National

కాంగ్రెస్‌ (Congress) పై అసోం సీఎం హిమంత బిస్వ శర్మ (Himantha Biswa Sharma) తీవ్ర స్థాయిలో నిప్పులు చెరిగారు. ఇజ్రాయెల్ (Israel)-హమాస్ (Hamas) మిలిటెంట్ల యుద్ధం విషయంలో కాంగ్రెస్ తీసుకున్న నిర్ణయాన్ని ఆయన తీవ్రంగా తప్పుబట్టారు. కాంగ్రెస్ ను పాకిస్తాన్‌తో పోలుస్తూ తీవ్ర విమర్శలు గుప్పించారు.

కాంగ్రెస్ కేవలం పాలస్తీనా ప్రజల హక్కుల గురించి మాత్రమే మాట్లాడటంపై ఆయన తీవ్రంగా ఫైర్ అయ్యారు. హమాస్ మిలిటెంట్ల దాడిని కాంగ్రెస్ ఖండించాల్సిందని పేర్కొన్నారు. జోరాహట్‌లో నిర్వహించిన మీడియా సమావేశంలో ఆయన మాట్లాడుతూ….. కాంగ్రెస్ కేవలం పాలస్తీనా గురించి మాత్రమే మాట్లాడిందని చెప్పారు.

ఉగ్రవాదం, హమాస్ మిలిటెంట్ల చేతుల్లో బందీలైన వాళ్ల గురించి కాంగ్రెస్ మాట్లాడలేదన్నారు. ఇజ్రాయెల్ హమాస్ ఉగ్రవాదుల దాడిని కాంగ్రెస్ ఖండించాల్సిందన్నారు. అసలు కాంగ్రెస్ ప్రభుత్వాన్ని ఇండియాలో ఏర్పాటు చేయాలనుకుంటోందా లేదా పాకిస్తాన్ లోనా అని ఆయన ప్రశ్నించారు. ఇటీవల నిర్వహించిన కాంగ్రెస్ వర్కింగ్ కమిటీ (సీడబ్ల్యూసీ) సమావేశంలో కాంగ్రెస్ కీలక నిర్ణయం తీసుకుంది.

యుద్ధంలో పాలస్తీనా ప్రజల హక్కుల కోసం తాము మద్దతు ఇస్తున్నట్టు సీడబ్ల్యూసీ తన నిర్ణయాన్ని ప్రకటించింది. అంతకు ముందు సీడబ్ల్యూసీ తీసుకున్న నిర్ణయంపై బీజేపీ ఎంపీ తేజస్వీ సూర్య తీవ్ర విమర్శలు గుప్పించారు. మోడీ సర్కార్ రాక ముందు భారత విదేశాంగ విధానం మైనారిటీ ఓటు బ్యాంకు రాజకీయాల్లో ఎలా బందీగా మారిందో చెప్పేందుకు ఇజ్రాయెల్ యుద్ధంలో కాంగ్రెస్ నిర్ణయం ఒక చక్కని ఉదాహరణ అని అన్నారు.

హమాస్ ఉగ్ర మూకలపై ఇజ్రాయెల్ (Israel) దాడులు కొనసాగుతున్నాయి. దీంతో ఆ దేశంలో ఉద్రిక్త పరిస్థితుల కారణంగా భారతీయులను రక్షించేందుకు ఆపరేషన్ అజయ్ (Operation Ajay) ప్రారంభించింది భారత్. ఈ క్రమంలోనే తొలి విమానం శుక్రవారం ఉదయం ఢిల్లీ (Delhi) కి చేరుకుంది. ఇందులో 212 మంది స్వదేశానికి చేరుకున్నారు.

ఢిల్లీకి వచ్చిన వారికి కేంద్రమంత్రి రాజీవ్​ చంద్రశేఖర్ (Rajeev Chandrashekar) స్వాగతం పలికారు. గురువారం టెల్​ అవీవ్​ కు చేరుకున్న చార్టర్డ్​ విమానం.. అక్కడి నుంచి బయలుదేరి ఇండియాకు చేరుకుంది. ఇజ్రాయెల్-హమాస్​ మధ్య నెలకొన్న ఉద్రిక్త వాతావరణంలో నుంచి తమను సురక్షితంగా స్వదేశానికి తీసుకొచ్చిన భారత ప్రభుత్వానికి బాధితులు కృతజ్ఞతలు తెలియజేశారు.

