sai krishna

శృతిహాసన్(Shruti Haasan)రెండు తరాలకు వారధిగా మారిన తార. ఒకప్పుడు తన అందచందాలతో కుర్ర హీరోలను కుదిపేసింది. ప్రస్తతం సీనియర్ హీరోలకు హీరోయిన్ గా సక్సెస్ ఫుల్ కెరీర్ ను కొనసాగిస్తోంది.

ఈ ఏడాది వాల్తేరు వీరయ్య(Waltheru Veeraya), వీర సింహారెడ్డి(Veera Simha Reddy)సినిమాలతో ఒకేసారి రెండు బ్లాక్ బస్టర్ హిట్స్ ఖాతాలో వేసుకుంది శ్రుతి హాసన్.ఈ రెండు సినిమాల తర్వాత మరో ప్రాజెక్ట్ అనౌన్స్ చేయలేదు ఈ బ్యూటీ. ఇక త్వరలోనే ప్రభాస్ సరసన సలార్(Salar)సినిమాతో అలరించనుంది.

ప్రస్తుతం తెలుగులో ఒకే ఒక్క సినిమా చేస్తుంది. ఇక సోషల్ మీడియాలో నిత్యం ఫుల్ యాక్టివ్ గా ఉంటుంది శ్రుతి. తన లేటేస్ట్ ఫోటోస్ మాత్రమే కాకుండా.. తన ప్రియుడు శాంతను గురించి ఆసక్తికర విషయాలను పంచుకుంటుంది శ్రుతిహాసన్.

తాజాగా ఇన్ స్టాలో శ్రుతి షేర్ చేసిన పోస్ట్ ఇప్పుడు నెట్టింట వైరలవుతుంది. ఎవరికో కౌంటరిస్తున్నట్లుగా కూడా ఉంది. దీంతో శ్రుతి షేర్ చేసిన పోస్ట్ పై అనేక సందేహాలు వ్యక్తమవుతున్నాయి.

ఇంతకీ శ్రుతి ఏం పోస్ట్ చేసిందో తెలుసుకుందామా…”నేను కొందరినీ గమనిస్తుంటాను. వారు గోతులు తీస్తారు. కానీ వాళ్లే అందులో పడిపోతుంటారు. అందుకే నేను అలాంటి వారిని చూసి మౌనంగా నా పని నేను చూసుకుంటాను. కర్మ వాళ్లకు తగినట్లు శిక్షిస్తుంది” అంటూ తన ఇన్ స్టా స్టోరీలో పోస్ట్ చేసింది శ్రుతి హాసన్.

అయితే శ్రుతి షేర్ చేసిన పోస్ట్ చూస్తుంటే.. ఆమె ఎవరికో కౌంటర్ ఇస్తున్నట్లుగా తెలుస్తోంది. అలాగే ఈ బ్యూటీని ఎవరైనా ఇబ్బంది పెట్టారా అనే సందేహాలు వ్యక్తమవుతున్నాయి.ఇంతకీ శ్రుతి ఇలా ఆకస్మాత్తుగా కర్మ సిద్ధాంతం గురించి పోస్ట్ చేయడం చర్చనీయాంశమైంది.

ఓ వైపు థియేటర్లలో జైలర్ జైత్రయాత్ర కొనసాగుతుంటే..మరోవైపు హిమాలయాల్లో ఆధ్యాత్మిక యాత్ర కొనసాగుతోంది. జైలర్(Jailer)సినిమాకి ముందే హిమాలయాలకు వెళ్లిన సూపర్ స్టార్ రజనీకాంత్(Rajinikanth)ఇప్పటికే హిమాలయాలు, బద్రీనాథ్ క్షేత్రాన్ని సందర్శించారు.

తాజాగా ఉత్తరాఖండ్ అల్మోరాలోని ద్వారహత్(Dwarahat)కు చేరుకున్నారు. అక్కడున్న మహావతార్ బాబా(Mahavatar Baba) గుహలో 30 నిమిషాలు ధ్యానం చేశారు. యోగదా ఆశ్రమంలోని సాధువులను కలుసుకున్నారు.
మార్గమధ్యంలో ఆయన్ను చూసేందుకు తరలి వచ్చిన అభిమానులతో సెల్ఫీలు దిగారు.

