Breaking News

అభివృద్ధిని చూసి ఓటేయాలని సూచించారు బీఆర్ఎస్ (BRS) వర్కింగ్ ప్రెసిడెంట్ కేటీఆర్ (KTR). సిరిసిల్లలోని పద్మనాయక కల్యాణ మండపంలో ఏర్పాటు చేసిన బీఆర్ఎస్ యువ ఆత్మీయ సమ్మేళనానికి హాజరయ్యారు. ఈ సందర్భంగా మాట్లాడుతూ.. కాంగ్రెస్ (Congress), బీజేపీ (BJP) వాళ్ళకు మాత్రమే అభివృద్ధి కనబడటం లేదని విమర్శించారు. కేవలం ఎన్నికలప్పుడు మాత్రమే ఓట్లు దండుకోవడానికే.. కుల, మతాల పేరుతో ముందుకు వస్తారని మండిపడ్డారు. కులం, మతం కాదు గుణం చూసి ఓటెయ్యాలని కోరారు.

‘‘అభివృద్ధి నా కులం, సంక్షేమం నా మతం.. నేను పని చేస్తాను అనుకుంటేనే నాకు ఓటెయ్యండి’’ అని అన్నారు కేటీఆర్. కేసీఆర్ న్యాయకత్వం మానేరును సజీవ ధారగా మార్చిందని తెలిపారు. దేశంలో ఎక్కడా లేని విధంగా సిరిసిల్లలో వర్కర్ టు ఓనర్ పథకాన్ని తీసుకొస్తున్నామని.. సంక్షేమం, అభివృద్ధి అన్ని రంగాల్లో పురోభివృద్ధిని సాదిస్తున్నామని చెప్పారు. ఇంతకష్టపడి సాధించుకుని.. ఓటుకు నోటు దొంగకు అప్పగిద్దామా? అని అడిగారు. మెడ మీద తల ఉన్నోడు ఎవడైనా అతడి చేతిలో రాష్ట్రాన్ని పెడతాడా అని ప్రశ్నించారు.

కాంగ్రెస్ దిక్కులేని స్థితిలో రాష్ట్రం ఇచ్చిందని.. ఇష్టపూర్వకంగా జరగలేదన్నారు కేటీఆర్. 55 ఏండ్లలో చేతకాలేదు కానీ, ఇప్పుడు అదిలేదు.. ఇదిలేదు అంటూ ఊకదంపుడు ఉపన్యాసాలు ఇస్తున్నారని ఆగ్రహం వ్యక్తం చేశారు. 60 ఎలక్షన్ అన్నపుడు ఆగం కాకుండా ఆచితూచి అడుగులు వేయండి.. విజన్ ఉన్న నాయకుడు ప్రతిపక్షంలో ఒక్కడైనా ఉన్నాడా? అని ప్రశ్నించారు. తెలంగాణలో రాష్ట్రాన్ని తెచ్చిన నాయకుడు సీఎంగా ఉన్నారని చెప్పారు. కాంగ్రెస్ కు 11 ఏళ్లు అధికారం ఇచ్చినా ఏం చేయలేదన్నారు.

యువత సోషల్ మీడియా ద్వారా బీఆర్ఎస్ కోసం పని చేయాలని సూచించారు కేటీఆర్. ప్రతి రోజు దినచర్య స్టార్ట్ అయ్యేది సోషల్ మీడియాతోనేనని చెప్పారు. సోషల్ మీడియాలో ఉన్నవి లేనట్టు.. లేనివి ఉన్నట్టు చూపిస్తున్నారని విమర్శించారు. యువత ప్రతిపక్షాల విమర్శలను తిప్పి కొట్టాలన్నారు. అభివృద్ధి చేయడానికి తమకు కేసీఆర్, కేటీఆర్ ఉన్నారని ఓటర్లకు చెప్పాలని కోరారు. ఒకప్పుడు బతుకమ్మ ఆడుకోవాలంటే ఒక కొలను తవ్వి బతుకమ్మలు వేసుకునే వాళ్లని.. ఇప్పుడు, 24 గంటలు తంగాళ్లపల్లి బ్రిడ్జి కింద నీళ్లు ఉంటున్నాయని తెలిపారు కేటీఆర్.

కొద్ది రోజుల క్రితం అసెంబ్లీకి పోటీ చేసే అభ్యర్థుల తొలి జాబితాను విడుదల చేసింది బీజేపీ (BJP). మొత్తం 52 మందితో ఫస్ట్ లిస్ట్ రిలీజ్ చేసింది. ఇందులో బీసీలతో పాటు కొందరు సీనియర్లకు స్థానం కల్పించింది. ముగ్గురు ఎంపీలు ఈసారి అసెంబ్లీ ఎన్నికల బరిలోకి దిగారు. కరీంనగర్ (Karimnagar) నుంచి బండి సంజయ్, బోథ్ నుంచి సోయం బాపూరావు, కోరుట్ల నుంచి ధర్మపురి అరవింద్ పోటీ చేస్తున్నారు. అయితే.. ఇంకొంతమంది సీనియర్ల పేర్లు లేకపోవడంతో బీజేపీ రెండో లిస్ట్ పై సర్వత్రా ఆసక్తి నెలకొంది. కానీ, అధిష్టానం ట్విస్ట్ ఇచ్చింది.

