Viral

నేషనల్ క్రష్(National Crush)  రష్మిక మందన్న ప్రస్తుతం పాన్ ఇండియా(PAN Inda)రేంజ్‌లో సినిమా చేస్తూ బిజీగా అయిపోయింది. పుష్ప సినిమాతో ప్రపంచ వ్యాప్తంగా క్రేజ్‌ సంపాదించుకుంది ఈ అమ్మడు. తెలుగులోనే కాదు బాలీవుడ్‌లో కూడా వరుస సినిమాలను చేస్తుంది. సోషల్ మీడియాలోనూ యాక్టివ్‌గా ఉంటుంది. తాజాగా ఇన్‌స్టాగ్రామ్‌(Instagram)లో రష్మిక ఆసక్తికర పోస్ట్ చేసింది.

ఆ పోస్ట్‌లో ప్రస్తుతం తను ట్రావెలింగ్ చాలా మిస్ అవుతున్నానంటూ చెప్పుకొచ్చింది రష్మిక. రోజూవారి పనులతో ఎప్పుడూ ఉండేవని.. అప్పుడప్పుడు వెకేషన్ ప్లాన్ చేసుకోవాలని చెబుతోంది. సినిమాల్లో బిజీబిజీగా ఉంటున్న తనకు వెకేషన్‌కు వెళ్లే సమయం లేకపోవడంతో నిరాశ పడుతున్నట్లు తెలిపింది. ప్రయాణంలో పొందే అనుభూతిని మిస్ అవుతున్నా అంటూ రష్మిక ఇన్‌స్టాలో రాసుకొచ్చింది.

‘నేను ప్రయాణాన్ని చాలా మిస్ అవుతున్నాను. ప్రయాణం చేసే అబ్బాయిల గురించి ఒక చిన్న విషయం. ఎప్పుడైనా మీకు కొంత సమయం దొరికితే ప్రయాణం నిర్ధారించుకోండి. ఎక్కడికైనా, ఇలా.. మీ స్వస్థలానికి లేదా మీ స్నేహితుల ఇళ్లకు లేదా మీ కలల గమ్యస్థానానికి లేదా కుటుంబంతో లేదా ఒంటరిగా కానీ వెళ్లండి.. సురక్షితంగా అంటూ తెలిపింది. ‘ప్రయాణం మీ జ్ఞానాన్ని, మనస్సును ప్రశాంతంగా ఉండేలా చేస్తుంది.. ఈ ట్రావెల్‌లో ప్రతీది గొప్ప అనుభూతి చాలా మిస్ అవుతున్నాను’ అంటూ రష్మిక అంటూ రాసుకొచ్చింది.. అదే పోస్టు ఇప్పుడు వైరల్ అవుతోంది.

ఇక సినిమాల విషయానికొస్తే.. రష్మిక ప్రస్తుతం సుకుమార్, అల్లు అర్జున్ కాంబినేషన్‌లో తెరకెక్కిస్తున్న పుష్ప-2లో నటిస్తోంది.   గతంలో బ్లాక్ బస్టర్ హిట్ అయిన పుష్ప చిత్రానికి సెకండ్ పార్ట్ ఈ చిత్రం. చాలా రోజులుగా ఈ మూవీ షూటింగ్ శరవేగంగా జరుగుతుంది. ఈ సినిమాతోపాటు డైరెక్టర్ పరశురామ్ దర్శకత్వంలో విజయ్ దేవరకొండతో మరో సినిమాలో నటిస్తోంది. ఈ సినిమా గురించి అధికార ప్రకటన ఇంకా రాలేదు.

View this post on Instagram

A post shared by Rashmika Mandanna (@rashmika_mandanna)

బుల్లితెర నటి రీతూ చౌదరి(Rithu Chowdary) ఓ వీడియోలో తాను ఎదుర్కొన్న సమస్యలను తెలుపుతూ ఎమోషనల్ అయింది. ఓ వ్యక్తిని నమ్మి మోసపోయానని ఆరోపించింది. ఆర్థికంగా ఇబ్బందులు పడడమే కాకుండా మానసికంగా కుంగిపోయానని వాపోయింది. రీతూ విడుదల చేసిన వీడియో ప్రస్తుతం నెట్టింట వైరల్(Viral) అవుతోంది.