భారత విదేశాంగ శాఖ లెక్కల ప్రకారం ఇజ్రాయెల్‌ లో మనోళ్లు సుమారు 18వేల మంది ఉన్నారు. అక్కడి నుంచి వారిని సురక్షితంగా భారత్ కు తీసుకు వచ్చేందుకు ప్రత్యేకమైన ఛార్టెడ్ విమానాలను పంపేందుకు చర్యలు తీసుకుంది కేంద్రం. ఈ సందర్భంగా కేంద్రమంత్రి జైశంకర్ మాట్లాడుతూ.. విదేశాల్లో ఉన్న భారతీయుల రక్షణ, సంక్షేమానికి తాము కట్టుబడి ఉన్నట్టు వెల్లడించారు.

ఇజ్రాయెల్ నుంచి భారతీయులను వేగంగా తీసుకొస్తున్నామని చెప్పారు కేంద్రమంత్రి. ఇప్పటికే రిజిస్టర్ చేసుకున్న భారతీయుల జాబితాను భారత రాయబార కార్యాలయం వారికి ఈ-మెయిల్ చేసింది. తర్వాత బ్యాచుల్లో ప్రయాణించే ప్రయాణికుల జాబితా, విమానాల వివరాలను రిజిస్టర్ మొబైల్ నెంబర్లకు పంపిస్తున్నారు.

ఇజ్రాయెల్‌ లో యుద్ధం జరగుతున్న ప్రాంతాల్లో పరిస్థితిని పరిశీలించి భారతీయులకు సహాయం చేసేందుకు టెల్ అవీవ్ తో పాటు రమల్లాహ్ ప్రాంతంలో ప్రత్యేక ఎమర్జెన్సీ హెల్ప్ లైన్ నెంబర్లను ఏర్పాటు చేశారు. ఆపరేషన్ అజయ్ విషయంలో భారత్ కు ఇజ్రాయెల్ పూర్తి స్థాయిలో సహకారం అందిస్తోంది.

అంతరిక్ష రంగం (Space Sector)లో భారత అంతరిక్ష పరిశోధన సంస్థ (ISRO) అద్బుతమైన విజయాలను సాధిస్తోంది. ప్రపంచ దేశాలకు సాధ్యం కానీ ప్రయోగాలను అతి తక్కువ ఖర్చుతో చేసి చూపిస్తూ అందరినీ ఆశ్చర్య పరుస్తోంది. అందుకే ప్రపంచం మొత్తం ఇప్పుడు ఇస్రో వైపే చూస్తోంది. ఇస్రో భవిష్యత్ ప్రయోగాల గురించి అత్యంత ఆసక్తితో చూస్తున్నాయి.

అలాంటి గొప్ప పేరు ఉన్న ఇస్రోలో చేరేందుకు ఐఐటీయన్స్ ముందుకు రావడం లేదని ఇస్రో చైర్మన్ డాక్టర్ ఎస్. సోమనాథ్ అన్నారు. ఇస్రోలో చేరేందుకు ఐఐటీయన్స్ ఆలోచిస్తుంటారని అన్నారు. గతంలో ఐఐటీలో రిక్రూట్‌మెంట్ సెషన్‌లో జరిగిన ఘటనను ఆయన తాజాగా గుర్తు చేశారు. రిక్రూట్ మెంట్‌ సమయంలో చాలా మంది ఇస్రోలో గరిష్ట జీతం ఎంత అని తెలుసుకుని వెనుదిరిగారని చెప్పారు.

అంతరిక్షాన్ని ఒక ఆవశ్యక రంగంగా అతి కొద్ది మంది మాత్రమే భావిస్తున్నారని తెలిపారు. అందులో కేవలం 1శాతం వ్యక్తులు మాత్రమే ఇస్రోలో చేరేందుకు నిర్ణయించుకుంటున్నారని అన్నారు. ఇస్రోకు ఉన్న అద్భుతమైన చరిత్ర, సాధించిన చారిత్రాత్మక విజయాలు సాధించిన ఘనత ఉన్నప్పటికీ చాలా మంది ప్రతిభావంతులైన నిపుణులు ప్రత్యామ్నాయ వృత్తి మార్గాలను ఎంచుకునేందుకే ఇష్టపడుతున్నారని చెప్పారు.

ఇది ప్రతిభ అంతరానికి దోహదం చేస్తుందని వివరించారు. ఇలాంటి ఆందోళనలు ఇప్పుడే కొత్తదేం కాదన్నారు. కానీ ఈ మధ్య ఇస్రో ఉద్యోగుల జీతాలపై చర్చలు జరుగుతున్నాయని పేర్కొన్నారు. గతంలో వ్యాపారవేత్త హర్ష్ గోయెంకా ఓ ట్వీట్ చేయగా వైరల్ అయిందన్నారు. ఇస్రో ఛైర్మన్ హోదాలో డా. ఎస్. సోమనాథ్ నెల వేతనం కేవలం రూ. 2.5 లక్షలేనని ట్వీట్ చేశారు. ఆ వేతనం న్యాయమైదేనా? అని ప్రశ్నించారని వెల్లడించారు. వేతనం కన్నా సైన్స్ అండ్ రీసెర్చ్ రంగంలో ఆయనకు ఉండే ఆసక్తిని, తపనను గుర్తించాలని సూచించారు..

