Breaking News

కాంగ్రెస్ ( Congress) , దాని గమాండియా కూటమి కలిసి మన సంస్కృతిని, సనాతన ధర్మాన్ని నాశనం చేయాలని అనుకుంటున్నాయని ప్రధాని మోడీ (PM Modi) విరుచుకుపడ్డారు. అభివృద్ధి కోసం దేశం ప్రయత్నాలు చేస్తుంటే కాంగ్రెస్ మాత్రం దేశాన్ని వెనక్కి తీసుకు వెళ్లాలని చూస్తోందని మండిపడ్డారు. గతంలో డిజిటల్ ఇండియా ( Digital India) ను కాంగ్రెస్ వ్యతిరేకించిందన్నారు. కానీ ఇప్పడు మన యూపీఐని చూసి ఇండియా ఆశ్చర్యపోతోందన్నారు.

మధ్యప్రదేశ్ లోని భోపాల్ జంబోరీ మైదానంలో నిర్వహించిన ‘కార్యకర్తల మహా కుంభ్’లో ఆయన పాల్గొన్నారు. ఈ సందర్బంగా ఆయన మాట్లాడుతూ….. కాంగ్రెస్ అధికారంలోకి వస్తే రాష్ట్రాన్ని బిమారు (పేద రాష్ట్రం)గా మారుస్తుందన్నారు. దేశంలో ఆదివాసీ మహిళ ద్రౌపది ముర్మును రాష్ట్రపతి కాకుండా అడ్డుకోవాలని కాంగ్రెస్ ప్రయత్నాలు చేసిందని తీవ్రంగా మండిపడ్డారు.

ప్రజల నుంచి వచ్చిన ఒత్తిడి మేరకే కాంగ్రెస్ నేతలు మహిళా రిజర్వేషన్ బిల్లుకు మద్దతు ఇచ్చారని పేర్కొన్నారు. కాంగ్రెస్ వాళ్లంతా సంపన్నుల కుటుంబాల్లో పుట్టిన వాళ్లేనన్నారు. వాళ్లకు పేదవాళ్ల జీవితాలు ఒక పిక్నిక్ లాంటిదన్నారు. పేద, వెనుకబడిన, అణగారిన, బీసీ,ఎస్టీ, ఓబీసీలకు అభివృద్ధి ఫలాలు అందేలా బీజేపీ చేసిందన్నారు. కాంగ్రెస్ తన ప్రయోజనాల కోసం ప్రజలను పేదరికంలో మగ్గిపోయేలా చేశారన్నారు.

గడిచిన ఐదేండ్లలో బీజేపీ పాలనలో 13.5 కోట్ల మంది ప్రజలు పేదరికం నుంచి బయటపడ్డారన్నారు. నారీ శక్తి వందన్ అదినీయమ్ దేశంలో కొత్త చరిత్రను సృష్టించిందన్నారు. ఇది మేక్ ఇన్ ఇండియా, మధ్య ప్రదేశ్ ను అభివృద్ధి చేసే సమయమని పేర్కొన్నారు. ఇలాంటి కీలకమైన సమయంలో కాంగ్రెస్ లాంటి కుటుంబ పార్టీలకు అవకాశం ఇస్తే రాష్ట్రానికి భారీ నష్టం జరుగుతుందన్నారు. కాంగ్రెస్ తుప్పు పట్టిన ఇనుము లాంటిదన్నారు. వర్షం పడితే పూర్తిగా నాశనం అవుతుందని ఎద్దేవా చేశారు.

బాలీవుడ్ బ్యూటీ పరిణితి చోప్రా (Parinti Chopra) , ఆప్ ఎంపీ రాఘవ్ చద్దా (Raghav Chadha) వివాహ బంధంలోకి అడుగు పెట్టారు. పెద్దల సమక్షంలో మూడు ముళ్ల బంధంతో వారిద్దరూ ఒక్కటయ్యారు. తాజాగా తమ అభిమానుల కోసం రాఘవ్-పరణితిలు తమ వివాహ ఫోటోలను ఇన్ స్టాలో షేర్ చేశారు. దానికి అదిరిపోయే క్యాప్షన్ పెట్టారు. తాజాగా ఈ ఫోటోలు సోషల్ మీడియాలో వైరల్ అవుతున్నాయి.

బ్రేక్ ఫాస్ట్ టేబుల్ వద్ద మొదటి సంభాషణల నుంచి తమ హృదయాలకు తెలుసని క్యాప్షన్ లో పేర్కొన్నారు. అప్పటి నుంచి చాలా కాలంగా తాము ఈ రోజు కోసం ఎదురు చూస్తున్నామని అన్నారు.

