Politics

ఏపీ (AP) మాజీ ముఖ్యమంత్రి చంద్ర బాబు (Chandrababu ) అరెస్ట్ టీడీపీ (TDP) నేతలకి తలనొప్పిగా తయారైంది. ఎన్నికల ప్రచారాలు నిర్వహించాలో, బాబు అరెస్ట్ విషయం పై చర్చలు జరపాలో అర్ధం కానీ స్థితిలో ఉన్నారు. ఇదే సమయంలో అధికార పార్టీ వైసీపీ (YCP) కి మంచి స్టఫ్ దొరికినట్టు అయ్యింది. కావలసినంత ప్రచారం చేసుకోవచ్చు..

కాగా ప్రస్తుతం నారా లోకేశ్ (Lokesh) పరిస్థితి కుడితిలో పడ్డ ఎలుకల తయారైందని వైసీపీ అభిమానులు అనుకుంటున్నట్టు గుసగుసలు వినిపిస్తున్నాయి. ఈ సమయంలో మంత్రి అంబ‌టి రాంబాబు మ‌రో పిడుగులాంటి వార్త చెప్పారు. అమ‌రావ‌తి ఇన్న‌ర్ రింగ్ రోడ్డు కేసులో నారా లోకేశ్ అడ్డంగా బుక్క‌య్యార‌ని అన్నారు. ఇన్న‌ర్ రింగ్ రోడ్డు వ్య‌వ‌హారంలో లోకేశ్ త‌ప్పించుకోవ‌డం అసాధ్య‌మ‌ని రాజ‌కీయ బాంబు పేల్చారు.

అసలే చంద్ర‌బాబు అరెస్ట్‌తో కుంగిపోతున్న టీడీపీకి, అంబ‌టి మాటలు పుండు మీద కారం చల్లినట్టు ఉన్నాయి. అసలే ఎన్నికలు సమీపిస్తున్నాయి. చంద్ర‌బాబు బయటికి వస్తే గాని టీడీపీకి బలం రాదు. ఒకవేళ బాబు అరెస్ట్ ఏ విధంగా సానుభూతి మూటగడుతుందో ఊహించడం కష్టం. ఈ స‌మ‌యంలో బాబు వార‌సుడు లోకేశ్ కూడా జైలుపాలైతే త‌మ పార్టీ ప‌రిస్థితి ఏంట‌ని టీడీపీ నేత‌లు మధనపడుతున్నారని పొలిటికల్ సర్కిల్ ల్లో వార్తలు గుప్పుమంటున్నాయి.

లోకేశ్ త‌ప్పించుకోలేడ‌ని అంబ‌టి అన్నారంటే… వైసీపీ పెద్ద కుట్రే చేస్తోంద‌ని టీడీపీ నేత‌లు వాపోతున్నారు. ఆ కుట్ర‌లో భాగంగా బాబుని, లోకేశ్ ని కేసుల్లో ఇరికించి ఎన్నిక‌ల‌య్యే వ‌ర‌కూ బ‌య‌టికి రాకుండా చేస్తున్నార‌ని టీడీపీ నేత‌లు మండిప‌డుతున్నారు.. మొత్తానికి టీడీపీ పరిస్థితి డ్రైవర్ లేని బండిలా మారిందని వైసీపీ అభిమానులు ఆనందిస్తుండగా, టీడీపీ సానుభూతి పరులు దీర్ఘాలోచనలో ఉన్నారు..

ఈసీ (EC) ఎన్నికల షెడ్యూల్‌ ప్రకటించగానే అధికార, ప్రతిపక్ష, ప్రాంతీయ పార్టీలు అన్నీ అప్రమత్తం అయ్యాయి. ఈ నేపధ్యంలో తెలంగాణ (Telangana)లో ఎవరెవరు పోటీ చేస్తారనే ఉత్కంఠ తెరపైకి వచ్చింది. ఈ విషయంలో జనసేన (Janasena) క్లారిటీ ఇవ్వగా.. టీడీపీ (TDP) కూడా బరిలోకి దిగడానికి సిద్దం అంది.

అయితే ఏపీ (AP) లో ఉన్నట్టు.. తెలంగాణలో కూడా టీడీపీ, జనసేన కలిసి పోటీ చేస్తారా అనేది మిస్టరీగా ఉంది. మరోవైపు ఏపీలో అధికారంలో ఉన్న వైఎస్‌ఆర్‌ కాంగ్రెస్‌ (YSR Congress) పార్టీ పరిస్థితి ఏంటనేది సందేహంగా ఉన్న క్రమంలో, వైసీపీ నేత వైవీ సుబ్బారెడ్డి క్లారిటీ ఇచ్చారు.. తెలంగాణ అసెంబ్లీ ఎన్నికల్లో పోటీ చేసే ఉద్దేశ్యం వైసీపీకి లేదని స్పష్టం చేశారు.