రీతూ ఆ వీడియోలో ఏమందంటే.. “కొంతకాలం క్రితం నేనొక ఇంటిని తీసుకున్నా. దాదాపు ఆరు నెలల క్రితం ఆ ఇంటి వీడియోను మీ అందరితో పంచుకున్నా. ఆనాటి నుంచి ఇప్పటికీ ఇంటీరియర్‌ వర్క్‌ జరుగుతూనే ఉంది. మధ్యలో చాలా సమస్యలు రావడం వల్ల పని ఆలస్యమైంది. ఇంటికి పెద్ద దిక్కుగా ఉండే నాన్న చనిపోవడం వల్ల నేను ఎన్నో కష్టాలు, ఇబ్బందులు ఎదుర్కొన్నా. ముఖ్యంగా ఈ ఇంటి విషయంలో ఈ ఇల్లు కొన్నాక నేను తీవ్ర మానసిక కుంగుబాటుకు లోనయ్యా. ఆర్థికంగా మోసపోయా. డబ్బులు పోగొట్టుకున్నా. కన్నీళ్లు పెట్టుకున్నా” అంటూ రీతూ తెలిపింది.

ఓ వ్యక్తికి ఇంటీరియల్ ‌వర్క్‌కు రూ.5లక్షలకు ఒప్పందం కుదుర్చుకుని పని అప్పగిస్తే ఇష్టం వచ్చినట్లు సగం సగం పనులు చేశాడంటూ ఆరోపించింది రీతూ. దాంతో అతడిని పనిలో నుంచి తీసేసి.. డబ్బులు తిరిగి ఇవ్వమన్నానని, ఫోన్లు చేస్తే స్పందించేవాడు కాదని తెలిపింది. ఓవైపు బ్యాంక్‌ ఈఎంఐలు కట్టుకుంటూ మరోవైపు ఇంటి పని పూర్తి కాక మానసికంగా ఎంతో సతమతమైనట్లు తెలిపింది. చివరకు పోలీసుల ప్రమేయంతో కొంత డబ్బు తిరిగి వచ్చిందని, ఇంటీరియల్ వర్క్‌ను ఇప్పుడు వేరే వారికి ఇచ్చానని చెప్పింది. తనకు ఎదురైన ఇబ్బంది మరెవరికీ రాకూడదనే ఈ వీడియోను షేర్ చేస్తున్నట్లు తెలిపింది.

రీతూ చౌదరి జబర్దస్త్​ షోతో పాపులారిటీ సంపాదించింది. జబర్దస్త్​ టీమ్​ లీడర్ హైపర్​ ఆది టీమ్​లో కనిపిస్తూ కామెడీకి గ్లామర్​ జోడించింది రీతు. ఆ తర్వాత శ్రీదేవీ డ్రామా కంపెనీ షోలో కూడా మెరిసింది. అందులో అప్పుడప్పుడు సూపర్​ హిట్ పాటలకు చిందులేస్తూ అభిమానులను సొంతం చేసుకున్నారు. మొదట ‘గోరింటాకు’ అనే సీరియల్​లో నటించిన ఆమె ప్రస్తుతం కొన్ని సీరియళ్లలో నటిస్తూ బిజీగా ఉంటోంది. ఇన్​స్టాగ్రామ్​లో రీల్స్​ చేస్తూ, తన గ్లామర్​ ఫొటోషూట్లనూ పోస్ట్ చేస్తుంటుంది ఈ అమ్మడు.

హీరో వరుణ్‌తేజ్, హీరోయిన్ లావణ్య త్రిపాఠీలు (Varun Tej-Lavanya Thripathi) మరో నాలుగు రోజుల్లో పెళ్లిపీటలెక్కనున్నారు. జూన్‌లో ఎంగేజ్‌మెంట్ జరుపుకున్న ఈ జంట నవంబర్ 1న పెళ్లి చేసుకోనుంది. అయితే వీరి పెళ్లి ఇటలీలోని టుస్కానీ విలేజ్‌లో చేసుకోనున్నారు. ఈ వేడుక నాలుగు రోజుల పాటు జరగనున్న ఈ పెళ్లి వేడుకకు మెగా ఫ్యామిలీ ఒక్కొక్కరుగా ఇటలీకి చేరుకుంటున్నారు.

ఈ నేపథ్యంలో రీసెంట్‌గా వరుణ్‌-లావణ్యలతో పాటు నిహారిక ఇటలీ బయల్దేరిన వీడియోలు సోషల్ మీడియాలో హాల్‌చల్‌ చేస్తున్నాయి. తాజాగా పవన్ కళ్యాణ్‌ తన భార్య అన్నాతో కలిసి ఇటలీకి బయల్దేరాడు. వీరిద్దరూ శంషాబాద్‌ ఏయిర్‌పోర్ట్‌లో తీసిన ఫోటోలు నెట్టింట తెగ వైరల్ అవుతున్నాయి. ఇక చాలా రోజుల తర్వాత పవన్ కళ్యాణ్‌ను, తన భార్య అన్నాతో కలిసి చూడటంతో పవర్ స్టార్ ఫ్యాన్స్‌ ఖుషీ అవుతున్నారు.