చివరికి ఆ రోజు రానే వచ్చిందన్నారు. చివరకు తాము ఇద్దరం మిస్టర్ అండ్ మిసెస్ గా మారిపోయామన్నారు. తాము ఒకరు లేకుండా మరొకరు వుండలేమన్నారు. తమ దాంపత్య జీవితం ఈ రోజు నుంచి మొదలు అని రాసుకొచ్చారు.

రాజస్థాన్ లోని ఉదయ్ పూర్ లోని లీలా ప్యాలెస్ లో వీరి వివాహం అత్యంత ఘనంగా జరిగింది. వీరి వివాహానికి సీఎం కేజ్రీవాల్, పంజాబ్ సీఎం భగవంత్ సింగ్ మాన్, టెన్నిస్ క్రీడాకారిణి సానియా మిర్జాతో పాటు ఇతర రాజకీయ నాయకులు హాజరయ్యారు. వీరితో పాటు బాలీవుడ్ తారలు కూడా హాజరయ్యారు. వీరి జంటను ఇప్పుడు అంతా రాఘ్ నీతి అని పిలుస్తున్నారు.

ఈ వివాహానికి కరణ్ జోహార్ హాజరు కావాల్సి వుండగా చివరి నిమిషంలో గైర్హాజరయ్యారు. ఇక పరిణితి వివాహానికి ఆమె కజిన్ బాలీవుడ్ నటి ప్రియాంక చోప్రా హాజరవుతారని అంతా అనుకున్నారు.

కానీ బిజీ షెడ్యూల్ వల్ల ప్రియాంక చోప్రా ఈ వివాహానికి హాజరు కాలేకపోయారని ప్రియాంక తల్లి వెల్లడించారు. తాజాగా పరిణితి వివాహ ఫోటోలపై ఆమె కామెంట్ చేశారు. ఆ జంటకు తన ఆశీర్వాదాలు వుంటాయని రాసుకొచ్చారు.

మధ్య ప్రదేశ్‌ (Madhya Pradesh) లో ఘోర రోడ్డు ప్రమాదం చోటు చేసుకుంది. ఉమారియా జిల్లాలో కారు (Car) ఒకటి చెట్టును ఢీ కొట్టింది. ఈ ఘటనలో ఐదుగురు మృతి చెందారు. మజగావా గ్రామంలోని జాతీయ రహదారి 43పై ఉదయం 3 గంటల సమయంలో ప్రమాదం చోటు చేసుకున్నట్టు పోలీసులు వెల్లడించారు. ప్రయాణికులు ఉమారియా నుంచి షహడోల్ కు వెళుతుండగా ప్రమాదం చోటు చేసుకున్నట్టు పోలీసులు వెల్లడించారు.

ఉమారియా నుంచి వేగంగా వస్తున్న కారు మజగావా గ్రామానికి చేరుకోగానే చెట్టును ఢీ కొట్టిందని ఏఎస్ఐ శైలేంద్ర చతుర్వేది తెలిపారు. ఘటనలో ముగ్గురు అక్కడికక్కడే మరణించినట్టు పేర్కొన్నారు. మరో ఇద్దరికి తీవ్రగాయాలయ్యాయన్నారు. దీంతో వారిని ఆస్పత్రికి తరలించగా చికిత్స పొందుతూ మృతి చెందారని చెప్పారు. మృతులంతా 30 నుంచి 35 మధ్య వయస్సు వారేనన్నారు.

మరోవైపు ఖర్గోనే జిల్లాలో ఘోర రోడ్డు ప్రమాదం చోటు చేసుకుంది. కాసర్ వాడ్ ప్రాంతంలో ఆగి వున్న ట్రక్కును బీజేపీ కార్యకర్తలు ప్రయాణిస్తున్న బస్సు ఢీ కొట్టింది. ఈ ఘటనలో 39 మంది బీజేపీ కార్యకర్తలకు తీవ్ర గాయాలయ్యాయి. భోపాల్ లో జరుగుతున్న ‘కార్యకర్త మహకుంభ’ కార్యక్రమానికి వెళుతుండగా ఈ ప్రమాదం చోటు చేసుకుందని పోలీసులు తెలిపారు.

క్షతగాత్రులను సమీపంలోని ఆస్పత్రికి తరలించినట్టు చెప్పారు. కార్యకర్తలంతా రూప్ ఘర్, కాప్రాజ్ మలి, రాయ్ సాగర్ ప్రాంతాలకు చెందిన వారిగా పోలీసులు వెల్లడించారు. రాష్ట్రవ్యాప్తంగా నిర్వహించిన జన్ ఆశీర్వాద్ యాత్ర అధికారిక ముగింపు, జన సంఘ్ సహ వ్యవస్థాపకుడు దీన్ దయాళ్ ఉపాధ్యాయ జయంతి సందర్బంగా కార్యకర్త మహాకుంభ్ నిర్వహిస్తున్నట్లు పార్టీ నేతలు చెప్పారు.

