Breaking News

తలసాని శ్రీనివాస్ యాదవ్ (Talasani Srinivas Yadav).. బీఆర్ఎస్ (BRS) పార్టీలో కీలక నేత. పశుసంవర్ధక, మత్స్య, పాడి పరిశ్రమాభివృద్ధి, సినిమాటోగ్రపీ శాఖలకు మంత్రిగా ఉన్నారు. ఇన్ని శాఖలను మెయింటెన్ చేయడం కష్టంగా మారిందో ఏమోగానీ.. కేటీఆర్ (KTR) ప్రోగ్రాంలో తెగ చిరాకుపడ్డారు. అదీ ఎంతవరకు అంటే.. పార్టీలో కీలక నేత కాలర్ పట్టుకునేంత. అవును.. మంత్రి తలసాని శ్రీనివాస్.. ఓ లీడర్ కాలర్ పట్టుకుని కొడుతున్నట్టు ఉన్న వీడియో ప్రస్తుతం వైరల్ అవుతోంది.

శనివారం అట్టహాసంగా హైదరాబాద్ లో స్టీల్ బ్రిడ్జి ప్రారంభోత్సవం జరిగింది. మంత్రి కేటీఆర్ చేతులమీదుగా ప్రారంభమైన ఈ కార్యక్రమానికి బీఆర్ఎస్ కు చెందిన కీలక నేతలు హాజరయ్యారు. అయితే.. ఓ నేత కేటీఆర్ పక్కనే నడుస్తూ కనిపించారు. ఇది మంత్రి తలసానికి ఏమాత్రం నచ్చలేదు. నా ముందే నడుస్తావా అంటూ అత్యుత్సాహం ప్రదర్శించారు.

కుక్క తోక వంకర అని ఊరికే అన్నరా? పార్టీ మారినంతమాత్రాన పుట్టుకతో వచ్చిన రౌడీ లక్షణాలు పోతాయా? నీ రౌడీ మొహంలో నా చెప్పు.. Shame on you Talasani Srinivas Yadav.

Shame on @KTRBRS for having this kind of asshole in the government. https://t.co/FXPmucvGv2

— K.K. (@kkxed) August 20, 2023

కేటీఆర్‌ నెనుక నడుస్తున్న సమయంలో తనకంటే ముందున్న లీడర్ కాలర్ పట్టుకుని లాగి చెంప దెబ్బ కొట్టారు తలసాని. అంతేకాదు, తీవ్రస్థాయిలో విరుచుకుపడ్డారు. ఆయన.. బైంసా అగ్రికల్చర్‌ మార్కెట్‌ కమిటీ చైర్మన్‌ జాదవ్‌ రాజేష్‌ గా ప్రచారం జరుగుతోంది. ఈ ఘటనకు సంబంధించిన వీడియోను బీఆర్ఎస్ పార్టీకి చెందిన వారే వాట్సాప్ లో బయటపెట్టారు. ఇది, మెల్లమెల్లగా ఇతర గ్రూపులకు చేరింది. తర్వాత సోషల్ మీడియాకు ఎక్కింది. దీంతో తలసానిపై తీవ్ర విమర్శలు చేస్తున్నారు నెటిజన్స్.

BRS leader and Telangana state minister "Talasani Srinivas Yadav" slapped a man at an inauguration function held in the state.
They Are raised by public and this is their behavior towards public.
Having ministry in hand doesn't mean you can do anything.
Have Good behavior.#BRS pic.twitter.com/PtB0E0NyD3

— OmPrakash (@im_omprakashh) August 20, 2023

సొంత పార్టీకి చెందిన నేతపై ఇలాగేనా ప్రవర్తించేది అని మంత్రిని నిలదీస్తున్నారు. కొందరైతే.. ఉద్యమ నేపథ్యాన్ని గుర్తు చేస్తున్నారు. తెలంగాణ ఉద్యమ సమయంలో తలసాని టీడీపీలో ఉన్నారు. దాన్ని గుర్తు చేస్తూ.. స్వరాష్ట్రం కోసం ఉద్యమంలో పని చేయని తలసాని.. కేటీఆర్ సమక్షంలోనే సొంత పార్టీ నేతపై ఇలా దురుసుగా ప్రవర్తించారంటే.. ఎంతగా డామినేట్ చేస్తున్నారో అర్థం అవుతోందని కామెంట్స్ పెడుతున్నారు. బీఆర్ఎస్ ముమ్మాటికీ ఉద్యమ పార్టీ కాదని అంటున్నారు.

