National

తెలంగాణను అభివృద్ధి చేసుకోవడం ఒక్క బీఆర్ఎస్‌ ( BRS)కు మాత్రమే తెలుసని సీఎం కేసీఆర్ (CM KCR) అన్నారు. భారత దేశంలో రైతు బంధు పుట్టింది కేసీఆర్, బీఆర్ఎస్ నుంచేనన్నారు. ఎన్నికల సమయంలో రాయి ఏదో రత్నమేదో గుర్తించాలని ప్రజలకు సూచించారు. ప్రజలు పరిణితితో ఆలోచించకపోతే అభివృద్ధి ఆగిపోతుందని చెప్పారు.

షాద్ నగర్‌లో నిర్వహించిన ప్రజా ఆశీర్వాద సభకు సీఎం కేసీఆర్ హాజరయ్యారు. ఈ సందర్బంగా ఆయన మాట్లాడుతూ… మీ ముందే బీఆర్ఎస్ పుట్టిందని అన్నారు. బీఆర్ఎస్ ఏం చేసిందో మీరంతా చూశారని తెలిపారు. అభ్యర్థులను కాదు వాళ్ల వెనక ఉన్నా పార్టీలేంటో చూడాాలన్నారు. ఉన్న తెలంగాణను ఊడగొట్టిందే కాంగ్రెస్ అంటూ విరుచుక పడ్డారు.

మళ్లీ అధికారంలోకి వచ్చాక షాద్ నగర్ వరకు మెట్రోను విస్తరిస్తామన్నారు. రైతుబంధు, 24గంటల కరెంట్ వేస్ట్ అని కాంగ్రెస్ నేతలు విమర్శిస్తున్నారంటూ మండిపడ్డారు. మరి వాళ్లు చేసే విమర్శలు కరెక్టేనా అని ప్రజలను ప్రశ్నించారు. రైతు బంధు తీసుకున్న వాళ్లలో కాంగ్రెస్ వాళ్లు కూడా ఉన్నారని పేర్కొన్నారు.

రైతు బంధును కాంగ్రెస్ వాళ్లే ఆపేశారని ధ్వజమెత్తారు. ఇందిరమ్మ రాజ్యంలో ఆకలి కేకలే వినిపించేవన్నారు. కాంగ్రెస్ వాళ్లు 1940 దగ్గరే ఆగిపోయారని ఎద్దేవా చేశారు. కాంగ్రెస్ చెబుతున్న అబద్ధాలు నమ్మితే నష్టపోయేది ప్రజలేనన్నారు. పార్టీల చరిత్రను తెలుసుకొని ఓటేయాలన్నారు. ఆలోచించి ఓటేయకపోతే ఐదేండ్లు నష్టపోతరన్నారు.

ఏ ప్రభుత్వం అధికారంలోకి వస్తే మంచిదో అంతా చర్చించి ఓటేయాలని కోరారు. 50 ఏండ్ల పాలనలో కాంగ్రెస్ చేసిందేమీ లేదని ఫైర్ అయ్యారు. మళ్లీ అధికారంలోకి వస్తే రైతు బంధును రూ. 16 వేలకు పెంచుతామన్నారు. రైతులకు నాణ్యమైన ఉచిత కరెంట్ ఇస్తున్నామన్నారు. 24గంటల కరెంట్ కావాలా లేక 3 గంటల కరెంట్ కావాలా ప్రజలే తేల్చుకోవలన్నారు.

కృత్రిమ మేధతో (AI) రూపొందించిన డీప్‌ఫేక్ కంటెంట్‌ (Deep Fake Content)తో పోలిస్తే తప్పుడు సమాచారం, అసత్య వార్తల ప్రచారం ప్రజాస్వామ్యానికి పెద్ద ముప్పు అని కర్ణాటక ఐటీ మంత్రి ప్రియాంక్ ఖర్గే అన్నారు. ఇటీవల డీప్ ఫేక్ వీడియోలకు అడ్డుకట్ట వేసేందుకు ప్రత్యేక చట్టాన్ని తీసుకు వచ్చేందుకు కేంద్రం రెడీ అవుతోంది. ఈ నేపథ్యంలో ప్రియాంక్ ఖర్గే వ్యాఖ్యలు ప్రాధాన్యత సంతరించుకున్నాయి.

