Breaking News

ఈమధ్య మహబూబ్ నగర్ కు చెందిన కొందరు నేతలు కాంగ్రెస్ లో చేరారు. ఆ సందర్భంలో మంత్రి శ్రీనివాస్ గౌడ్ (Srinivas Goud) పై తీవ్ర వ్యాఖ్యలు చేశారు టీపీసీసీ చీఫ్ రేవంత్ రెడ్డి (Revanth Reddy). తాజాగా ఆ వ్యాఖ్యలపై స్పందించారు మంత్రి. హైదరాబాద్ (Hyderabad) రవీంద్ర భారతిలో సర్దార్ సర్వాయి పాపన్న జయంతి వేడుకలు జరిగాయి. ఇందులో పాల్గొన్న శ్రీనివాస్ గౌడ్ ప్రసంగిస్తూ.. బీసీ మంత్రులను చూసి రేవంత్ రెడ్డి ఓర్వలేకపోతున్నారని మండిపడ్డారు.

ముగ్గురు బీసీ మంత్రులపై రేవంత్ కుట్రలకు పాల్పడుతున్నారని ఆరోపించారు. బీసీలను కించపరిస్తే సహించేది లేదని.. రాజకీయంగా అణగదొక్కుతామని వార్నింగ్ ఇచ్చారు. బీసీ మంత్రులపై కోవర్టు ఆపరేషన్ చేస్తున్నారని అన్నారు. గతంలో సర్వాయి పాపన్న వేడుకలు రవీంద్రభారతిలో నిర్వహించాలి అంటే అడ్డుకున్నారని.. ఇప్పుడు ప్రభుత్వమే అధికారికంగా నిర్వహిస్తుందని తెలిపారు.

రవీంద్రభారతిలో సర్దార్ సర్వాయి పాపన్న గౌడ్ మహరాజ్ జయంతి వేడుకలను ఘనంగా నిర్వహించారు. బీసీ వెల్ఫేర్ డిపార్ట్ మెంట్ ఆధ్వర్యంలో ఇవి జరిగాయి. ఈ వేడుకలకు మంత్రితోపాటు శాసనమండలి వైస్ చైర్మన్ బండా ప్రకాష్, పలువురు ఛైర్మన్ లు, నేతలు హాజరయ్యారు.

రేవంత్ ఏమన్నారంటే..!

కాంగ్రెస్ శ్రేణులను వేధించే పోలీసుల పేర్లు డైరీలో రాసిపెట్టుకుంటున్నాం. మంత్రి శ్రీనివాస్ గౌడ్ చెప్పినట్లు పోలీసులు చేస్తున్నారు. మహబూబ్ నగర్ పోలీసులను హెచ్చరిస్తున్నా.. రెడ్ డైరీలో మీ పేర్ల రాసిపెడతాం. అసలు, వడ్డీ కలిసి తిరిగి చెల్లిస్తాం. మీ లాంటి వాళ్లను నడిబజార్లో బట్టలూడదీసి నడిపించిన చరిత్ర తెలంగాణకు ఉంది. భూకబ్జాలకు పాల్పడుతున్న శ్రీనివాస్ గౌడ్ చివరకు వక్ఫ్ భూములను సైతం వదలడం లేదు.

వైటీపీ (YTP) అధ్యక్షురాలు షర్మిల (Sharmila) ఇంటి దగ్గర ఉద్రిక్త పరిస్థితి నెలకొంది. గజ్వేల్ (Gajwel) వెళ్లేందుకు బయటకొచ్చిన ఆమెను పోలీసులు (Police) అడ్డుకున్నారు. హౌస్ అరెస్ట్ చేశారు. దీంతో షర్మిల తీవ్ర ఆగ్రహం వ్యక్తం చేశారు. ఎందుకు అడ్డుకుంటున్నారని నిలదీశారు. ఈ సందర్భంగా ఓ ఆసక్తికర సన్నివేశం కనిపించింది. పోలీసులు తనను అడ్డుకోవడంపై నిరసనగా.. వారికి హారతి ఇచ్చారు షర్మిల. దీంతో వారంతా షాకయ్యారు.

