో అమ్మవారి అలంకారాల్లో కూడా మార్పులు చేయాల్సి వచ్చిందంటున్నారు పండితులు. మరోవైపు అక్టోబరు15న ప్రారంభమైన ఈ ఉత్సవాలు.. 24వ తేదీ వరకూ కొనసాగనున్నాయి.. కాగా ఇంద్రకీలాద్రిపై కొలువుదీరిన కనకదుర్గమ్మ అమ్మవారి దర్శనానికి భక్తులు తెల్లవారుజాము నుంచే క్యూలైన్లలో బారులు తీరారు..

ఇంద్రకీలాద్రి (Indrakiladri)పై బెజవాడ (Bejawada) దుర్గమ్మ (Durgamma) దసరా (Dussehra) శరన్నవరాత్రి వేడుకలు ఘనంగా మొదలైయ్యాయి. అక్టోబరు 15 నుంచి 23 వరకు అంటే 9 రోజుల పాటు ఈ వేడుకలు వైభవంగా నిర్వహిస్తారు. 15వ తారీఖు ఉదయం అమ్మవారికి స్నపనాభిషేకం నిర్వహించిన అనంతరం బాలా త్రిపుర సుందరీదేవిగా అలంకరిస్తారు. అనంతరం 9 గంటల నుంచి రాత్రి 10 గంటల వరకు భక్తులకి సర్వదర్శనానికి అనుమతిస్తారు. మిగతా రోజుల్లో ఉదయం 4 నుంచి రాత్రి 10 గంటల వరకు మాత్రమే అమ్మవారిని దర్శించుకునేందుకు అనుమతి ఉంటుంది.

మరోవైపు అక్టోబరు 20న మూలా నక్షత్రం ఉంది. ఈ రోజున సరస్వతీదేవి అలంకారంలో ఉన్న అమ్మవారి దర్శనానికి తెల్లవారుజూమున 2 నుంచి రాత్రి 11 గంటల వరకు క్యూలైన్లో వచ్చిన భక్తులకు దర్శనం కల్పిస్తారు. సాధారణంగా దసరా మొదటి రోజున స్వర్ణకవచాలాంకృత దుర్గాదేవిగా దర్శనమిచ్చే అమ్మవారు ఈసారి బాలా త్రిపుర సుందరీదేవిగా దర్శనం ఇవ్వనున్నారు.

23న విజయదశమిని పురస్కరించుకొని ఉదయం 10.30 గంటలకు యాగశాలలో పూర్ణాహుతి కార్యక్రమం, సాయంత్రం గంగా పార్వతీ సమేత దుర్గామల్లేశ్వరస్వామి వార్ల ఉత్సవమూర్తుల తెప్పోత్సవాన్ని నిర్వహించేందుకు వైదిక కమిటీ సభ్యులు నిర్ణయించారు. ఇక తిరుమల (Thirumala) లో కూడా నేటి నుంచి శ్రీవారి నవరాత్రి బ్రహ్మోత్సవాలు అత్యంత భక్తి శ్రద్ధలతో ప్రారంభం అయ్యాయి.

నేటి నుంచి 23వ తేదీ వ‌ర‌కు అంగరంగ వైభవంగా జరుగనున్న శ్రీవారి న‌వ‌రాత్రి బ్రహ్మోత్సవాలకు శ‌నివారం సాయంత్రం శాస్త్రోక్తంగా అంకురార్పణ చేపట్టారు. వైఖానస ఆగమోక్తంగా అంకురార్పణ ఘట్టం నిర్వహించారు. ఇవాళ్టి నుంచి బ్రహ్మోత్సవాలు షురూ కానున్న నేపధ్యంలో తమిళనాడు నుంచి పూలమాలలు.. నామక్కల్‌ జిల్లా తిరుచెంగోడు నుంచి 5 టన్నుల పూలు శ్రీవారి కోసం తెప్పించారు..

తిరుమల (Thirumala) లో అక్టోబర్ 15 నుండి జరిగే శ్రీవారి నవరాత్రి బ్రహ్మోత్సవాలకి (Navratri Brahmotsavam) టీటీడీ (TTD) విస్తృత ఏర్పాట్లు చేస్తోంది. ఈ నవరాత్రి బ్రహ్మోత్సవాలు అక్టోబర్ 23వ తేదీ వరకు కొనసాగనున్నాయి. శ్రీవారి బ్రహ్మోత్సవాలకు శనివారం అంకురార్పణ జరుగనుండగా, అక్టోబర్ 19న జరిగే గరుడవాహన కార్యక్రమాన్ని సాయంత్రం 6.30 గంటల నుండి ప్రారంభించాలని టీటీడీ నిర్ణయించింది.

