Andhra Pradesh

విద్యుదాఘాతానికి(Electrical shock) గురై ఇద్దరు రైతులు మృతిచెందారు. ఈ విషాద ఘటన కృష్ణాజిల్లా(Krishna dist)లో చోటుచేసుకుంది. వివరాల్లోకి వెళితే.. తోట్లవల్లూరు(Thotla valluru) మండలంలోని పాములలంక (Pamula lanka) కు చెందిన ఇద్దరు రైతులు పాముల విజయాంభ, పాముల చిరంజీవి సోమవారం మధ్యాహ్నం పసుపు తోటలో పిండి వేయటానికి వెళ్లారు.

తోటలో వేసిన కంచెకు విద్యుత్ ప్రసరించటంతో కంచికి తగిలి ఇద్దరు అక్కడికక్కడే మృతిచెందారు. సాయంత్రం అయినా విజయాంభ, చిరంజీవి ఇంటికి చేరుకోకపోవడంతో అనుమానం వచ్చిన కుటుంబసభ్యులు గ్రామస్థులతో కలిసి గాలింపు చర్యలు చేపట్టారు. ఎంతవెతికినా రాత్రి వరకూ వారి జాడ దొరకలేదు.

అర్ధరాత్రి 1.30గంటలకు విజయాంభ, చిరింజీవి మృతదేహాలను పొలంలో గుర్తించారు. దీంతో పొలానికి వేసిన కంచెకు కరెంట్ ను తొలగించి ఆ తర్వాత ఇరువురు మృతదేహాలను బయటకు తీసుకొచ్చారు.ఈ విషయాన్ని పోలీసులకు తెలపడంతో సంఘటన స్థలానికి చేరుకుని మృతదేహాలను పరిశీలించారు.

ఈ ఘటనలకు సంబంధించి గ్రామస్తులను వివరాలను అడిగి తెలుసుకున్నారు. అనంతరం పోస్టుమార్టం నిమిత్తం మృతదేహాలను స్థానిక ప్రభుత్వ ఆసుపత్రికి తరలించారు.  కేసు నమోదు చేసుకుని విచారణ చేస్తున్నట్లు పోలీసులు తెలిపారు. ఈ ఘటనతో పాములులంక గ్రామంలో తీవ్ర విషాదఛాయలు అలుముకున్నాయి.

విజయవాడ పండిట్ నెహ్రూ బస్టాండ్‌(Vijayawada bus stop)లో బస్సు బీభత్సం సృష్టించింది. ప్లాట్‌ఫాంపై బస్సు కోసం ఎదురుచూస్తున్న ప్రయాణికులపైకి దూసుకెళ్లింది. ఈ ప్రమాదం(Accident)లో ముగ్గురు ప్రయాణికులు బస్సు టైర్ల కింద పడి అక్కడికక్కడే దుర్మరణం చెందారు. బస్సు బ్రేకులు ఫెయిల్ కావడం వల్లే ఈ ప్రమాదం జరిగినట్లు తెలుస్తోంది.

విజయవాడ నుంచి గుంటూరు వెళ్లాల్సిన ఏసీ సర్వీసు బస్సు విజయవాడ ఆటోనగర్ డిపో నుంచి నెహ్రూ బస్టాండ్‌లోకి వచ్చింది. ఉన్నట్టుండి ప్లాట్‌ఫాం పైకి బస్సు అతివేగంగా దూసుకెళ్లింది. దీంతో ప్రయాణికులు భయంతో పరుగులు తీశారు. ఈ క్రమంలో బస్సు చక్రాల కింద పడి ముగ్గురు బలయ్యారు. ప్రమాదంలో తీవ్రంగా గాయపడిన బాలుడి పరిస్థితి విషమంగా ఉందని వైద్యులు తెలిపారు. బస్సు ప్రమాదం ధాటికి ప్రాంగణంలోని బారికేడ్లు,కుర్చీలు ధ్వంసమయ్యాయి. దుకాణాల్లోకి కూడా దూసుకెళ్లడంతో వస్తువులు చెల్లాచెదురుగా పడిపోయాయి.

బ్రేక్ పడకపోవడం వల్లే బస్సు దూసుకొచ్చిందని ప్రత్యక్ష సాక్ష్యులు చెబుతున్నారు. బస్టాండ్‌లో పరిస్థితిని అధికారులు పర్యవేక్షిస్తున్నారు. ఈ ప్రమాదంపై ఆర్టీసీ ఎండీ ద్వారకా తిరుమలరావు మీడియాతో మాట్లాడుతూ.. బస్సు ప్రమాదం దురదృష్టకరమన్నారు. ప్రమాదానికి గల కారణాలపై రెండు వాదనలు వినిపిస్తున్నాయని వెల్లడించారు. 24గంటల్లో పూర్తి విచారణ చేస్తామని చెప్పారు. మృతుల కుటుంబాలకు రూ.5లక్షల చొప్పున పరిహారం అందజేస్తామన్నారు. గాయపడిన వారి ఆసుపత్రి ఖర్చు ఆర్టీసీ భరిస్తుందని ఆర్టీసీ ఎండీ చెప్పారు.