గజ్వేల్ పర్యటనకు అనుమతి లేదని అందుకే అడ్డుకున్నామని అంటున్నారు పోలీసులు. షర్మిల తన ఇంటి దగ్గరే బైఠాయించి నిరసనకు దిగారు. పార్టీ నేతలు, కార్యకర్తలతో కలిసి ప్రభుత్వానికి వ్యతిరేకంగా ప్లకార్డులు ప్రదర్శించారు. దళితుల ఓట్ల కోసమే కేసీఆర్ దొంగహామీలు ఇస్తున్నారని మండిపడ్డారు షర్మిల. తెలంగాణ రాష్ట్రం ఏర్పడ్డాక దళితుడ్ని సీఎం చేస్తానని కేసీఆర్ మాట తప్పారని.. అలాగే, మూడెకరాల భూమి అంటూ ఘరానా మోసం చేశారని ఆరోపించారు.

గజ్వేల్ పర్యటన ఎందుకు?

తమకు ప్రభుత్వ పథకాలు అందడం లేదని.. గజ్వేల్ నియోజకవర్గంలోని తీగుల్ గ్రామానికి చెందిన కొందరు గురువారం వైటీపీ ఆఫీస్ కు వెళ్లారు. ఆ పార్టీ నేత నీలం రమేశ్ కు వినతిపత్రం ఇచ్చి షర్మిలకు అందజేయాలని కోరారు. తమ గ్రామం వచ్చి దళితబంధు పథకంలో అక్రమాలపై ప్రశ్నించాలని విన్నవించారు. ఈ విషయం షర్మిల దృష్టికి వెళ్లింది. ఆమె.. తీగుల్ గ్రామానికి వెళ్లేందుకు నిర్ణయించుకున్నారు.

షర్మిల గజ్వేల్ వస్తున్నారని తెలిసి బీఆర్ఎస్ వర్గాలు తీవ్రంగా వ్యతిరేకించాయి. ఆమె పర్యటనను అడ్డుకుంటామని స్పష్టం చేశాయి. దీంతో దీంతో తన టూర్ కు భద్రత కల్పించాలని పోలీసులను కోరారు షర్మిల. సీఎం ఇలాకాలో జరిగిన అక్రమాలు భయటపడతాయని బీఆర్ఎస్ పార్టీకి భయం పట్టుకుందని ఆమె మండిపడ్డారు. ఇదే క్రమంలో శుక్రవారం గజ్వేల్ కు వెళ్లేందుకు ఆమె ప్రయత్నించగా పోలీసులు అడ్డుకున్నారు.

మొన్నటి వరదలు, నష్టంపై సమగ్ర నివేదిక తయారీకి తమకు ఇంకా గడువు కావాలని తెలంగాణ ప్రభుత్వం స్పష్టం చేసింది. ఈ మేరకు హైకోర్టుకు తెలిపింది. రాష్ట్రంలో వర్షాలు, వరదలపై దాఖలైన పిల్ పై విచారణ జరగగా.. నివేదిక సమర్పించడానికి మరింత సమయం కావాలని కోరింది సర్కార్. వరదలు, నివారణ చర్యలు, ఎక్స్ గ్రేషియా వంటి వివరాలపై పూర్తి నివేదికను రెండు రోజుల్లో అందజేస్తామని తెలిపింది.

ప్రభుత్వం సమయం కోరడంతో.. ఆ నివేదిక వచ్చాకే వాదనలు వినిపిస్తామని పిటిషనర్ తరపు లాయర్ కోర్టుకు తెలిపారు. వరదల ప్రభావంతో మోరంచపల్లిలో చనిపోయన మరో ఇద్దరి పేర్లను లిస్టులోకి చేర్చలేదని అన్నారు. వారిని కూడా చేర్చాలని కోరారు. దీంతో దీన్ని పరిశీలించాలని ప్రభుత్వాన్నిఆదేశించింది హైకోర్టు. ఇప్పుడు మళ్లీ వర్షాలు ఉంటాయని వాతావరశాఖ హెచ్చరికలు జారీ చేసిన నేపథ్యంలో ప్రత్యేక వినతి చేశారు పిటిషనర్.

వర్షాల నేపథ్యంలో ఈసారన్నా మరింత అప్రమత్తంగా ఉండాలని.. ప్రాణనష్టం జరగకుండా చర్యలు తీసుకొనేలా ప్రభుత్వాన్ని ఆదేశించాలని కోరారు. తదుపరి విచారణను ఈ నెల 22కు వాయిదా వేసింది న్యాయస్థానం. గత విచారణ సందర్భంగా ప్రభుత్వంపై ఆగ్రహం వ్యక్తం చేసింది హైకోర్టు. తమకు పూర్తిస్థాయి నివేదిక ఇవ్వాలని అంతకుముందు ఆదేశించిన నేపథ్యంలో రెండోసారి నివేదికను అందజేసింది ప్రభుత్వం. వరదల ప్రభావంతో 49 మంది మృతి చెందినట్లు రిపోర్ట్ లో పేర్కొంది. అలాగే, రూ.500 కోట్లను పునరావాసం కోసం కేటాయించినట్లు వివరించింది. అయితే.. ఈ నివేదిక కూడా అసంపూర్తిగా ఉందని పిటిషనర్ తరుఫు న్యాయవాది వాదించారు.

