Sri Lakshmi

టాలీవుడ్ హీరో, మాస్ మహారాజ్ రవితేజ హీరోగా నటించిన ఈగల్ సినిమా కోసం రవితేజ అభిమానులు ఈగర్ గా ఎదురు చూస్తున్న సంగతి తెలిసిందే. ఫిబ్రవరి తొమ్మిదవ తేదీన ఈ సినిమా రిలీజ్ అవుతోంది. ఈ క్రమంలో ఈ మూవీ యూనిట్ ఇటీవల ఈ సినిమాను చూసారు. రవితేజ ఈ సినిమా చూసిన వెంటనే ఫుల్ ఎగ్జైట్ అయ్యారట. ఫుల్ శాటిస్ఫైడ్ అంటూ తన సినిమాలో తనకే రివ్యూ ఇచ్చేసుకున్నారట. ఆ ఒక్క మాటతో సినిమా చాలా బాగుంది అని రవితేజ చెప్పకనే చెప్పేసారు.

రవితేజ నోటి నుంచే ఈగల్ సినిమా రివ్యూ కూడా వచ్చేసింది. మరో వైపు దర్శక నిర్మాతలు కూడా ఈ సినిమాను చూసి సంతృప్తిగా ఫీల్ అయ్యారట. వారి ఫేసెస్ లో ఆ హ్యాపీనెస్ కొట్టొచ్చినట్లు కనిపిస్తోంది. ఈ మధ్య కాలంలో రవితేజ పరిస్థితి ఒక హిట్ కొడితే.. నాలుగు ఫ్లాప్స్ అన్నట్లు సాగుతోంది. ధమాకా తరువాత ఆయనకు మళ్ళీ హిట్ పడలేదు. క్రాక్ సినిమా విజయం తరువాత వరుస సినిమాలతో దూసుకొచ్చిన రవితేజకు సరైన హిట్స్ మాత్రం పడలేదు.

రావణాసుర, టైగర్ నాగేశ్వర్రావు, రామారావు ఆన్ డ్యూటీ.. ఇలా అన్ని సినిమాలు ఫ్లాప్ అవుతూనే వచ్చాయి. ఇప్పుడు రవితేజ హీరోగా నటించిన ఈగల్ సినిమా వచ్చేస్తోంది. ఈ సినిమా రిజల్ట్ పై రవితేజ చాలా కాన్ఫిడెంట్ గా ఉన్నారు. ఈ సినిమా సంక్రాంతికే విడుదల అవ్వాల్సి ఉంది. కానీ అప్పుడు రిలీజ్ డేట్స్ లేకపోవడంతో పీపుల్స్ మీడియా ఈ సినిమా రిలీజ్ ను వాయిదా వేసింది. సంక్రాంతి పోటీ అప్పటికీ ఎక్కువ గా ఉండడంతో.. దాన్ని మరింత పెంచడం ఇష్టం లేకే తప్పుకుంటున్నట్లు ప్రకటించింది. మొత్తానికి ఈ సినిమా కచ్చితంగా హిట్ అవుతుందని రవితేజతో పాటు మూవీ యూనిట్ బలంగా విశ్వసిస్తోంది.

ఇండస్ట్రీ అన్నాక లాభాలు ఎంత బాగా వస్తాయో ఒక్కోసారి నష్టాలూ కూడా అలానే వస్తాయి. కోట్లలో కలెక్షన్స్ చూసిన రోజు దాటితే కోట్లలో నష్టాలూ కూడా చూడాల్సి వస్తాము. సినిమాను బట్టి ఫలితాలు కూడా తారుమారు అవుతూ వస్తాయి. ఒక్కోసారి కొన్ని సినిమాలు ఘోరంగా ఫ్లాప్ అయ్యి ఆ సినిమాకు పెట్టుబడి పెట్టిన నిర్మాతలు రోడ్డున పడ్డ సందర్భాలు కూడా ఉంటాయి. సినిమాల వలన నష్టపోయి ఇండస్ట్రీ కి దూరం అయినా సెలెబ్రిటీలు కూడా ఉన్నారు. కానీ కొందరు మాత్రం తిరిగి నిలదొక్కుకుని ఇండస్ట్రీలోనే నిలబడ్డారు. వారెవరో ఇప్పుడు చూద్దాం.

