Maganti Gopinath: జూబ్లీహిల్స్ ఎమ్మెల్యే పీఏపై అటెంప్ట్‌డ్ మర్డర్ కేసు.. చట్టానికి ఎవరు చుట్టాలు కాదు..!!

జూబ్లీహిల్స్ (Jubilee Hills) ఎమ్మెల్యే (MLA) మాగంటి గోపీనాథ్ (Maganti Gopinath) అనుచరుడు, ప్రస్తుతం ఆయనకు పీఏగా విధులు నిర్వహిస్తున్న భాస్కర్ (Bhaskar), ఓ వ్యక్తిపై విచక్షణారహితంగా దాడి చేసిన వీడియో సోషల్ మీడియాలో వైరల్‌ గా మారింది. కేసును సుమోటోగా స్వీకరించిన జూబ్లీహిల్స్ పోలీసులు అటెంప్ట్‌డ్ మర్డర్ కేసు నమోదు చేశారు.

గుంటూరు జిల్లాకు చెందిన చందు పై భాస్కర్, ఎ.లలిత్ కుమార్‌ ఆదివారం రాత్రి 2 గంటలకు యూసుఫ్ గూడలో దాడి చేశారు. చందు ఓ మహిళతో ఉండగా ఇంత రాత్రి ఇక్కడేం చేస్తున్నావని లలిత్ వారిని ప్రశ్నించాడు. మాటమాట పెరగడంతో చందు లలిత్ బైక్‌ను ఢీకొట్టాడు. అనంతరం చందు ఓ రాయిని లలిత్‌పైకి విసరగా అది ఎమ్మెల్యే పీఏ భాస్కర్‌కు తగిలినట్లు పోలీసులు తెలిపారు. కోపోద్రిక్తుడైన భాస్కర్ స్నేహితులతో కలిసి చందుపై దాడిచేసి తీవ్రంగా గాయపరిచారు.