Politics

తెలంగాణ (Telangana) ముఖ్యమంత్రి (CM) కేసీఆర్ (KCR) సతీమణి కల్వకుంట్ల శోభ తిరుమల (Thirumala) శ్రీ వారిని దర్శించుకున్నారు. తిరుమలలో స్వామి వారికి జరిగే అర్చన సేవలో శోభ పాల్గొన్నారు. శ్రీవారికీ తలనీలాల మొక్కులను చెల్లించుకున్నారు కేసీఆర్ సతీమణి.

స్వామి వారి దర్శనం అనంతరం ఆలయంలోని రంగనాయక మండపంలో టిటిడి వేద పండితులు వేద ఆశీర్వాదం, స్వామివారి తీర్థప్రసాదాలు కేసీఆర్ కుటుంబ సభ్యులకు అందించారు. వైకుంఠ వాసుని దర్శనాంతరం దక్షిణ కైలాసంగా పేరుగాంచిన శ్రీకాళహస్తీశ్వర (srikalahasti) స్వామి దర్శనానికి వెళ్లారు కేసీఆర్ సతీమణి. అక్కడ ప్రత్యేక పూజలు నిర్వహించారు.

వారికి దక్షిణ గోపురం వద్ద శ్రీకాళహస్తి శాసనసభ్యుడి కుమార్తె పవిత్ర రెడ్డి ఘనంగా స్వాగతం పలికారు. దర్శన ఏర్పాట్లు దగ్గర ఉండి చూసుకొన్నారు. అనంతరం ఆలయ అధికారులు, ముఖ్యమంత్రి కుటుంబ సభ్యులను, దక్షిణామూర్తి సన్నిధి వద్ద ఘనంగా సత్కరించి తీర్థప్రసాదాలు అందజేశారు. ఈ కార్యక్రమంలో శ్రీకాళహస్తీ ఆలయ కార్యనిర్వహణ అధికారి సాగర్ బాబు, ఆలయ అధికారులు ఆలయ సిబ్బంది పాల్గొన్నారు. ఈ మధ్య ముఖ్యమంత్రి కేసీఆర్ అనారోగ్యం బారిన పడిన విషయం తెలిసిందే.. ఈ నేపధ్యంలో ఆయన సతీమణి ఆలయ సందర్శనాలు చేయడం విశేషం..

తెలంగాణ (Telangana) లో ఇన్నాళ్ళూ మావోయిస్టుల సంచారం అంతగా కనబడలేదు. కానీ త్వరలో ఎన్నికలు ఉన్న నేపధ్యంలో మావోయిస్టులు (maoist) తమ ఉనికిని కాపాడుకోవడానికి ప్రయత్నిస్తున్నట్టు తెలుస్తోంది. ఈ క్రమంలో ప్రజలను చైతన్యపరిచే దిశగా అడుగులు వేస్తున్నారు. ఎలక్షన్ షెడ్యూలు (Election Schedule) విడుదలైన గంటల వ్యవధిలో భారత కమ్యూనిస్టు పార్టీ రాష్ట్ర కమిటీ ఒక ప్రకటన విడుదల చేసింది.

బీజేపీ (BJP) ని, ఆ పార్టీకి మద్దతు ఇచ్చే పార్టీలను తరిమేయాలని, కాంగ్రెస్ (congress) సహా ప్రతిపక్ష పార్టీలను నిలదీయాలని కోరింది. అధికారం కోసం అర్రులు చాస్తున్న బీజేపీ, బీఆర్ఎస్ (BRS) పార్టీల మధ్య అంతర్గత పొత్తు ఉందని విమర్శించింది. అధికారం కోల్పోయి నిరాశాలో ఉన్న కాంగ్రెస్ పార్టీ గ్యారంటీల పేరుతో ఇచ్చే పథకాలపై నిలదీయాలని కోరింది.

