Breaking News

అలహాబాద్ (Allahabad) హైకోర్టు (HighCourt) జ్ఞాన‌వాపి మసీదు (Gyanvapi Mosque) కేసులో నేడు సంచలన తీర్పు వెల్లడించింది. మసీదులో హిందువుల పూజకు అనుమతిస్తూ వారణాసి (Varanasi) జిల్లా కోర్టు ఇచ్చిన తీర్పును సవాల్ చేస్తూ గతంలో మసీదు కమిటీ సభ్యుడు అంజుమాన్ ఇంతేజామియా దాఖలు చేసిన పిటిషన్ పై ఈ రోజు విచారణ జరిపిన న్యాయస్థానం.. హిందువులు పూజలు చేసుకోవచ్చని తీర్పు వెల్లడించింది.

కాగా హిందువులు వారణాసి జిల్లా కోర్టులో జ్ఞాన‌వాపిపై పిటిషన్ దాఖలు చేశారు. వివాదస్పదమైన జ్ఞానవాసీ మసీదును.. తమ ఆలయాన్ని కూలగొట్టి నిర్మించారని అందులో పేర్కొన్నారు. ఈ పిటిషన్‌ను విచారణకు స్వీకరించిన జిల్లా కోర్టు.. మసీదులో సర్వే చేసి రిపోర్ట్ ఇవ్వాలని ఏఎస్‌ఐను ఆదేశించింది. ఈ క్రమంలో జ్ఞానవాపి మసీదు, ఆలయంపైనే నిర్మించారని ఏఎస్ఐ, కోర్టుకు నివేదిక సమర్పించింది.

అయితే సోమవారం ఈ అంశంపై విచారణ చేపట్టిన న్యాస్థానం.. హిందువులకు అనుకూలంగా తీర్పు వెలువరించింది. పూజలు చేసుకోవచ్చని తెలిపింది. ఈ విషయంలో ఎలాంటి అభ్యంతరాలు లేవని, ఈ ఇష్యూను మరోసారి లేవనెత్తాల్సిన అవసరం కూడా లేదంటూ వ్యాఖ్యానించింది. దీంతో హిందువులకు భారీ ఊరట లభించిది. ఇక ఉత్త‌ర‌ప్ర‌దేశ్, వార‌ణాసిలో ఉన్న పురాతన కట్టడంపై ఎప్పటి నుంచో మతపరమైన వివాదాలు జరుగుతున్న సంగతి తెలిసిందే.

ఇటీవల వారణాసి జిల్లా కోర్టు, మసీదు సెల్లార్‌లో హిందువుల ప్రార్థనలకు అనుమతించాలని జనవరి 31న తీర్పునిచ్చింది. అంతేకాదు విగ్రహాల పూజలకు ఏడు రోజుల్లో ఏర్పాట్లు చేయాలని అధికారులను ఆదేశించింది. అయితే దీనిని వ్యతిరేకిస్తూ కొన్ని గంటల్లోనే అంజుమాన్ ఇంతేజామియా నేతృత్వంలో మసీదు కమిటీ అలహాబాద్ హైకోర్టును ఆశ్రయించింది. ప్రస్తుతం హిందువులకు అనుకూలంగా తీర్పు వెలువడిన నేపథ్యంలో.. మసీదు కమిటీ సుప్రీంకోర్టును ఆశ్రయిస్తామని తెలిపింది.

కాంగ్రెస్ పార్టీకి సార్వత్రిక ఎన్నికల ముందు బిగ్ షాక్ తగిలింది. అరుణాచల్ ప్రదేశ్‌లో (Arunachal Pradesh) ఇద్దరు కాంగ్రెస్ (Congress) ఎమ్మెల్యేలు, నేషనల్ పీపుల్స్ పార్టీకి చెందిన మరో ఇద్దరు ఎమ్మెల్యేలు బీజేపీ (BJP)లో చేరారు. ఇటానగర్‌, బీజేపీ ప్రధాన కార్యాలయంలో ఖండూ సమక్షంలో కాంగ్రెస్ సీనియర్ ఎమ్మెల్యే, మాజీ కేంద్ర మంత్రి నినాంగ్ ఎరింగ్, వాంగ్లిన్ లోవాంగ్‌డాంగ్ లు, ఎన్ సీపీ లీడర్లు ముచ్చు మితి, గోకర్ బాసర్ బీజేపీలో చేరారు.

ఈ నలుగురు ఎమ్మెల్యేలను చేర్చుకోవడంతో బీజేపీకి శాసనసభలో ప్రస్తుతం 53 మంది ఎమ్మెల్యేలు అయ్యారు. మరోవైపు ముగ్గురు స్వతంత్ర ఎమ్మెల్యేలు బయటి నుంచి మద్దతు ఇస్తున్నారు. కాగా 60 మంది సభ్యులున్న అరుణాచల్ ప్రదేశ్‌ అసెంబ్లీలో ఇప్పుడు కాంగ్రెస్, ఎన్‌పీపీలకు ఇద్దరు చొప్పున ఎమ్మెల్యేలు ఉన్నారు. అరుణాచల్ ప్రదేశ్‌లో ఈ ఏడాది లోక్‌సభ, అసెంబ్లీ ఎన్నికలు ఒకేసారి జరగనున్నాయి.

