Politics

బీఆర్ఎస్ నాయకులారా.. మీరు నిజమైన తెలంగాణ వాదులైతే.. మీ ఒంట్లో తెలంగాణ రక్తమే ప్రవహిస్తే తక్షణమే ఆ పార్టీని వీడి రండి అంటూ బీజేపీ జాతీయ ప్రధాన కార్యదర్శి బండి సంజయ్ కుమార్ అన్నారు. కేసీఆర్ కు భయపడి తెలంగాణ విమోచన దినోత్సవాలను నిర్వహించేందుకు భయపడుతున్న బీఆర్ఎస్ నేతలను చవట దద్దమ్మలు అంటూ ఆయన విమర్శించారు. తెలంగాణ విమోచన దినోత్సవాన్ని పురస్కరించుకుని కేంద్ర ప్రభుత్వం ఈరోజు పరేడ్ మైదానంలో నిర్వహించిన కార్యక్రమాల్లో బండి సంజయ్ పాల్గొన్నారు.ఈ రోజు బీజేపీ కార్యకర్తలకు మూడు పండగలు వచ్చాయని బండి సంజయ్ పేర్కొన్నారు.

ఒకటి తెలంగాణ విమోచన దినోత్సవం అయితే, మరోకటి ప్రధాన మంత్రి నరేంద్ర మోడీ పుట్టిన రోజు, ఇంకోటి విశ్వకర్మ జయంతి అని ఆయన చెప్పుకొచ్చారు. కేంద్ర ప్రభుత్వ ఆధ్వర్యంలో గతేడాది నుంచి అధికారికంగా తెలంగాణ విమోచన దినోత్సవాలు నిర్వహిస్తున్నామన్నారు. తెలంగాణలో అధికారంలో లేకపోయినా ప్రజల అభిమతాన్ని గుర్తించి కేంద్ర ప్రభుత్వం ఆధ్వర్యంలో విమోచన దినోత్సవాలు జరుపుకుంటున్నామని ఆయన తెలిపారు. బీఆర్ఎస్, మజ్లిస్ పార్టీలు దగుల్బాజీ పార్టీలు.. విమోచన దినోత్సవాలను వ్యతిరేకిస్తున్నాయని బండి సంజయ్ అన్నారు.

తెలంగాణ ఉద్యమ సమయంలో విమోచన దినోత్సవాలను ఎందుకు జరుపుకోవడం లేదని తిట్టిన కేసీఆర్ ఇప్పుడెందుకు స్పందించడం లేదు అని బండి సంజయ్ అన్నారు. ఆ నోరేమైంది? సిగ్గుండాలే… అధికారంలోకి వచ్చాక నిజాం సమాధి ముందు మోకరిల్లిన నీచుడు కేసీఆర్.. అప్పుడే అర్ధమైంది.. తెలంగాణలో మళ్లీ నయా నిజాం పాలన అమలు కాబోతోందని.. ఆనాడు భయపడినట్లే ప్రస్తుతం జరుగుతోంది అని బండి సంజయ్ విమర్శలు గుప్పించాడు.పాతబస్తీలో నల్ల జెండాలు ఎగరేసి నిరసన తెలిపిన ఒవైసీకి భయపడి కేసీఆర్ తెలంగాణ విమోచన దినోత్సవాలను నిర్వహించడం లేదు అని బండి సంజయ్ అన్నారు.

జాతీయ సమైక్యత దినోత్సవం పేరుతో కొత్త రాగం అందుకున్నాడు.. కేసీఆర్ పార్టీ పుట్టక ముందే తెలంగాణ కోసం 1997లో ఒక ఓటు రెండు రాష్ట్రాలు అని తీర్మానించిన పార్టీ బీజేపీ.. కేసీఆర్ అంతటి మోసగాడు, దగుల్బాజీ మరొకరు లేరు అని ఆయన విమర్శించారు. మంత్రి పదవి కోసం అజయ్ రావుగా ఉన్న తన కొడుకు పేరును తారక రామారావుగా మార్చిన మోసగాడు కేసీఆర్.. చంద్రబాబు మంత్రి పదవి ఇవ్వలేదని తెలంగాణ ఉద్యమ పార్టీ పెట్టి ప్రజలను మోసం చేస్తున్న దుర్మార్గుడు కేసీఆర్ అంటూ బండి సంజయ్ మండిపడ్డారు.

కాంగ్రెస్ వర్కింగ్ కమిటీ సమావేశాలు జరుగుతున్న వేళ ఆ పార్టీ తీరును విమర్శిస్తూ హైదరాబాద్‌లోని ప్రధాన కూడళ్ల వద్ద పోస్టర్లు కలకలం రేపుతున్నాయి. కరప్ట్ కాంగ్రెస్.. కరక్ట్ బీఆర్ఎస్ అంటూ ఆ పార్టీపై విమర్శలు గుప్పిస్తూ పోస్టర్లలో పలు వివరాలు రాసుకొచ్చారు. కాంగ్రెస్ పాలిత రాష్ట్రాల్లో అమలు చేస్తున్న పథకాలను తెలంగాణలో బీఆర్ఎస్ పార్టీ అమలు చేస్తున్న పథకాలతో పోలుస్తూ ఈ పోస్టర్లు వెలిశాయి.

తెలంగాణ ప్రభుత్వం అమలు చేస్తున్న రైతు బీమా, ఉచిత కరెంటు, వికలాంగుల పెన్షన్, దళిత బంధు, రైతు బంధు వంటి సంక్షేమ పథకాలు కాంగ్రెస్ పాలిత రాష్ట్రాల్లో ఎందుకు లేవని పేర్కొననారు.తెలంగాణలో దళితులకు ఆర్థిక సాయంగా రూ.10 లక్షలు ఇస్తుండగా.. కాంగ్రెస్ అధికారంలో ఉన్న ఛత్తీస్‌గఢ్, హిమాచల్‌ప్రదేశ్, కర్ణాటక, రాజస్థాన్‌లో ఇచ్చేది సున్నా అని పేర్కొన్నారు.

