Andhra Pradesh

గత ఎన్నికల్లో ఇచ్చిన హామీలను 90 శాతం నెరవేర్చామని చెప్తున్న సీఎం జగన్‌(CM Jagan) తాను అడిగే 7ప్రశ్నలకు సమాధానం చెప్పాలని టీడీపీ అధినేత చంద్రబాబునాయుడు(TDP Chief Chandrababu Nayudu) సవాల్ విసిరారు. ‘ప్రజాగళం'(Prajagalam) యాత్రలో భాగంగా అనంతపురం జిల్లా(Ananthapuram District) రాప్తాడు(Rapthadu)లో గురువారం నిర్వహించిన రోడ్‌ షోలో ఆయన మాట్లాడారు.

ఈసారి 52చోట్లా కూటమి అభ్యర్థులను గెలిపించాలని ప్రజలకు సూచించారు. అసమర్థుడు, అవినీతిపరుడిని ఇంటికి పంపాల్సిన అవసరముందన్నారు. సామాన్యులు జీవించలేని విధంగా ఒకవైపు నిత్యావసరాల ధరలు అమాంతం పెరిగాయని ఆందోళన వ్యక్తం చేశారు. అదేవిధంగా విద్యుత్ ఛార్జీలు, మద్యం ధరలను అమాంతం పెంచేశారని అన్నారు.

మద్యపాన నిషేధం చేయకపోతే 2024 ఎన్నికల్లో ఓట్లు అడగనన్న జగన్ నాసిరకం మద్యంతో ప్రజల ఆరోగ్యంతో చెలగాటం ఆడుతున్నారని మండిపడ్డారు. ఆఖరికి ఇసుక పైనా దోపిడీ చేసి భవన నిర్మాణ కార్మికులను నాశనం చేశారని దుయ్యబట్టారు. ఇసుక దొరక్క భవన నిర్మాణ రంగం కుదేలైందని ఆవేదన వ్యక్తం చేశారు. నిరుద్యోగులను నిలువునా రంగం కుదేలైందని, ఒక్క నోటిఫికేషన్ కూడా ఇవ్వకుండా నిరుద్యోగులకు అన్యాయం చేశారని ఆరోపించారు.

వైసీపీ ప్రభుత్వం పని అయిపోయిందని, విధ్వంసకర రాష్ట్రాన్ని పునర్నిర్మించేందుకు ఎన్డీయే కూటమికి మద్దతివ్వాలని కోరారు. ప్రత్యేకహోదా, సీపీఎస్ రద్దు, మద్య నిషేధం, ఏటా జాబ్ కరెంటు ఛార్జీల తగ్గింపు, క్యాలెండర్, మెగా డీఎస్సీ, పోలవరం పూర్తి తదితర హామీలను ఎందుకు నెరవేర్చలేదని ప్రశ్నించారు.

రాయలసీమను తాము హార్టికల్చర్ హబ్‌గా చేస్తే.. జగన్ మాత్రం రాజకీయ హత్యలతో సైకో రాజ్యంగా మార్చారని మండిపడ్డారు. తన చర్యలతో సీఎం జగన్ రాష్ట్రాన్ని లూటీ చేశాడంటూ ధ్వజమెత్తారు. అక్రమ కేసులు, బెదిరింపులకు ఎవరూ భయపడొద్దన్నారు. గత ఏపీ ఎన్నికల్లో రాయలసీమలోని 52సీట్లలో 49 చోట్ల వైసీపీని గెలిపిస్తే ఏం ఒకగబెట్టలేదన్నారు. తాము అధికారంలోకి వచ్చాక కేంద్రం మెడలు వంచి ప్రత్యేకహోదా తెస్తామని చంద్రబాబు హామీ ఇచ్చారు.

ఆంధ్రప్రదేశ్(AP)లో లంచాలు, వివక్షకు ఎక్కడా తావులేదని సీఎం జగన్(CM Jagan) అన్నారు. నంద్యాల జిల్లా(Nandyala District)లోని ఆళ్లగడ్డ(Allagadda) నుంచి ప్రారంభమైన బస్సుయాత్రలో భాగంగా ఎర్రగుంట్ల గ్రామ ప్రజలతో ఆయన ముఖాముఖి నిర్వహించారు.  సందర్భంగా ఆయన మాట్లాడారు.

వచ్చే ఎన్నికల్లో భవిష్యత్తు కోసం ఓటు వేయాలని కోరారు. భార్య, పిల్లలతో మాట్లాడి ఓటుపై నిర్ణయం తీసుకోవాలని సీఎం జగన్ పిలుపునిచ్చారు. వ్యవస్థలో సామర్థ్యం పెంచేందుకు సలహాలు ఇవ్వాలన్నారు. ఎన్నికల కోడ్ వస్తుంది కాబట్టి బట్టన్ నొక్కి చేయూత నిధులు విడుదల చేశామన్నారు.

