Breaking News

డ్రాగన్ కంట్రీలో న్యుమోనియా తరహా (Pneumonia)కేసులు పెరుగుతున్నాయి. ఈ నేపథ్యంలో భారత ప్రభుత్వం (Govt of India) అలర్ట్ అయింది. చైనాలో పరిస్థితులను ఇప్పటికే నిశితంగా పరిశీలిస్తున్నట్టు కేంద్రం వెల్లడించింది. ఈ క్రమంలో తాజాగా న్యుమోనియాపై పోరుకు రాష్ట్రాల్లో ఆస్పత్రుల సంసిద్దతను సమీక్షించాలని రాష్ట్రాలను కోరినట్టు కేంద్ర ఆరోగ్య శాఖ ఓ ప్రకటనలో వెల్లడించింది.

ప్రస్తుతానికి భయపడాల్సిన అవసరం లేదని ఇప్పటికే కేంద్రం వెల్లడించింది. అదే సమయంలో ఎలాంటి సమస్య తలెత్తినా ఎదుర్కొనేందుకు రెడీగా ఉండాలని రాష్ట్రాలకు సూచనలు చేసింది. ఆస్పత్రుల్లో సరిపడా మానవ వనరులు ఉండేలా చూసుకోవాలని ఆదేశించింది. దీంతో పాటు ఆస్పత్రుల్లో సరిపడా బెడ్లు, అత్యవసర ఔషధాలు, మెడికల్ ఆక్సిజన్, పీపీఈ కిట్లను అందుబాటులో ఉండేలా చర్యలు తీసుకోవాలని పేర్కొంది.

ఆరోగ్య సంస్థలు ఆక్సిజన్ ప్లాంట్లు, వెంటిలేటర్లు పని తీరును సరి చూసుకోవాలని ఆదేశించింది. అంటువ్యాధుల వ్యాప్తి నివారణకు ఇన్ ఫెక్షన్ నియంత్రణ ప్రోటోకాల్స్ ను నిశితంగా సమీక్షించాలని కేంద్ర ఆరోగ్య శాఖ ఆదేశాల్లో తెలిపింది. కరోనా సమయంలో సవరించిన సర్వేలైన్స్ వ్యూహానికి సంబంధించి కార్యాచరణ మార్గదర్శకాలు అమలు చేయాలని సూచనలు చేసింది.

ఇటీవల చైనాలో న్యుమోనియా లక్షణాలతో ఆస్పత్రుల్లో చేరుతున్నారు. దీంతో ఆస్పత్రులన్నీ కిటకిటలాడుతున్నాయి. ఈ నేపథ్యంలో ప్రపంచ ఆరోగ్య సంస్థ (WHO) ఆందోళన వ్యక్తం చేసింది. వ్యాధికి సంబంధంచి మరింత డేటాను తమతో పంచుకోవాలని చైనాను కోరింది. కేసులు పెరుగుతున్న నేపథ్యంలో భారత్ అలర్ట్ అయింది. కరోనా అనుభవాల నేపథ్యంలో చైనాలో పరిస్థితులను భారత్ నిశితంగా పరిశీలిస్తోంది.

దేశం ఎదుర్కొన్న అత్యంత క్రూరమైన దాడుల్లో ముంబై ఉగ్రదాడి (Mumbai attack) ఒకటని ప్రధాని మోడీ (PM Modi) అన్నారు. దేశంపై అత్యంత హేయమైన ఉగ్రదాడి ఇదే రోజున జరిగిందని ఆయన గుర్తు చేశారు. ఈ ఘటనతో దేశం మొత్తం ఒక్కసారిగా ఉలిక్కిపడిందన్నారు. అందుకే నవంబర్ 26ను దేశ ప్రజలు మరచిపోలేరని తెలిపారు. ఇప్పుడు ఆ దాడి నుంచి కోలుకున్నామని చెప్పారు.