ఇక పెళ్లి తంతులో భాగంగా అక్టోబర్‌ 30వ తేదీన మెహందీ, హల్దీ వేడుకలు జరగనున్నట్లు సంబంధిత వర్గాలు వెల్లడించాయి. నవంబర్ 1న వివాహం పూర్తయిన తర్వాత నవంబర్‌ 5వ తేదీన మాదాపూర్‌లోని ఎన్‌ కన్వెన్షన్‌ సెంటర్‌లో వీరి వివాహ రిసెప్షన్‌ వైభవంగా నిర్వహించనున్నారు.

ఆరేళ్ల క్రితం వచ్చిన మిస్టర్ సినిమాలో తొలిసారి వరుణ్, లావణ్యలు కలిసి నటించారు. ఈ సినిమాతోనే వీరి మధ్య మంచి స్నేహం ఏర్పడింది. ఆ మరుసటి ఏడాది అంతరిక్షం సినిమాలో మరోసారి వీరిద్దరూ కలిసి నటించారు. ఇక అప్పటి నుంచి వీళ్ల స్నేహం కాస్త ప్రేమగా మారినట్లు తెలుస్తుంది. ఇంతకాలం గోప్యంగా ఉంచినా కుటుంబసభ్యుల అంగీకారం తీసుకుని కొత్త జీవితాన్ని ప్రారంభించేందుకు సిద్ధమవుతున్నారు.

స్టార్ హీరోయిన్.. మలయాళీ భామ.. అమలాపాల్‌ (Amala Paul) రెండో పెళ్లికి సిద్ధమైంది. తన స్నేహితుడు జగత్ దేశాయ్ (Jagat Desai)తో ప్రేమలో ఉన్న అమలపాల్.. పెళ్లి ప్రపోజల్ కు ఓకే చెప్పిందని తెలుస్తుంది.. దీనికి సంబంధించిన వీడియోను కూడా జగత్ సోషల్ మీడియా (Social Media) వేదికగా షేర్ చేశాడు. ఇంతకు ఈ జగత్‌ ఎవరనే దానిపై నెటిజన్స్‌తో పాటు ఫ్యాన్స్ ఆరా తీస్తున్నారు. అతను ఏం చేస్తాడని తెలుసుకోవడానికి ఆరాటపడుతున్నారు..

మరోవైపు గోవాలోని ఓ విల్లా గ్రూప్‌లో జగత్ దేశాయ్ సేల్స్ హెడ్‌గా పనిచేస్తున్నట్టు సమాచారం. ఈ సంవత్సరం జూన్‌ నుంచి జగత్ అమలాపాల్‌ అతనితో డేటింగ్‌లో ఉన్నట్టు తెలుస్తోంది. ఇప్పటి వరకు ఎక్కడా కూడా తన రిలేషన్‌ గురించి అమలపాల్ బయటికి చెప్పలేదు. తాజాగా తన బర్త్‌డే రోజున అభిమానులకు బిగ్ సర్‌ప్రైజ్‌ ఇచ్చింది. మరోవైపు కెరీర్ టాప్ గేర్ లో దూసుకుపోతున్న సమయంలో అమలపాల్ తమిళ దర్శకుడు (Director) విజయ్ (Vijay)ని 2014 న వివాహం చేసుకుంది.

అయితే, ఆ బంధం ఎక్కువ కాలం నిలవలేదు. 2017లో ఇద్దరూ విడిపోయారు. ఇక మలయాళి ముద్దుగుమ్మ అమలాపాల్ తెలుగులో పలు చిత్రాల్లో నటించి ప్రేక్షకులకు దగ్గరయింది. తమిళ, మలయాళ చిత్రాల్లో సైతం స్టార్ హీరోయిన్ గా కొనసాగింది. ప్రస్తుతం బ్లెస్సీ దర్శకత్వంలో పృథ్వీరాజ్ సుకుమారన్ జంటగా ఆడుజీవితంలో చిత్రంతో పాటు ద్విజ అనే మరో మలయాళ చిత్రంలో అమలాపాల్ నటిస్తోంది.