Andhra Pradesh

ఏపీలో ఎన్నికలు సమీపిస్తున్న వేళ.. కరెంట్ (Electricity) ఛార్జీల (Charges)పై పలు సందేహాలు మొదలైయ్యాయి.. ఈ క్రమంలో విద్యుత్‌ చార్జీలు పెరగనున్నాయా? గత ఏడాది చార్జీలు పెంచకపోవడంతో.. ఈ సారి పెంచే అవకాశం ఉందా? అనే చర్చ సాగుతుందని తెలుస్తోంది. అయితే ఈ విషయంలో ఏపీ (AP) ఈఆర్సీ (ERC) విద్యుత్‌ వినియోగదారులకు ఊరట కలిగించే న్యూస్‌ చెప్పింది..

రాష్ట్రంలో విద్యుత్తు వినియోగదారులపై 2024–25లో ఎలాంటి విద్యుత్తు భారం పడకుండా డిస్కమ్‌ లు ప్రతిపాదనలు సిద్ధం చేశాయని తెలిపింది. రాబడి, వ్యయాలు సమానంగా ఉన్నందున.. సాధారణ ప్రజలతో పాటు పారిశ్రామిక వర్గాలపై ఎలాంటి భారం పడకుండా పాత టారిఫ్‌లనే కొనసాగిస్తున్నట్లు ఈ సందర్భంగా మూడు డిస్కమ్‌లు స్పష్టం చేశాయి..

ఈమేరకు వైజాగ్‌ (Vizag), ఏపీ ఈపీడీసీఎల్‌ కార్యాలయంలో ఈఆర్సీ చైర్మన్‌ జస్టిస్‌ సీవీ నాగార్జునరెడ్డి (Chairman Nagarjuna Reddy), సభ్యులు ఠాకూర్‌ రామ్‌ సింగ్, పీవీఆర్‌ రెడ్డి నేతృత్వంలో వర్చువల్‌ సమావేశం నిర్వహించారు.. ప్రజాభిప్రాయ సేకరణలో ఏపీఈఆర్సీ అధికారులతో పాటు ఇంధనశాఖ, ట్రాన్స్‌కో, జెన్‌కో, ఈపీడీసీఎల్, సీపీడీసీఎల్, ఎస్‌పీడీసీఎల్‌ ఉన్నతాధికారులు పాల్గొన్నారు.. ఈ సందర్భంగా వినియోగదారులకు మేలు చేసేలా కమిషన్‌ పారదర్శకంగా వ్యవహరిస్తోందన్నారు..

ఈ ఆర్థిక సంవత్సరంలో విద్యుత్ పంపిణీ సంస్థలు ఎలాంటి ప్రతిపాదనలు చేయలేదని.. అందువల్ల కొత్త ఆర్థిక సంవత్సరంలో విద్యుత్ చార్జీల పెంపుదల ఉండదని స్పష్టం చేశారు. మరోవైపు ప్రజా విచారణలో భాగంగా ఏవైనా అభిప్రాయాలను తెలియజేయడానికి.. లేదా విచారణలో చర్చించాల్సిన సరైన అంశాలతో రావాలని ఈఆర్సీ చైర్మన్‌ తెలిపారు. ముందుగా APEPDCL వెబ్‌సైట్ apeasternpower.comలో వారి పేర్లు నమోదు చేసుకోవాలని తెలిపారు..

ఏపీ ప్రజలకు త్వరలో మంచిరోజులు వస్తాయని టీడీపీ అధినేత(TDP Chief) నారా చంద్రబాబునాయుడు(Nara Chandrababu Naidu) అన్నారు. తూర్పుగోదావరి జిల్లా (East Godavari District), రాజమండ్రి(Rajamandri)లో సోమవారం ‘ రా కదలిరా’ బహిరంగ సభ నిర్వహించారు.