మరోవైపు అరుణాచల్ ప్రదేశ్ సీఎం పెమా ఖండూ చేరికలపై కీలక వ్యాఖ్యలు చేశారు. ప్రధాని నరేంద్ర మోడీ (Modi) మద్దతుతో కూడిన సుపరిపాలన సూత్రాలపై నమ్మకం కలిగి.. కాంగ్రెస్, ఎన్పీసీ (NCP) నుంచి బీజేపీలోకి వస్తున్నారని సోషల్ మీడియా ద్వారా తెలిపారు. ఇక లోక్‌సభ ఎన్నికలకు ముందు కాంగ్రెస్‌ పార్టీకి వరుస ఎదురుదెబ్బలు తగులుతున్నాయి. మోజారిటీ స్థానాలను కైవసం చేసుకోవాలనే పట్టుదలతో ఉన్న హస్తంకు.. బీజేపీ మింగుడు పడకుండా తయారైందని భావిస్తున్నారు.

సరైన సమయంలో వ్యూహాత్మకంగా వ్యవహరిస్తున్న కాషాయం చేరికల విషయంలో వెనక్కు తగ్గేదే లేదనేలా ఆపరేషన్ ఆకర్ష్ విజయవంతంగా కొనసాగిస్తుంది. ఇదిలా ఉండగా.. తమిళనాడు (Tamilanadu)లో సైతం సేమ్ సీన్ రిపీట్ అయ్యింది. విళవంగోడు నియోజకవర్గ మహిళా ఎమ్మెల్యే విజయతరణి (MLA Vijayatharani) బీజేపీ పెద్దల సమక్షంలో కాషాయ కండువా కప్పుకొన్నారు. స్వాతంత్య్ర సమరయోధుడు దేశీయ వినాయగం పిళ్లై ముదిమనవరాలైన ఆమె రాష్ట్ర కాంగ్రెస్ లో పలు కీలక బాధ్యతల్లో రాణించారు. కన్నియాకుమారి జిల్లా నుంచి కాంగ్రెస్‌ తరఫున మూడు సార్లు ఎమ్మెల్యేగా ఎంపికయ్యారు.

దేశ ప్రధాని మోడీ (PM Modi) తాను చేసే ప్రత్యేకమైన పనుల వల్ల ఎప్పుడు ట్రెండింగ్ లో ఉండటం తెలిసిందే.. ఈ మధ్య కాలంలో వయస్సుతో సంబంధం లేకుండా.. ఈ ఏడాది లక్షదీప్ పర్యటనలో సాహసంతో కూడిన స్విమ్మింగ్‌, స్నార్కెలింగ్ చేసి అందరిని ఆశ్చర్యపరిచారు. తాజాగా నేడు గుజరాత్‌ (Gujarath) తీరంలోని అరేబియా సముద్రంలో మరో డేరింగ్ స్టంట్ చేశారు. అంతా ద్వారకా నగరం మునిగిపోయిందని భావించే చోట పూజలు చేశారు.

ఈ డైవింగ్‌కు సంబంధించిన చిత్రాలను ఎక్స్ (X) వేదికగా పోస్ట్‌ చేశారు. డైవింగ్‌కు సంబంధించిన పలు చిత్రాలను జతచేశారు. సాహసోపేతమైన స్టంట్‌ కోసం స్కూబా (Scuba) గేర్ ధరించిన ప్రధాని, పలువురు డైవర్ల సాయంతో లోపలికి వెళ్లారు. నెమలి ఈకలతో వెళ్లి పురాతన ద్వారకా నగరానికి నివాళులర్పించారు. మరోవైపు నీటిలో మునిగి ఉన్న ద్వారకా నగరంలో ప్రార్థన చేయడం దివ్యమైన అనుభూతినిచ్చిందని పేర్కొన్నారు.

నేను ఎన్నో సంవత్సరాల నుంచి సముద్రంలోని ద్వారకా నగరాన్ని (Dwarka Nagaram) సందర్శించాలని అనుకొన్నా. అక్కడకు చేరుకొని ప్రార్థనలు చేయాలనే కోరిక ఉండేది. ఎట్టకేలకు అది ఈరోజు నెరవేరిందని తెలిపారు.. సముద్ర గర్భంలోకి వెళ్లే సమయంలో నేను చాలా ఎమోషనల్​ అయ్యానని మోడీ వెల్లడించారు. కాగా స్కూబా డైవింగ్​ అనంతరం అనేక అభివృద్ధి పనులకు శంకుస్థాపనలు, ప్రారంభోత్సవాలు చేశారు.

అదీగాక ఏపీలోని మంగళగిరి వద్ద నిర్మించిన అఖిల భారత వైద్య విజ్ఞాన సంస్థ ఎయిమ్స్‌ను జాతికి అంకితం చేశారు. ఇదే వేదిక మీద నుంచి పంజాబ్‌లోని బఠిండా, ఉత్తర్‌ప్రదేశ్‌లోని రాయ్‌బరేలీ, బంగాల్​ నుంచి కల్యాణి, గుజరాత్‌లోని రాజ్‌కోట్‌ ఎయిమ్స్‌ ఆస్పత్రుల (AIIMS Hospitals)ను ప్రారంభించారు. ఈ నాలుగు ఆస్పత్రులను జాతికి అంకితం చేశారు.

మరోవైపు రూ.11,500 కోట్ల అంచనా వ్యయంతో 23 రాష్ట్రాల్లో నిర్మించనున్న 200 ఆరోగ్య మౌలిక సదుపాయాల ప్రాజెక్టులకు సైతం శంకుస్థాపన చేశారు. వీటన్నింటినీ గుజరాత్‌లోని రాజ్‌కోట్‌ నుంచి మోడీ వర్చువల్‌గా ప్రారంభించారు.