ప్రస్తుతం ఉగ్రవాదాన్ని భారత్ సమర్థవంతంగా అణచి వేస్తోందని మోడీ తెలిపారు. మన్ కీ బాత్ రేడియో కార్యక్రమం 107వ ఎడిషన్‌లో ప్రధాని మోడీ మాట్లాడారు. నవంబర్ 26కు మరో ప్రాధాన్యత ఉందని గుర్తు చేశారు. ప్రతి ఏడాది నవంబర్ 26న రాజ్యాంగ దినోత్సవాన్ని జరుపుకుంటున్నామని తెలిపారు. 1949 నవంబర్ 26న రాజ్యాంగాన్ని రాజ్యాంగ పరిషత్ ఆమోదించిందని చెప్పారు. రాజ్యాంగ దినోత్సవం సందర్బంగా ప్రజలకు ఆయన శుభాకాంక్షలు తెలపారు.

‘స్వచ్ఛ భారత్ అభియాన్’ విజయం స్ఫూర్తిదాయకంగా మారుతున్నట్లే, ‘వోకల్ ఫర్ లోకల్’ విజయం అభివృద్ధి చెందిన, సంపన్న భారతదేశానికి తలుపులు తెరుస్తోందన్నారు. దేశ నిర్మాణంలో ప్రజలు భాగస్వామ్యం అయినప్పుడు దేశ పురోగతిని ఏ శక్తి అడ్డుకోలేదన్నారు. 21వ శతాబ్దపు అతిపెద్ద సవాళ్లలో ‘నీటి భద్రత’ అనేది ముఖ్యమైనదన్నారు. నీటిని సంరక్షించడమంటే జీవితాన్ని రక్షించడమేనన్నారు.

ఇటీవలి పండుగల సందర్భంగా దాదాపు రూ. 4 లక్షల కోట్ల వ్యాపారం జరిగిందన్నారు. ప్రజలు మేడ్ ఇన్ ఇండియా ఉత్పత్తులను కొనుగోలు చేసేందుకు ఆసక్తి చూపించారని చెప్పారు. అదే సమయంలో ఎన్ఆర్ఐలు విదేశాల్లో వివాహాలను నిర్వహించే పద్ధతిని కూడా ఈ సందర్బంగా ఆయన ప్రస్తావించారు. అలాంటి వేడుకలన్నింటినీ భారత్ లోనే నిర్వహించుకోవాలని సూచించారు.

కాంగ్రెస్ అగ్రనేత రాహుల్ గాంధీ (Rahul Gandhi)|పై ఏఐఎంఐఎం చీఫ్, ఎంపీ అసదుద్దీన్ ఓవైసీ (Asaduddin Owaisi) తీవ్ర స్థాయిలో మండిపడ్డారు. రాహుల్ గాంధీ కేవలం రెండింటిని మాత్రమే బాగా ప్రేమిస్తారని అన్నారు. అందులో ఒకటి ఇటలీ, మరొకటి ప్రధాని మోడీ అని తెలిపారు. రాహుల్ గాంధీ తల్లి ఇటలీ నుంచి వచ్చారకు కాబట్టి రాహుల్ కు ఇటలీ అంటే ఇష్టమని వెల్లడించారు.

ఇక ప్రధాని మోడీ రాహుల్ కు అధికారం ఇస్తారు కాబట్టి మోడి ఆయనకు అధికారం ఇస్తారు కాబట్టి రాహుల్ కు మోడీ అంటే ఇష్టమని పేర్కొన్నారు. యూపీలో అమేథి నియోజక వర్గంలో రాహుల్ గాంధీ ఓటమిని ఈ సందర్బంగా ఆయన ప్రస్తావించారు. ప్రజలు రాహుల్ గాంధీకి కాకుండా స్మృతీ ఇరానీకి ఎందుకు మద్దతు తెలిపారని ఆయన ఎద్దేవా చేశారు.

దయచేసి ఇక నుంచి రాహుల్ గాంధీ ఒంటరిగా ఉండవద్దని తాను విజ్ఞప్తి చేస్తున్నట్టు చెప్పారు. రాహుల్ గాంధీకి 50 ఏండ్లు నిండాయని అన్నారు. ఎంపీ రాహుల్ గాంధీకి ఇంట్లో తోడు లేకపోవడంతో ఆయన ఎప్పడూ స్నేహితుల గురించే ఆలోచిస్తున్నారంటూ చురకలు అంటించారు. ఇకపై ఇలాంటి పిచ్చికి పాల్పడవద్దని, ఇది సరైన వయసు కాదని సెటైర్లు వేశారు.