టాలీవుడ్ టాప్ డైరెక్టర్స్ లో ఒకరిగా కొనసాగుతున్న పూరి జగన్నాధ్ కూడా ఒకప్పుడు బాగా నష్టపోయారు. దానికి తోడు అయినా వారు మోసం చేయడంతో అనుకోని విధంగా అప్పులపాలయ్యి చివరకి రెంట్ హౌస్ లో ఉండాల్సిన పరిస్థితి వచ్చింది. అయినా సరే పూరి జగన్నాధ్ ధైర్యం కోల్పోలేదు. మళ్ళీ సినిమాల్లోకి ఎంట్రీ ఇచ్చారు. తిరిగి హిట్స్ కొట్టి నిలదొక్కుకున్నారు. జగదేక వీరుడు, సీతారామం, మహానటి వంటి సినిమాలతో లాభాలు పొందిన ప్రొడ్యూసర్ అనిల్ దత్ ఒకప్పుడు శక్తీ సినిమా తీసి దారుణంగా నష్టపోయారు. ఎనిమిదేళ్ల పాటు ఇండస్ట్రీ కి దూరం అయినా ఆయన ఇప్పుడు నిలదొక్కుకుని ప్రభాస్ తో ఓ సినిమా చేయనున్నారు.

రామ్ చరణ్ నటించిన ఆరంజ్ సినిమాకు నిర్మాతగా వ్యవహరించిన నాగబాబు కూడా ఈ సినిమా ఫ్లాప్ అవ్వడంతో ఆర్ధికంగా నష్టపోయారు. అలా అని ఆయన అక్కడితో ఆగిపోలేదు. సినిమాల్లోకి నటుడుగా రీ ఎంట్రీ ఇచ్చి ఆర్ధికంగా నిలదొక్కుకున్నారు. ఇలా వీరిలానే ఇండస్ట్రీలో సినిమాలు తీయడం వలన ఆర్ధికంగా నష్టపోయి తిరిగి నిలదొక్కుకున్న వారు చాలా మందే ఉన్నారు.

మెగాస్టార్ ఇప్పటివరకు 150 కి పైనే సినిమాలు చేశారు. వీటిల్లో చాలా సినిమాలు బ్లాక్ బూస్టర్లుగానే నిలిచాయి. అయితే.. ఇన్ని సినిమాల్లో మెగాస్టార్ కి ఆ బిరుదుని తీసుకొచ్చిన సినిమా మాత్రం గ్యాంగ్ లీడర్ సినిమా. ఈ సినిమా చిరు కెరీర్ లో ఓ మైలురాయిగా నిలిచిపోయింది. విజయశాంతి, మెగాస్టార్ మధ్య కెమిస్ట్రీ బాగా కుదరడంతో ఈ సినిమా పాటలు కూడా నెక్స్ట్ లెవెల్ హిట్ అయ్యాయి. అప్పట్లో ఈ సినిమా పాటలను చూడడం కోసమే మళ్ళీ మళ్ళీ థియేటర్ కు వెళ్లిన ప్రేక్షకులు కూడా ఉన్నారు.

కానీ, అంతటి విజయం సాధించిన ఈ సినిమాను చేయడానికి ముందు చిరంజీవి ఒప్పుకోలేదు. ఈ సినిమాకు దర్శకత్వం వహించింది విజయ్ బాపినీడు. ఆయన పట్నం వచ్చిన పతివ్రతలు, మగధీరుడు, హీరో వంటి సినిమాలతో మెగాస్టార్ కి హిట్స్ ఇచ్చారు. సరికొత్త కథతో మళ్ళి మెగాస్టార్ కి హిట్ ఇవ్వాలన్న ఉద్దేశ్యంతో “గ్యాంగ్ లీడర్” స్టోరీ రాసుకున్నారు. ఈ స్టోరీని వినిపించగానే మెగాస్టార్ ఈ సినిమా నేను చెయ్యను, ఇది ఆడదు అని చెప్పేశారట. కానీ, విజయ్ బాపినీడు మాత్రం వదల్లేదు. ఆ కథని పరుచూరి బ్రదర్స్ కి వినిపించారు.