చత్తీస్ గఢ్‌ (Chattisgadh) లో మరో ప్రతిష్టాత్మక పథకాన్ని కాంగ్రెస్ (Congress) ప్రారంభించనుంది. బిలాస్ పూర్‌ జిల్లాలో ముఖ్యమంత్రి గ్రామీణ్ ఆవాస్ న్యాయ యోజనా ను కాంగ్రెస్ అగ్రనేత రాహుల్ గాంధీ (Rahul Gandhi) ప్రారంభించనున్నారు. ఈ పథకం కింద గ్రామీణ ప్రాంతాల్లో ఇళ్లు లేని నిరుపేద ప్రజలకు ఆర్థిక సహాయాన్ని అందించనున్నారు.

ఈ పథకం కింద లబ్దిదారులకు మొదటి విడత ఆర్థిక సహాయాన్ని రాష్ట్ర ముఖ్యమంత్రి భూపేశ్ బాఘేల్ పంపిణీ చేయనున్నారు. మొదటి విడత కింద లబ్దిదారులకు రూ. 25000లను ముఖ్యమంత్రి పంపిణీ చేయనున్నారు. మొత్తం 1,30,000 మంది లబ్దిదారులను ఈ పథకం కింద ఎంపిక చేశారు. బిలాస్ పూర్ జిల్లాలోని సాక్రి గ్రామంలో తక్త్ పూర్ గ్రామంలో ఈ కార్యక్రమాన్ని నిర్వహించనున్నట్టు అధికారులు వెల్లడించారు.

మొత్తం 1.30 లక్షల మంది లబ్దిదారుల్లో 1 లక్ష మందిని ప్రధాన మంత్రి ఆవాస్ యోజన కింద పర్మినెంట్ వెయిటింగ్ లిస్టులో పెట్టారు. మరోవైపు ముఖ్యమంత్రి నిర్మాణ్ శ్రామిక్ ఆవాస్ సఖ్యత యోజనా కింద 500 మంది లబ్దిదారుల అకౌంట్లలో రూ. 5 కోట్లు జమచేయనున్నారు. ఈ ఏడాది మే నెలలో ఈ పథకాన్ని ప్రభుత్వం ప్రారంభించింది.

ఈ పథకం కింద నమోదు చేసుకున్న చత్తీస్ గఢ్ బిల్డింగ్, నిర్మాణ కార్మికుల సంక్షేమ సంఘం కార్మికులకు ఇళ్ల నిర్మాణం కోసం రూ. 1 లక్ష చొప్పున ఆర్థిక సహాయాన్ని అందించనున్నారు. దీంతో పాటు బిలాస్ పూర్ జిల్లాలో రూ. 524.33 కోట్లు విలువ చేసే పలు అభివృద్ది పనులను రాహుల్ గాంధీ, భూపేశ్ బాఘేల్ శంకుస్థాపన చేయనున్నారు. జిల్లాలో నూతనంగా నియమితులైన 2594 మంది ఉపాధ్యాయులకు అపాయింట్ మెంట్ లెటర్లు అందించనున్నారు.

కాంగ్రెస్ (Congress) అగ్రనేత రాహుల్ గాంధీ (Rahul Gandhi) కి ఏఐఎంఐఎం చీఫ్, ఎంపీ అసదుద్దీన్ ఓవైసీ (Asaduddin Owaisi) సవాల్ విసిరారు. దమ్ముంటే రాబోయే ఎన్నికల్లో కేరళలోని వయనాడ్ నుంచి కాకుండా హైదరాబాద్ నుంచి పోటీ చేయాలని సవాల్ చేశారు. యూపీలోని బాబ్రీ మసీదు కాంగ్రెస్ హయాంలోనే కూల్చి వేశారని ఆయన గుర్తు చేశారు. హైదరాబాద్ లో బహిరంగ సభలో అన్నారు.

మీ అగ్రనేత రాహుల్ గాంధీకి నేను సవాల్ విసురుతున్నానన్నారు. రాబోయే లోక్ సభ ఎన్నికల్లో వయనాడ్ నుంచి కాకుండా హైదరాబాద్ నుంచి పోటీ చేయాలని సవాల్ చేస్తున్నానన్నారు. మీరు పెద్ద పెద్ద స్టేట్ మెంట్స్ ఇస్తున్నారంటూ మండిపడ్డారు. దమ్ముంటే మైదానంలోకి రావాలని, తనపై ఎన్నికల్లో పోటీ చేసి గెలవాలని ఆయన సవాల్ చేశారు.