58 నెలల పాలనలో ఎంతో అభివృద్ధిని సాధించామని తెలిపారు. అర్హత ఉన్నవారికి పథకాలు అందజేస్తున్నామని చెప్పారు. ఇప్పటి వరకు ఎర్రగుంట్లలో 93శాతం మంది ప్రభుత్వ పథకాలతో లబ్ధిపొందుతున్నారని వెల్లడించారు. వైఎస్ఆర్ ఆసరా ద్వారా 3కోట్ల మందికి పైగా లబ్ధిపొందారని వివరించారు.

అదేవిధంగా రైతు భరోసా కేంద్రాలను ఏర్పాటు చేశామని తెలిపారు. రైతుకు రూ.13, 500 పెట్టుబడి సాయం అందిస్తున్నామన్నారు. ప్రతీ మహిళ ముఖంలోనూ ఆత్మ విశ్వాసం కనిపిస్తోందని, ఆరోగ్య సురక్ష ద్వారా ఇంటికే వచ్చి వైద్యం అందిస్తున్నామని సీఎం చెప్పుకొచ్చారు.

తనకంటే ముందు చాలా మంది అనుభవమున్న నేతలు సీఎంగా పరిపాలించారని జగన్ అన్నారు. 14ఏళ్ల అనుభవమున్న వ్యక్తి చేయలేని అభివృద్ధిని 58నెలల్లోనే చేసిచూపించామని అన్నారు. రాష్ట్రంలో ఎంతో మార్పు జరిగిందని, మరింత మార్పు అవసరమని సూచించారు.

ఏపీ (AP)లో త్వరలో ఎన్నికలు జరగనున్న నేపథ్యంలో సింగిల్ గా వైసీపీ (YCP).. పొత్తులతో టీడీపీ (TDP), జనసేన (Janasena), బీజేపీ (BJP).. రంగంలోకి దిగనున్నాయి.. జగన్ (Jagan) ఓటమి లక్ష్యంగా వ్యూహరచనలో నిమగ్నం అయ్యాయి.. అధికారంలోకి రావాలని కూటమి.. ఉన్న అధికారాన్ని కోల్పోకుండా ఉండాలని వైసీపీ ఉబలాటపడుతున్నాయి..

అయితే కూటమిగా ఏర్పడిన తర్వాత.. టీడీపీ, జనసేన కు కొందరు సొంత పార్టీ నేతల నుంచి తలనొప్పులు మొదలైయ్యాయి.. అయినా విజయం అందుకోవాలని భావిస్తున్న కూటమి నేతలు వారిని బుజ్జగిస్తూ ముందుకు వెళ్ళడం కనిపిస్తోంది. ఇక జనసేన కు ఈ ఎన్నికల్లో విక్టరీ రుచి చూపించాలని భావిస్తున్న పవన్ కళ్యాణ్.. పార్టీ నిర్వహణ అవసరాలకు రూ.10 కోట్ల విరాళాన్ని ప్రకటించారు.

ఈ విరాళం చెక్కులను పార్టీ కేంద్ర కార్యాలయంలో ప్రధాన కార్యదర్శి నాగబాబు సమక్షంలో, కోశాధికారి ఎ.వి‌.రత్నంకు అందించారు.. అదేవిధంగా తన పారితోషికం నుంచి ఎప్పటికప్పుడు పార్టీకే కాకుండా సామాజిక సేవలకు, అధ్యాత్మిక కార్యక్రమాలకు, ఆపదలో ఉన్నవారిని ఆదుకొనేందుకు సైతం పవన్ విరాళం ఇవ్వడం తెలిసిందే.. ఈ సందర్భంగా మాట్లాడిన జనసేనాని.. ఓ సదాశయం కోసం, రాష్ట్ర భవిష్యత్తును సుందరంగా తీర్చిదిద్దడమే లక్ష్యంగా జనసేన ముందుకు వెళ్తుందని తెలిపారు.

అందుకే ఈ రాజకీయ ప్రయాణానికి నా వంతుగా ఇప్పుడు ఎన్నికల ప్రచార ఖర్చుల నిమిత్తం రూ.10 కోట్లను అందజేస్తున్నానని పేర్కొన్నారు.. నేను కాకుండా ఒక బెల్దారీ మేస్త్రీ రూ. లక్ష విరాళం అందించారని.. అలాగే పింఛను నుంచి వచ్చే సొమ్ములో కొంత భాగం పార్టీకి తమ వంతుగా పంపుతున్న సగటు మనుషులెందరో ఉన్నారన్నారని గుర్తు చేసుకొన్నారు.. ఇంత మంది ఆశయాలతో ఊపిరి పోసుకొంటున్న జనసేన కష్ట జీవుల ఆశల కోసం ఖచ్చితంగా ఎన్నికల్లో విజయం సాధిస్తుందనే ధీమా వ్యక్తం చేశారు..