కేంద్ర ప్రభుత్వం తన ప్రాధాన్యతలను సరిగ్గా సెట్ చేయాలని అన్నారు. డీప్‌ఫేక్ వీడియోల వల్ల ప్రమాదకరమైన పరిణామాలు తలెత్తుతాయన్న విషయంలో ఎలాంటి సందేహం లేదన్నారు. కానీ నిజం చెప్పాలంటే అసత్య ప్రచారం అనేది ప్రజాస్వామ్యానికి అతి పెద్ద ముప్పు అని ఆయన ఆందోళన వ్యక్తం చేశారు.

సోషల్ మీడియాలో వ్యాప్తి చెందుతున్న తప్పుడు సమాచారంపై సుప్రీం కోర్టు ఇప్పటికే ఆందోళన వ్యక్తం చేసిందన్నారు. దానిపై కేంద్రం ఎలాంటి చర్యలు తీసుకుందని ప్రియాంక్ ఖర్గే ప్రశ్నించారు. ఈ సమయంలో తప్పుడు సమాచారం, నకిలీ వార్తలను పరిష్కరించడమే కర్ణాటక ప్రాధాన్యత అని ఆయన అన్నారు.

డీప్‌ఫేక్ మనందరికీ సవాలుగా మారనుందని చెప్పారు. ఇది ఖరీదైన వ్యవహారమని వెల్లడించారు. మనం ఇంకా చాలా దూరం వెళ్లాల్సి ఉందన్నారు. ఈ సమయంలో తప్పుడు సమాచారంపై పోరాడటం తమ ప్రాథమిక కర్తవ్యం అని స్పష్టం చేశారు. ఇటీవల డీప్ ఫేక్ వీడియోలను అడ్డుకట్ట వేసేందుకు సోషల్ మీడియా సంస్థల ప్రతినిధులతో కేంద్ర ఐటీ శాఖ సహాయ మంత్రి రాజీవ్ చంద్రశేఖర్ సమావేశం అయ్యారు.

దేశ రాజధాని ఢిల్లీ (Delhi)లో వాయు నాణ్యత (AQI) మరోసారి తీవ్ర స్థాయికి పడిపోయింది. కేంద్ర కాలుష్య నియంత్రణ బోర్డు (CPCB)ప్రకారం మధ్యాహ్నం గంటలకు ఢిల్లీ వాయు నాణ్యత 400 గా నమోదైంది. ఢిల్లీ, దాని శివారు ప్రాంతాలను పొగ మంచు కమ్మేసింది. సఫ్దర్‌జంగ్ అబ్జర్వేటరీ వద్ద ఉదయం 8 గంటలకు దృగ్గోచరత 600 మీటర్లకు తగ్గిపోయింది.

ఇందిరా గాంధీ అంతర్జాతీయ విమానాశ్రయంలో విజిబిలిటీ 800 మీటర్లుగా ఉన్నట్టు అధికారులు తెలిపారు. గాలి వేగంలో స్వల్ప పెరుగుదల, తేలికపాటి వర్షపాతం వల్ల పగటిపూట స్వల్ప ఉపశమనం కలిగే అవకాశం ఉందని భారత వాతావరణ శాఖ అధికారి తెలిపారు. రెండు మూడు రోజుల పాటు వాతావరణంలో ప్రతికూల పరిస్థితులు ఉండే అవకాశం ఉందన్నారు.

ఆదివారం సరాసరి వాయు నాణ్యత 395గా ఉన్నట్టు పేర్కొన్నారు. అంతకు ముందు శనివారం ఇది 389, శుక్రవారం 415, గురువారం 390, బుధవారం 394, మంగళవారం 365, సోమవారం 348గా నమోదైనట్టు తెలిపారు. ఇది ఇలా వుంటే ఈ రోజు ఆర్కేపురంలో వాయు నాణ్యత 419గా నమోదైనట్టు సీపీసీబీ చెప్పింది.

సీపీసీబీ డేటా ప్రకారం…. ఐటీవో సెక్టార్‌లో 435, ద్వారకా సెక్టార్‌లో 402, జహంగీర్ పురి 437, అశోక్ విహార్ 455 వాయునాణ్యత తీవ్రస్థాయిలో ఉంది. ఈ నెలలో ఇప్పటి వరకు వాయు నాణ్యత సూచీ 10 సార్లు తీవ్ర స్థాయికి పడిపోయింది. గతేడాది నవంబర్‌లో ఏక్యూఐ కేవలం మూడు సార్లు మాత్రమే తీవ్ర స్థాయికి పడిపోయినట్టు అధికారులు వివరించారు.