మాజీ ప్రధాని రాజీవ్ గాంధీ (Rajiv Gandhi) జయంతి సందర్భంగా సోమాజిగూడలో ఆయన విగ్రహానికి పూలమాల వేసి నివాళులర్పించారు కాంగ్రెస్ (Congress) నేతలు. ఈ కార్యక్రమంలో రాష్ట్ర పార్టీ వ్యవహారాల ఇంచార్జ్ మాణిక్ రావు థాక్రే (Manikrao Thakrey), టీపీసీసీ చీఫ్ రేవంత్ రెడ్డి (Revanth Reddy), జగ్గారెడ్డి (Jaggareddy), వీహెచ్ (VH) సహా ఇతర నేతలు, కార్యకర్తలు పాల్గొన్నారు. రాజీవ్ గాంధీ సేవలను గుర్తు చేసుకున్నారు. ఈ సందర్భంగా రేవంత్ రెడ్డి మాట్లాడుతూ.. బీజేపీ, బీఆర్ఎస్ పై మండిపడ్డారు. ఆ రెండు పార్టీలు ఒకే నాణానికి బొమ్మ, బొరుసు లాంటివని విమర్శించారు.

దేశ సంపదను తన మిత్రులకు మోడీ (Modi) దోచిపెడుతుంటే.. రాష్ట్ర సంపదను కేసీఆర్ (KCR) తన కుటుంబ సభ్యులకు ఇస్తున్నారని ఆరోపించారు రేవంత్. ఈ రెండు పార్టీలది ఫెవికాల్ బంధమని.. అందుకే, వీటిని తరిమికొట్టాలని పిలుపునిచ్చారు. దేశ స్వాతంత్ర్యం కోసం పోరాడింది కాంగ్రెస్ అయితే.. బ్రిటీష్ పాలకుల్లా విభజించు పాలించు విధానాన్ని అమలు చేస్తున్న చరిత్ర బీజేపీదని ఆరోపించారు. ఇందుకు మణిపూర్ ఘటనే నిదర్శనమని తెలిపారు. అసెంబ్లీలో మణిపూర్ ఇష్యూపై పల్లెత్తి మాట మాట్లాడని బీఆర్ఎస్.. దేశం కోసం ప్రాణ త్యాగం చేసిన కాంగ్రెస్ ను తిట్టడమే పనిగా పెట్టుకుందని మండిపడ్డారు.

యువతకు 18 ఏళ్లకే ఓటు హక్కును కల్పించిన ఘనత రాజీవ్ గాంధీకి దక్కుతుందన్నారు రేవంత్. అలాగే, గ్రామ పంచాయతీలను బలోపేతం చేయడం, మహిళలకు రిజర్వేషన్లు కల్పించడంతో పాటు సాంకేతిక విప్లవం తీసుకొచ్చింది ఆయనేనని గుర్తుచేశారు. రాజీవ్ చేసిన కృషితోనే ఐటీ ఇంత అభివృద్ధి చెందిందన్నారు. పిన్న వయసులోనే ప్రధానిగా బాధ్యతలు చేపట్టి యువతకు ఆదర్శంగా నిలిచారని.. టెలికాం రంగంలో మార్పులు తెచ్చి అందరికీ అందుబాటులోకి తీసుకొచ్చారని వివరించారు.

రాజ్యాంగ సవరణల ద్వారా సర్పంచ్, జెడ్పీటీసి ఎంపీటీసీలను బలోపేతం చేశారని తెలిపారు. మహిళలకు స్థానిక సంస్థల్లో 50 శాతం రిజర్వేషన్ తీసుకొచ్చారని పేర్కొన్నారు. దేశ స్వాతంత్ర్యం కోసం కాంగ్రెస్ పోరాటం చేసిందని.. ప్రధానిగా నెహ్రూ.. హరిత విప్లవం, పంచవర్ష ప్రణాళికలతో దేశ అభ్యున్నతికి కృషి చేశారని వివరించారు. అలాగే, ఇందిరాగాంధీ బ్యాంకులను జాతీయం చేయడం, పేదలకు భూముల పట్టాలు ఇప్పించారని అన్నారు. పాక్ పై యుద్ధం చేసి బంగ్లాదేశ్ కు స్వాతంత్ర్యం సాధించి పెట్టారని వివరించారు. పేదల కోసం గాంధీ కుటుంబం ప్రాణ త్యాగం చేసిందని తెలిపారు రేవంత్.

హైదరాబాద్ (Hyderabad) లో మరోసారి వరుస అగ్నిప్రమాదాలు జరుగుతున్నాయి. ఈమధ్య హబ్సిగూడ చౌరస్తాలో దుస్తుల షోరూమ్ లో అగ్నిప్రమాదం (Fire Accident) జరగగా.. తాజాగా రాజేంద్రనగర్ (Rajendra Nagar) సర్కిల్ పరిధిలోని మైలార్ దేవ్ పల్లి (Mailardevpally) లోని టాటానగర్ లో మంటలు చెలరేగాయి. పరుపులు తయారు చేసే గోదాములో మంటలు ఉవ్వెత్తున ఎగిసిపడ్డాయి.

