National

బెంగాల్ మంత్రి జ్యోతి ప్రియ మల్లిక్‌ (Jyothi Priya Mallik) కు ఈడీ షాక్ ఇచ్చింది. ప్రజా పంపిణీ వ్యవస్థలో అక్రమాలకు పాల్పడ్డారనే ఆరోపణలపై ఆయన్ని ఈడీ (ED) అరెస్టు చేసింది. రేషన్ పంపిణీ స్కామ్ కు సంబంధించి కోల్ కతాలోని సాల్ట్ లేక్‌లో ఆయన నివాసంలో ఈడీ దాడులు చేసింది. గురువారం అర్ధరాత్రి ధాటిన తర్వాత ఆయన్ని ఈడీ అదుపులోకి తీసుకుంది.

ఆయన అరెస్టుకు సంబంధించి ఈడీ ఓ ప్రకటనను విడుదల చేసింది. తనపై తీవ్రమైన కుట్ర జరిగిందని మంత్రి వెల్లడించారు. ఆయన అరెస్టుపై ఇప్పటి వరకు టీఎంసీ స్పందించక పోవడం గమనార్హం. రేషన్ పంపిణీలో అక్రమాలు చోటు చేసుకున్నాయని ఇటీవల ఆరోపణలు వచ్చాయి. ఈ నేపథ్యంలో ఈడీ తనిఖీలు నిర్వహించింది. మల్లిక్ ప్రస్థుతం బెంగాల్ అటవీ శాఖ మంత్రిగా పని చేస్తున్నారు.

గతంలో ఆయన పౌర సరఫరాలశాఖ మంత్రిగా పనిచేశారు. ఈ ఏడాది ప్రారంభంలో ఉపాధ్యాయుల నియామక కుంభ కోణానికి సంబంధించి ఈడీ దాడులు చేసింది. ఈ కేసులో మాజీ విద్యా మంత్రి పార్థ ఛటర్జీ, అతని సహాయకురాలు అర్పితా ముఖర్జీని పోలీసులు అరెస్టు చేశారు. అంతకు ముందు పశువుల అక్రమ రవాణా కేసులో అనుబ్రత మోండల్ అరెస్టు అయ్యారు.

ఇక బొగ్గు కుంభకోణం కేసుకు సంబంధించి సీఎం మేనల్లుడు, టిఎంసి అధినేత అభిషేక్ బెనర్జీని ఈడీ విచారిస్తోంది. ఆయనకు ఇప్పటికే పలు మార్లు ఈడీ సమన్లు కూడా పంపింది. పలు మార్లు ప్రశ్నల వర్షం కురిపించింది. ఇది ఇలా వుంటే దర్యాప్తు సంస్థలను అడ్డు పెట్టుకుని ప్రతి పక్షాలపై బీజేపీ కక్ష సాధింపు చర్యలకు దిగుతోందని ప్రతిపక్షాలు ఆరోపిస్తున్నాయి.

జమ్ములో ఉగ్ర వేట కొనసాగుతోంది. పాక్‌ (Pakisthan) నుంచి భారత్‌ (India)లోకి ప్రవేశించేందుకు యత్నించిన ఉగ్ర వాదుల (Terrorists) ను భద్రతా దళాలు మట్టు పెట్టాయి. కుప్వారా జిల్లాలో నియంత్రణ రేఖ వెంబడి చొరబాటుకు ఉగ్రవాదులు ప్రయత్నించగా సైన్యం వారిని గుర్తించి కాల్పులు జరిపాయి.

కాల్పుల్లో ఐదుగురు ఉగ్రవాదులు హతం అయినట్టు భద్రతా దళాలు తెలిపాయి. మృతులకు లష్కరే తోయిబా ఉగ్ర సంస్థతో సంబంధాలు వున్నట్టు వెల్లడించాయి. కుప్వారాలో ఉగ్రవేట కొనసాగుతోందని సైనికాధికారులు వెల్లడించారు. కుప్వారాలో నియంత్రణ రేఖ దగ్గర ఉగ్ర కదలికలపై పోలీసులకు విశ్వసనీయ సమాచారం అందిందని పోలీసులు తెలిపారు.