ఏపీలో జనసేన, టీడీపీతో పాటు ఎన్ని పార్టీలు కలసి పనిచేసినా సీఎం వైఎస్‌ జగన్ గెలుపుని అడ్డుకోలేరని సృష్టం చేశారు. జగన్ అమలు చేస్తున్న సంక్షేమ పథకాలే మమ్మల్ని గెలిపిస్తాయని అన్నారు. వైసీపీ తరఫున పోటీ చేసేందుకు అభ్యర్థుల మధ్య పోటీ ఎక్కువై నియోజకవర్గాలు సరిపోవటం లేదన్న వైవీ, జనసేన పార్టీకి కనీసం 15 నియోజకవర్గాల్లో అభ్యర్థులను నిలబెట్టుకునే పరిస్థితి లేదని విమర్శించారు.

అధికారంలో ఉన్నప్పడు టీడీపీ రాష్ట్రాన్నిదోచుకున్నదని చెప్పిన మాటలే ఇప్పుడు నిజం అయ్యాయని, బాబు చేసిన స్కిల్ డెవలప్‌మెంట్‌, ఫైబర్ నెట్, ఇన్నర్ రింగ్ రోడ్ స్కాంల పై కోర్టుల ద్వారా పూర్తి విచారణ జరుగుతుందని వైవీ సుబ్బారెడ్డి తెలిపారు. ఎవరు ఎన్ని రకాల కుట్రలు చేసిన మరోసారి ఏపీలో జగన్ సీఎం అవడం మాత్రం ఖాయమంటూ వెల్లడించారు.

మాజీ ముఖ్యమంత్రి చంద్రబాబు నాయుడు (Chandrababu Naidu) అరెస్టు ఏపీ (AP) రాజకీయ రూపు రేఖలను పూర్తిగా మార్చేశాయి. అసలే ఎన్నికలు సమీపిస్తున్నాయి. ఈ సమయంలో ప్రజల్లో తిరగవలసిన టీడీపీ (TDP) ముఖ్యనేత జైల్లో ఉండటం మింగుడు పడని విషయం. ఎప్పుడైతే బాబు అరెస్ట్ జరిగిందో అప్పటి నుండి అధికార పార్టీ వైసీపీ (YCP), ప్రతిపక్ష టీడీపీ నేతల మధ్య మాటల యుద్ధం ఊహించని స్థాయికి చేరుకోంది.

ఈ నేపథ్యంలో ఏపీ హేట్స్ జగన్ (AP Hates Jagan) పేరుతో టీడీపీ క్యాంపెయిన్ ప్రారంభించింది. ఈ మేరకు సోషల్ మీడియా వేదికగా ఏపీ హేట్స్ జగన్ హ్యాష్ ట్యాగ్ తో టీడీపీ ప్రచారాన్ని ముమ్మరం చేసింది. అయితే వైసీపీ, విజయవాడ ఇందిరా గాంధీ స్టేడియంలో వై ఏపీ నీడ్స్ జగన్ (Y AP Needs Jagan) కార్యక్రమాన్ని చేపట్టనున్నట్టు వెల్లడించగా.. ఏపీ నీడ్స్ జగన్ కాదు. ఏపీ హేట్స్ జగన్ అంటూ టీడీపీ నేతలు ధ్వజమెత్తుతున్నారు.

ఏపీని సర్వ నాశనం చేసిన జగన్ మరో సారి అధికారం చేపడితే అసలు ఏపీనే ఉండదని కీలక వ్యాఖ్యలు చేశారు. టీడీపీ నేతల పై కక్ష పూరితంగా జగన్ వ్యవహరిస్తున్నారని ఆరోపించారు. ఇక ఏపీలో ఇప్పుడు జరుగుతోన్న రాజకీయ సంఘర్షణను గమనిస్తున్న వైసీపీ అభిమానులు ఒకప్పుడు బాబు ముఖ్యమంత్రిగా ఉన్న సమయంలో జగన్ కుటుంబాన్ని విధిపాలు చేసిన ఘటన టీడీపీ నేతలకు ఎందుకు గుర్తుకు రావడం లేదో అని ప్రశ్నిస్తున్నారు. బాబుకు ఒక న్యాయమా.. జగన్ కు ఒక న్యాయమా అంటూ ఎదురు విమర్శలకు దిగారు.