Breaking News

ఉత్తరాఖండ్‌‌లో సొరంగంలో చిక్కుకున్న కార్మికులను రక్షించేందుకు చేపట్టిన రెస్క్యూ ఆపరేషన్ కొనసాగుతోంది. కార్మికకులను రక్షించేందుకు అధికారులు గత ఐదు రోజులుగా తీవ్రంగా శ్రమిస్తున్నారు. ఇప్పటి వరకు ఒక్క కార్మికున్ని కూడా అధికారులు రక్షించలేకపోయారు. ఈ క్రమంలో సొరంగంలో చిక్కుకున్న కార్మికుల ఆరోగ్యంపై తీవ్ర ఆందోళనలు వ్యక్తం అవుతున్నాయి.

సొరంగంలో చిక్కుకున్న వారికి పైపుల ద్వారా ఆహారం, నీటిని, ఆక్సిజన్ అందిస్తున్నారు. అంతకు ముందు సొరంగం మరోసారి కూలడంతో రెస్క్యూ ఆపరేషన్ మరింత ఆలస్యం అవుతోందని అధికారులు తెలిపారు. ఈ క్రమంలో ఇతర కార్మికులు ఆందోళన వ్యక్తం చేశారు. వెంటనే టన్నెల్ వద్దకు చేరుకుని ఆందోళనకు దిగారు. దీంతో అధికారులు వారికి నచ్చ జెప్పి పంపించారు.

ఇది ఇలా వుంటే ఉత్తరఖండ్‌లో భూకంపం సంభవించింది. ఉత్తర కాశీలో గురువారం ఉదయం భూమి స్వల్పంగా కంపించింది. భూకంప తీవ్రత రిక్టర్ స్కేలుపై 3.1గా నమోదైనట్టు నేషనల్‌ సెంటర్‌ ఫర్‌ సీస్మోలజీ (NCS) వెల్లడించింది. భూమి లోపల 5 కిలో మీటర్ల లోతులో ప్రకంపనలు సంభవించినట్టు పేర్కొంది. రాజధాని డెహ్రడూన్ కు 140 కిలో మీటర్ల దూరంలో భూకంపం కేంద్రం ఉన్నట్టు తెలిపింది.

తెల్లవారు జామున భూమి కంపించడంతో ప్రజలు ఒక్కసారిగా భయాందోళనలకు గురయ్యారు. వెంటనే రోడ్లపైకి పరుగులు తీశారు. గత 15 రోజుల్లో ఇది మూడవ సారి కావడం గమనార్హం. అంతకు ముందు ఈ నెల 3న ఉత్తరాఖండ్‌లో భూమి కంపించింది. భూకంప కేంద్రం నేపాల్ లో ఉన్నట్టు అధికారులు వెల్లడించారు. మరోవైపు నవంబర్‌ 5న 3.2 తీవ్రతో భూమి కంపించింది. యమునా నది లోయ ప్రాంతాల్లో ప్రకంపణలు ఎక్కువగా వచ్చాయి.

నిజ్జర్ హత్య కేసు విచారణపై భారత విదేశాంగ మంత్రి ఎస్. జైశంకర్ (S.Jai Shankar) మరోసారి కీలక వ్యాఖ్యలు చేశారు. నిజ్జర్ హత్య కేసులో కెనడా (Canada) దర్యాప్తును తాము తోసిపుచ్చలేదని వెల్లడించారు. కానీ నిజ్జర్ హత్య కేసులో భారత ఏజెంట్ల పాత్ర ఉందని చేసిన ఆరోపణలకు సంబంధించి కెనడా ఇప్పటి వరకు తమతో ఎలాంటి సాక్ష్యాధారాలను పంచుకోలేదని ఆయన వెల్లడించారు.

లండన్‌లో స్థానిక మీడియాతో విదేశాంగ మంత్రి జైశంకర్ మాట్లాడారు. హింసాత్మక ధోరణికి, భారత్‌లో వేర్పాటు వాదాన్ని ప్రోత్సహించేలా తీవ్రమైన రాజకీయ అభిప్రాయాలకు కెనడా చోటు కల్పించినట్టు తాము భావిస్తున్నామని అన్నారు. వేర్పాటు వాదులకు కెనడాలో స్థానం కల్పించారని, వారి వేర్పాటు వాద భావాలను వెల్లడించేందకు కెనడా స్వతంత్ర్యం కల్పించిందన్నారు.