బీఆర్ఎస్ ప్రభుత్వం తమ పదేళ్ళ పాలనలో ప్రజలకు ఓరగ పెట్టింది ఏం లేదు. ప్రజలను మోసగిస్తూ అభివృద్ధి మంత్రాన్ని జపిస్తు మూడోసారి పవర్‌లోకి రావడానికి మాయమాటలు చెబుతుందని అన్నారు. గతంలో ఇచ్చిన అనేక వాగ్ధానాలు అమలు చేయని ప్రభుత్వం.. ఎన్నికలు దగ్గర పడుతున్నప్పుడల్లా రైతుబంధు, దళితబంధు, బీసీ బంధు, గిరిజనబంధు లాంటి గారడీ మాటలతో ప్రజలను ప్రలోభాలకు గుర్తుచేసిందన్నారు.

కాళేశ్వరం ప్రాజెక్టు ద్వారా బాగుపడింది కేసీఆర్ కుటుంబం మాత్రమే అని అన్నారు. ఇంకా ఎన్నో ప్రభుత్వ వైఫ్యల్యాలను వేలెత్తి చూపారు. సంక్షేమ పథకాల పేరుతో కేసీఆర్ బంధుమిత్రులే లబ్దిదారులై వాటాలు పంచుకుంటున్నారని ఆరోపణలు చేశారు. మిగులులో ఉన్న తెలంగాణను అప్పులపాలు చేసిన ఘనత బీఆర్ఎస్ ప్రభుత్వానికే చెల్లుతుందని తెలిపారు. రైతు ప్రభుత్వం అంటూనే రైతులను దగా చేసిన ఈ ప్రభుత్వానికి తగిన గుణపాఠం చెప్పాలని పిలుపునిచ్చారు.

రాష్ట్ర బీసీ సంక్షేమ, పౌరసరఫరాల శాఖ మంత్రి గంగుల కమలాకర్‌ ( Gangula Kamalakar) కాంగ్రెస్‌ (Congress), బీజేపీ (BJP) పై విరుచుకుపడ్డారు. తెలంగాణ (Telangana) రాష్ట్రం అభివృద్ధి, సంక్షేమం దిశగా పరుగులు పెడుతుందని, కేసీఆర్‌ (KCR) పాలనలో సురక్షితంగా ఉందని అన్నారు. ఇలాంటి సమయంలో కాంగ్రెస్‌, బీజేపీ పెద్దలకు అధికారం అప్పగిస్తే 50 ఏండ్లు పడ్డ అరిగోస మళ్లీ తప్పదని హెచ్చరించారు.

వచ్చే ఎన్నికల్లో ఢిల్లీ నాయకులకు అధికారం అప్పగిస్తే పచ్చగా ఉన్న తెలంగాణను ఆంధ్రాలో కలిపేస్తారని మంత్రి గంగుల అన్నారు. కాంగ్రెస్‌ ముసుగులో కేవీపీ, షర్మిల, బీజేపీ ముసుగులో మాజీ సీఎం కిరణ్‌ కుమార్‌రెడ్డి.. తెలంగాణలో పాగా వేయడానికి ప్రయత్నిస్తున్నారని ఆందోళన వ్యక్తం చేశారు.

కర్ణాటక ఎన్నికలకు ముందు మేనిఫెస్టోలో చెప్పిన హామీలే అమలు చేయలేని కాంగ్రెస్ ను.. ఆరు గ్యారంటీలు కాదు ఆరు వేల గ్యారంటీలు ఇచ్చిన తెలంగాణ ప్రజలు నమ్మరని విమర్శించారు. బీఆర్ఎస్ ప్రభుత్వం చేసిన అభివృద్ధి చూపించే ఓట్లు ఆడుగుతామని అన్నారు. తెలంగాణలో హైదరాబాద్ తరువాత రెండో నగరంగా కరీంనగర్ మారిందని తెలిపారు.

ఇప్పటికే పలువురు బీఆర్ఎస్ నేతలు ప్రచారాల పనిలో బిజీ అవుతుండగా.. అక్టోబర్ 18 నుంచి భారీ ర్యాలీతో తాను కూడా ఎన్నికల ప్రచారాన్ని ప్రారంభిస్తానని మంత్రి గంగుల కమాలాకర్ చెప్పారు.

