Ramu

కాంగ్రెస్‌ (Congress)పై బీఆర్ఎస్ ఎమ్మెల్సీ కవిత (Kavitha) తీవ్ర స్థాయిలో విరుచుకుపడ్డారు. ఇందిరమ్మ రాజ్యంగా అని చెప్పుకుంటూ ఏర్పడిన కొత్త ప్రభుత్వంలో ఆడబిడ్డలకు తీరని అన్యాయం జరుగుతోందని ఫైర్ అయ్యారు. రిజర్వేషన్ల స్ఫూర్తిని పక్కనబెడుతూ మహిళలకు కొత్త రిజర్వేషన్లు అంటూ కాంగ్రెస్ కొత్త జీవో తీసుకురావడాన్ని తాము తీవ్రంగా వ్యతిరేకిస్తున్నామని పేర్కొన్నారు.

ఆడ బిడ్డల హక్కులను కాంగ్రెస్‌ తుంగలో తొక్కుతోందని విమర్శలు గుప్పించారు.ప్రభుత్వ తీసుకున్న నిర్ణయాల వల్ల ఓబీసీ, ఎస్సీ, ఎస్టీ మహిళలకు తీరని అన్యాయం జరుగుతోందని అన్నారు. ఈ అంశంపై జాతీయ పార్టీ కాంగ్రెస్ తన వైఖరి ఏంటో చెప్పాలని ఎమ్మెల్సీ కవిత డిమాండ్ చేశారు.

ఈ మేరకు యూపీఏ చైర్‌పర్సన్‌ సోనియా గాంధీ, ఏఐసీసీ అధ్యక్షుడు మల్లికార్జున ఖర్గేకు ఆమె లేఖ రాశారు. 1996లో అనేక పోరాటాల ఫలితంగా ఉపాధి అవకాశాల్లో మహిళలకు 33.3 శాతం రిజర్వేషన్లు కల్పించారని అన్నారు. ఈ మేరకు జీవో నంబర్‌ 41,56 జారీ చేశారని గుర్తు చేశారు. ఆ తర్వాత 1992లో సర్వోన్నత న్యాయస్థానం ఇచ్చిన ఇందిరా సాహ్ని తీర్పు కూడా దానికి ఎంతో సహాయం చేసిందని పేర్కొన్నారు.

ఆ తర్వాత రాజ్యంగబద్ధంగా మహిళలకు రోస్టర్ పాయింట్లతో కూడిన హారిజాంటల్ రిజర్వేషన్లు కల్పించారని వివరించారు. దేశంలో సామాజిక రిజర్వేషన్లు ఎలా ఉన్నాయో అలాగే మహిళలకు 33 శాతం రిజర్వేషన్లు కచ్చితంగా అమలు చేసే పద్ధతి నడుస్తోందని వెల్లడించారు.

నిరుద్యోగులకు తెలంగాణ ప్రభుత్వం గుడ్ న్యూస్ (Good News) చెప్పింది. గత ప్రభుత్వం జారీ చేసిన గ్రూప్-1 (Group1) నోటిఫికేషన్‌ను రద్దు చేసిన ప్రభుత్వం తాజాగా మరో నోటిఫికేషన్ విడుదల చేసింది. ఈ నోటిఫికేషన్‌లో మొత్తం 563 పోస్టులను భర్తీ చేయనున్నట్లు వెల్లడించనుంది. గ్రూపు-1 పోస్టులకు ఈ నెల 23 నుంచి దరఖాస్తులను స్వీకరించనున్నట్లు పేర్కొంది.

మార్చి 14వ తేదీని దరఖాస్తులకు తుది గడువుగా ప్రకటించింది. ఇక ఇప్పటికే వయోపరిమితి 44 ఏళ్ల నుంచి 46 ఏళ్లకు పెంచుతూ ప్రభుత్వం నిర్ణయం తీసుకుంది. అంతకు ముందు గత ప్రభుత్వ విడుదల చేసిన నోటిఫికేషన్‌ను రద్దు చేస్తున్నట్లు ప్రకటించింది. ఈ మేరకు సోమవారం వెబ్ నోట్‌ను విడుదల చేసింది.