మరుసటి రోజు ఉదయం ఆయన రాంచీకి బయలుదేరారు. బాబా గుహలను సందర్శించిన ఆయన.. ఆ తర్వాత ఝార్ఖండ్(Jharkhand)లోని రాంచీ(Ranchi)కి వెళ్లారు. అక్కడి గవర్నర్‌ సీపీ.రాధాకృష్ణన్ను కలిసి కాసేపు మాట్లాడారు. దీనికి సంబంధించిన ఫొటోలను గవర్నర్ రాధాకృష్ణ(Governor Radhakrishna) ట్విట్టర్ వేదికగా పంచుకున్నారు.

“రాంచీకి రజనీ రావడం ఆనందంగా ఉంది. నా ప్రియ మిత్రుడైన ఆయనను రాజ్‌భవన్‌లో కలవడం చాలా సంతోషంగా ఉంది. ఝార్ఖండ్‌ అనే గొప్ప ప్రదేశానికి ఆయనకు హృదయపూర్వకంగా స్వాగతం పలుకుతున్నాను” అంటూ రాధాకృష్ణ రాసుకొచ్చారు.

On his arrival in Ranchi , delighted and very happy to meet my dear friend , one of India's greatest Actors and great Human Being Superstar Shri. @rajinikanth Ji at Raj Bhavan yesterday on a courtesy meet.
I heartily welcome him to the great land of Jharkhand. pic.twitter.com/oyM049CWMv

— CP Radhakrishnan (@CPRGuv) August 17, 2023

ఇటీవల రిలీజ్ అయిన‘బ్రో(Bro)’ మూవీలోని శ్యామ్ బాబు డ్యాన్స్ రాజకీయ దుమారం రేపిన విషయం తెలిసిందే. ఈ నేపథ్యంలో ఇటీవల పవన్ కళ్యాణ్ (Pawan Kalyan) మాజీ భార్య రేణుదేశాయ్(Renudesai)స్పందించి పిల్లల్నిఇలాంటి వివాదాల్లోకి లాగొద్దంటూ విజ్ఞప్తి చేశారు.

వ్యక్తిగతంగా ఆయన చేసిన మోసానికి ఇబ్బంది పడిన మాట వాస్తవమే..కానీ రాజకీయంగా మాత్రం నా మద్దతు ఆయనకే అంటూ రేణు వివరించారు. అయితే తాజాగా మరోసారి రేణుదేశాయ్ స్పందించారు.అయితే దీనిపై ప్రతివిమర్శలు కూడా వచ్చాయి.

తాజాగా మళ్లీ తనపై వస్తున్న ఆరోపణలకు రేణు స్పందించింది. ఓ సుదీర్ఘ పోస్ట్ రాసుకొచ్చింది.”నా విడాకుల విషయంలో నా మాజీ భర్త ఎలా మోసం చేశారనే నిజాన్ని మాట్లాడితే గతంలో ఆయన అభిమానులు చాలా దారుణంగా అసభ్యపదజాలంతో తిట్టారు.

ఇప్పుడు ఓ దేశ పౌరురాలిగా ఆయనకు అనుకూలంగా కొన్ని నిజాలు మాట్లాడినప్పుడు ఆయన్ను ద్వేషించేవారు ఇప్పుడు నన్ను తిడుతున్నారు. గతంలో విడాకుల విషయంలో నా మాజీ భర్త గురించి మాట్లాడినప్పుడు..డబ్బులు తీసుకుని అలా అన్నానని ఆరోపించారు.

ఇప్పుడు కూడా అలానే అంటున్నారు.అప్పుడు,ఇప్పుడు రెండు సందర్భాల్లోనూ నిజాన్నే చెప్పాను. ఒక్క మాట తప్పుగా చెప్పలేదు. ఒకప్పుడు ఆయనతో ప్రేమలో పడి నిజం మాట్లాడినందుకు నేనిప్పుడు చెల్లించాల్సిన మూల్యం ఇదేనని అనుకుంటున్నాను. ఇదే నా విధి అయితే అలాగే ఉండనీయండి. ఇంకా అనండి నన్ను” అని రాసుకొచ్చింది. ప్రస్తుతం ఈ ట్వీట్ నెట్టింట్లో వైరల్ అవుతోంది.