ఈ నేపథ్యంలో సైన్యంతో కలిసి కుప్వారాలో ఆపరేషన్ మొదలు పెట్టినట్టు పోలీసులు తెలిపారు. ఆపరేషన్‌ సమయంలో భద్రతా బలగాలకు ఉగ్రవాదులు మధ్య కాల్పులు జరిగాయన్నారు. ఈ ప్రాంతం నుంచి భారత్ లోకి చొరబడేందుకు ఉగ్రవాదులు పదే పదే ప్రయత్నాలు చేస్తున్నారని చెప్పారు.

నియంత్రణ రేఖ వెంబడి సుమారుగా 16 లాంచింగ్ ప్యాడ్‌లు తయారు చేసినట్లు అంచనా వేస్తున్నట్టు పేర్కొన్నారు. అంతకు ముందు ఆదివారం పాక్‌ నుంచి భారత్‌లో చొరబాటుకు ప్రయత్నిస్తున్న ఇద్దరు ఉగ్రవాదులను సైన్యం హత మార్చింది.

అసెంబ్లీ ఎన్నికల వేళ రాజస్థాన్‌ (Rajasthan)లో ఈడీ (ED) దాడులు కలకలం రేపుతున్నాయి. ఆ రాష్ట్ర పీసీసీ చీఫ్​ గోవింద్‌ సింగ్‌తోపాటు, మరి కొందరు నేతల నివాసాల్లో ఈడీ సోదాలు నిర్వహించింది. పేపర్ లీకేజీకి సంబంధించి మనీలాండరింగ్ కేసులో ఈడీ ఈ తనిఖీలు చేపట్టింది. దర్యాప్తు సంస్థలను బీజేపీ దుర్వినియోగం చేస్తోందని సీఎం అశోక్ గెహ్లాట్ విమర్శలు చేసిన కొద్ది రోజులకే ఈ దాడులు జరగటం గమనార్హం.

మరోవైపు సీఎం అశోక్​ గెహ్లాట్‌ కుమారుడు వైభవ్ కు ఈడీ సమన్లు జారీ చేసింది. పేపర్ లీకేజీలో మనీలాండరింగ్ కేసుకు సంబంధించి.. గతంలో రాజస్థాన్‌ విద్యా శాఖ మంత్రిగా పనిచేసిన గోవింద్‌ సింగ్‌కు చెందిన శికర్‌, జయపుర ప్రాంతంలోని నివాసాల్లో ఈడీ సోదాలు నిర్వహించింది. దీంతో పాటు మహువాలో కాంగ్రెస్‌ అభ్యర్థి ఓం ప్రకాశ్‌ హుడ్లాతో పాటు పలువురు నేతల నివాసాల్లో తనిఖీలు చేసింది.

ఇక మరోవైపు సీఎం అశోక్‌ గెహ్లాట్ వైభవ్‌కు ఈడీ సమన్లు పంపింది. ఫెమా నిబంధనలను ఉల్లంఘించారన్న ఆరోపణల మేరకు ఆయనకు సమన్లు జారీ చేసినట్టు తెలుస్తోంది. ఈ నెల 27న ఈడీ ఎదుట విచారణకు హాజరు కావాలని సమన్లలో పేర్కొంది. మరి కొద్ది రోజుల్లో ఎన్నికలు జరగనున్న నేపథ్యంలో ఈడీ దాడులు జరగడం చర్చనీయాంశంగా మారింది.