ఇజ్రాయెల్‌ (Israel) లో చిక్కుకున్న భారతీయులను స్వదేశానికి తీసుకు వచ్చేందుకు భారత్ ఆపరేషన్ ‘అజయ్’ (Operation Ajay) ను ప్రారంభించింది. ఇజ్రాయెల్‌లో చిక్కుకున్న భారతీయుల కోసం ఆపరేషన్ అజయ్ మొదలు పెడుతున్నట్టు భారత విదేశాంగ మంత్రి ఎస్. జైశంకర్ వెల్లడించారు. భారత విదేశాంగ శాఖ లెక్కల ప్రకారం ఇజ్రాయెల్‌లో సుమారు 18000 మంది ఉన్నట్టు తెలుస్తోంది.

ఇజ్రాయెల్ నుంచి భారతీయులను సురక్షితంగా భారత్ కు తీసుకు వచ్చేందుకు ప్రత్యేకమైన ఛార్టెడ్ విమానాలను పంపేందుకు చర్యలు తీసుకుంటున్నట్టు తెలిపారు. విదేశాల్లో ఉన్న భారతీయుల రక్షణ, సంక్షేమానికి తాము కట్టుబడి ఉన్నట్టు వెల్లడించారు. ఇజ్రాయెల్ నుంచి భారతీయులతో కూడిన మొదటి బ్యాచ్ ఈ రోజు ప్రత్యేక విమానంలో భారత్ చేరుకుంటుందని అధికారలు తెలిపారు.

ఇప్పటికే మొదటి బ్యాచ్‌లో భారత్ చేరుకునేందుకు రిజిస్టర్ చేసుకున్న భారతీయుల జాబితాను ఇజ్రాయెల్‌లోని భారత రాయబార కార్యాలయం వారికి ఈమెయిల్ చేసింది. తర్వాత బ్యాచ్ ల్లో ప్రయాణించే ప్రయాణికుల జాబితా, విమానాల వివరాలను ఇజ్రాయెల్ లోని భారతీయుల రిజిస్టర్ మొబైల్ నెంబర్లకు పంపించనున్నట్టు రాయబార కార్యాలయం పేర్కొంది.

ఇజ్రాయెల్‌లో యుద్దం జరగుతున్న ప్రాంతాల్లో పరిస్థితిని పరిశీలించి భారతీయులకు సహాయం చేసేందుకు టెల్ అవీవ్ తో పాటు రమల్లాహ్ ప్రాంతంలో ప్రత్యేక ఎమర్జెన్సీ హెల్ప్ లైన్ నంబర్లను ఏర్పాటు చేశారు. ఆపరేషన్ అజయ్ విషయంలో భారత్ కు ఇజ్రాయెల్ పూర్తి స్థాయిలో సహకారం అందిస్తోందని ముంబైలో ఇజ్రాయెల్ కాన్స్యులేట్ కొబ్బి షోషానీ తెలిపారు.

ప్రధాని మోడీ (PM modi) ఈ రోజు ఉత్తరాఖండ్‌ (UtharKhand)లో పర్యటించారు. పిత్తోర్ గఢ్‌లో హిందువులకు అత్యంత పవిత్రమైన ప్రదేశం గౌరీ కుంద్ ను ఆయన సందర్శించారు. అనంతరం అక్కడ ప్రత్యేక పూజలు నిర్వహించారు. ఆ తర్వాత ఆది-కైలాష్‌ ఆశీర్వాదాన్ని ప్రధాని మోడీ తీసుకున్నారు. పూజ సందర్బంగా అక్కడి ఆదివాసీల ప్రత్యేక సాంప్రదాయ దుస్తులను ప్రధాని మోడీ ధరించారు.

ప్రధాని మోడీ తలపై టర్బన్ ధరించి, శరీరంపై రాంగా( శరీరంప వేసుకునే వస్త్రం) ధరించి హారతి ఇచ్చారు. ఈ సందర్బంగా ఆలయ విశిష్టత గురించి అక్కడి పూజారాలు విరేంద్ర కుతియాల్, గోపాల్ సింగ్ ప్రధాని మోడీకి వివరించారు. దేవి భూమి సందర్శన పై ప్రధాని మోడీ ట్వీట్ చేశారు. ఉత్తరాఖండ్ ప్రజల సంక్షేమానికి తమ ప్రభుత్వం కట్టుబడి ఉందని తెలిపారు.