వారు ఆ కథలోని లోపాలను గుర్తించి వాటిని సరి చేస్తామని, మూడు రోజుల టైం కావాలని అడిగారట. అదే విషయాన్నీ చిరుకి చెప్పగా ఆయన పరుచూరి బ్రదర్స్ ని నమ్మి ఒకే చేశారట. ఆ తరువాత కథని తీసుకొచ్చి వినిపించగా మెగాస్టార్ సరే అన్నారు. అల్లు అరవింద్ ని పిలిచి డేట్స్ మాట్లాడమని అన్నారట. అల్లు అరవింద్ కూడా ఆ కథని చెప్పమని చెప్పి.. దానిని రికార్డు చేసుకుని మరీ ఇంటికి వెళ్లారట. మళ్ళీ ఆ కథని సరిగ్గా విని అప్పటికి కానీ ఒకే చేయలేదట.

సూపర్ స్టార్ మహేష్ బాబు హీరోగా నటించిన శ్రీమంతుడు సినిమా అందరికి గుర్తుండే ఉంటుంది. అయితే.. ఈ సినిమా స్టోరీ నా సొంతం అంటూ గతేడాది ఫిబ్రవరిలో శరత్ చంద్ర అలియాస్ ఆర్డీ విల్సన్ కేసు వేసిన సంగతి తెలిసిందే. స్వాతి దినపత్రికలో “సచ్చేంత ప్రేమ’ అనే కథనే తీసుకొచ్చి శ్రీమంతుడు సినిమా తెరకెక్కించారు అంటూ పిటిషన్ లో పేర్కొన్నారు. అంతే కాకుండా ఆయన ఈ విషయమై మహేష్ బాబుకు చెందిన ఎంబి క్రియేషన్స్, డైరెక్టర్ కొరటాల శివ కు సమన్లు పంపాలి అంటూ శరత్ చంద్ర కోరారు.

అయితే.. ఈ కేసులో మహేష్ బాబుని ఆయన భార్య నమ్రత తెలివిగా తప్పించేసాడు. ఈ సినిమా ప్రొడ్యూసర్స్ లో ఒకరైన ఎంబి క్రియేషన్స్ ఓనర్ పేరుని మహేష్ బాబు పేరు నుంచి గంగాధర్ అన్న వ్యక్తి పేరుపై మార్పించేసారు. దీనితో ఈ సినిమా నిర్మాత గంగాధర్ అన్న వ్యక్తి అని, మహేష్ బాబుకు ఈ సినిమా నిర్మాణ బాధ్యతలతో సంబంధం లేదు అని కోర్టులో మహేష్ బాబు తరపున లాయర్ వాదించారు.

అలాగే, ఈ కేసుకి అవసరమైన డాక్యూమెంట్స్ అన్నిటిని నమ్రత సిద్ధం చేయించి కోర్టుకి సబ్మిట్ చేసారు. కోర్టు కి కావాల్సింది సాక్ష్యాధారాలు మాత్రమే. ఆ సాక్ష్యాలను సబ్మిట్ చేయడంతో కోర్టు ఈ కేసుతో మహేష్ బాబు సంబంధం లేదు అని చెప్పి ఈ కేస్ నుంచి మహేష్ బాబుని తప్పించింది. అయితే.. కొరటాల శివ మాత్రం ఈ కేసులో ఇరుక్కున్నారు. ఇప్పటికే ఆయన విచారణకు హాజరు అయ్యారు. అయితే కోర్టు మాత్రం రచయిత శరత్ చంద్రకు అనుకూలంగా తీర్పుని ఇచ్చారు.

సంక్రాంతి పండుగ సందర్భంగా రిలీజ్ అయిన “హనుమాన్” సినిమా తెలుగు ప్రేక్షకులను ఏ స్థాయిలో కట్టిపడేసిందో చెప్పాల్సిన అవసరం లేదు. చిన్న సినిమాగా రిలీజ్ అయిన హనుమాన్ సినిమా పాన్ ఇండియా రేంజ్ లో సూపర్ సక్సెస్ సాధించింది. ఇక ఈ సినిమాలో హీరోయిన్ గా అమృత నటించారు. ఈ సినిమా సూపర్ హిట్ అవ్వడంతో ఎక్కడ చూసినా డైరెక్టర్ ప్రశాంత్ వర్మ గురించే చర్చలు నడుస్తున్నాయి. మరోవైపు ఈ సినిమా ఆర్ట్ వర్క్ గురించి కూడా చర్చ నడుస్తోంది. ఈ సినిమాలో అన్ని సన్నివేశాలు మనసుకు హత్తుకునేలా ఉంటాయి.