కెనడాలో భారత హై కమిషనర్ కార్యాలయంపై దాడి, భారత దౌత్యవేత్తలను బెదిరింపులకు గురి చేసినప్పుడు కెనడా స్పందించకపోవడాన్ని ఆయన తప్పుబట్టారు. భారత్, కెనడాలు ప్రజాస్వామ్య దేశాలని చెప్పారు. ప్రజాస్వామ్య దేశంలో వాక్ స్వాతంత్య్రం, భావ ప్రకటన స్వేచ్చా కూడా ఒక నిర్ధిష్టమైన బాధ్యతతో ఉంటాయని జై శంకర్ పేర్కొన్నారు.

ఆ స్వేచ్ఛను దుర్వినియోగం చేయడం, రాజకీయ స్వార్థ ప్రయోజనాల కోసం ఆయా హక్కులను ఉపయోగించుకోవడం సహించరాని నేరమని స్పష్టం చేశారు. కెనడాతో తాము చర్చలు జరిపినట్టు తెలిపారు. ఇప్పటికీ చర్చలు జరుపుతూనే ఉన్నామన్నారు. ఒక వేళ భారత్ పై అలాంటి ఆరోపణలు చేసేందుకు ఏదైనా కారణం ఉంటే, అలాంటి సాక్ష్యాధారాలను తమతో పంచుకోవాలని కోరుతున్నామన్నారు. కానీ ఇప్పటి వరకు కెనడా అలాంటి ఆధారాలు అందించలేదన్నారు.

కుల గణన పై కాంగ్రెస్ అగ్రనేత రాహుల్ గాంధీ (Rahul Gandhi) మరోసారి కీలక వ్యాఖ్యలు చేశారు. ఢిల్లీలో తమ ప్రభుత్వం ఏర్పడిన వెంటనే తొలి సంతకాన్ని కులగణనపైనే చేస్తామని వెల్లడించారు. ఇది స్వాతంత్ర్యం అనంతరం తీసుకున్న అత్యంత విప్లవాత్మక నిర్ణయం (Caste census) అని ఆయన అన్నారు. ఓబీసీలు ఎంత మంది ఉన్నారన్నది బయటకు రావాలన్నారు.

ఛత్తీస్‌గఢ్‌లోని బేమతరా జిల్లాలో నిర్వహించిన ఎన్నికల ప్రచార ర్యాలీలో రాహుల్ గాంధీ పాల్గొన్నారు. ఈ ర్యాలీలో ఆయన మాట్లాడుతూ… దేశంలో ఓబీసీలు, దళితులు, గిరిజనుల వాస్తవ జనాభా ఎంత ఉందో తెలియాలన్నారు. వారి నిజమైన శక్తి ఏంటో వెలుగులోకి వస్తే దేశంలో గణనీయమైన మార్పు వస్తుందని అన్నారు.

జనగణన చేపడితే స్వాతంత్ర్య వచ్చిన తర్వాత తీసుకున్న విప్లవాత్మక నిర్ణయం ఇదే అవుతుందన్నారు. ఛత్తీస్‌గఢ్‌లో తమ ప్రభుత్వం ఏర్పడితే కుల గణన చేపడుతామని హామీ ఇచ్చారు. ఓబీసీలకు హక్కులు ఇవ్వాల్సి వచ్చినప్పుడు అసలు ఓబీసీలే లేరని బీజేపీ నేతలు అంటారని ఆరోపించారు. ఓబీసీలు ఎంత మంది ఉన్నారనేది బయటకు రావాలన్నారు.

బీసీలు 10 శాతం, 20 శాతం లేదా 60 శాతం ఎంతైనా కానీ జనాభాలో బీసీల భాగస్వామ్యం చాలానే ఉందన్నారు. ప్రధాని మోడీ కుల గణన చేపట్టినా లేక పోయినా ఛత్తీస్‌గఢ్‌లో తమ ప్రభుత్వం అధికారంలోకి రాగానే కుల గణను చేపడుతామన్నారు. రాష్ట్రంలోని మహిళలందరికి ఆర్థిక సాయం కింద ప్రతి ఏటా రూ. 15000లను వారి అకౌంట్లలో జమ చేస్తామన్నారు. కేజీ నుంచి పీజీ వరకూ విద్యార్థులందరికీ ఉచిత విద్య అందించాలనే చారిత్రక నిర్ణయాన్ని బఘేల్ సర్కార్ తీసుకుందన్నారు.