వైఖానస ఆగమంలోని క్రతువుల్లో అంకురార్పణం లేదా బీజవాపనం అత్యంత ముఖ్యమైనది. ఏదైనా ఉత్సవం నిర్వహించే ముందు అది విజయవంతం కావాలని స్వామివారిని ప్రార్థించేందుకు అంకురార్పణం నిర్వహిస్తారు. ఈ సందర్భంగా శ్రీవారి సేనాధిపతి అయిన శ్రీవిష్వక్సేనుల వారి ఊరేగింపు ఆలయ మాడ వీధుల్లో చేపడతారు.

ప్రస్తుతం పెరటాసి నెల, దసరా సెలవుల నేపథ్యంలో భారీగా భక్తులు వస్తారని అంచనాలతో టీటీడీ, అక్టోబర్ 14 నుంచి 23 తేదీ వరకు శ్రీవారి ఆలయంలో పలు ఆర్జిత సేవలను రద్దు చేసింది. అందువల్ల టీటీడీ సైతం భారీ ఏర్పాట్లు చేసింది. మాడవీధుల్లో వాహన సేవలు తిరిగే సమయంలో ఎటువంటి తోపులాటలు తొక్కిస్లాట్లు జరగకుండా భారీ క్యూ లైన్లు, భారీ గేట్స్ ఏర్పాటు చేసింది.

టిడిపి విజిలెన్స్ తో పాటు తిరుపతి స్థానిక పోలీసుల సహకారంతో భద్రత చర్యలు కూడా తీసుకోవడం జరిగింది. ఇప్పటికే తిరుపతి కలెక్టర్ వెంకట రమణారెడ్డి, తిరుపతి ఎస్పీ పి.పరమేశ్వర రెడ్డి, టీటీడీ ఈవో ధర్మారెడ్డి ఇతర అధికారులతో నిర్వహించిన సమావేశంలో నవరాత్రి బ్రహ్మోత్సవాల ఏర్పాట్ల పై చర్చించారు. తిరుమలకు వచ్చే భక్తులు శ్రీవారి ఆలయంలో మూల మూర్తి దర్శనంతో పాటు, వాహన సేవ తిలకించేందుకు ఎటువంటి ఇబ్బందులు లేకుండా చర్యలు చేపట్టారు.

తిరుమలలో (Thirumala) ఇవాళ టిటిడి (TTD) పాలకమండలి సమావేశం జరిగింది. చైర్మన్ భూమన కరుణాకర్ రెడ్డి (Bhumana Karunakar Reddy) ఆధ్వర్యంలో అన్నమయ్య (Annamayya) భవన్ లో జరిగిన ఈ సమావేశంలో పలు కీలక నిర్ణయాలు తీసుకొన్నారు. అలిపిరి (Alipiri) వద్ద ప్రతి నిత్యం శ్రీ శ్రీనివాస దివ్యానుగ్రహ విశేష హోమం నిర్వహించాలని, భక్తులకు ముఖ్యమైన రోజులలో హోమంలో స్వయంగా పాల్గోనే అవకాశం కల్పించాలని నిర్ణయించారు.

5 వేల టిటిడి పారిశుధ్య కార్మికుల జీతాలను 12 వేల నుంచి 17 వేలకు పెంచాలని, టిటిడి పరిధిలోని కార్పోరేషన్ లో విధులు నిర్వర్తిస్తూన్న ఉద్యోగుల జీతాలను ప్రతి సంవత్సరం 3 శాతం పెరిగేలా చూడాలని నిర్ణయించుకొన్నట్టు టిటిడి పాలకమండలి వెల్లడించింది. ఇక ఈఎస్ఐ వర్తించని కార్పోరేషన్ ఉద్యోగులుకు హెల్త్ స్కీం వర్తింప చేయాలని, ఒకవేళ అకాల మరణం సంభవిస్తే వారికి 2 లక్షల ఎక్స్ గ్రేషియా చెల్లించాలని నిర్ణయించారు.