ఇటీవల ఈ సినిమాలో ఆర్ట్ వర్క్ కోసం పని చేసిన టి. నాగేంద్ర ఓ ఇంటర్వ్యూ ఇచ్చారు. ఈ సందర్భంగా ఆయన హనుమాన్ సినిమా గురించి పలు ఆసక్తికర విషయాలను తెలిపారు. నాగేంద్ర మాట్లాడుతూ డైరెక్టర్ ఈ సినిమా స్టోరీ చెప్పినప్పుడే అంజనాద్రి కోసం ప్రత్యేకంగా సెట్ వెయ్యాలని అనుకున్నామని తెలిపారు. అందుకోసం వట్టినాగుల పల్లి వద్ద వ్యవసాయ భూముల్ని లీజుకి తీసుకున్నామని తెలిపారు. ఈ సెట్ కూడా ఫాంటసికి రియాలిటీకి దగ్గరగా ఉండేలా చూసుకున్నామని తెలిపారు.

అయితే.. హనుమంతుడి రక్త బిందువు నుంచి రుధిరమణి ఏర్పడే సన్నివేశానికి చాలా కష్టపడాల్సి వచ్చిందని తెలిపారు. రామనామంతో వందకి రుధిరమణులను చేశామని.. వాటిలో ఒకడన్ ఫైనల్ చేశామని తెలిపారు. క్లైమాక్స్ సన్నివేశాల కోసం రామోజీ ఫిలిం సిటీ లోని మహర్షి సెట్ వాడుకున్నామని తెలిపారు. ఇక విలన్ సన్నివేశాలను డబుల్ బెడ్ రూమ్ ఫ్లాట్స్ లో షూట్ చేశామని తెలిపారు. బడ్జెట్ లిమిట్ గా ఉండడం వలనే ఈ సినిమాకు అన్ని పర్ఫెక్ట్ గా కుదిరాయని అన్నారు. ఇప్పుడు ఈ సినిమా మూడొందల కోట్ల గ్రాస్ ను రాబట్టిన సంగతి తెలిసిందే.

సూపర్ స్టార్ మహేష్ బాబు కెరీర్ లో బిగ్గెస్ట్ టర్నింగ్ పాయింట్ గా నిలిచిన సినిమా ఒక్కడు. ఈ సినిమాలో భూమిక హీరోయిన్ గా నటించారన్న సంగతి తెలిసిందే. గుణ శేఖర్ దర్శకత్వం వహించిన ఈ సినిమా అప్పట్లోనే రికార్డ్స్ సృష్టించింది. అయితే.. ఈ సినిమా స్క్రిప్ట్ రాసుకుంటున్న టైం లో గుణ శేఖర్ మైండ్ లో ఉన్న హీరో వేరు. కానీ, చిరంజీవి సలహా మీదే గుణ శేఖర్ మహేష్ ను ఒప్పించి ఈ సినిమా చేసారు. ఈ సినిమాతో మహేష్ బాబు కెరీర్ దూసుకెళ్లిందనే చెప్పొచ్చు.

మృగరాజు సినిమా షూటింగ్ చేస్తున్న సమయంలో బ్రేక్ టైం లో గుణ శేఖర్ ఓ యూత్ ఫుల్ లవ్ స్టోరీ ని రాసుకునేవారట. ఈ స్టోరీ ని ఒకసారి గుణశేఖర్ మెగాస్టార్ కి వినిపించారు. అయితే.. మెగాస్టార్ ఈ స్టోరీ మహేష్ బాబుకి అయితే సరిపోతుంది. సినిమా బాగా హిట్ అవుతుంది అని చెప్పారట. కానీ, అప్పటికే గుణ శేఖర్ మైండ్ లో మరో హీరోని అనుకుంటూ ఉన్నారట.