ఇక దివ్యాంగుల పెన్షన్ ఛత్తీస్‌గఢ్‌లో రూ.500, హిమాచల్‌ప్రదేశ్‌లో రూ.1300, కర్ణాటకలో రూ.1100, రాజస్థాన్‌లో రూ.1250 ఇస్తుండగా తెలంగాణలో మాత్రం రూ.4,116 ఇస్తున్నట్లు పోస్టర్లలో పేర్కొన్నారు. వృద్ధాప్య పెన్షన్ ఛత్తీస్‌గఢ్‌లో రూ.500, హిమాచల్‌ప్రదేశ్‌లో రూ.750- రూ.1250, కర్ణాటకలో రూ.1000, రాజస్థాన్‌లో రూ.100 నుంచి రూ.1250 ఇస్తుండగా తెలంగాణలో మాత్రం రూ.2016 ఇస్తున్నారు.

ఛత్తీస్‌గఢ్, హిమాచల్‌ప్రదేశ్, కర్ణాటక, రాజస్థాన్‌లో రైతు బీమా పథకమే లేదని.. తెలంగాణలో ఎవరైనా రైతు చనిపోతే ఆ కుటుంబానికి రూ.5 లక్షల ఆర్థిక సాయం చేస్తున్నట్లు పేర్కొన్నారు.

తెలంగాణ కాంగ్రెస్ చీఫ్ రేవంత్ రెడ్డి సంచ‌ల‌న వ్యాఖ్య‌లు చేశారు. సానుభూతి కోసం క‌ల్వ‌కుంట్ల‌ కవితను జైల్లో పెట్టాలని కేసీఆర్-మోడీ ప్లాన్ చేశారని ఆరోపించారు. భార‌తీయ జ‌న‌తా పార్టీ (బీజేపీ), భార‌త రాష్ట్ర స‌మితి (బీఆర్ఎస్), ఎంఐఎంల‌ను టార్గెట్ చేస్తూ కాంగ్రెస్ చీఫ్ రేవంత్ రెడ్డి తీవ్ర విమ‌ర్శ‌లు గుప్పించారు. బీఆర్ఎస్, బీజేపీలు బ‌హిరంగంగానే బీజేపీకి మ‌ద్ద‌తు ఇస్తున్నాయ‌ని పేర్కొన్నారు. ఇక తెలంగాణ విష‌యంలో పార్టీకి న‌ష్టం జ‌రిగినా ఇచ్చిన మాట‌ను సోనియా గాంధీ నిల‌బెట్టుకున్నార‌ని తెలిపారు.

ఈ క్ర‌మంలోనే ఢిల్లీ లిక్క‌ర్ స్కామ్ విష‌యంలో క‌ల్వ‌కుంట్ల క‌విత విష‌యాన్ని ప్ర‌స్తావిస్తూ సంచ‌ల‌న వ్యాఖ్య‌లు చేశారు. ఎమ్మెల్సీ కల్వకుంట్ల కవితను అరెస్టు చేసేందుకు మోడీతో కేసీఆర్ అవగాహన ఒప్పందం కుదుర్చుకున్నార‌ని ఆరోపించారు. సానుభూతి పొందేందుకు కవితను రెండు నెలల పాటు తీహార్ జైలుకు పంపాలని యోచిస్తున్నార‌ని అన్నారు. మహిళా రిజర్వేషన్ బిల్లు సోనియాగాంధీ ఆలోచన అనీ, మొద‌టి నుంచి ఈ విష‌యాన్ని కాంగ్రెస్ లేవ‌నెత్తుతున్న‌ద‌ని తెలిపారు. రాజీవ్ గాంధీ స్థానిక సంస్థల ఎన్నికల్లో మహిళలు, ఓబీసీలకు రిజర్వేషన్లు అమలు చేశారని అన్నారు. యూపీఏ ఛైర్ పర్సన్ గా సోనియాగాంధీ మహిళా రిజర్వేషన్ బిల్లును పార్లమెంటులో ప్రవేశపెట్టార‌ని రేవంత్ రెడ్డి పేర్కొన్నారు.

అయితే, కవిత ఎంపీగా ఉన్నప్పుడు మహిళా రిజర్వేషన్ బిల్లు గురించి ఏనాడూ మాట్లాడలేదని రేవంత్ రెడ్డి విమ‌ర్శించారు. పార్లమెంటులో బీజేపీ ప్రవేశపెట్టిన అన్ని బిల్లులకు బీఆర్ఎస్ మ‌ద్ద‌తు ఇస్తున్న‌ద‌నీ, రెండు పార్టీల మ‌ధ్య ఒప్పందం ఉంద‌ని ఆరోపించారు. కేసీఆర్ కుటుంబంలో జరిగిన అవినీతిపై కేంద్ర సంస్థలు ఎందుకు దర్యాప్తు చేయడం లేదని ప్రశ్నించారు. సోనియా గాంధీ, రాహుల్ గాంధీలను విచారించారు. క‌విత విష‌యంలో ఎందుకు ముందుకు సాగ‌డంలేద‌ని అన్నారు. బీజేపీ రాష్ట్ర అధ్యక్షుడు కిషన్ రెడ్డి కేసీఆర్ కు మద్దతుదారుగా ఉన్నార‌నీ, కాంగ్రెస్ పార్టీ బహిరంగ సభలకు కేసీఆర్ ప్రభుత్వం అనేక అడ్డంకులు సృష్టించ‌ద‌ని అన్నారు.