నారాయణగిరి ఉద్యాణవనంలో కంపార్టుమెంట్ల ఏర్పాటుకు 18 కోట్లు కేటాయించిన టిటిడి.. అన్నమయ్య భవన్ లో హోటల్స్ ని టూరిజం శాఖకు అప్పగించాలని నిర్ణయించినట్టు తెలిపారు. 40 కోట్ల వ్యయంతో ఆకాశ గంగ నుంచి అవుటర్ రింగ్ రోడ్డు, 10.8 కోట్లతో వరహస్వామి అతిధి గృహం నుంచి అవుటర్ రింగ్ రోడ్డు.. 25 కోట్ల వ్యయంతో తిరుపతిలోని చేర్లోపల్లి నుంచి శ్రీనివాస మంగాపురం వరకు నాలుగు వరుసల రోడ్డు నిర్మాణం చేపట్టనున్నట్టు తెలిపారు.

తిరుపతిలో టిటిడి అనుభంధ ఆలయాలు, భక్తులు సంచరించే ప్రాంతాలలో మేరుగైన పారిశుధ్య నిర్వహణ కోసం.. ఆ భాధ్యతలను టిటిడి పరిధిలోకి తీసుకువస్తామన్నారు. పురాతన ఆలయ గోపురాల నిర్వహణ పర్యవేక్షణకు నిపుణులతో కమిటి ఏర్పాటు చేస్తున్నట్టు వెల్లడించారు.

టిటిడి పరిధిలో ఉన్న పాఠశాల విద్యార్దులుకు నాణ్యమైన భోజన సౌకర్యం కల్పించేలా, కళ్యాణ మండపాలలో జరిగే వివాహాల్లో డిజేలకు బదులు లలితా గీతాలు పాడుకోనేలా చర్యలు తీసుకుంటున్నట్టు తెలిపారు. టిటిడి ఆస్థాన విద్వాంసుడు గరిమేళ్ల బాలకృష్ణ ప్రసాద్ కి పద్మశ్రీ ఇవ్వాలని కేంద్రాని లేఖ రాయాలని పాలకమండలి తీర్మానించింది.

దక్షిణ కైలాసంగా పేరొందిన శ్రీకాళహస్తి (Srikalahasti) క్షేత్రం మాస్టర్‌ప్లాన్‌ (Master Plan) అమలుకు మార్గం ఎట్టకేలకు సులభం అయ్యింది. త్వరలోనే శ్రీకాళహస్తిని చుట్టుముట్టిన కష్టాలు తొలగిపోనున్నాయి. తోందర్లోనే అధికారులు 300 కోట్ల రూపాయల ఖర్చుతో మూడు దశల్లో పనులు ప్రారంభించడానికి ప్రణాళికలు సిద్దం చేస్తున్నారు.

ఈ మేరకు ఆలయ పాలక మండలి అధ్యక్షతన జరిగిన సమావేశంలో మాస్టర్ ప్లాన్ రూపకల్పన చేసిన ద్రోణ కన్సల్టెన్సీ సంస్థతో భేటీ అయ్యారు అధ్యక్షులు అంజూరు శ్రీనివాస్ (Srinivas). ఈ సందర్భంగా మొత్తం 300 కోట్ల రూపాయల (300 crore rupees) ఖర్చుతో మూడేళ్లలో మాస్టర్ ప్లాన్ పనులు పూర్తి చేయాలని నిర్ణయం తీసుకున్నారు. మూడు దశల్లో మాస్టర్ ప్లాన్ అమలు చేసే విధంగా డిజైన్లను పరిశీలించిన పాలకమండలి ఆమోదం కోసం ప్రభుత్వానికి ప్రతిపాదనలను పంపింది.

ఇకపోతే క్యూ కాంప్లెక్సులు, సర్పదోష మండపాలు, ధూర్జటి కళా మండప నిర్మాణ పనులు మొదటి దశలో, స్వర్ణ ముఖి ప్రక్షాళన, స్నాన ఘట్టాల నిర్మాణం రెండో దశలో, భరద్వాజ తీర్థం, అతిధి గృహాల నిర్మాణ పనులు మూడోదశలో పూర్తి చేసేలా శ్రీకాళహస్తి ఆలయ అధికారులు చర్యలు తీసుకోబోతున్నారు.

మూడేళ్ల క్రితమే 100 కో ట్ల రూపాయలతో భూసేకరణ పూర్తి చేసిన దేవస్థానం మరో 10 రోజుల్లో మొదటి దశ మాస్టర్ ప్లాన్ పనులు ప్రారంభించేందుకు సిద్ధమైంది. ఈ నిర్మాణాలలో భాగంగా గాలిగోపురం నుంచి జల వినాయకుడి ఆలయం వరకు, అక్కడి నుంచి నాలుగవ నెంబర్ గేటు వరకు రెండు అంతస్తుల భవన నిర్మాణం చేపట్టాలని నిర్ణయం తీసుకున్నట్టు తెలిపారు అధికారులు.