తాజా పరిణామాలపై సీఎం అశోక్‌ గెహ్లాట్ ఎక్స్ వేదికగా స్పందించారు. ఈ నెల 25న రాష్ట్రంలో మహిళల కోసం కాంగ్రెస్‌ హామీలను ప్రకటించిందని చెప్పారు. ఆ మరుసటి రోజే రాష్ట్ర పీసీసీ అధ్యక్షుడు గోవింద్‌ సింగ్‌పై ఈడీ దాడులకు చేసిందన్నారు. తన కుమారుడు వైభవ్‌కు కూడా ఈడీ సమన్లు జారీ చేసిందన్నారు. రాష్ట్రంలో మహిళలు, రైతులు, పేదలకు కాంగ్రెస్‌ ఇచ్చిన హామీల ప్రయోజనాలు అందాలని బీజేపీ కోరుకోవడం లేదని మండిపడ్డారు.

దేశంలో ఎక్కడ ఎన్నికలు జరిగితే అక్కడ ఈడీ తనిఖీలు జరుగుతాయన్నారు. బీజేపీ ఎంత ప్రయత్నించినా కాంగ్రెస్​ భయపడదని స్పష్టం చేశారు. ఈ ఎన్నికల్లో తాము తప్పక విజయం సాధిస్తామన్నారు. రాజస్థాన్​లో తన ప్రభుత్వాన్ని పడగొట్టలేక వివిధ మార్గాల్లో తమను టార్గెట్​ చేస్తున్నారని ధ్వజమెత్తారు.

మరోవైపు రాజస్థాన్​ పీసీసీ చీఫ్​ ఇంట్లో ఈడీ సోదాలపై కాంగ్రెస్ జాతీయ అధ్యక్షుడు మల్లికార్జున ఖర్గే స్పందించారు. ఎన్నికలు సమీపస్తున్న వేళ బీజేపీకి ఈడీ, సీబీఐ నిజమైన ‘పేజ్​ ప్రముఖ్​’గా మారాయని ఆరోపణలు గుప్పించారు. రాజస్థాన్​లో ఓటమిని ముందే ఊహించి బీజేపీ ఈ మేరకు ఎత్తుగడ వేసిందన్నారు.

త్రిపుర నూతన గవర్నర్‌గా నల్లు ఇంద్ర సేనా రెడ్డి (Indra Sena Reddy) ప్రమాణ స్వీకారం చేశారు. ఆ రాష్ట్ర రాజ్ భవన్‌ (Raj Bhavan) లో ఇంద్రాసేన రెడ్డతో త్రిపుర హైకోర్ట్ ప్రధాన న్యాయమూర్తి జస్టిస్ ఆపరేశ్ కుమార్ సింగ్ ప్రమాణం చేయించారు. ఈ కార్యక్రమానికి సీఎం మాణిక్ సాహాతో పాటు కేబినెట్ మంత్రులు, ఇతర ప్రముఖులు హాజరయ్యారు.

ప్రమాణ స్వీకారం కోసం గవర్నర్ దంపతులు బుధవారం త్రిపుర రాజధాని అగర్తలా చేరుకున్నారు. గవర్నర్ దంపతులకు సీఎం మాణిక్ సాహ, మంత్రులు, అధికారులు ఘన స్వాగతం పలికారు. అనంతరం ఆయన గార్డ్ ఆఫ్ హానర్ అందజేశారు. పదవీ బాధ్యతలు స్వీకరించిన అనంతరం ఆయన మాట్లాడారు.

త్రిపురలో రాజ్యాంగాన్ని కాపాడే బాధ్యతను తనకు అప్పగించారని గవర్నర్ తెలిపారు. తనకు అప్పగించిన బాధ్యతను తాను సక్రమంగా నిర్వహిస్తానన్నారు. త్రిపుర ప్రజలకు సేవ చేసే భాగ్యం లభించడంపై తన చాలా సంతోషంగా ఉన్నానని చెప్పారు. తన నియామకంపై రాష్ట్రపతి ద్రౌపది ముర్ముకు, కేంద్ర హోం మంత్రికి ధన్యవాదాలు తెలిపారు.