షార్ట్ సర్క్యూట్ కారణంగా ప్రమాదం జరిగినట్టు చెబుతున్నారు. మంటలను చూసి కార్మికులు బయటకు పరుగులు తీశారు. దటమైన పొగలు ఆ ప్రాంతాన్ని కమ్మేశాయి. చుట్టుపక్కల జనం కూడా భయాందోళనకు గురయ్యారు. స్థానికుల సమాచారం మేరకు పోలీసులు (Police) అగ్నిమాపక సిబ్బందితో కలిసి స్పాట్ కు చేరుకున్నారు. రెండు ఫైరింజన్లతో అగ్నిమాపక సిబ్బంది మంటలను అదుపులోకి తీసుకొచ్చారు.

ఈ గోడౌన్ ఫాహిం అనే వ్యక్తిదిగా గుర్తించారు. ప్రమాదంతో దాదాపు రూ.15 లక్షల ఆస్తి నష్టం జరిగినట్లు చెబుతున్నారు. బ్లాంకెట్ గోడౌన్‌ లో భారీగా మంటలు ఎగసిపడ్డాయి. దాదాపు వెయ్యి గజాల స్థలంలో ఈ గోదాము ఉంది. కేసు నమోదు చేసుకున్న పోలీసులు విచారణ చేస్తున్నారు. నగరంలో చాలా వరకు ఫైర్ సేప్టీ జాగ్రత్తలు లేకుండానే షాపులు, ఆఫీసులు, పరిశ్రమలు ఏర్పాటు చేస్తున్నారు. దీనివల్ల తరచూ అగ్నిప్రమాదాలు జరుగుతున్నాయి.

సాధారణంగా వేసవిలో అగ్నిప్రమాదాలు ఎక్కువగా జరుగుతుంటాయి. కానీ, ప్రస్తుతం వానా కాలంలోనూ కలకలం రేపుతున్నాయి. దీనికి ఫైర్ సేఫ్టీ జాగ్రత్తలు తీసుకోకపోవడమే ప్రధాన కారణంగా చెబుతున్నారు అగ్నిమాపక సిబ్బంది.

వాయవ్య బంగాళాఖాతం, పరిసర ప్రాంతాల్లో అల్పపీడన ద్రోణి ఏర్పడింది. రెండు, మూడు రోజుల్లో ఇది పశ్చిమ వాయవ్య దిశలో ఉత్తర ఒడిశా-ఉత్తర ఛత్తీస్‌ గఢ్‌ వైపు వెళ్లే అవకాశముంది. దీని ప్రభావంతో రాబోయే రెండు రోజులపాటు తెలంగాణలో వర్షాలు పడతాయని వాతావరణశాఖ అధికారులు తెలిపారు. ఆదిలాబాద్‌, ఆసిఫాబాద్‌, మంచిర్యాల, నిర్మల్‌, నిజామాబాద్‌, జగిత్యాల, సిరిసిల్ల, కరీంనగర్‌, పెద్దపల్లి జిల్లాల్లో భారీ వర్షాలు కురిసే అవకాశాలు ఉన్నాయని అని అంచనా వేశారు.

నిజామాబాద్‌ జిల్లాలో శుక్రవారం అర్ధరాత్రి నుంచి ఎడతెరపి లేకుండా వర్షం కురుస్తోంది. జిల్లాలో వ్యాప్తంగా అన్ని మండలాల్లో జోరు వాన పడుతోంది. లోతట్టు ప్రాంతాలు జలమయమయ్యాయి. పలు చోట్ల ఇండ్లలోకి నీరు చేరింది. భారీ వర్షాల నేపథ్యంలో ప్రభుత్వ ప్రధాన కార్యదర్శి శాంతి కుమారి.. జిల్లా అధికారులను అప్రమత్తం చేశారు. ప్రజలు జాగ్రత్తగా ఉండాలని సూచించారు.

వర్షాల నేపథ్యంలో వాగులు వంకలు ఉప్పొంగి ప్రవహిస్తున్నాయి. గోదావరి నదిలో ప్రవాహం పెరిగింది. దీంతో అధికారులు అప్రమత్తమయ్యారు. నదీ పరివాహక ప్రాంతాలను అప్రమత్తం చేస్తున్నారు.

శ్రీరామ్ సాగర్ ప్రాజెక్టుకు భారీగా వరద వచ్చి చేరుతోంది. శనివారం ఉదయం వరకు మొత్తం 50,925 క్యూసెక్కుల వరద నీరు ప్రాజెక్టులోకి వచ్చి చేరింది. ప్రాజెక్టు పూర్తిస్థాయి కెపాసిటి 90 టీఎంసీలకు గాను 84.810 టీఎంసీల నీరు నిల్వ ఉంది. ఎగువ నుంచి భారీగా వరద వచ్చి చేరుతుండటంతో ప్రాజెక్టు గేట్లను ఎత్తివేస్తామని అధికారులు హెచ్చరికలు జారీ చేశారు. దిగువన నదీ పరివాహక ప్రాంతంలోని ప్రజలు అప్రమత్తంగా ఉండాలని సూచించారు.