కాంగ్రెస్ నేతలు ఎన్నో కథలు చెబుతారన్నారు. కానీ బాబ్రీ మసీదు, సెక్రటేరియట్ లోని మసీదు కూల్చి వేత కాంగ్రెస్ హయాంలోనే జరిగిందన్నారు. దీనిపై చర్చకు రెడీ అన్నారు. ఇటీవల తుక్కుగూడలో జరిగిన విజయభేరి సభలో ఎంఐఎంపై కాంగ్రెస్ అగ్రనేత రాహుల్ గాంధీ తీవ్రంగా విరుచుకుపడ్డారు. తెలంగాణలో కాంగ్రెస్ కేవలం బీఆర్ఎస్ తో పోరాడటం లేదన్నారు.

తెలంగాణలో తమ పార్టీ బీఆర్ఎస్, బీజేపీ, ఎంఐఎంలపై పోరాడుతోందన్నారు. తామంతా భిన్న పార్టీలని ఆ మూడు పార్టీలు చెప్పుకుంటాయన్నారు. కానీ ఆ మూడు పార్టీలు కలిసే పని చేస్తాయని ఫైర్ అయ్యారు. మోడీ సర్కార్ అందరిపై సీబీఐ-ఈడీ కేసులు పెడుతోందన్నారు. కానీ తెలంగాణ సీఎం, ఎంఐఎం అధ్యక్షునిపై మాత్రం ఎలాంటి కేసులు పెట్టడం లేదని ఆరోపించారు.

టాలీవుడ్ (Tollywood) బ్యూటీ సమంత (Samantha) ఒకప్పుడు టాప్ హీరోయిన్ గా కొనసాగారు. స్టార్ హీరోలతో నటించి మంచి హిట్స్ అందుకున్నారు. చేతి నిండా సినిమాలతో ప్రొఫేషనల్ లైఫ్ లో బిజి బిజీగా గడిపారు.

కానీ ఇటీవల ఈ భామ తన సినీ కెరీర్ కు కాస్త బ్రేక్ ఇచ్చి పర్సనల్ లైఫ్‌‌పై ఫోకస్ పెట్టింది. అన్ని సమస్యలను పక్కకు పెట్టి ట్రావెలింగ్ లో బిజీగా గడుపుతోంది.

చిన్న తనం నుంచి ఎన్నో ప్రదేశాలను చూడాలని అనుకున్నారు. కానీ స్కూల్ లైఫ్, ఆ తర్వాత ప్రొఫెనల్ లైఫ్ వల్ల ఆమె ఆ ప్రదేశాలను చూడ లేకపోయారు. కానీ ఇప్పుడు కాస్త బ్రేక్ దొరకడంతో ఆ సమయాన్ని తన చిన్న నాటి ఆకాంక్షలను నెరవేర్చుకునే పనిలో పడ్డారు సామ్.

తాజాగా అమ్మడు ఆస్ట్రియాలో ఆనందంగా గడిపారు. సాల్ బర్గ్ లోని తనకు ఎంతో ఇష్టమైన లొకేషన్స్ లో తిరుగుతూ ఫుల్ ఎంజాయ్ చేశారు. తనకు ఎప్పుడైనా ఆనందం కలిగినా లేదా బాధ కలిగినా సౌండ్ ఆఫ్ మ్యూజిక్ చిత్రాన్ని చూడటం తనకు చిన్నప్పటి నుంచి అలవాటన్నారు.

ఆ చిత్రాన్ని చూస్తూ ఈ ప్రపంచం నుంచి తప్పించుకునేదాన్ని అని చెప్పారు. ఆ చిత్రాలు తనను వాస్తవ ప్రపంచానికి దూరంగా తనను తీసుకు వెళ్లేదన్నారు. అది తనకు ఒక ఆధ్మాత్మిక ప్రదేశమన్నారు.

ఇటీవల సమంత మయోసైటిస్ బారిన పడ్డారు. కొంత కాలంగా ఇమ్యూనిటీ డిజాస్టర్ ఇబ్బంది పడుతున్నారు. చికిత్స పూర్తయిన తర్వాత తన గత ప్రాజెక్టులన్నింటినీ ఆమె పూర్తి చేశారు. ఈ క్రమంలోనే తాజాగా తన ప్రొఫెనల్ లైఫ్ నుంచి కాస్త బ్రేక్ తీసుకున్నారు.