ఇక నుంచి రాహుల్ గాంధీ ఇలాంటి పిచ్చి పనులకు పాల్పడవద్దని సూచించారు. అలాంటి పిచ్చి పనులు చేసేందుకు ఇది సరైన సమయం కాదన్నారు. రాహుల్ గాంధీ తెలంగాణలో పర్యటిస్తున్నారు. ఎన్నికల ప్రచారంలో భాగంగా రాహుల్ గాంధీ మాట్లాడుతూ…. అవినీతి ప్రభుత్వం అంటూ బీఆర్ఎస్ సర్కార్ పై విమర్శలు గుప్పించారు. మోడీకి ఇద్దరు మిత్రులు ఉన్నారని తెలిపారు. అందులో ఒకరు సీఎం కేసీఆర్ అని, మరొకరు అసదుద్దీన్ ఓవైసీ అని ఆరోపించారు.

ఉత్తరాఖండ్ టన్నెల్‌ లో రెస్క్యూ ఆపరేషన్ కొనసాగుతోంది. ఆదివారం మధ్యాహ్నం వర్టికల్ డ్రిల్లింగ్ పనులు మొదలు పెట్టారు. ఈ మేరకు అధికార వర్గాలు వెల్లడించాయి. శనివారం ఆగర్ మెషిన్ బ్లేడ్ దెబ్బ తినడంతో అధికారులు ప్లాన్ బీ అమలు చేయాలని నిర్ణయించారు. ఇందులో భాగంగానే వర్టికల్ డ్రిల్లింగ్ ను మొదలుపెట్టినట్టు వివరించారు.

ఎస్కేప్ పైప్ నుంచి ఆగర్ యంత్రాన్ని బయటకు తీయగానే 10 మీటర్ల వరకు మాన్యువల్ డ్రిల్లింగ్ చేస్తారని అంతర్జాతీయ టన్నెలింగ్ నిపుణుడు ఆర్నాల్డ్ డిక్స్ తెలిపారు. రెస్క్యూ ఆపరేషన్ పూర్తయ్యేందుకు మరితం సమయం పట్టే అవకాశం ఉన్నట్టు నేషనల్ డిజాస్టర్ మేనేజ్ మెంట్ అథారిటీ అధికారి లెఫ్ట్ నెంట్(రిటైర్డ్) వెల్లడించారు.

సొరంగంలో ఇప్పటికే తవ్విన 47 మీటర్ల కందకంలోకి రెస్క్యూ సిబ్బంది ప్రవేశించి మాన్యువల్ డ్రిల్లింగ్ చేస్తారని తెలిపారు. వర్టికల్ డ్రిల్లింగ్ కోసం ప్రత్యేకమైన మెషిన్లను తీసుకువచ్చారు. వాటిని బోర్డర్ రోడ్ ఆర్గనైజేషన్ నిర్మించిన రోడ్డు మార్గం గుండా టన్నెల్ పైకి తీసుకు వెళ్లారు. అంతకు ముందు 47 మీటర్ల వరకు డ్రిల్లింగ్ చేశారు. మరో 15 మీటర్లు మిగిలి వుండగా ఆగర్ మిషన్ బ్లేడ్ దెబ్బతింది.

రెస్క్యూ ఆపరేషన్ ను సీఎం పుష్కర్ సింగ్ ధామీ పర్యవేక్షిస్తున్నారు. హైదరాబాద్ నుంచి ప్లాస్మా కట్టర్‌ ను ఎయిర్ లిఫ్ట్ చేస్తున్నట్టు ఆయన తెలిపారు. తాజాగా రెస్క్యూ ఆపరేషన్ పై వివిధ ఏజెన్సీలు, అధికారులతో సీఎం ఉన్నత స్థాయి సమావేశాన్ని నిర్వహించారు.