ఇండోనేషియా(Indonesia)లోని సుమత్రా ద్వీపంలో భారీ వర్షాలు(Heavy Rain) కురుస్తున్నాయి. కుండపోత వర్షంతో ఎక్కడికక్కడ విధ్వంసం నెలకొంది. భారీ వరదలతో కొండచరియలు విరిగిపడి 19మంది మృతిచెందారు. ఏడుగురు గల్లంతైనట్లు స్థానిక అధికారులు తెలిపారు.
వరదలు, కొండచరియలు పశ్చిమ సుమత్రా ప్రావిన్స్‌ లోని పెసిసిర్ సెలాటన్ రీజెన్సీని ప్రభావితం చేశాయి. దాదాపు 46వేల మంది నిరాశ్రయులయ్యారు. వెస్ట్ సుమత్రా ప్రావిన్స్‌ లోని పెసిసిర్ సెలటన్ జిల్లాలో అనేక ఒడ్డులు విరిగిపడి ఒక పర్వతం కూలిపోయింది.
జావా ఉత్తర తీరంలో ఉన్న సిరెబాన్ ఓడరేవు నగరం వరదలు, కొండచరియలు విరిగిపడటంతో ఎక్కువగా ప్రభావితమైంది. కనీసం 14ఇళ్లు నేలమట్టమయ్యాయి. సమాధి కాగా, 20 వేలకు పైగా ఇళ్లు నీటిలో మునిగిపోయాయి, ఎనిమిది వంతెనలు కూలిపోయాయి.
వర్షాకాలంలో ఇండోనేషియాలో తరచుగా కొండచరియలు విరిగిపడే అవకాశం ఉంది. వరదల కారణంగా తెగిపోయిన ప్రజలను చేరుకోవడానికి రెస్క్యూ వర్కర్లు పడవలను ఉపయోగిస్తున్నారని యాక్టింగ్ డిజాస్టర్ మిటిగేషన్ ఏజెన్సీ తెలిపింది.