ఈ కార్యక్రమంలో పాల్గొనేందుకు ప్రజలు భారీగా తరలివచ్చారు. చంద్రబాబు జిల్లాకు వస్తున్న సందర్భంగా పార్టీ నాయకులు, అభిమానులు, శ్రేణులు పెద్దఎత్తున స్వాగత ద్వారాలను ఏర్పాటు చేశారు. చంద్రబాబు ప్రజలకు అభివాదం చేస్తూ ర్యాలీగా వచ్చారు.

అనంతరం చంద్రబాబు మాట్లాడారు. రాష్ట్రాన్ని కాపాడుకోడానికి ‘రా కదిలి రా’ అని పిలుపిస్తే మహానాడును తలపించే విధంగా సభకు ప్రజలు తరలి వచ్చారంటూ సంతోషాన్ని వ్యక్తం చేశారు. రాష్ట్రాన్ని కాపాడుకోవడానికే జనసేనతో కలిసి పోటీలోకి దిగుతున్నట్లు వెల్లడించారు.

అదేవిధంగా భావితరాల భవిష్యత్తును కాపాడుకోవాల్సిన బాధ్యత అందరిపై ఉందన్నారు. త్వరలో మనందరికీ మంచి రోజులు వస్తాయన్నారు. తెలుగుదేశం, జనసేన గెలుపును ఆపడం ఎవరితరం కాదన్నారు చంద్రబాబు. ఒక సైకో పాలన రాష్ట్రంలో జరుగుతోందని, మానసిక రోగి పరిపాలిస్తున్నాడంటూ సీఎం జగన్‌పై ధ్వజమెత్తారు.

ఏపీ(AP)లో రాజకీయాలు ఆసక్తికరంగా మారాయి. సీఎం జగన్‌(CM Jagan)పైకి మరో బాణం దూసుకు వచ్చే పరిస్థితులు కనిపిస్తున్నాయి. ఏపీసీసీ అధ్యక్షురాలు వైఎస్‌ షర్మిల(YS Sharmila)తో మాజీ మంత్రి వివేకానందరెడ్డి కుమార్తె సునీత(Sunita) ఇడుపులపాయలో భేటీ అయ్యారు. సునీత కాంగ్రెస్‌లో చేరతారన్న ప్రచారం దృష్ట్యా వీరి భేటీకి ప్రాధాన్యత సంతరించుకుంది.

షర్మిల, సునీత మధ్య దాదాపు 2 గంటల పాటు చర్చలు జరిగాయి. పీసీసీ అధ్యక్షురాలిగా వైఎస్ షర్మిల బాధ్యతలు చేపట్టిన అనంతరం సునీత ఆమెను కలవడం ఇదే తొలిసారి.అదే విధంగా వైఎస్ షర్మిలతో ఎమ్మెల్యే ఆళ్ల రామకృష్ణారెడ్డి సైతం సమావేశమయ్యారు. ఈ భేటీలో సునీత రాజకీయ ప్రవేశంపై చర్చ జరగినట్లు తెలుస్తోంది.

తన తండ్రి వివేకా హత్యపై సునీత తొలి నుంచి గట్టిగా పోరాటం చేస్తున్నారు. న్యాయస్థానాన్ని ఆశ్రయించి సీబీఐ విచారణ కోరడం, ఆ విచారణలో సంచలన విషయాలు వెలుగులోకి వచ్చిన తెలిసిందే. ఈ కేసుకు సంబంధించి ఇప్పటికే పలువురు అరెస్టు సైతం అయ్యారు. కడప ఎంపీ వైఎస్ అవినాష్‌రెడ్డి, ఆయన తండ్రి భాస్కరరెడ్డి ఈ కేసులో నిందితులుగా ఉన్నారు.