ఆ విషయమే గుణ శేఖర్ మెగాస్టార్ చిరంజీవికి చెప్పారట. అయినా.. ఈ సినిమాకు మహేష్ బాబు అయితేనే సరిపోతాడని.. మహేష్ చేస్తేనే బాగుంటుంది అని మెగాస్టార్ చెప్పారట. దీనితో గుణ శేఖర్ ఆలోచనలో పడ్డారట. స్క్రిప్ట్ ను పూర్తిగా సిద్ధం చేసుకున్న తరువాత మహేష్ బాబుని కలిసారుట. ఈ సినిమా స్టోరీ చెప్పి.. రాయల సీమ బ్యాక్ గ్రౌండ్ లో కథ నడుస్తుంది.. మీరైతే బాగుంటారు అని చెప్పి మహేష్ ను ఒప్పించారట. అలా మహేష్ బాబు హీరోగా తీసిన ఈ సినిమా సూపర్ సక్సెస్ సాధించిన సంగతి తెలిసిందే. ఈ సినిమా మహేష్ బాబు సూపర్ స్టార్ గా ఎదగడానికి నాంది అయ్యింది. ఇలా ఓ రకంగా మహేష్ బాబు సూపర్ స్టార్ గా మారడంనికి మెగాస్టార్ కారణం అయ్యారు.

హిట్టు సినిమా తీయడం అంటే చాలా కష్టమే. ఎందుకంటే ప్రేక్షకుల పల్స్ ఎలా ఉంటుందో అన్నిసార్లు ఊహించడం కష్టం. దీనితో కొందరు ఆల్రెడీ హిట్ అయిన సినిమాలనే మరో లాంగ్వేజ్ నుంచి తీసుకొచ్చి తెలుగులో రీమేక్ చేస్తూ ఉంటారు. అయితే కొందరు డైరెక్టర్లు మాత్రమే తమ సొంతంగా కంటెంట్ రాసుకుని.. సినిమాలో తమ సొంతంగా ఓ సోల్ ని క్రియేట్ చేస్తుంటారు. ఆ ఊహా ప్రపంచంలోకి ప్రేక్షకుల్ని తీసుకెళ్లి.. ఓ మంచి సినిమా చూసిన అనుభూతిని మిగిల్చేలా చేస్తారు. రీమేక్ సినిమా అంటే ఆల్రెడీ చూసిన సినిమానే మరోసారి తీయడం. ఒకప్పటి సంగతి వేరు కానీ.. ఇప్పుడు ఓటిటిలు వచ్చాక ప్రేక్షకులు కూడా చాలా అప్ డేట్ అయ్యారు. అన్ని భాషల్లో సినిమాలను చూసేస్తున్నారు. దీనితో రీమేక్ ల హవాకు ప్రాధాన్యత తగ్గిందనే చెప్పొచ్చు. అయితే.. తమ కెరీర్ లో ఒక్క రీమేక్ కూడా లేని స్టార్ డైరెక్టర్స్ ఉన్నారు. వారెవరో ఇప్పుడే చూసేద్దాం.

సుకుమార్:

లెక్కల మాస్టర్ నుంచి డైరెక్టర్ గా మారిన సుకుమార్ తన సినిమాల్లో కూడా లెక్కలను గట్టిగ ఫాలో అవుతారు. రీమేక్ ను అస్సలు ఇష్టపడని సుకుమార్ తన సినిమాల విషయంలో కథనం బాగుండేలా, ప్రేక్షకులకు పజిల్స్ విసురుతూ.. వారిని ఆధ్యంతం ఎంటర్టైన్ చేసేస్తాడు. సుకుమార్ కెరీర్ లో ఇప్పటివరకు ఒక్క రీమేక్ కూడా లేదు.

రాజమౌళి:

రీమేక్ అన్న పదానికే ఆమడ దూరం పోయే రాజమౌళి కూడా వైవిద్యమైన సినిమాలతో అల్ ఇండియా ప్రేక్షకులను ఎంటర్టైన్ చేస్తూ పాన్ ఇండియా రేంజ్ కు ఎదిగారు. ఇక ఆయన కెరీర్ లో రీమేక్స్ చేయాల్సిన అవసరమే లేదు.

కొరటాల శివ:

రాజమౌళి, సుకుమార్ ల తరువాత ఆ స్థాయిలో రీమేక్స్ జోలికి వెళ్లకుండా సినిమాలు తీసే డైరెక్టర్ కొరటాల శివ. ఈయన కూడా తన సినిమాల్లో పాత్రలు వైవిధ్యంగా ఉండేలా చూసుకుంటారు. ఈయన కెరీర్ లో కూడా రీమేక్ సినిమాలు లేవు.