పార్లమెంట్ శీతాకాల సమావేశాల(Parliament Winter session)ను డిసెంబర్ 4 నుంచి 22 వరకు నిర్వహించనున్నారు. పార్లమెంట్ సమావేశాల నేపథ్యంలో డిసెంబర్ 2న అఖిల పక్ష సమావేశాన్ని నిర్వహించనున్నట్టు పార్లమెంటరీ వ్యవహారాల శాఖ మంత్రి ప్రహ్లాద్ జోషి (Prahlad Joshi) తెలిపారు. వాస్తవానికి డిసెంబర్ 3న అఖిల పక్ష సమావేశం జరగాల్సి ఉంది.

కానీ డిసెంబర్-3న ఐదు రాష్ట్రాల అసెంబ్లీ ఎన్నికల ఫలితాలను ఎన్నికల సంఘం ప్రకటించనుంది. ఈ నేపథ్యంలో సమావేశాన్ని ఒక రోజు ముందుకు తీసుకు వచ్చారు. టీఎంసీ ఎంపీ మహువా మొయిత్రాపై వచ్చిన ‘ప్రశ్నలకు లంచం’ఆరోపణలపై ఎథిక్స్ కమిటీ తన నివేదికను ఈ సమావేశాల్లో లోక్ సభకు అందించనుంది.

ప్యానెల్ సిఫార్సు చేసిన బహిష్కరణ అమలులోకి రాకముందే సభ ఆ నివేదికను ఆమోదించాల్సి ఉంటుంది. మరోవైపు ఐపీసీ, సీఆర్పీసీ, ఎవిడెన్స్ యాక్ట్ ల స్థానాల్లో తీసుకు రానున్న మూడు బిల్లులను ఈ సమావేశాల్లోనే ప్రవేశ పెట్టనున్నారు. ఇప్పటికే ఈ మూడు బిల్లులకు హోం శాఖ స్టాండింగ్ కమిటీ ఆమోదం తెలిపింది.

ఇక భారత ప్రధాన ఎన్నికల కమిషనర్, ఇతర కమిషనర్ల నియామక ప్రక్రియకు సంబంధించిన బిల్లును కూడా ఈ సమావేశాల్లోనే ప్రవేశ పెట్టనున్నారు. వర్షాకాల సమావేశాల్లో పార్లమెంట్‌లో ఈ బిల్లును ప్రవేశ పెట్టినప్పటికీ ప్రభుత్వం, ప్రతిపక్షం మధ్య మాటల యుద్ధం కారణంగా ఈ బిల్లుకి ఆమోదం లభించలేదు.

పౌరసత్వ సవరణ చట్టం ( CAA)పై కేంద్ర హోం శాఖ సహాయ మంత్రి అజయ్ మిశ్రా ( Ajay Mishra) కీలక వ్యాఖ్యలు చేశారు. సీఏఏ అమలుపై గ్రౌండ్ వర్క్ నడుస్తోందని తెలిపారు. ఇప్పటికే దీనిపై లోక్ సభ, రాజ్య సభ కమిటీలు పని చేస్తున్నాయని చెప్పారు. ఆయా కమిటీల నివేదికలు రాగానే దేశ వ్యాప్తంగా సీఏఏను పక్కాగా అమలు చేస్తామన్నారు.

పశ్చిమ బెంగాల్‌లోని 24 ఉత్తర పరగణాల్లో జరిగిన బహిరంగ సభలో మిశ్రా మాట్లాడుతూ…. సీఏఏ ఆమోదించినప్పుడు అనేక రాజకీయ పార్టీలు అరాచకాలను వ్యాప్తి చేశాయని అన్నారు. ఆయా పార్టీలు సుప్రీం కోర్టుకు వెళ్లి దానిపై పిటిషన్లు కూడా దాఖలు చేశాయని పేర్కొన్నారు. సీఏఏ పై తాము ఖచ్చితంగా చట్టాన్ని తీసుకు రాబోతున్నామన్నారు.