ఈ ప్రమాద ఘటనపై టీడీపీ జాతీయ ప్రధాన కార్యదర్శి నారా లోకేష్ (TDP Leader Nara Lokesh) స్పందించారు. విజయవాడ పండిట్ నెహ్రూ బస్ స్టేషన్‌లో జరిగిన ప్రమాదంలో ముగ్గురు మృతిచెందడం బాధాకరమన్నారు. కాలంచెల్లిన బస్సుల కారణంగానే రాష్ట్రంలో తరచూ ప్రమాదాలు సంభవిస్తున్నాయని విరుచుకుపడ్డారు. వైసీపీ ప్రభుత్వం ఒక్క కొత్త బస్సును కొనుగోలు చేయలేదని దుయ్యబట్టారు.

నాలుగున్నరేళ్లుగా ఆర్టీసీ గ్యారేజీలకు ప్రభుత్వం నిధులివ్వడంలేదని ఆరోపించారు లోకేశ్. రిక్రూట్‌మెంట్ కూడా లేకపోవడంతో ఆర్టీసీ సిబ్బంది తీవ్ర ఒత్తిడికి గురవుతున్నారని తెలిపారు. ఈ ఘటనకు దీనికి జగన్ ప్రభుత్వమే పూర్తిగా బాధ్యత వహించాల్సి ఉందని తెలిపారు. మృతుల కుటుంబాలకు తన ప్రగాఢ సంతాపాన్ని వ్యక్తం చేశారు. ప్రమాద మృతుల కుటుంబాలకు, క్షతగాత్రులకు మెరుగైన పరిహారం అందించాలని నారా లోకేశ్ డిమాండ్ చేశారు.

సంక్రాంతి పండుగ(Sankranthi Festival) అంటే చాలు.. గొబ్బెమ్మలు.. రంగురంగుల ముగ్గులు.. పతంగులు.. కోళ్ల పందాలు గుర్తొస్తాయి కదా.. తెలుగు రాష్ట్రాల్లో ఈ పండుగ సందడి అంతా ఇంతా కాదు. మరీ ముఖ్యంగా ఏటా సంక్రాంతి పండుగకు ఏపీలోని గోదావరి జిల్లా(Godavari Dist) లో పెద్దఎత్తున కోళ్లపందాలు(Kolla Pandalu) జరుగుతాయి. పండుగ మూడు రోజుల పాటు పందాల పేరుతో కోట్ల రూపాయల నగదు చేతులు మారుతాయి.

సంక్రాంతి పండుగకు రెండు మూడు నెలల ముందు నుంచే గోదావరిజిల్లాలో రకరకాల పందెం కోళ్లను కొందరు ప్రత్యేకంగా పెంచుతారు. అయితే ఆ కోళ్లను పెంచే పెంపకం దారులకు ఇప్పుడు కంటిమీదకునుకు లేకుండా పోయింది. దానికి కారణం ఇటీవల పందెం కోళ్ల దొంగతనాలు జోరుగా జరుగుతున్నాయట.

పందాల కోసం పోటీ పడే పందెం కోళ్లు వేలల్లోనే కాదు.. లక్షల రూపాయలు పలుకుతాయి. ఒక జాతి పందెంకోడి పెంపకానికి సుమారు 25 వేల వరకు ఖర్చు అవుతుంది. అలా పెంచిన  కోడి పుంజులను వాటి రంగు, పోరాట పటిమ, ఎత్తు చూసి 50 వేల నుంచి 5 లక్షల వరకు వాటిని అమ్ముతారు. అయితే ప్రస్తుతం ఈ పందెం కోళ్లు పెంచుతున్న పెంపకం దారులు మాత్రం దొంగల బెడదతో తీవ్ర ఆందోళన చెందుతున్నట్లు తెలుస్తోంది.

ఎంతో కష్టపడి పెంచిన పుంజులను నూజివీడు పరిసర ప్రాంతాల్లో రాత్రికి రాత్రే దొంగలు ఎత్తుకెళ్లిపోతుండటంతో పెంపకం దారులు ఆందోళన చెందుతున్నారు. నూజివీడు మండలం రావిచర్లకు చెందిన మోత్కుమిల్లి శ్రీనివాసరావు దంపతులను దొంగలు కత్తితో బెదిరించి కోళ్ల ఫాంలో పెంచుతున్న రూ.4లక్షలు విలువ చేసే పందెం పుంజులను ఎత్తుకెళ్లారు. ఈ ఘటనపై పోలీసులు విచారణ చేపట్టారు. దొంగల బెడద లేకుండా సీసీ కెమెరాలు ఏర్పాటు చేసుకోవాలని పోలీసులు సూచిస్తున్నారు.