గత ప్రభుత్వం ఏప్రిల్ 2022 లో 503 పోస్టులతో గ్రూప్ -1 నోటిఫికేషన్ ను విడుదల చేసింది. ఆ సమయంలో ఉద్యోగాల భర్తీ తీవ్ర వివాదాస్పదంగా మారింది. ఇది వరకు పేపర్ లీకేజీ అయ్యిందని, ప్రమాణాలు సరిగ్గా పాటించలేదని పలుమార్లు గ్రూప్ వన్ రద్దయింది. తాజాగా, తెలంగాణాలో అధికారంలోకి వచ్చిన సీఎం రేవంత్ రెడ్డి టీఎస్పీఎస్సీని సమూలంగా ప్రక్షాళన చేశారు.

దీనిలో భాగంగా టీఎస్పీఎస్సీకి చైర్మన్, సభ్యులను నియమించారు. అదే విధంగా గత గ్రూప్-1 నోటిఫికేషన్‌కు మరిన్ని పోస్టులు యాడ్ చేశారు. సుప్రీంకోర్టులో గత బీఆర్ఎస్ ప్రభుత్వం వేసిన పిటిషన్‌ను కూడా ఉపసంహరించుకుంది.

తెలంగాణ ప్రజలను బీఆర్ఎస్ (BRS) పదేండ్లుగా మోసం చేసిందని కేంద్ర మంత్రి, తెలంగాణ బీజేపీ చీఫ్ కిషన్ రెడ్డి (Kishan Reddy) మండిపడ్డారు. ఇకపై తెలంగాణకు బీఆర్ఎస్ ఏ మాత్రం అవసరం లేదన్నారు. కాంగ్రెస్, బీఆర్ఎస్‌ల మాదిరిగా చీకటి రాజకీయాలు మేం చేయమన్నారు. బీఆర్ఎస్, కాంగ్రెస్ రెండు కుటుంబ పార్టీలేనని ఫైర్ అయ్యారు.

హైదరాబాద్ నాంపల్లిలోని పార్టీ కార్యాలయంలో విజయ సంకల్ప యాత్ర పోస్టర్‌ను కిషన్ రెడ్డి ఆవిష్కరించారు. ఈ సందర్భంగా ఆయన మాట్లాడుతూ.. ఎన్నికల షెడ్యూల్ రాక ముందే బీజేపీ సంకల్ప యాత్రలను పూర్తి చేయాలని అనుకుంటున్నామన్నారు. ప్రచార మాధ్యమాలు ద్వారా వస్తున్న సమాచారం మేరకు మార్చి మొదటి వారంలో ఎన్నికల షెడ్యూల్ వచ్చే అవకాశం ఉందని అన్నారు.

పార్లమెంట్ ఎన్నికల్లో రాష్ట్రంలో బీజేపీ, బీఆర్ఎస్ పొత్తు పెట్టుకుంటాయని వస్తున్న వార్తలపై ఆయన స్పందించారు. బీఆర్ఎస్‌తో ఎట్టి పరిస్థితుల్లో పొత్తు ఉండదని మరోసారి క్లారిటీ ఇచ్చారు. బీజేపీ 370 సీట్లు,ఎన్డీఏ కూటమికి 400 సీట్లు లక్ష్యంతో ముందుకు వెళ్తున్నామని వివరించారు.

ఇండియా కూటమి టెంట్స్ కూలిపోతున్నాయని ఎద్దేవా చేశారు. అందుకే నమ్మకం లేక ఆ కూటమి నుండి బయటకు వస్తున్నారని ఆరోపించారు. రాహుల్ గాంధీ పార్లమెంటు ఎన్నికల తరవాత విదేశాలకు వెళ్లిపోతారని పేర్కొన్నారు. మరోవైపు.. యాత్రల సందర్భంగా బీజేపీలో చేరికలు ఉంటాయని చెప్పారు.

ఇందిరమ్మ రాజ్యం మీద బంజారాలకు నమ్మకం, విశ్వాసం ఉందని రెవెన్యూ శాఖ మంత్రి పొంగులేటి శ్రీనివాస్ రెడ్డి (Ponguleti Srinivas Reddy) అన్నారు. గత అసెంబ్లీ ఎన్నికల్లో రాష్ట్ర వ్యాప్తంగా ఉన్న బంజారాలు కాంగ్రెస్ (Congress) పక్షాన నిలబడ్డారని వెల్లడించారు. కాంగ్రెస్ పార్టీకి, ఇందిరమ్మ రాజ్యానికి, బంజారాలకు ఉన్న బంధం పెవికల్ లాంటిదని అన్నారు.