ఇండస్ట్రీలో ప్రేమ పెళ్లిళ్లు చేసుకునే వారు చాలా మందే ఉంటారు. తమతో స్క్రీన్ షేర్ చేసుకునే వారితో సహజంగానే స్నేహం ఏర్పడుతూ ఉంటుంది. కొన్ని సార్లు ఈ స్నేహం పరిమితులు దాటి ప్రేమగా మారి.. వారు పెళ్లి కూడా చేసుకునే వరకు వెళ్తుంటుంది. అయితే.. తమతో తెర పంచుకున్న వారినే ప్రేమించి పెళ్లి చేసుకుని.. మారీడ్ లైఫ్ ను సక్సెస్ ఫుల్ గా కొనసాగిస్తున్న వారి లిస్ట్ ను ఇప్పుడు చూసేద్దాం.

నాగార్జున-అమల:

పెళ్ళికి ముందు నాగార్జున అమల కలిసి సినిమాల్లో నటించే వారన్న సంగతి తెలిసిందే. ఇద్దరు కలిసి స్క్రీన్ ను పంచుకున్నప్పుడే మనసుని కూడా పంచుకున్నారు. వీరిద్దరూ ప్రేమించి పెళ్లి చేసుకున్నారు. పెళ్లి చేసుకున్న తరువాత అమల పూర్తిగా సినిమాలకు దూరం అయ్యారు.

మహేష్ బాబు – నమ్రత:

సూపర్ స్టార్ మహేష్ బాబు కూడా తన భార్య నమ్రతని ప్రేమించి పెళ్లి చేసుకున్నారు. పెళ్ళికి ముందు వీరిద్దరూ వంశం సినిమాలో కలిసి నటించారు. ఈ సినిమా సమయంలోనే వీరి మధ్య ప్రేమ చిగురించింది. ఆ ప్రేమ పెళ్లి వైపు అడుగులు వేస్తే.. వీరి బంధం ఇద్దరు పిల్లలతో ఇప్పటికీ పదిలంగా ఉంది.

స్నేహ-ప్రసన్న:

ఎటువంటి షో లేకుండా చాలా సింపుల్ గా నటించే స్నేహ అంటే తెలుగు వారికి చాలా ఇష్టం. అయితే నటి స్నేహ తమిళ్ లో కూడా సినిమాల్లో నటించారు. అలా తమిళ్ సినిమాల్లో తనతో తెర పంచుకున్న ప్రసన్నను ఆమె ప్రేమించి పెళ్లి చేసుకున్నారు.

సూర్య -జ్యోతిక:

ఆఫ్ స్క్రీన్ లో కూడా బెస్ట్ జోడి ఎవరు అంటే ముందు వినిపించే పేరు ఈ జంటదే. సూర్య, జ్యోతిక ఇద్దరు చాలా తమిళ్ సినిమాల్లో నటించారు. వీరు కూడా ప్రేమించి పెళ్లి చేసుకున్నారు. పెళ్లి చేసుకున్న తరువాత కూడా తమ కెరీర్ లో సక్సెస్ ఫుల్ గా దూసుకెళ్తున్నారు.

అజిత్ షాలిని:

తమిళ్ నటుడు అజిత్ షాలినితో ప్రేమలో పడ్డారు. వీరిద్దరూ కలిసి ఓ సినిమాలో స్క్రీన్ షేర్ చేసుకున్నారు. ఆ సమయంలోనే వీరి మధ్య ప్రేమ చిగురించింది. పెళ్లి చేసుకున్న తరువాత షాలిని సినిమాలకు దూరం అయ్యారు.

యశ్ – రాధికా పండిట్:

కెజిఎఫ్ సినిమాతో పాన్ ఇండియా స్టార్ గా పేరు తెచ్చుకున్న యశ్ రాధికా పండిట్ ను ప్రేమించారు. వీరిద్దరూ కూడా స్క్రీన్ పంచుకున్నప్పుడే ప్రేమలో పడ్డారు. యశ్ ను పెళ్లి చేసుకున్న తరువాత రాధికా సినిమాలకు దూరంగా ఉంటూ వచ్చారు.