మహబూబ్ నగర్ (Mahbub Nagar) ఎమ్మెల్యే (MLA) శ్రీనివాస్ గౌడ్ (Srinivas Goud) ఎన్నికపై వివాదం కొనసాగుతోన్న సంగతి తెలిసిందే. రాఘవేంద్ర రాజు అనే వ్యక్తి 2018 ఎన్నికల సమయంలో మంత్రి తప్పుడు అఫిడవిట్ దాఖలు చేశారని ఆరోపిస్తూ హైకోర్టు (High Court) లో పిటిషన్ దాఖలు చేయగా.. ఈ పిటిషన్ పై విచారణ జరిపిన న్యాయస్థానం, తాజాగా తీర్పును రిజర్వ్ చేసింది. మంగళవారం తీర్పు వెల్లడిస్తామని పేర్కొంది.

కాగా ఈ కేసులో హైకోర్టు.. అడ్వకేట్ కమిషనర్‌ను నియమించి, అప్పుడు ఎన్నికల విధుల్లో ఉన్న 16 మంది రిటర్నింగ్ అధికారుల నుంచి వివరణలు, సాక్ష్యాధారాలను సేకరించి హైకోర్టుకు నాలుగు రోజుల క్రితం సమర్పించింది. అయితే గత విచారణ సందర్భంగా అక్టోబర్ 9న తుది తీర్పును వెలువరించనున్నట్టు జస్టిస్ ఎం. లక్ష్మణ్ నేతృత్వంలో సింగిల్ జడ్జి బెంచ్ స్పష్టం చేసింది.

ఆ ప్రకారమే సోమవారం ఈ పిటిషన్‌పై తీర్పు రావలసి ఉంది. కానీ ఒక రోజు వాయిదా వేసిన బెంచ్.. మంగళవారం ఆర్డర్ ఇవ్వనున్నట్టు ప్రకటించింది. ఇక పోలింగ్ అధికారుల సహకారంతో ఎమ్మెల్యే శ్రీనివాస్ గౌడ్ అఫిడవిట్ ట్యాంపరింగ్ చేశారని రాఘవేంద్ర రాజు అప్పట్లో దాఖలు చేసిన, ఎలక్షన్ పిటిషన్‌పై విచారణ, దాదాపు నాలుగున్నరేళ్లుగా కొనసాగుతొన్న సంగతి తెలిసిందే. త్వరలో ఎన్నికలు జరగనున్న నేపధ్యంలో ఈ వివాదం ముగిస్తే బాగుండునని అనుకొంటున్నారట శ్రీనివాస్ గౌడ్ అనుచరులు..

ఆదిలాబాద్ జిల్లా కేంద్రంలో రేపు నిర్వహించే అమిత్ షా సభకు ప్రజలు భారీగా తరలిరావాలని ఎంపీ సోయం బాపురావు పిలుపునిచ్చారు. సోమవారం ఇచ్చోడ మండల కేంద్రంలో ఏర్పాటు చేసిన సమావేశంలో ఆయన మాట్లాడారు.

షా రాకతో జిల్లాలో ఏళ్లుగా పరిష్కారానికి నోచుకోని సమస్యలు పరిష్కారం అవుతాయని పేర్కొన్నారు. రైల్వే లైన్, పొడు భూముల సమస్యలు, ఆదివాసీల సమస్యలు పరిష్కారం కానున్నట్లు పేర్కొన్నారు.

అన్ని వర్గాల ప్రజలు తరలిరావాలని కోరారు. తెలంగాణలో ఎంపీలందరు ఎమ్మెల్యేలుగా పోటీ చేయాలని హైకమాండ్ నుంచి స్పష్టమైన ఆదేశాలున్నాయని తెలిపారు. హై కమాండ్ నిర్ణయాన్ని స్వీకరిస్తూ బోథ్ నియోజకవర్గ ఎమ్మెల్యే అభ్యర్థిగా తాను పోటీ చేయనున్నట్లు ప్రకటించారు.

కొన్నాళ్లుగా సోయం పార్టీ మారుతున్నట్టు తెగ ప్రచారం జరుగుతోంది. తాజా వ్యాఖ్యలతో అదంతా ప్రచారమే అని తేలిపోయింది.