విశ్వనగరంగా హైదరాబాద్ (Hyderabad) ఎదగాలంటే కులాలకు, మతాలకు అతీతంగా ఉండాలన్నారు మంత్రి కేటీఆర్ (KTR). హైదరాబాద్ ఇందిరాపార్క్ నుంచి వీఎస్టీ వరకు రూ.450 కోట్లతో నిర్మించిన స్టీల్‌ బ్రిడ్జిని ప్రారంభించారు. ఈ కార్యక్రమంలో మంత్రులు తలసాని శ్రీనివాస్‌ యాదవ్‌, మహమూద్‌ అలీ, ఎంపీ కేశవరావు, జీహెచ్‌ఎంసీ మేయర్‌ విజయలక్ష్మి, ఎమ్మెల్యే ముఠాగోపాల్‌ సహా పలువురు పాల్గొన్నారు. ఈ సందర్భంగా కేటీఆర్ మాట్లాడుతూ.. ప్రతిపక్షాలపై మండిపడ్డారు. హైదరాబాద్ అభివృద్ధి గురించి వివరించారు.

గతంలో నగరంలో కర్ఫ్యూలు ఉండేవని.. ఇప్పుడు అలాంటివి లేవన్నారు. పొరపాటు చేస్తే హైదరాబాద్ వందేళ్లు వెనక్కి పోతుందని.. కొంతమంది మతం పేరుతో చిచ్చుపెట్టేలా చేస్తున్నారని ధ్వజమెత్తారు. అటువంటి వారిని పట్టించుకోవద్దన్న ఆయన.. పనిచేసే, పనికొచ్చే ముఖ్యమంత్రి కేసీఆర్‌ ను హ్యాట్రిక్ సాధించేలా ఆశీర్వదించాలని కోరారు. నాయిని నర్సింహారెడ్డి కార్మిక పక్షపాతిగా, తెలంగాణ తొలి హోంమంత్రిగా పనిచేశారని.. అందుకే, ఈ స్టీల్ బ్రిడ్జికి ఆయన పేరు పెట్టాలని కేసీఆర్ చెప్పారన్నారు.

ట్యాంక్ బండ్‌ ను తీర్చిదిద్దాం, లోయర్, అప్పర్ ట్యాంక్ బండ్‌ ను అంతర్జాతీయ ప్రమాణాలతో తీర్చిదిద్దుతామని తెలిపారు కేటీఆర్. కులాలకు, మతాలకు అతీతంగా అందరినీ సమానంగా చూసే వ్యక్తి కేసీఆర్ అని పేర్కొన్నారు. ఒకప్పుడు ఆర్టీసీ క్రాస్ రోడ్‌ లో అందరం సినిమాలు చూసిన వాళ్ళమే.. విడుదల అయినప్పుడు భారీగా ట్రాఫిక్ జామ్ అయ్యేది అని గుర్తు చేశారు. ఈ బ్రిడ్జి నిర్మాణంతో ఇకపై ట్రాఫిక్ కష్టాలు ఉండవన్నారు. ఇది ట్రైలర్ మాత్రమే.. ఫుల్ మూవీ ముందుందని.. ఆర్టీసీ క్రాస్ రోడ్‌ లో సినిమా చూడడం కాదు.. ప్రతిపక్షాలకు సినిమా చూపెట్టండి అని కార్యకర్తలకు పిలుపునిచ్చారు. అనంతరం ప్రత్యేకంగా ఏర్పాటు చేసిన ఓపెన్ జీపులో స్టీల్ బ్రిడ్జ్‌ పై కేటీఆర్ ప్రయాణించారు.

స్టీల్ బ్రిడ్జి విశేషాలు

దక్షిణ భారతదేశంలోనే అతి పెద్ద స్టీల్ బ్రిడ్జి ఇది. ఇందిరా పార్క్ నుంచి వీఎస్టీ వరకు మొత్తం 2.62 కిలోమీటర్ల మేర నిర్మించారు. మొత్తం 81 స్తంభాలతో నిర్మించబడింది. రూ.450 కోట్లు వెచ్చించారు. ఎస్‌ఆర్‌డీపీ కింద నగరంలో నిర్మించిన 20వ ఫ్లైఓవర్ ఇది. ఈ బ్రిడ్జి నిర్మాణంతో అశోక్ నగర్, ఆర్టీసీ క్రాస్ రోడ్స్, ఇందిరా పార్క్ వద్ద ట్రాఫిక్ సమస్యలు తీరనున్నాయి.