ప్రమాణ స్వీకారం తర్వాత ముఖ్యమంత్రి మాణిక్ సాహ గవర్నర్ భేటీ అయ్యారు. ఈ సందర్బంగా రాష్ట్రంలో అమలు చేస్తున్న పలు సంక్షేమ పథకాలు, కార్యక్రమాలను గవర్నర్ కు సీఎం వివరించారు. అధికారులు పారదర్శకత, జవాబుదారీతనం పాటించాలని అధికారులకు నల్లు ఇంద్రా సేనా రెడ్డి సూచించారు.

మ‌ధ్య‌ప్ర‌దేశ్ హోం మంత్రి (Home Minister) నరోత్తం మిశ్రా (Narotham Mishra) వివాదాస్పద వ్యాఖ్యలు చేశారు. బీజేపీ ఎంపీ హేమ మాలిని పేరును ప్రస్తావిస్తూ మంత్రి చేసిన వ్యాఖ్యలపై విపక్షాలు, మహిళ సంఘాలు మండిపడుతున్నాయి. సొంత పార్టీ నేతలను కూడా మంత్రి విడిచి పెట్టడం లేదంటూ విపక్ష నేతలు తీవ్ర స్థాయిలో ఫైర్ అవుతున్నారు.

ద‌తియాలో నిర్వహించిన బహిరంగ సభలో మంత్రి నరోత్తం మిశ్రా మాట్లాడుతూ…. దాంతియాలో తాను అనేక అభివృద్ధి కార్యక్రమాలు చేపట్టానని తెలిపారు. దాంతియాలో సాంస్కృతిక కార్యక్రమాలు నిర్వహించడమే కాదని, నియోజ వర్గంలో హేమ మాలిని కూడా డ్యాన్స్ చేసే స్ధాయిలో అభివృద్ధి జ‌రిగింద‌ని పేర్కొన్నారు.

మిశ్రా వ్యాఖ్యలపై జనతా దళ్ యునైటెడ్ (JDU)నేతలు తీవ్రంగా మండిపడ్డారు. సొంత పార్టీ నేత హేమ మాలినిపై మధ్యప్రదేశ్ బీజేపీ నేత నరోత్తం మిశ్రా దిగజారుడు వ్యాఖ్యలు చేశారని అన్నారు. బీజేపీ నేతల సిగ్గు మాలిని చర్యలకు ఇది ఒక ఉదాహరణ అని మండి పడ్డారు.

ప్ర‌క‌ట‌న‌పై జేడీయూ తీవ్ర అభ్యంత‌రం వ్య‌క్తం చేసింది. మ‌ధ్య‌ప్ర‌దేశ్ మంత్రి న‌రోత్తం మిశ్రా త‌న సొంత పార్టీ ఎంపీ హేమ మాలినీపై దిగ‌జారుడు వ్యాఖ్య‌లు చేయ‌డం బీజేపీ నేత‌ల సిగ్గుమాలిన వ్య‌వ‌హ‌ర శైలి బ‌య‌ట‌ప‌డుతున్న‌ద‌ని పేర్కొంది. దాంతియాల్ నరోత్తమ్ మిశ్రా హ్యాట్రిక్ కొట్టారు.

2008, 2013, 2018 అసెంబ్లీ ఎన్నికల్లో ఇదే నియోజ‌క‌వ‌ర్గం నుంచి పోటీ చేసి ఆయన విజయం సాధించారు. ఈ ఏడాది అసెంబ్లీ ఎన్నిక‌ల్లో ఆయన దతియా నియోజక వర్గం నుంచి నాల్గవ సారి పోటీ చేస్తున్నారు. ఈ స్ధానం నుంచి ఆయనకు పోటీగా సీనియ‌ర్ నేత రాజేంద్ర భార‌తిని కాంగ్రెస్ బరిలోకి దించింది.