ఉత్తరప్రదేశ్‌(Uttarpradesh)లోని జౌన్‌పూర్‌(Jaunpur)లో ఘోర రోడ్డు ప్రమాదం(Road Accident) చోటుచేసుకుంది. ట్రక్కు, కారు ఢీకొన్న ఘటనలో ఒకే కుటుంబానికి చెందిన ఆరుగురు మృతిచెందారు. ముగ్గురికి తీవ్ర గాయాలయ్యాయి.
వివరాల్లోకి వెళ్తే.. బీహార్‌లో ఒకే కుటుంబానికి చెందిన ఆరుగురు యూపీలోని ప్రయాగ్రాజ్‌కు ఎర్టిగా కారులో వెళ్తున్నారు. అయితే దారిలో ఆయన కారు ట్రక్కును ఢీకొట్టింది. గౌరా బాదాపూర్ పోలీస్ స్టేషన్ పరిధిలోని ప్రసాద్ తిరాహేలో ఈ ఘటన చోటుచేసుకుంది. శనివారం అర్ధరాత్రి 2.30 గంటలకు ఈ ప్రమాదం జరిగింది.
చుట్టుపక్కల వారు వెంటనే పోలీసులకు సమాచారం అందించారు. ఘటనా స్థలానికి చేరుకున్న పోలీసులు ప్రమాదంలో చనిపోయిన వారి మృతదేహాలను స్వాధీనం చేసుకుని పోస్టుమార్టం నిమిత్తం తరలించారు. మృతుల్లో అనిల్ శర్మ, గజధర్ శర్మ, జవహర్ శర్మ, సోనమ్, గౌతమ్, రింకీ ఉన్నారని పోలీసులు తెలిపారు.
కాగా, గాయపడిన వారిలో మీనా శర్మ, యుగ్ శర్మ, గుర్తు తెలియని వ్యక్తి ఉన్నారు. వారిని సమీపంలోని ఆసుపత్రికి తరలించారు. అయితే పరిస్థితి విషమంగా ఉండడంతో వారణాసిలోని ట్రామా సెంటరు తరలించారు. ఈ విషయంలో పోలీసులు చర్యలు తీసుకుంటున్నారు. మరోవైపు, ట్రక్కు డ్రైవర్, అతని సహచరుడు సంఘటనా స్థలం నుండి పరారీలో ఉన్నారు.