వాదనలు విన్న తర్వాత న్యాయస్థానం ప్రభుత్వంపై అసహనం వ్యక్తం చేసింది. రూ.500 కోట్లు ఎవరికి ఎంత పరిహారం ఇచ్చారో నివేదికలో లేదని తెలిపింది. అలాగే, ఆ నిధులను ఎలా ఖర్చు చేశారో పూర్తి వివరాలతో సమగ్ర నివేదిక ఇవ్వాలని మరోసారి ఆదేశించింది. గురువారం మరోసారి విచారణ జరపగా.. ఇంకా టైమ్ కావాలని ప్రభుత్వం కోరింది.

తెలంగాణ (Telangana) మంత్రివర్గంలో అత్యధికంగా భూ కబ్జా ఆరోపణలు మల్లారెడ్డి (Mallareddy) పైనే వచ్చి ఉంటాయి. చెరువు భూమి కబ్జా, శిఖం భూమి మాయం.. ఇలా ఎప్పుడూ ఆయన పేరు మార్మోగుతుంటుంది. తాజాగా గుండ్ల పోచంపల్లిలోని తన కాలేజీ ఎదురుగా ఉన్న భూమిని కబ్జా చేసేందుకు చూస్తున్నారని మల్లారెడ్డిపై ఆరోపణలు వినిపిస్తున్నాయి. బాధితులు ఏకంగా ప్రెస్ మీట్ పెట్టి ఆధారాలను మీడియాకు వివరించారు.

మేడ్చల్ (Medchal) జిల్లా గుండ్ల పోచంపల్లిలోని మంత్రి మల్లారెడ్డి కాలేజ్ ఎదురుగా సుంకరి కుటుంబానికి 8 ఎకరాల భూమి ఉంది. అందులో బాధితులు నాలుగున్నర ఎకరాలు కొనుగోలు చేశారు. మరో రెండెకరాలు మంత్రి మల్లారెడ్డి తన భార్య పేరు మీద రిజిస్ట్రేషన్ చేయించారు. అయితే.. మల్లారెడ్డి మొత్తం భూమిని కాజేసేందుకు కట్ర చేస్తున్నారని అంటున్నారు బాధితులు మర్రి వెంకట్ రెడ్డి, దయాసాగర్ రెడ్డి.

మంత్రి మల్లారెడ్డి నుంచి తమకు ప్రాణహాని ఉందని రక్షణ కల్పించాలని బషీర్ బాగ్ ప్రెస్ క్లబ్ లో మాట్లాడారు బాధితులు. తమ భూమిలోకి వెళ్లకుండా అనుచరులతో మల్లారెడ్డి దాడి చేయించారని ఆరోపించారు. అలాగే, మంత్రి బావమరిది శ్రీనివాస్ రెడ్డి, అతని స్నేహితుడు సురేష్ రెడ్డి గన్ తో షూట్ చేస్తామని వార్నింగ్ ఇచ్చారని తెలిపారు. 30 కోట్ల భూమిని కాజేసేందుకు మంత్రి అన్నిరకాల కుట్రలు చేస్తున్నారని ఆరోపించారు.

పోలీసులకు ఫిర్యాదు చేసినా పట్టించుకోవడం లేదని ఆవేదన వ్యక్తం చేశారు బాధితులు. ఎలాగైనా తమ భూమి తమకు ఇప్పించాలని విజ్ఞప్తి చేస్తున్నారు. భూ రికార్డుల్లో తమ పేరు తొలగించి అక్రమంగా వారి పేరు మీదకు మార్చుకున్నారని వాపోయారు. తమలాగే చాలామంది బాధితులు మేడ్చల్ జిల్లాలో ఉన్నారని.. భయపడి ఎవరూ ముందుకు రావడం లేదని.. మల్లారెడ్డి కబ్జాలపై దృష్టి పెట్టాలని ప్రభుత్వాన్ని కోరారు.