తమ కేసుపై సుప్రీం కోర్టులో పోరాటం చేస్తామని వెల్లడించారు. ఈ మేరకు బీజేపీ హామీ ఇస్తోందన్నారు. సీఏఏను త్వరలోనే ఖచ్చితంగా అమలు చేస్తామని స్పష్టం చేశారు. ఈ బిల్లును డిసెంబర్ 9, 2019న లోక్ సభ, డిసెంబర్ 11, 2019న రాజ్యసభ ఆమోద ముద్ర వేసిందన్నారు. అదే ఏడాది డిసెంబర్ 12న ఇది చట్టంగా మారిందన్నారు.

జనవరి 10, 2020న ఈ చట్టం అమల్లోకి వచ్చిందని వివరించారు. చట్టంగా మారిన తర్వాత, కొన్ని నిబంధనలను రూపొందించాల్సి ఉందన్నారు. వచ్చే ఏడాది జనవరి 9 వరకు నిబంధనల రూపకల్పనకు లోక్‌సభ లెజిస్లేటివ్ కమిటీ గడువు విధించిందన్నారు. రాజ్యసభ లెజిస్లేటివ్ కమిటీ మార్చి 30 వరకు గడువు విధించిందన్నారు.

భారతదేశం (India) సహజంగా లౌకిక తత్వం (Secularism)పై ఆధారపడి ఉందని ఆర్ఎస్ఎస్ చీఫ్ మోహన్ భగవత్ (Mohan Bhagwat) అన్నారు. అందువల్ల సెక్యులరిజం గురించి భారత్ కు ప్రపంచం పాఠాలు చెప్పాల్సిన అవసరం లేదన్నారు. భారత్ అన్ని మతాలను గౌరవిస్తుందన్నారు. భారత్ తన సొంత బలాల ఆధారంగా అభివృద్ధి నమూనాను అవలంభించాల్సిన అవసరం ఉందన్నారు.

యూపీలోని గ్రేటర్ నోయిడాలోని శారదా యూనివర్శిటీలో నిర్వహించిన కార్యక్రమంలో ఆయన పాల్గొన్నారు. ఈ సందర్బంగా ఆయన మాట్లాడుతూ…. ఆర్టిఫిషియల్ ఇంటెలిజెన్స్ వినియోగానికి సమతుల్య విధానాన్ని అనుసరించాలని సూచించారు. ప్రజలకు మెరుగైన సేవలందించేందుకు పాలనా వ్యవస్థలో సంస్కరణలు అవసరమని అన్నారు.

1947లో స్వాతంత్ర్యం వచ్చిన తర్వాత మన రాజ్యాంగంలో సెక్యులరిజాన్ని ప్రవేశపెట్టామన్నారు. భిన్నత్వంలో ఏకత్వాన్ని భారత్ విశ్వసిస్తుందన్నారు. అందరి క్షేమం కోసం భారత్ ఎప్పుడూ ప్రార్థిస్తుందన్నారు. భారత్ హూనా, కుషాన్, ఇస్లాం మతాలను కూడా ఆహ్వానించిందని గుర్తు చేశారు.

వాతావరణం, ఆహారం లేదా ఆధ్యాత్మిక శ్రేయస్సు వంటి ఏవైనా సమస్యలు మనకు లేవన్నారు. అందుకే, ఇక్కడ ఆశ్రయం పొందాలనుకునే వారందరికీ తాము సంతోషంగా వసతి కల్పించామన్నారు. హిందూ మతం మనకు ఇదే విషయాన్ని బోధిస్తుందన్నారు. అందుకే దీనని స్వాగతించామన్నారు.

భారతదేశ సంస్కృతి, యోగా సంప్రదాయం ప్రపంచంలోనే పురాతనమైనవన్నారు. గతంలో యోగాను విస్మరించారని తెలిపారు. ఒకప్పుడు యోగాను బ్లాక్ మ్యాజిక్ అని పిలిచేవారని అన్నారు. ఇప్పుడు ప్రపంచం మొత్తం దాన్ని ఆమోదిస్తోందని తెలిపారు. కొవిడ్-19 సమయంలో ఆయుర్వేదం చాలా మందికి సహాయపడిందని పేర్కొన్నారు. ఎంతో మందికి కరోనాను నయం చేసిందన్నారు.