దీనిపై వివేకా కుమార్తె సునీత సుప్రీంకోర్టులో న్యాయపోరాటం చేస్తున్నారు. ఒకవైపు న్యాయపోరాటం చేస్తూనే తన తండ్రిని హత్య చేసిన వ్యక్తులపై రాజకీయంగా పోరాడాలని సునీత భావిస్తున్నట్లు ప్రచారం జరుగుతోంది. మరోవైపు ఇడుపులపాయలోని వైఎస్‌ సమాధికి సునీత, ఎమ్మెల్యే రామకృష్ణారెడ్డితో కలసి షర్మిల నివాళులర్పించారు.

ఏపీ రాజకీయం హీట్ ఎక్కింది. సిట్టింగ్ ఎమ్మెల్యేలకు ఈసారి జగన్ హ్యాండ్ ఇస్తుండడంతో ఒక్కొక్కరిగా పార్టీ నుంచి బయటికెళ్తున్నారు. అంతేకాదు.. కొందరు అదే అదనుగా సీఎం జగన్‌పై, వైసీపీ పాలనపై దుమ్మెత్తిపోస్తున్నారు. ఇది చూసిన ప్రజలు ఇన్నాళ్లు సీఎం జగన్‌ను పొగిడిన నేతలే ఇప్పుడు విమర్శలు చేస్తుండడంతో ముక్కున వేలేసుకుంటున్నారు. తాజాగా ఏపీ సీఎం జగన్‌(AP CM YS Jagan)పై మాజీమంత్రి గంటా శ్రీనివాస రావు(Ganta Srinivasa Rao) సంచలన వ్యాఖ్యలు చేశారు.

అమరావతిని శ్మశానంగా మార్చారని ఆరోపించారు. ‘భీమిలి సిద్ధం సభ’లో జగన్ అన్నీ అబద్ధాలే మాట్లాడారని మండిపడ్డారు. జగన్ తనకు తాను అర్జునుడిగా చెప్పుకుంటున్నారని.. ఆ వ్యాఖ్యలపై జనం నవ్వుకుంటున్నారని గంటా శ్రీనివాస రావు ఎద్దేవా చేశారు. వైసీపీకి ఓటమి తప్పదని, 100 అడుగులు పాతాళంలోకి వైసీపీని పాతి పెట్టడానికి ప్రజలు సిద్ధంగా ఉన్నారంటూ ధ్వజమెత్తారు. ఆ పార్టీ మునిగిపోతున్న నావ అని చెప్పారు.

అందుకే ఆ పార్టీని ఎమ్మెల్యేలు, ఎంపీలు వీడుతున్నారని తెలిపారు. వచ్చే ఎన్నికల్లో వైసీపీకి ఓటమి తప్పదన్నారు. ’వై నాట్ 175‘ అని సీఎం జగన్ అంటున్నారు.. పులివెందులలో ఆయన ఓడిపోతున్నారని ఆయన జోస్యం చెప్పారు. గత ఎన్నికల సమయంలో జగన్ నవ రత్నాలతో కలిపి 730 హామీలు ఇచ్చారని తెలపారు. అయితే అందులో 15 శాతం హామీలే అమలు చేశారని అన్నారు. ’జగన్ ఎప్పుడూ తాము పాండువులం అంటారు. నిజానికి వారు కౌరవులు‘ అని సెటైర్లు వేశారు.

ప్రజా వేదిక కూల్చి పాలన ప్రారంభించారని అన్నారు. ఆయన పాలన అంతా విధ్వంసం, ప్రత్యర్థులు అణిచివేత కోసం కొనసాగాయని అన్నారు. 2019 ఎన్నికల్లో విజయానికి కృషి చేసిన చెల్లి, తల్లిని బయటకు పంపేశారని గంటా విమర్శించారు. ఎన్నికల ముందు కోడి కత్తి డ్రామా ఆడారని అన్నారు. షర్మిల ఆరోపణలపై వైసీపీ ఎందుకు మాట్లాడటం లేదని ప్రశ్నించారు. వైసీపీ అంటే నకిలీ పార్టీ, ముగ్గురు రెడ్లు నడుపుతున్నారని ఆరోపించారు. దేశంలో రిచెస్ట్ సీఎం జగనే అని, పేదల పక్షాన ఉన్నానని అనడం ఈ శతాబ్దపు పెద్ద జోక్ అని సెటైర్లు వేశారు.