ఏపీ(AP)లో అధికార వైసీపీ(YCP) నేతల ఆగడాలు రోజురోజుకు సృతిమించుతున్నాయి. ఇదివరకు రాజకీయంగా ఉన్న ప్రత్యర్థులపై దాడులు జరిగేవి. ఇప్పుడు ఏకంగా గుళ్లోని పూజారులనూ వదలడంలేదు. తాజాగా కాకినాడ నగరంలోని ఒక శివాలయంలో భక్తుల ఎదురుగానే పురోహితులపై వైసీపీ నాయకుడు భౌతికదాడికి దిగి భక్తులను భయభ్రాంతులకు గురిచేశాడు.

ఫాల్గుణ పౌర్ణమి సందర్భంగా సోమవారం కాకినాడ(Kakinada) నగరం దేవాలయం వీధిలోని పురాతన శివాలయంలో భక్తుల రద్దీ ఎక్కువగా ఉంది. అదే సమయంలో వైసీపీ నేత, మాజీ కార్పొరేటర్‌ సిరియాల చంద్రరావు ఆలయానికి వచ్చారు. అంతరాలయంలోకి వచ్చిన ఆయన నుంచి పూజాసామగ్రి తీసుకున్న అర్చకుడు సాయి పూజలో నిమగ్నమయ్యారు.

తాను తెచ్చిన పాలు శివలింగంపై సరిగ్గా పోయలేదని, అధికార పార్టీ నాయకుడికి ఇచ్చే విలువ ఇదేనా అంటూ చంద్రరావు ఆగ్రహంతో ఊగిపోయారు. అంతటితో ఆగకుండా అర్చకుడు వెంకటసత్యసాయి తోటి భక్తులతో పాటు ఆయనకూ ప్రసాదం ఇస్తుండగా చంద్రరావు కోపోద్రిక్తుడై అర్చకుడి చెంపపై కొట్టారు. అసభ్యపదజాలంతో దూషించడమే కాక మీ అంతుచూస్తానంటూ వీరంగం సృష్టించారు.

ఈ దాడిని టీడీపీ అధ్యక్షుడు చంద్రబాబు ఖండించారు. మంగళవారం ఆయన కుప్పం నియోజకవర్గంలో నిర్వహిస్తున్న ప్రచార కార్యక్రమంలో ఆయన మాట్లాడారు. అర్చకులను కాలితో తన్నడం,కొట్టడం హేయమైన చర్య అని అన్నారు. అర్చకుడంటే దేవుడు, భక్తుడికి మధ్య అనుసంధాన కర్తగా భావిస్తామని, అర్చకుల కాళ్లకు మొక్కే సంప్రదాయం మనదని పేర్కొన్నారు.

వైసీపీ నేత అధికార మదానికి, సంస్కృతి పట్ల ప్రభుత్వానికి ఉన్న చిన్న చూపునకు ఇది నిదర్శనమని ఆరోపించారు. రాష్ట్రంలో వైసీపీ ప్రభుత్వం వచ్చాక వరుసగా విగ్రహాలపై దాడులు జరిగాయని, ఒక్క కేసులోనూ నిందితుల పై చర్యలు తీసుకున్న దాఖలాలు లేవని మండిపడ్డారు. నిందితుడిపై ప్రభుత్వం వెంటనే కఠిన చర్యలు తీసుకోవాలని చంద్రబాబు డిమాండ్‌ చేశారు.

ఏపీలో టీడీపీ, జనసేన, బీజేపీ పొత్తు పెట్టుకున్న విషయం తెలిసిందే. అయితే ఈ పొత్తుపై బీజేపీ రాష్ట్ర అధ్యక్షురాలు పురందేశ్వరి(Purandeswari) సంచలన వ్యాఖ్యలు చేశారు. అవినీతి, అరాచక జగన్ ప్రభుత్వాన్ని గద్దె దించడానికే ముగ్గరం పొత్తు కుదుర్చుకున్నామని చెప్పారు.

విజయవాడలో బీజేపీ పదాధికారుల సమావేశాన్ని నిర్వహించారు. ఎన్నికల్లో అనుసరించాల్సిన వ్యూహాలపై పురందేశ్వరి కార్యకర్తలకు దిశానిర్ధేశం చేశారు. ఈ సందర్భంగా ఆమె మాట్లాడుతూ.. కూటమి ప్రభుత్వం అధికారంలోకి వస్తేనే ఏపీలో రామరాజ్యం వస్తుందని  వ్యాఖ్యానించారు. ఏపీ అభివృద్ధికి బీజేపీ అంకిత భావంతో పనిచేస్తోందన్నారు.