తాజాగా రెండో జాబితాను ప్రకటించింది బీజేపీ. ఈ మేరకు శుక్రవారం ప్రకటనను విడుదల చేసింది. అందులో కేవలం ఒకే ఒక్క అభ్యర్థి పేరును మాత్రమే వెల్లడించింది. మహబూబ్ నగర్ (Mahabubnagar) అసెంబ్లీ స్థానం నుంచి ఏపీ మిథున్ రెడ్డి (Mithun Reddy) ని ఖరారు చేసినట్లు తెలిపింది. ఈయన మాజీ ఎంపీ జితేందర్ రెడ్డి (Jitender Reddy) కుమారుడు.

నిజానికి, షాద్ నగర్ టికెట్ ఆశించారు మిథున్ రెడ్డి. అలాగే, మహబూబ్ నగర్ నుండి జితేందర్ రెడ్డి పోటీ చేయాలని అనుకున్నారు. కానీ, అధిష్టానం మహబూబ్ నగర్ సీటును ఆయన కుమారుడికి అప్పగించింది. దీంతో జితేందర్ రెడ్డిని ఎంపీగా పోటీ చేయించే ఆలోచనలో ఉన్నట్టుగా ప్రచారం జరుగుతోంది. ఇటీవల ప్రకటించిన 52 మంది అభ్యర్థుల తొలి జాబితాతో పార్టీలో లుకలుకలు బయటపడ్డారు. కొందరు నేతలు గుడ్ బై చెప్పారు. దీంతో ఆచితూచి అడుగులు వేస్తోంది అధిష్టానం.

The Central Election Committee of the Bharatiya Janata Party has decided one name for the ensuing General Elections to the Legislative Assembly of Telangana. pic.twitter.com/sMt3JwkHis

— BJP (@BJP4India) October 27, 2023

బీఆర్ఎస్ (BRS) పార్టీలో రోజురోజుకి అసంతృప్తి, గ్రూపు రాజకీయాలు బయట పడుతున్నాయి. ఇప్పటికే ముధోల్​ (Mudhol) సిట్టింగ్​ ఎమ్మెల్యే విఠల్​రెడ్డి (Vithal Reddy)పై ఆ పార్టీ సీనియర్​ నేతలు అసమ్మతి రాగం వినిపించారు. ఈ వ్యవహారం సద్దుమణగక ముందే మరో అసమ్మతి వర్గం నేతలు హైదరాబాద్​లో మకాం వేసి అధిష్టానానికి విఠల్​రెడ్డి పై వ్యతిరేకంగా ఫిర్యాదు చేయడం పార్టీ వర్గాలలో కలకలం సృష్టించింది.

తాజాగా ఈ నియోజకవర్గం నుంచి సుమారు 1500 మందికి పైగా నేతలు, కార్యకర్తలు కమలం గూటికి చేరారు. భైంసా ఏఎంసీ చైర్మన్ రాజేశ్ బాబు, పలువురు ప్రజాప్రతినిధులు, వారి కుటుంబ సభ్యులు, సీనియర్ లీడర్లు తో పాటు బీఆర్ఎస్ కార్యకర్తలు బీజేపీ (BJP)లో చేరారు. హైదరాబాద్​లో పార్టీ చీఫ్​ కిషన్​ రెడ్డి ఆధ్వర్యంలో బీజేపీ కండువాలు కప్పుకున్నారు. ఆదిలాబాద్ ఎంపీ సోయం బాపూరావు, ముధోల్ బీజేపీ అభ్యర్థి రామారావు పటేల్ ఆధ్వర్యంలో ఈ చేరికలు జరిగాయి.

మరోవైపు గత కొంత కాలంగా ఎన్నికల్లో విఠల్ రెడ్డికి టికెట్ ​ఇవ్వొద్దని ఇక్కడి నేతలు బీఆర్ఎస్ ముఖ్య నాయకులకు విన్నవించుకొంటున్నారు. ఈ విషయం మంత్రి కేటీఆర్ దృష్టికి కూడా వెళ్ళింది. ఇంత చెప్పిన కానీ విఠల్ కి టికెట్ కేటాయించడం నచ్చని నేతలు ఐదు రోజుల క్రితం బీఆర్ఎస్​కు మూకుమ్మడిగా రాజీనామా చేశారు.

అయితే ఈ పరిణామాలు గమనిస్తున్నరాజకీయ విశ్లేషకులు అసంతృప్తి వర్గం బీజేపీలో చేరితే ముధోల్ బీఆర్ఎస్ కి భారీ మూల్యం తప్పదని పేర్కొంటున్నారు. మొన్నటికి మొన్న కుంటాల మండలానికి చెందిన బీఆర్ఎస్ నేత రమణారావు సైతం రాజీనామా చేయడం, ఈ మండలానికి చెందిన నర్సాగౌడ్ రాజీనామా చేయడం పార్టీకి పెద్ద మైనస్ అంటున్నారు రాజకీయ నిపుణులు. ఏదేమైనా రాబోయే అసెంబ్లీ ఎన్నికలు చాలా రసవత్తరంగా సాగుతాయని జరుగుతున్న మార్పులను బట్టి తెలుస్తుంది..