విలువలు పాటించకుండా తన రాజీనామా ఆమోదించారని.. కరణం ధర్మ శ్రీ రాజీనామాను ఎందుకు ఆమోదించలేదని ప్రశ్నించారు. రాజ్యసభ ఎన్నికల్లో ఓడిపోతామని వైసీపీకి తెలిసే కోల్డ్ స్టోరేజ్‌‌లో ఉన్న రాజీనామాను ఆమోదించారంటూ విమర్శించారు. అదేవిధంగా విశాఖపట్టణాన్ని ఎగ్జిక్యూటివ్ క్యాపిటల్ చేస్తానని చెప్పారని.. న్యాయ రాజధాని సంగతి ఎంత వరకు వచ్చిందని గంటా ప్రశ్నించారు.

సీఎం జగన్ (CM Jagan)పై టీడీపీ (TDP) నేత నారా లోకేష్ (Nara Lokesh) సీరియస్ కామెంట్స్ చేశారు.. జగన్ ప్రభుత్వంపై యుద్ధం మొదలైందని అన్నారు. మద్యం దుకాణాలు తీసేస్తామని ఎన్నికల ముందు ఇచ్చిన మాట నిలబెట్టుకోకుండా మోసం చేశారని ఆరోపించారు. ఆర్టీసీ, విద్యుత్ ఛార్జీలు, చివరకు మద్యం ధర కూడా పెంచి పేదల బతుకులను నాశనం చేశారని మండిపడ్డారు.

మరోవైపు పలువురు వైసీపీ (YCP) నుంచి టీడీపీలో చేరారు. వారికి నారా లోకేశ్ పార్టీ కండువా కప్పి సాదరంగా ఆహ్వానించారు. ఈ సందర్భంగా.. మంగళగిరి (Mangalagiri)లో మాత్రమే కాదు రాష్ట్ర వ్యాప్తంగా అన్ని నియోజకవర్గాల్లో పసుపు జెండా ఎగురుతుందని వెల్లడించారు. మంగళగిరి నియోజకవర్గానికి నిధులు కేటాయించినప్పటికీ ఒక్క పైసా కూడా ఖర్చు చేయలేదని జగన్ ప్రభుత్వంపై లోకేశ్ ఫైర్ అయ్యారు.

ప్రస్తుతం ఎన్నికలు సమీపిస్తుండటంతో ఫేక్ పట్టాలు సృష్టించి కొత్త నాటకానికి తెరతీశారని ఆరోపించారు. టీడీపీ అధికారంలోకి వచ్చిన తర్వాత ఏపీ మొత్తం మంగళగిరి వైపే చూసేలా బాధ్యత తీసుకుంటానని ఈ సందర్భంగా నారా లోకేశ్ హామీ ఇచ్చారు. కాగా 2019 ఎన్నికల్లో 21 రోజుల ముందు మంగళగిరి సీటు కేటాయించడం.. సమయం ఎక్కువగా లేకపోవడం వల్ల ప్రజల సమస్యలు పూర్తిగా అర్దం చేసుకోలేకపోయానని తెలిపారు.

అప్పుడు ఉన్న అతి తక్కువ సమయంలో నేనేంటనేది ప్రజలకు అర్దం కాలేదని అందుకే ఓడిపోయానని వెల్లడించిన లోకేష్.. ఆ ఓటమే నాలో కసి పెంచింది. ప్రజల కోసం ప్రజలతోనే కలిసి నడిచేలా చేసిందని అన్నారు. గతంలో ఓడిన అభ్యర్దులు ఎవరూ ఇలా ప్రజలకు సేవ చేయలేదు. నేను ఓడిపోయినా ప్రభుత్వానికి ధీటుగా ఇక్కడే సేవా కార్యక్రమాలు చేశానని తెలిపారు.