రాష్ట్రంలో బీజేపీ అభ్యర్థులనే కాదని, కూటమి అభ్యర్థుల గెలుపునకు ప్రతీ కార్యకర్త పనిచేయాలని సూచించారు. జెండాలు వేరైనా తమ అజెండా ఒకటేనని వెల్లడించారు. ఈ ఎన్నికల్లో టీడీపీతో కలిసి వెళ్లాలని జాతీయ స్థాయిలో పార్టీ తీసుకున్న నిర్ణయం తీసుకుందన్నారు. ప్రస్తుత పరిస్థితుల్లో మూడు పార్టీల కలయిక చారిత్రాత్మక అవసరమన్నారు. టీడీపీ, జనసేన, బీజేపీ పొత్తును ఆమె త్రివేణి సంగమంలాంటిదని అభివర్ణించారు.

పొత్తుల వల్ల పార్టీలో చాలా మంది ఆశావహులకు నిరాశ ఎదురైందని, అయితే రాష్ట్రంలోని ప్రత్యేక పరిస్థితుల దృష్ట్యా పొత్తులతో వెళ్లాలని పార్టీ హైకమాండ్ భావించినట్లు వెల్లడించారు. వైసీపీ ప్రభుత్వం వ్యవస్థను చేతుల్లోకి తీసుకొని రాష్ట్రంలో పెద్దఎత్తున దొంగ ఓట్లు నమోదు చేయించారని ఆరోపించారు. సచివాలయాన్ని తాకట్టు పెట్టకూడదని రాజ్యంగంలో ఏమైనా రాశారా? అని వైసీపీ నేతలు అనడం సబబుకాదన్నారు. జగన్ ఎస్సీ, ఎస్టీ, బీసీ వర్గాల నిధులు దారి మళ్లించారని దుయ్యబట్టారు.

వలంటీర్లపై టీడీపీ ఏపీ అధ్యక్షుడు అచ్చెన్నాయుడు(Atchannaidu) కీలక వ్యాఖ్యలు చేశారు. ప్రజా ప్రయోజన కార్యక్రమాలను గాలికి వదిలేసి వైఎస్ఆర్ కాంగ్రెస్ పార్టీ(YCP).. చట్ట వ్యతిరేక కార్యక్రమాల్లో పాల్గొంటూ అరాచకం చేస్తున్న వలంటీర్లను మాత్రం సమర్థించేది లేదన్నారు.

ప్రభుత్వ నియమ నిబంధనలు, ఎన్నికల కోడ్‌ను ఉల్లంఘించిన వలంటీర్లపై శ్రీ కాళహస్తి టీడీపీ అభ్యర్ధి బొజ్జల సుధీర్ రెడ్డి చేసిన వివాదాస్పద వ్యాఖ్యలు చేసిన సంగతి తెలిసిందే. ఈ మేరకు అచ్చెన్నాయుడు మాట్లాడుతూ.. బొజ్జల సుధీర్ రెడ్డి వ్యాఖ్యలు ఆయన వ్యక్తిగతమని పేర్కొన్నారు. ఇప్పటికే ఎన్నికల నిబంధనలు ఉల్లంఘించి చట్ట వ్యతిరేకత కార్యక్రమాల్లో పాల్గొన్న 200 మందికి పైగా వలంటీర్లు వారి భవిష్యత్తును వారే నాశనం చేసుకుంటున్నారని ఆవేదన వ్యక్తం చేశారు.

వారిపై క్రిమినల్ కేసులు నమోదయ్యాయని ఉద్యోగం నుంచి సస్పెండ్ చేశారని తెలిపారు. టీడీపీ అధికారంలోకి వచ్చిన వెంటనే వాలంటీర్లను కొనసాగించడంతో పాటు వారికి మెరుగైన సదుపాయాలు, జీతభత్యాలు కల్పిస్తామని అచ్చెన్నాయుడు స్పష్టం చేశారు. ఈ విషయాన్ని గతంలోనే తమ పార్టీ అధినేత చంద్రబాబు ప్రకటించారని గుర్తుచేశారు.

ఎన్నికల కోడ్ ఉల్లంఘించి బియ్యపు మధుసూదన్ రెడ్డితో కుమ్మకైన వలంటీర్లపైనే సుధీర్ వ్యాఖ్యలు చేసినట్లు భావిస్తున్నట్లు అచ్చెన్నాయుడు అన్నారు. సీఎం వైఎస్ జగన్ రెడ్డికి అవినీతికి వత్తాసు పలికిన ఐఏఎస్, ఐపీఎస్ అధికారులే జైలుకు వెళ్లినా పట్టించుకోలేదన్నారు. వలంటీర్లు చట్టవ్యతిరేక కార్యక్రమాల్లో పాల్గొనవద్దని అచ్చెన్నాయుడు కోరారు.