రాష్ట్రంలో అభివృద్ధిని పరుగులు పెట్టించేందుకు చర్యలు తీసుకుంటున్నామని చెప్పారు. పిత్తోర్ గఢ్‌లో తాను ఈ రోజు పలు అభివృద్ధి పనులకు శంకుస్థాపన చేయనున్నట్టు వెల్లడించారు. పార్వకుంద్ నుంచి ఆయన గుంజి గ్రామానికి బయలు దేరారు. అక్కడ స్థానికులను ప్రధాని మోడి కలుసుకున్నారు. వారితో పాటు కాసేపు ముచ్చటించారు.

గుంజిలో స్థానికుల తయారు చేసిన వస్తువులు, కళాఖండాలతో ఎగ్జిబిషన్ ఏర్పాటు చేశారు. ఉత్తరాఖండ్ ముఖ్య మంత్రి పుష్కర్ సింగ్ ధామీతో కలిసి ప్రధాని మోడీ ఎగ్జిబిషన్ ను తిలకించారు. అక్కడి నుంచి జగేశ్వర్ ధామ్ కు ప్రధాని మోడీ వెళ్లారు. అక్కడ జ్యోతిర్లింగ ఆలయం చుట్టూ ప్రధాని మోడీ ప్రదక్షణలు చేశారు. అక్కడ కాసేపు ధ్యానం చేశారు.

బిహార్‌ (Bihar) లో రైలు ప్రమాదం (Train Accident) చోటు చేసుకుంది. బుక్సార్ (Buxar) జిల్లాలో రఘునాథ్ పూర్ స్టేషన్ సమీపంలో నార్త్- ఈస్ట్ ఎక్స్ ప్రెస్ పట్టాలు తప్పింది. ఈ ఘటనలో నలుగురు ప్రయాణికులు మృతి చెందారు. మరో 70 మందికి గాయాలయ్యాయి. ఢిల్లీలోని ఆనంద్ విహార్ టెర్మినల్ నుంచి అసోంలోని కామాఖ్య జంక్షన్ వెళ్తున్న సమయంలో రైలు ప్రమాదం జరిగినట్టు అధికారులు తెలిపారు.

రఘునాథ్ పూర్ సమీపానికి రైలు చేరుకోగానే ఆరు కోచ్ లు పట్టాలు తప్పాయి. అందులో రెండు ఏసీ కోచ్‌లు బోల్తాపడగా, మరో నాలుగు కోచ్‌లు పక్క ట్రాక్ పైకి దూసుకు వెళ్లినట్టు తెలుస్తోంది. ఘటనలో గాయపడిన వారిని స్థానిక ఆస్పత్రికి తరలించి చికిత్స అందిస్తున్నారు. వారిలో తీవ్రంగా గాయపడిన వారిని పాట్నాలోని ఎయిమ్స్ కు తరలించినట్టు అధికారులు చెబుతున్నారు.

ప్రమాదం గురించి సమాచారం అందగానే అధికారులు అక్కడకు చేరుకున్నారు. వెంటనే సహాయక చర్యలు మొదలు పెట్టారు. ప్రమాద నేపథ్యంలో ఆ మార్గంలో ప్రయాణించే 21 రైళ్లను దారి మళ్లించినట్టు చెప్పారు. ఈ ఘటనపై బిహార్ డిప్యూటీ సీఎం తేజస్వీ యాదవ్ తీవ్ర దిగ్బ్రాంతి వ్యక్తం చేశారు. సహాయక చర్యలను ముమ్మరం చేయాలని అధికారులను ఆదేశించారు.

మరోవైపు ఈ ప్రమాదంపై రైల్వే మంత్రి అశ్వనీ వైష్ణవ్ స్పందించారు. సహాయక చర్యలు పూర్తయినట్టు వెల్లడించారు. మృతుల కుటుంబాలకు ఆయన తన ప్రగాఢ సానుభూతిని తెలిపారు. ప్రమాదానికి గల కారణాలపై అధికారులు దర్యాప్తు చేస్తున్నారని చెప్పారు. రైల్వే ట్రాక్ పునరుద్దరణకు అధికారులు చర్యలు తీసుకుంటున్నారని తెలిపారు. ప్రయాణికులను వారి గమ్య స్థానాలకు చేర్చేందుకు ఏర్పాట్లు చేస్తున్నామన్నారు.