ఖమ్మం జిల్లా కూసుమంచి మండల కేంద్రంలోని బంజారా భవన్ స్థలంలో సంత్ సేవాలాల్ మహరాజ్ 285వ జయంతి ఉత్సవాలను నిర్వహించారు. ఈ ఉత్సవాల్లో రెవెన్యూ శాఖ మంత్రి పొంగులేటి శ్రీనివాస్ రెడ్డి పాల్గొన్నారు. ఈ సందర్భంగా మంత్రి మాట్లాడుతూ… మానవ హింస, మద్యపానం లాంటి వాటికి దూరంగా ఉండాలని సంత్ సేవాలాల్ సూచించారని తెలిపారు.

సంత్ సేవాలాల్ మహరాజ్ జయంతిని పురష్కరించుకుని రాష్ట్ర ప్రభుత్వం ఫిబ్రవరి 15న సెలవు ఇచ్చిందన్నారు. ఈ నెల 15న గిరిజన సంక్షేమ శాఖ ఆధ్వర్యంలో బంజారాహిల్స్‌లో సంత్‌ సేవాలాల్‌ జయంతి వేడుకలు నిర్వహించారని…అందులో సీఎం రేవంత్‌రెడ్డి పాల్గొని సంత్‌ సేవాలాల్‌ మహారాజ్‌ విగ్రహాన్ని ఆవిష్కరించారని తెలిపారు.

హైదరాబాద్​లోని బంజారాహిల్స్‌ సభలో ప్రజలందరి సమక్షంలో చాలా అద్భుతంగా ఈ జయంతిని జరుపుకున్నామని చెప్పారు. ఏ కులమైనా, ఏ మతమైనా ఆయన్ని ఒక్కసారి గుర్తుకు తెచ్చుకోవాల్సిన అవసరం ఉందన్నారు. ఆకలితో ఉన్న వారి కడుపు నింపిన తర్వాత తన కడుపును సంత్ సేవాలాల్ మహరాజ్ నింపుకునేవారన్నారు. ఇలాంటి సేవల కార్యక్రమాలు ఎన్నో చేసి పేదల కడుపు నింపాడు కాబట్టి దేవుడయ్యాడని పేర్కొన్నారు.

నగరంలోని చారిత్రక కట్టడాలను కలుపుతూ వెళ్లేలా మూసీ (Musi River) అభివృద్ధికి ప్రణాళికలు రెడీ చేయాలని అధికారులను సీఎం రేవంత్ రెడ్డి (Revanth reddy) ఆదేశించారు. మూసీలో మురుగు నీటిని ముందుగా శుద్ధి చేయాలని సూచనలు చేశారు.

నగరంలోని మూసీ నది అభివృద్ధి ప్రక్రియను వీలైనంత త్వరగా ప్రారంభించాలని సీఎం ఆదేశాలు జారీ చేశారు. మూసీ ప్రక్షాళన, పరీవాహక అభివృద్ధిపై నానక్​రాంగూడలోని హెచ్ఎండీఏ కార్యాలయంలో అధికారులతో సీఎం రేవంత్ రెడ్డి సమీక్షా సమావేశాన్ని నిర్వహించారు.

మూసీ సరిహద్దులు, ఇతర వివరాలతో కూడిన మ్యాపులను ఈ సందర్బంగా సీఎంకు అధికారులు వివరించారు. అధికారులు పని విభజన చేసుకొని మూసీ పరీవాహక అభివృద్ధికి చర్యలు వేగవంతం చేయాలని సూచించారు. సమీక్షలో హెచ్ఎండీఏ ఉన్నతాధికారులు దానకిశోర్, ఆమ్రపాలి తదితరులు పాల్గొన్నారు.

అంతకుముందు ముఖ్యమంత్రి రేవంత్ రెడ్డిని చినజీయర్ స్వామి కలిశారు. సీఎం రేవంత్ రెడ్డి నివాసంలో ఇద్దరు భేటీ అయ్యారు. సమత కుంభే పేరుతో నిర్వహించనున్న రామానుజాచార్య 108 దివ్య దేశాల ద్వితీయ బ్రహ్మోత్సవాలకు సీఎం రేవంత్ రెడ్డిని చినజీయర్ స్వామి ఆహ్వానించారు. రామానుజ జీవిత విశేషాలను సీఎంకు చినజీయర్ స్వామి వివరించారు.