ఎంపీ గల్లా జయదేవ్(MP Galla Jayadev) షాకింగ్ నిర్ణయం తీసుకున్నారు. తాను 2024 ఎన్నికల్లో పోటీ చేయడం లేదని ప్రకటించారు. గుంటూరు(Gunturu)లో ముఖ్య నాయకులు, కార్యకర్తలతో ఆదివారం ఆయన ఆత్మీయ సభ నిర్వహించారు. ఈ సందర్భంగా ఆయన మాట్లాడుతూ.. తనకు రాజకీయంగా అవకాశం ఇచ్చిన చంద్రబాబుకు రుణపడి ఉంటానన్నారు.

చివరి మూడు సంవత్సరాలుగా తాను క్షేత్ర స్థాయిలో అందుబాటులో లేకున్నా పార్లమెంట్‌లో గుంటూరు ప్రజలకు ఏం చేయాలో అవి చేస్తూనే ఉన్నానని చెప్పారు. తాత రాజగోపాల్ నాయుడు వారసత్వంగా ప్రజా సేవ చేయాలని రాజకీయాల్లోకి వచ్చానని ఆయన వెల్లడించారు. ఎంపీగా రెండు సార్లు గెలిపించిన గుంటూరు ప్రజలకు కృతజ్ఞతలు తెలిపారు.

‘నా వ్యాపారాలు దాని మీద ఆధారపడ్డ వాళ్ళని కూడా నేను చూసుకోవాలి. నా కుటుంబాన్ని కూడా చూసుకోవాలి. అందుకే రాజకీయ విరామం తీసుకుంటున్నా’ అని ఎంపీ గల్లా జయదేవ్ అన్నారు. అదేవిధంగా ప్రజాస్వామ్యంలో కొన్ని వ్యవస్థలు ఫుల్ టైం, కొన్ని వ్యవస్థలు పార్ట్ టైం పని చేస్తాయని గల్లా వ్యాఖ్యానించారు. పార్లమెంట్‌లో కేవలం 24 శాతమే పూర్తి స్థాయిలో పని చేసే పార్లమెంట్ సభ్యులు ఉన్నారని మిగిలిన వారు ఏదో ఒక రంగంలో కొనసాగుతూ రాజకీయాలు చేస్తున్నారని ఆయన అన్నారు.

ఏపీ రాజధానిగా అమరావతి అవడానికి తన వంతు కృషి చేశానన్నారు. మన తోటి రాష్ట్రాల రాజధానులు సమాన దూరం ఉండేలా విజయవాడ, గుంటూరు ప్రాంతాల మధ్య రాజధాని ఏర్పాటు చేశామన్నారు. అమరావతి ఉద్యమంలో తనపై దాడి చేసినా, వ్యాపారాలను దెబ్బతీసినా భయపడలేదన్నారు. వ్యాపార అనుమతులకు 70రకాలుగా ప్రభుత్వ అనుమతులు అవసరమవుతాయని తెలిపారు. వ్యాపారుల మీద ప్రభుత్వాలు కక్ష కట్టకూడదని అన్నారు.

24 శాతం మంది వ్యాపారులు రాజకీయ వేత్తలుగా ఉన్నారని ప్రభుత్వాన్ని ప్రశ్నిస్తే వ్యాపారులపై కక్ష గడితే ఎలా అని ప్రశ్నించారు. తమ తాతల నాటి నుంచి దేశమంతా ఇదే పరిస్థితి ఉందని గల్లా జయదేవ్ అన్నారు. మళ్లీ రాజకీయాల్లోకి వస్తే ఫుల్ టైం రాజకీయ నాయకుడిగా వస్తానని ఆయన స్పష్టం చేశారు. రాముడు, పాండవులు, వనవాసం తర్వాత ఎంత బలంగా వచ్చారో తాను కూడా అంత బలంగా రాజకీయాల్లోకి వస్తానన్నారు.